Author: Ayesha Rehmani

وفاقی وزیر دفاع خواجہ محمد آصف نے کہا ہے کہ کالعدم بلوچستان لبریشن آرمی (بی ایل اے) بھارت کی پراکسی ہے، ان شا اللہ تعالیٰ دہشتگردی کا مکمل خاتمہ کیا جائے گا،بھارت اور کالعدم بی ایل اے ایک ہی سکے کے 2 رخ ہیں –

وفاقی وزیر دفاع خواجہ محمد آصف نے سیالکوٹ میں میڈیا سے گفتگو میں کہا کہ گرفتار شدہ دہشتگردوں کے انکشافات سے ثابت ہوتا کہ دہشتگردی میں بھارت ملوث ہے کالعدم بلوچ لبریشن آرمی (بی ایل اے) انسانی حقوق کا لبادہ اوڑھ کر دہشتگردی میں ملوث ہے اور شہری آبادی، مزدوروں، خواتین اور بچوں کو نشانہ بنا رہی ہے۔

انہوں نے واضح کیا کہ بلوچستان میں حالیہ منظم دہشتگرد حملے کو سیکیورٹی فورسز نے مکمل طور پر ناکام بنا دیا ہے اور دہشتگرد بے شمار لاشیں چھوڑ کر فرار ہو گئے۔ دہشتگردوں کا مقصد پاکستان کو عدم استحکام اور معاشی تباہی کی طرف دھکیلنا ہے، جبکہ ملک گزشتہ 2 برس میں معاشی کھنڈرات سے نکل کر بہتری کی راہ پر گامزن ہو چکا ہے بھارت اور کالعدم بی ایل اے ایک ہی سکے کے 2 رخ ہیں بی ایل اے نہ صرف پاکستان بلکہ عالمی سطح پر بھی کالعد م تنظیم ہے گر فتا ر دہشتگردوں کے بیانات اور دستیاب انٹیلی جنس معلومات سے بھارت کے کردار کی نشاندہی ہوتی ہے، جبکہ دہشتگردوں کے روابط بھار ت اور افغا نستا ن میں موجود ہینڈلرز سے بھی ملتے ہیں۔

ہم ایک ہزار سال تک جنگ لڑیں گے، پاکستان ٹوٹنے کے لیے نہیں بنا،وزیراعلیٰ بلوچستان

انہوں نے بتایا کہ گزشتہ روز بلوچستان میں دہشتگردی کے 12 مختلف واقعات پیش آئے، جن میں نوشکی، دالبندین اور ایف سی ہیڈکوارٹرز کو نشانہ بنایا گیا۔ 2 مقامات پر خواتین کو خودکش حملوں کے لیے استعمال کیا گیا، پسنی میں مارے جانے والی خودکش بمبار بھی خاتون تھی، جبکہ کراچی میں ایک ناکام خودکش بمبار نے اعترافِ جرم کیا،سیکیورٹی فورسز کلیئرنس آپریشن میں مصروف ہیں اور ابتدائی اطلاعات کے مطابق گزشتہ 2 دنوں میں مارے جانے والے دہشتگردوں کی تعداد 100 سے تجاوز کرسکتی ہے، تاہم ان کارروائیوں میں سیکیورٹی فورسز کے 11 جوان شہید ہوئے۔

انڈر 19ورلڈ کپ: بھارت کی پاکستان کیخلاف بیٹنگ جاری

خواجہ آصف نے دہشتگردوں کی جانب سے لاپتا افراد کے بیانیے کو فراڈ قرار دیتے ہوئے کہا کہ اس کا استعمال عوام کو گمراہ کرنے کے لیے کیا جا رہا ہے بلوچستان سمیت ملک کے تمام صوبوں میں امن کا قیام قومی ایجنڈا ہے اور دہشتگردوں کو آنے والے دنوں میں مزید سخت جواب دیا جائے گابھارت ماضی میں بھی فارن فنڈنگ کے ذریعے شہریوں اور سرکاری ملازمین کو نشانہ بناتا رہا ہے، تاہم پاکستان پوری قوت سے دہشتگردی کے خلاف کھڑا ہے ملک کی حفاظت کے لیے جو بھی کرنا پڑا کیا جائے گا اور دہشتگردوں کا مکمل خاتمہ یقینی بنایا جائے گا، دہشتگردوں کے سہولت کاروں کو بھی وہیں بھیجیں گے جہاں دہشتگردوں کو بھیجا جا رہا ہے۔

پاکستان کا خوف :بھارت کے دفاعی بجٹ میں 20 فیصد اضافے کا مطالبہ

اسلام آباد: بانی پی ٹی آئی عمران خان میں آنکھوں کی سنگین بیماری کی سینٹرل ریٹینل وین اوکلوژن (CRVO) کی تشخیص ہوئی ہے

ماہرین امراض چشم کے مطابق یہ عارضہ عموماً عمر رسیدہ افراد میں پایا جاتا ہے اور اس کا تعلق دل اور خون کی نالیوں سے جڑے خطراتی عوامل جیسے ہائی بلڈ پریشر، کولیسٹرول کی زیادتی، ذیابیطس اور دل کی بیماریوں سے ہوتا ہے سی آر وی او اس وقت ہوتا ہے جب ریٹینا (آنکھ کے پردے) سے خون واپس لے جانے والی مرکزی رگ، جسے سینٹرل ریٹینل وین کہا جاتا ہے، بند ہو جاتی ہے، جو عموماً خون کے لوتھڑے (clot) کے باعث ہوتا ہے اس رکاوٹ کے نتیجے میں خون کی روانی متاثر ہو جاتی ہے، جس سے ریٹینا میں سوجن، رطوبت اور خون کا رساؤ اور بعض اوقات آنکھ کے اندر خون بہنے کی کیفیت پیدا ہو جاتی ہے اس کے باعث نظر اچانک یا بتدریج کمزور ہو سکتی ہے۔

سی‌آر وی او کے مریضوں کو قریبی اور مسلسل نگرانی کی ضرورت ہوتی ہے کیونکہ کچھ مریضوں میں چند ہفتوں یا مہینوں کے اندر سنگین پیچیدگیاں پیدا ہو سکتی ہیں اس بیماری کو بعض اوقات غیر رسمی طور پر “سو دن کا گلوکوما” بھی کہا جاتا ہے، جو دراصل نیو ویسکیولر گلوکوما کی طرف اشارہ ہے یہ ایک پیچیدگی ہے جو شدید ریٹینل وین اوکلوژن کے بعد پیدا ہو سکتی ہے، جب غیر معمولی نئی خون کی نالیاں بنتی ہیں اور آنکھ کا دباؤ بڑھ جاتا ہے۔

پاکستان ورلڈ کپ کھیلے گا یا نہیں، فیصلہ آج ہونے کا امکان ، پلان بی بھی تیار

ماہرِ چشم جنہوں نے نام ظاہر نہ کرنے کی درخواست پر کہا کہ یہ صرف آنکھوں کا مسئلہ نہیں ہوتا، یہ جسم میں موجود خون کی نالیوں کی بیماریوں کی علامت بھی ہو سکتا ہے، اس لیے مریض کی مجموعی صحت کی سخت نگرانی ضروری ہوتی ہے۔

عمران خان کے معاملے میں ڈاکٹروں کے مطابق ان کی دائیں آنکھ کی نظر کم ہونے پر تفصیلی معائنہ کیا گیا، جس میں ریٹینا کی امیجنگ اور آپٹیکل کوہیرنس ٹوموگرافی (OCT) شامل تھی یہ معائنہ اڈیالہ جیل میں کیا گیا ان نتائج کی بنیاد پر ڈاکٹروں نے اسپتال میں فالو اَپ علاج کا مشورہ دیا، جس کے بعد گزشتہ ہفتے رات گئے انہیں پاکستان انسٹی ٹیوٹ آف میڈیکل سائنسز (پمز) منتقل کیا گیا تاکہ تجویز کردہ طریقۂ علاج کیا جا سکے۔

پمز میں عمران خان کو اینٹی وی ای جی ایف دوا کا آنکھ کے اندر انجیکشن دیا گیا، جو ریٹینا کی سوجن (جسے میکولر ایڈیما کہا جاتا ہے) کم کرنے اور خون کی نالیوں سے ہونے والے رساؤ کے باعث مزید نقصان کو روکنے کے لیے ایک معیاری علاج ہے ماہرِ چشم کے مطابق اس نوعیت کے انجیکشن عموماً ماہانہ بنیادوں پر لگانے پڑتے ہیں، خاص طور پر علاج کے ابتدائی مرحلے میں،زیادہ امکان ہے کہ انہیں ہر ماہ مزید انجیکشنز کی ضرورت پڑے، یہ اس بات پر منحصر ہوگا کہ ریٹینا علاج پر کس طرح ردِعمل دیتا ہے۔

انڈر 19ورلڈ کپ: بھارت کی پاکستان کیخلاف بیٹنگ جاری

پاکستان میں دہشت گردی: عالمی برادری کی خاموشی اور خطے کو لاحق خطرات

پاکستان گزشتہ دو دہائیوں سے دہشت گردی کی ایک طویل اور خونچکاں لہر کا سامنا کرتا آ رہا ہے۔ نائن الیون کے بعد سے لے کر آج تک، پاکستان نے دہشت گردی کے خلاف جنگ میں ناقابلِ تلافی جانی و مالی نقصانات برداشت کیے ہیں۔ لاکھوں جانیں متاثر ہوئیں، ہزاروں شہری، فوجی جوان، پولیس اہلکار اور قانون نافذ کرنے والے اداروں کے افسران شہید ہوئے، جبکہ معیشت کو اربوں ڈالر کا نقصان پہنچا۔

اس سنگین صورتحال کے جواب میں، پاکستان نے دہشت گردی کے خلاف فیصلہ کن اقدامات کیے۔ آپریشن ضربِ عضب اور بعد ازاں ردالفساد جیسے جامع آپریشنز کے ذریعے پاک فوج، انٹیلیجنس اداروں، پولیس اور سیکیورٹی فورسز نے انتہا پسندی اور دہشت گرد نیٹ ورکس کو مؤثر انداز میں کمزور کیا۔ ان کامیابیوں کے پیچھے صرف ریاستی ادارے ہی نہیں بلکہ عام پاکستانی عوام کی عظیم قربانیاں بھی شامل ہیں، جنہوں نے امن کے قیام کے لیے بے مثال حوصلہ اور استقامت کا مظاہرہ کیا۔

بدقسمتی سے، ان تمام قربانیوں کے باوجود پاکستان کا امن بار بار سبوتاژ کرنے کی کوششیں کی جاتی رہی ہیں۔ متعدد مواقع پر پاکستان نے شواہد کے ساتھ اس امر کی نشاندہی کی ہے کہ بھارت ریاستی سرپرستی میں پاکستان، خصوصاً بلوچستان اور سرحدی علاقوں میں عدم استحکام پیدا کرنے کی کوشش کر رہا ہے۔ حالیہ بلوچستان کا افسوسناک واقعہ، جس میں بے گناہ شہریوں کی جانیں ضائع ہوئیں، ایک بار پھر عالمی ضمیر کے لیے سوالیہ نشان ہے:آخر ان معصوم لوگوں کا قصور کیا تھا؟-

بلوچستان ہو یا پاکستان کے دیگر شہر، دہشت گردی کا ہر واقعہ صرف پاکستان نہیں بلکہ پورے خطے کے امن کے لیے خطرہ ہے۔ کسی بھی ریاست کی جانب سے پراکسیز، خفیہ نیٹ ورکس اور تشدد کے ذریعے ہمسایہ ملک کو غیر مستحکم کرنا بین الاقوامی قوانین، اقوام متحدہ کے چارٹر اور انسانی اقدار کی کھلی خلاف ورزی ہے۔

یہ وقت ہے کہ امریکہ، یورپی یونین، اقوام متحدہ اور تمام عالمی طاقتیں محض بیانات تک محدود نہ رہیں بلکہ غیرجانبدار اور شفاف تحقیقات کروائیں۔ بھارت کو جوابدہ بنایا جائے اور اسے ایسے اقدامات سے روکا جائے جو پورے جنوبی ایشیا کو عدم استحکام کی طرف دھکیل رہے ہیں۔

امن یکطرفہ کوششوں سے قائم نہیں رہ سکتا اگر عالمی برادری واقعی دہشت گردی کے خاتمے اور خطے میں پائیدار امن کی خواہاں ہے تو اسے دوہرے معیار ات ترک کر کے حقائق کی بنیاد پر فیصلہ کرنا ہوگا پاکستان نے دہشت گردی کے خلاف جنگ میں اپنا کردار ادا کیا ہے، اب عالمی برادری کی ذمہ داری ہے کہ وہ سچ کے ساتھ کھڑی ہو،خاموشی اب غیرجانبداری نہیں، بلکہ ناانصافی کے مترادف ہے۔