Baaghi TV

Author: Ayesha Rehmani

  • چینی کے شعبے کو ڈی ریگولیٹ کرنے کیلئے اعلیٰ سطحی کمیٹی قائم

    چینی کے شعبے کو ڈی ریگولیٹ کرنے کیلئے اعلیٰ سطحی کمیٹی قائم

    وزیراعظم شہباز شریف نے چینی کے شعبے کو ڈی ریگولیٹ کرنے کے لیے اعلیٰ سطح کی کمیٹی قائم کردی-

    اعلی سطحی کمیٹی کی سربراہی وزیر توانائی کریں گے جبکہ سیکریٹری صنعت و پیداوار کمیٹی کے کنوینر ہوں گے وزیر خزانہ، وزیر قومی غذائی تحفظ و تحقیق اور وزیر اقتصادی امور سمیت دیگر وزرا کمیٹی کے ارکان ہوں گے، کمیٹی شوگر سیکٹر میں اصلاحات اور نجکاری کے لیے قابل عمل تجاویز مرتب کرے گی۔

    کمیٹی وفاقی اور صوبائی سطح کے تمام موجودہ قوانین، قواعد و ضوابط اور پالیسیوں کا جائزہ لے گی، جن کا تعلق چینی کی پیداوار، درآمد، برآمد، قیمتوں کے تعین، سبسڈی اور ذخیرہ اندوزی سے ہوگا کمیٹی اجناس کے ذخائر، رسد اور قیمت سے متعلق ڈیٹا کی درستی، کسانوں کے مفادات، صارفین کے حقوق، مقامی ضرورت اور تجارتی تقاضوں کے تحت پالیسی سفارشات بھی مرتب کرے گی۔

    عراق :شاپنگ میں خوفناک آتشزدگی، کم از کم 60 افراد جاں بحق، درجنوں لاپتہ

    کمیٹی صارفین کے تحفظ اور قیمتوں میں اتار چڑھاؤ کے خطرے سے بچائو کے لیے پالیسی سفارشات مرتب کرے گی اس کے علاوہ کمیٹی نجکاری کے عمل کو شفاف اور مربوط بنانے کے لیے متعلقہ اسٹیک ہولڈرز، بشمول صنعت کاروں، کسانوں اور ریگولیٹری اداروں کے ساتھ مشاورت کرے گی، ٹی او آر کمیٹی تیس روز کے اندر وزیراعظم کو اپنی رپورٹ پیش کرے گی۔

    چھوٹے کسانوں کو سہولیات کی فراہمی اولین ترجیحات میں شامل ہے،شہباز شریف

    واضح رہے کہ گزشتہ ماہ شوگر ایڈوائزری بورڈ نے ملک سے 5 لاکھ ٹن چینی برآمد کرنے کی منظوری دی تھی جس کے بعد چینی کی قیمتوں میں اضافہ ہوگیا تھا تاہم آئی ایم ایف کی جانب سے ٹیکس چھوٹ کی اجازت نہ ملنے پر حکومت نے چینی برآمد روک دی تھی، گزشتہ ہفتے ملک میں چینی کی فی کلو قیمت 200 روپے سے تجاوز کرگئی تھی جبکہ منگل کو چینی کی ریٹیل قیمت کے تعین پر حکومت اور پاکستان شوگر ملز ایسوسی ایشن (پی ایس ایم اے) کے درمیان ہونے والے مذاکرات بے نتیجہ ختم ہوگئے تھے-

    کوہستان میگا کرپشن اسکینڈل: ملزم کی ایک بار پھر نیب کو پلی بارگین کی درخواست

  • عراق :شاپنگ میں خوفناک آتشزدگی، کم از کم 60 افراد جاں بحق، درجنوں لاپتہ

    عراق :شاپنگ میں خوفناک آتشزدگی، کم از کم 60 افراد جاں بحق، درجنوں لاپتہ

    عراق کے مشرقی شہر الکوت کی ہائپر مارکیٹ میں خوفناک آتشزدگی نے کم از کم 60 افراد کی جان لے لی، جب کہ متعدد افراد تاحال لاپتہ ہیں۔

    خبر رساں ادارے رائٹرز کے مطابق، شہر کی محکمہ صحت اور دو پولیس ذرائع نے بتایا ہے کہ عراق کے مشرقی شہر کوت میں ایک ہائپر مارکیٹ اور ریستوران میں لگنے والی شدید آگ کے نتیجے میں کم از کم 60 افراد جاں بحق ہو گئے ہیں، جب کہ متعدد افراد لاپتہ بھی ہیں۔

    حکام نے خدشہ ظاہر کیا ہے کہ مزید لاشیں جلے ہوئے ملبے تلے دبی ہو سکتی ہیں،سوشل میڈیا پر گردش کرتی ویڈیوز میں دیکھا جا سکتا ہے کہ پانچ منزلہ عمارت آگ کی لپیٹ میں ہے، اور فائرفائٹرز آگ پر قابو پانے کی کوشش کر رہے ہیں۔

    https://x.com/RudawTurkce/status/1945719034034495992

    شہر کے محکمہ صحت کے ایک اہلکار نے بتایا کہ ہم نے 59 افراد کی شناخت کرلی ہے، لیکن ایک لاش اتنی بری طرح جھلس چکی ہے کہ اس کی شناخت ممکن نہیں ہو سکی۔”

    الکوت کے ایک اعلیٰ اہلکار علی المیاحی نے کہا کہ "کئی لاشیں ابھی ملبے کے نیچے پھنسی ہوئی ہیں، جنہیں نکالنے کی کوشش جاری ہے۔”

    واسط صوبے کے گورنر محمد المیاحی نے واقعے کو ’المناک المیہ‘ اور ’قومی سانحہ‘ قرار دیا ان کے مطابق، آگ رات کے وقت پانچ منزلہ عمارت میں لگی، جہاں شہری خریداری اور کھانے میں مصروف تھے فائر بریگیڈ نے متعدد افراد کو بچا لیا اور آگ پر قابو بھی پا لیا۔

    https://x.com/anadoluagency/status/1945732932821545190

    واقعے کے بعد تین روزہ سوگ کا اعلان کر دیا گیا ہے اور تحقیقات کا آغاز ہو چکا ہے، جس کی رپورٹ 48 گھنٹوں کے اندر جاری کی جائے گی،عراقی نیوز ایجنسی (آئی این اے) کے مطابق، گورنر محمد المیاحی نے بتایا کہ واقعے کے بعد عمارت اور مال کے مالک کے خلاف مقدمات درج کر دیے گئے ہیں،ابھی تک آگ لگنے کی وجہ سامنے نہیں آسکی۔

  • چھوٹے کسانوں کو سہولیات کی فراہمی اولین ترجیحات میں شامل ہے،شہباز شریف

    چھوٹے کسانوں کو سہولیات کی فراہمی اولین ترجیحات میں شامل ہے،شہباز شریف

    سلام آباد:وزیراعظم شہباز شریف نے کہا ہے کہ پاکستان کے زرعی شعبے میں ترقی کے لیے چھوٹے کسانوں کو سہولیات کی فراہمی اولین ترجیحات میں شامل ہے۔

    ملکی زرعی ترقی کے لیے منصوبہ بندی اور ایگری فنانسنگ پر جائزہ اجلاس وزیراعظم شہباز شریف کی زیرصدارت ہوا،اجلاس میں نائب وزیرِ اعظم و وزیرِ خارجہ اسحاق ڈار، وفاقی وزرا احد خان چیمہ، رانا تنویر حسین، مشیر وزیرِ اعظم محمد علی، وزرا مملکت بلال اظہر کیانی، عبدالرحمن کانجو، معاون خصوصی ہارون اختر، گورنر اسٹیٹ بینک جمیل احمد، چیف کوآرڈینیٹر مشرف زیدی اور متعلقہ اعلیٰ حکام نے شرکت کی۔

    اجلاس کو زرعی شعبے کی جاری اصلاحات کے ساتھ ساتھ زرعی ترقیاتی بینک لمیٹڈ کی کارکردگی اور کسانوں کو دیے جانے والے قرضوں کے حوالے سے تفصیلی بریفنگ دی گئی جب کہ وزیراعظم نے رواں ماہ کے اختتام تک کسانوں کو آسان شرائط پر قرضوں کی فراہمی اور ایگری فنانسنگ کے شعبے میں عصری تقاضوں سے ہم آہنگ نظام متعارف کروانے کے لیے جامع منصوبہ بندی تشکیل دے کر پیش کرنے کی ہدایت کی۔

    ملک بھر کی گھی ملز غیر معینہ مدت کیلئے بند کرنے کی دھمکی

    وزیراعظم شہباز شریف نے کہا کہ 12 ایکڑ سے کم زمین والے کسانوں کو جدید زرعی سہولیات کی فراہمی اولین ترجیح ہونی چاہیے۔ پاکستان کی ترقی زرعی شعبے اور کسانوں کی پیداوار کی ویلیو ایڈیشن سے مشروط ہےپاکستان کے زرعی شعبے میں ترقی کے لیے چھوٹے کسانوں کو سہولیات کی فراہمی اولین ترجیحات میں شامل ہے کسانوں کو جدید زرعی آلات، مصنوعی ذہانت اور معیاری بیج کے لیے آسان شرائط پر قرض کی فراہمی کے لیے لائحہ عمل پیش کیا جائے۔

    کوہستان میگا کرپشن اسکینڈل: ملزم کی ایک بار پھر نیب کو پلی بارگین کی درخواست

    انہوں نے کہا کہ کسانوں کی اجناس کی پراسیسنگ سے برآمدات کے قابل اشیا کی تیاری کے لیے چھوٹے پیمانے کی صنعتی مشینری تک رسائی کے حوالے سے بھی جامع منصوبہ بندی کی جائے حکومت کسانوں کو جدید زرعی آلات، معیاری بیج کی فراہمی، مصنوعی ذہانت، پانی کے بہتر استعمال، آن فارم اسمال انڈ سٹری اور دیگر سہولیات کے لیے اصلاحات کے عمل کو تیز کر رہی ہے،زرعی اجناس کی پراسیسنگ سے برآمدات میں اضافے کے لیے کسانوں کو درکار سہولیا ت و تربیت کے لیے اقدامات کو بھی اصلاحات میں شامل کیا جا رہا ہے۔

    ٹانگ سے محروم کی جانے والی اونٹنی کو مصنوعی ٹانگ لگا دی گئی

  • ملک بھر کی گھی ملز غیر معینہ مدت کیلئے بند کرنے کی دھمکی

    ملک بھر کی گھی ملز غیر معینہ مدت کیلئے بند کرنے کی دھمکی

    پاکستان بناسپتی مینوفیکچررز ایسوسی ایشن نے ملزبند کرنے کی دھمکی دیدی-

    ایسوسی ایشن کے صدر شیخ عمر ریحان نے کہا ہے کہ اگر حکومت نے ان کے مطالبات تسلیم نہ کیے تو ملک بھر کی گھی ملز جمعہ کے بعد بند کر دی جائیںگی،یہ ہڑتال محض ایک دن کی نہیں بلکہ غیرمعینہ مدت کی ہوگی، اور اگر مذاکرات ناکام ہوئے تو ملک بھر میں گھی اور آئل کی سپلائی مکمل طور پر بند کر دی جائے گی۔

    کوہستان میگا کرپشن اسکینڈل: ملزم کی ایک بار پھر نیب کو پلی بارگین کی درخواست

    شیخ عمر ریحان کے مطابق فیڈرل بورڈ آف ریونیو (ایف بی آر) کی جانب سے گھی ملوں میں اہلکاروں کی تعیناتی نے انڈسٹری کو شدید دباؤ کا شکار کر دیا ہے، اور اس سے کاروباری ماحول میں خوف کی فضا قائم ہو گئی ہےحکومت کی جانب سے 37 اے، ڈیجیٹل انوائسز، اور بینکوں کے ذریعے 2 لاکھ روپے سے زائد لین دین کی لازمی شرط انڈسٹری کیلئے ناقابل قبول ہیں حکومت فوری طور پر ان شرائط کو واپس لے اور کاروبار دوست پالیسی اپنائے گھی اور کوکنگ آئل کے شعبے میں کسی بھی تعطل کی صورت میں نہ صرف مہنگائی میں اضافہ ہوگا بلکہ سپلائی چین بھی متاثر ہو گی جس کے اثرات براہ راست عام صارفین تک پہنچیں گے۔

    دوسری شادی کا کوئی ارادہ نہیں، والد کی زندگی سے سبق سیکھا،اداکار علی عباس

  • کوہستان میگا کرپشن اسکینڈل: ملزم کی ایک بار پھر نیب کو پلی بارگین کی درخواست

    کوہستان میگا کرپشن اسکینڈل: ملزم کی ایک بار پھر نیب کو پلی بارگین کی درخواست

    پشاور: کوہستان مالی اسکینڈل کے ملزم نے ایک بار پھر نیب کو پلی بارگین کی درخواست دے دی۔

    قومی احتساب بیورو (نیب) نے خیبرپختونخوا کے ضلع کوہستان میں 32 ارب روپے کی مالی بے ضابطگیوں پر انکوائری کا آغاز کر دیا ہے۔ ذرائع کے مطابق نیب نے متعلقہ تمام سرکاری محکموں سے ریکارڈ طلب کر لیا ہے جبکہ غیرمجاز ادائیگیوں کی چھان بین کے لیے ایک تحقیقاتی ٹیم بھی تشکیل دے دی گئی ہے، کوہستان کرپشن اسکینڈل کے ملزم محمد ایوب نے نیب کو 3 ارب 45 کروڑ روپےکی پلی بارگین کی درخواست دی ہے۔

    نیب ذرائع کے مطابق ملزم کے ذاتی بینک اکاؤنٹ سے 3 ارب 45 کروڑ روپے کی مشکوک ٹرانزیکشنز کا انکشاف ہوا ہے۔ احتساب عدالت نے پلی بارگین سے متعلق ملزم کی درخواست پر نیب کو کارروائی کی ہدایت دی ہے۔

    وزیراعظم کی ہدایت،چینی کے شعبے کو ڈی ریگولیٹ کرنے کیلیے اعلیٰ سطحی کمیٹی قائم

    نیب نے بتایا ہے کہ ملزم ایوب 3 اقساط میں رقم واپس کرنے پر آمادہ ہے اور نیب بھی اس تجویز پر رضامند ہو چکا ہےذرائع کا کہنا ہے کہ پلی بارگین کی درخواست کو جلد منظور کیے جانے کا امکان ہے، واضح رہے کہ ایوب نے اس سے قبل بھی پلی بارگین کی درخواست جمع کرائی تھی۔

    دوسری جانب کوہستان مالیاتی اسکینڈل میں نامزد ایک اور شخصیت جبران ملک نے نیب نوٹس کے خلاف پشاور ہائی کورٹ میں درخواست دائر کر دی ہے۔ یہ درخواست سینئر وکیل علی عظیم آفریدی ایڈووکیٹ کے توسط سے دائر کی گئی۔ درخواست گزار کا کہنا ہے کہ وہ زکوٰة کمیٹی کے سابق چیئرمین رہ چکے ہیں اور اب کاروباری شخصیت کے طور پر سرگرم ہیں۔

    اکیلے پن کی موت: کمزور رشتے، زہریلی قربت اور ہماری اجتماعی بے حسی، تحریر :صدف ابرار

    درخواست میں مؤقف اختیار کیا گیا ہے کہ نیب کی جانب سے بھیجے گئے نوٹس میں کسی قسم کا واضح الزام نہیں لگایا گیا، صرف آج پیش ہونے کو کہا گیا ہے۔ اس بنا پر عدالت سے استدعا کی گئی ہے کہ درخواست کو آج ہی سماعت کے لیے مقرر کیا جائے تاکہ انصاف کے تقاضے پورے کیے جا سکیں۔

    واضح رہےکہ کوہستان مالی اسکینڈل کچھ عرصے پہلے سامنے آیا تھا جس کے بعد نیب تحقیقات میں سنسنی خیز انکشافات ہوئے تھےبعد ازاں نیب نے خیبر پختونخوا کی تاریخ کے میگا کرپشن اسکینڈل کیس کو انکوائری سے باضابطہ تفتیش میں تبدیل کردیا،اس کیس میں اب تک مجموعی طور پر25 ارب روپے مالیت کے اثاثے برآمد اور ضبط کیے ہیں، نیب نے ایک ارب روپے سے زائد نقد رقم، غیر ملکی کرنسی اور 3 کلو گرام سے زیادہ سونا برآمد کیا جب کہ مختلف کمرشل بینکوں میں موجود 73 بینک اکاؤنٹس بھی منجمد کردیے گئے ہیں جن میں 5 ارب روپے سے زیادہ رقم موجود ہے، نیب کی جاری تحقیقات میں مزید گرفتاریوں اور انکشافات کا امکان ظاہر کیا جا رہا ہے۔

    دوسری شادی کا کوئی ارادہ نہیں، والد کی زندگی سے سبق سیکھا،اداکار علی عباس

  • چکوال میں کلاؤڈ برسٹ،فلڈ ایمرجنسی اور ہنگامی صورتحال نافذ

    چکوال میں کلاؤڈ برسٹ،فلڈ ایمرجنسی اور ہنگامی صورتحال نافذ

    چکوال میں کلاؤڈ برسٹ اور 423 ملی میٹر بارش کے بعد فلڈ ایمرجنسی اور ہنگامی صورتحال نافذ کردی گئی۔

    ترجمان پی ڈی ایم اے کے مطابق اب تک 300 ملی میٹر سے زائد بارش ریکارڈ کی جا چکی ہے جو حالیہ برسوں کی سب سے شدید بارشوں میں شمار کی جا رہی ہے،صورتحال کی سنگینی کو مدنظر رکھتے ہوئے ڈی جی پی ڈی ایم اے عرفان علی کاٹھیا نے ڈپٹی کمشنر چکوال سے ٹیلیفونک رابطہ کیا اور ضلعی سطح پر نکاسیِ آب امدادی سرگرمیوں اور ممکنہ خطرات سے نمٹنے کے لیے کیے گئے اقدامات پر تفصیلی بریفنگ لی۔

    ڈی سی چکوال نے آگاہ کیا کہ واسا، ریسکیو 1122، محکمہ صحت، میونسپل ادارے اور دیگر تمام محکمے فیلڈ میں متحرک ہیں، جبکہ نشیبی علاقوں سے پانی کی نکاسی کے لیے مشینری بھی موقع پر روانہ کر دی گئی ہے،ایمرجنسی صورتحال کے پیشِ نظر ضلعی انتظامیہ نے تمام سرکاری ہسپتالوں، تعلیمی اداروں اور دیگر پبلک عمارات میں ریلیف سرگرمیوں کے لیے خصوصی انتظامات مکمل کر لیے ہیں،متاثرہ علاقوں میں ریسکیو ٹیمیں گشت کر رہی ہیں اور ممکنہ خطرات سے نمٹنے کے لیے ہر ممکن اقدام کیا جا رہا ہے۔

    دوسری شادی کا کوئی ارادہ نہیں، والد کی زندگی سے سبق سیکھا،اداکار علی عباس

    ڈی جی پی ڈی ایم اے نے یقین دہانی کروائی کہ ضلعی انتظامیہ کو ریسکیو اور ریلیف سرگرمیوں کے لیے تمام تر وسائل اور مکمل معاونت فراہم کی جائے گی،مشکل کی اس گھڑی میں عوام کو تنہا نہیں چھوڑا جائے گا، ضلعی ادارے الرٹ ہیں اور عوامی تعاون سے ہی بحران پر قابو پایا جا سکتا ہے مقامی سطح پر شہریوں کو فوری آگاہی فراہم کی جائے تاکہ کسی جانی یا مالی نقصان سے بچا جا سکے۔

    انہوں نے عوام سے اپیل کی کہ غیر ضروری نقل و حرکت سے گریز کریں، بجلی کے کھمبوں اور کھلی نالیوں سے دور رہیں، اور کسی بھی ہنگامی صورتحال میں فوری طور پر ریسکیو 1122 یا مقامی انتظامیہ سے رابطہ کریں۔

    پاک فضائیہ کے جدید لڑاکا جے ایف 17 تھنڈر بلاک III اور سی 130 طیارےائیر شو میں شرکت کیلئے برطانیہ پہنچ گئے

    دوسری جانبمحکمہ موسمیات نے شہر میں مزید بارش کی پیش گوئی کر دی،آئندہ 24گھنٹوں میں گرج چمک کے ساتھ بارش متوقع ہے،شہر میں حبس کی کیفیت تاحال برقرار ہے،محکمہ موسمیات کے مطابق شہر کا مطلع جزوی طور پر ابر آلود رہے گا ،دن بھر سورج اور بادلوں میں آنکھ مچولی جاری رہے گی، زیادہ سے زیادہ درجہ حرارت 30ڈگری تک جانے کا امکان ہے۔ہوا میں نمی کا تناسب 90 فیصد ریکارڈ کیا گیا۔

    ادھر اسلام آباد اور راولپنڈی میں رات سے 105 ملی میٹر کی ریکارڈ بارش ہوئی ہے، نالہ لئی میں پانی کی سطح کٹاریاں کے مقام پر 16 فٹ اور گوالمنڈی پل پر 14 فٹ ہوگئی۔

    یوکرین کا ماسکو اور دیگر روسی علاقوں پر حملہ

  • دوسری شادی کا کوئی ارادہ نہیں، والد کی زندگی سے سبق سیکھا،اداکار علی عباس

    دوسری شادی کا کوئی ارادہ نہیں، والد کی زندگی سے سبق سیکھا،اداکار علی عباس

    مقبول اداکار علی عباس کا کہنا ہے کہ انہوں نے والد وسیم عباس کی دوسری شادی کے بعد پیش آنے والے حالات سے بہت کچھ سیکھا اور اسی لیے وہ خود ایک شادی میں خوش اور مطمئن ہیں۔

    اداکار علی عباس نے حال ہی احمد علی بٹ کے پوڈکاسٹ میں اپنی ذاتی زندگی سے متعلق کھل کر بات کی،انہوں نے اپنے والد سینئر اداکار وسیم عباس کی دوسری شادی کے بعد ان کی زندگی میں پیش آنے والے چیلنجز پر روشنی ڈالی۔

    انہوں نے بتایا کہ انہیں اداکاری کا شوق ہمیشہ سے تھا، انہوں نے مختلف شعبوں میں تعلیم حاصل کی جن میں اکنامکس، ایل ایل بی، بزنس اور نیشنل کالج آف آرٹس (این سی اے) سے اداکاری کی تعلیم شامل ہے، ان تمام ڈگریوں کے باوجود ان کا خواب صرف اداکاری ہی رہا۔

    امریکی صدر ٹرمپ 18 ستمبر کو پاکستان آئیں گے

    اداکار کے مطابق ان کے والد (وسیم عباس) نے ان کے اداکاری کے سفر میں کسی قسم کی کوئی مدد نہیں کی اور وہ خود بھی یہ نہیں چاہتے تھے کہ انہیں اپنے والد کی وجہ سے شوبز انڈسٹری میں کوئی کام ملے، کیونکہ ان کے نزدیک اصل خوشی اس کامیابی میں ہے جو اپنی محنت سے حاصل ہو، نہ کہ کسی کے سہارے سے۔

    علی عباس نے بتایا کہ جب ان کے والد نے ساتھی اداکارہ صبا حمید سے شادی کی تو وہ تقریباً گیارہ یا بارہ برس کے تھے، صبا حمید اس وقت طلاق یافتہ تھیں اور ان کے دو بچے، میشا اور فارس بھی تھے، اس شادی کے بعد ان کے اور والد کے درمیان فاصلہ پیدا ہو گیا اور انہیں اپنے چھوٹے بہن بھائیوں کی ذمہ داری سنبھالنی پڑی کیونکہ ان کی والدہ شدید ذہنی دباؤ کا شکار تھیں۔

    مون سون بارشوں سے آبی ذخائر بڑھ گئے

    اداکار کے مطابق انہوں نے ہمیشہ مسئلے کا حصہ بننے کے بجائے حل بننے کا انتخاب کیا وقت کے ساتھ ساتھ انہیں احساس ہوا کہ اصل میں ان کے والد بھی اس صورتِ حال سے تکلیف میں تھے، اس کے بعد علی نے اپنے والد سے دوبارہ بات چیت شروع کی اور رفتہ رفتہ ان کے درمیان تعلق بہتر ہوتا گیا۔

    انہوں نے کہا کہ اس تمام صورتحال میں ان کے اور ان کے والد کے درمیان فاصلے پیدا ہو گئے تھے لیکن بعد میں جب انہوں نے دو شادیوں کے بعد اپنے والد کی حالت دیکھی تو انہیں اندازہ ہوا کہ اصل متاثرہ فرد تو اُن کے والد تھے چاہے شادی کسی بھی وجہ سے ہوئی ہو، دو شادیاں ان کی زندگی پر گہرا اثر ڈال چکی تھیں، اسی لیے علی عباس نے اپنے والد سے دوبارہ بات چیت شروع کی۔

    بارشیں،سیلابی صورتحال،پاک فوج کا ریسکیو آپریشن،10 افراد کو ہیلی پرریسکیو کر لیا

    ان کا کہنا تھا کہ وہ اپنے والد کی پریشانیاں تو کم نہیں کر سکتے تھے لیکن انہیں سن ضرور سکتے تھے اور اسی دوران وہ اپنے والد کے ساتھ مزید قریب آگئے، وہ خود ایک شادی سے خوش ہیں اور فی الحال دوسری شادی کا کوئی ارادہ نہیں رکھتے، والد کی زندگی دیکھنے کے بعد تو وہ شاید کبھی ایسا فیصلہ نہ کر سکیں۔

  • پاک فضائیہ کے جدید لڑاکا جے ایف 17 تھنڈر بلاک III اور سی 130 طیارےائیر شو میں شرکت کیلئے برطانیہ پہنچ گئے

    پاک فضائیہ کے جدید لڑاکا جے ایف 17 تھنڈر بلاک III اور سی 130 طیارےائیر شو میں شرکت کیلئے برطانیہ پہنچ گئے

    پاک فضائیہ کے جدید لڑاکا جے ایف 17 تھنڈر بلاک III اور سی 130 طیارے دنیا کے سب سے بڑے ائیر شو میں شرکت کے لیے برطانیہ پہنچ گئے۔

    پاک فوج کے شعبہ تعلقات عامہ آئی ایس پی آر کے مطابق پی اے ایف کا دستہ رائل انٹرنیشنل ائیر ٹیٹو 2025 میں شرکت کر رہا ہے، دنیا کے سب سے بڑے فوجی ائیر شو میں پاکستان کی شاندار نمائندگی اعزاز ہے جے ایف 17 تھنڈر بلا III نے برطانیہ میں دوران پرواز فضائی ایندھن کی فراہمی کا مظاہرہ کیا، پی اے ایف کا آئی ایل 78 ٹینکر بین الاقوامی آپریشنز کی علامت بنا، جدید AESA ریڈار،BVR میزائل سے لیس 4.5 جنریشن جے ایف 17عالمی توجہ کا مرکز ہے ائیر شو میں پی اے ایف سی 130 نے “Eyes in the Skies” تھیم پر مبنی آرٹ ورک کا مظاہرہ کیا، پاکستانی فضائیہ جدید اور تکنیکی طور پر لیس اور امن کی علمبردار ہے۔

    مون سون بارشوں سے آبی ذخائر بڑھ گئے

    یوکرین کا ماسکو اور دیگر روسی علاقوں پر حملہ

    مسافر ٹرینوں کے کرایوں میں دوسری بار اضافہ

  • مون سون بارشوں سے آبی ذخائر بڑھ گئے

    مون سون بارشوں سے آبی ذخائر بڑھ گئے

    مون سون بارشوں سے آبی ذخائر بڑھ گئے جبکہ قابل استعمال پانی کا ذخیرہ 83 لاکھ ایکڑ فٹ تک پہنچ گیا۔

    ترجمان ارسا کے مطابق تربیلا ڈیم میں پانی کی سطح مسلسل بلند ہونے کے باعث اسپیل ویز کھول دیے گئے ہیں، منگلا ڈیم میں پانی کی سطح 1186 فٹ تک پہنچ گئی ہے جبکہ 1242 فٹ پر ڈیم بھر جاتا ہےترجمان ارسا کے مطابق چشمہ بیراج میں پانی کی سطح 648 فٹ تک پہنچ گئی ہے جبکہ پانی کی گنجائش صرف ایک فٹ رہ گئی، ترجمان کا کہنا ہے کہ ڈیمز کی صورتحال مکمل کنٹرول میں ہے تاہم اربن فلڈنگ ہورہی ہے۔

    واضح رہے کہ پنجاب بھر میں کئی روز سے بارشوں کا سلسلہ جاری ہے، راولپنڈی اسلام آباد میں گزشتہ روز سے بارشیں جاری ہیں، راولپنڈی میں 15 گھنٹے میں 230 ملی میٹر بارش ریکارڈ کی جاچکی ہے جبکہ مسلسل بارش کے باعث نالہ لئی کی سطح 18 فٹ تک بلند ہوگئی ہے جبکہ نالہ لئی کی انتہائی سطح 20 فٹ ہے،چکوال میں کلاؤڈ برسٹ کے باعث طوفانی بارش ہوئی جبکہ 10 گھنٹے کے دوران423 ملی میٹر بارش سے سیلابی صورتحال پیدا ہوگئی، منڈی بہاؤالدین شہر میں بھی 210 ملی میٹر بارش ریکارڈ کی گئی تھی جس کے باعث سڑکیں اور گلیاں تالاب میں بدل گئی تھیں،پی ڈی ایم اے نے پنجاب بھر میں آج بھی بارش کا الرٹ جاری کردیا ہے۔

  • یوکرین کا ماسکو اور دیگر روسی علاقوں پر حملہ

    یوکرین کا ماسکو اور دیگر روسی علاقوں پر حملہ

    روسی حکام نے جمعرات کے روز بتایا ہے کہ فضائی دفاعی یونٹس نے گزشتہ رات 122 یوکرینی ڈرونز تباہ کئے جو دارالحکومت ماسکو اور دیگر متعدد روسی علاقوں کو نشانہ بنا رہے تھے، اس دوران کم از کم ایک شخص زخمی ہوا۔

    روسی وزارت دفاع نے ٹیلیگرام پر جاری بیان میں کہا کہ ان ڈرونز میں سے آدھے سے زیادہ کو بیلگورود، کورسک اور بریانسک کے سرحدی علاقوں میں مار گرایا گیا، جو یوکرین سے ملحق ہیں، تین ڈرونز کو ماسکو کے علاقے میں تباہ کیا گیا۔

    اسمولینسک ریجن (جو بیلاروس کی سرحد سے متصل ہے) کے گورنر واسیلی انوخن نے ٹیلیگرام پر بتایا کہ ایک شہری ہلکا زخمی ہوا جبکہ ایک سول تنصیب کو معمولی نقصان پہنچا۔

    مسافر ٹرینوں کے کرایوں میں دوسری بار اضافہ

    اس سے ایک روز قبل بدھ کے روز یوکرینی ڈرون حملے میں بیلگورود ریجن میں تین افراد ہلاک اور کم از کم 17 زخمی ہوئے، جیسا کہ علاقائی گورنر ویاچیسلاو گلاڈکوف نے بتایایوکرین کی جانب سے فوری طور پر کوئی ردعمل سامنے نہیں آیا۔روس اور یوکرین ایک دوسرے پر شہریوں کو نشانہ بنانے کے الزامات عائد کرتے ہیں، تاہم دونوں فریق ان الزامات کی تردید کرتے ہیں۔ جنگ اب اپنے چوتھے سال میں داخل ہو چکی ہے۔

    بہادری کا مظاہرہ کرنیوالے 71 افراد کو سول ایوارڈ دینے کی منظوری