Baaghi TV

Author: Ayesha Rehmani

  • ایئر چیف مارشل کی اسپیکر قومی اسمبلی کے پارلیمانی کردار کی تعریف

    ایئر چیف مارشل کی اسپیکر قومی اسمبلی کے پارلیمانی کردار کی تعریف

    پاک فضائیہ کے سربراہ ایئر چیف مارشل ظہیر احمد بابر سدھو نے اسپیکر قومی اسمبلی سردار ایاز صادق کے نام اظہار تشکر کا خط لکھا ہے-

    ایئر چیف مارشل ظہیر احمد بابر سدھو نے یہ خط اسپیکر قومی اسمبلی سردار ایاز صادق کے خط کے جواب میں لکھا ہےایئر چیف مارشل نے کہا کہ بھارتی جارحیت کے خلاف قومی یکجہتی قائم کرنے کے لیے اسپیکر سردار ایاز صادق کا کردار قابل ستائش ہے، پارلیمانی قیادت کی جانب سے قومی اتحاد کے مظاہرے پر پاک فضائیہ شکر گزار ہے۔

    پاک فضائیہ کے سربراہ نے مزید لکھا کہ قومی اسمبلی کے معزز ارکان کی پاک فضائیہ کے حق میں یکجہتی قابلِ فخر ہے، دشمن کی جارحیت کے مؤثر جواب دینے پر پارلیمانی و قومی قیادت کی جانب سے خراج تحسین ناقابل فراموش ہے، پاک فضائیہ کی کامیابی ربِ کریم کی خاص عنایت اور قومی اتحاد و یکجہتی کا نتیجہ ہے۔

    سنی اتحاد کونسل کے 26 ارکان کیخلاف الیکشن کمیشن میں ریفرنس دائر

    ظہیر احمد بابر سدھو نے مزید کہا کہ قومی اتحاد و یکجہتی نے دشمن کے ناپاک عزائم کو خاک میں ملایا، قوم کی حمایت سے مسلح افواج ہر چیلنج سے نمٹنے کی بھرپور صلاحیت رکھتی ہے، پاک فضائیہ ملکی سرحدوں کے دفاع کے لیے ہر لمحہ تیار ہے، پاک فضائیہ ملکی سرحدوں کی حفاظت کو اپنی مقدس ذمہ داری سمجھتی ہے۔

    خط میں ائیر چیف مارشل ظہیر احمد بابر سدھو نے قومی اہداف کی تکمیل کے لیے ہر ممکن تعاون جاری رکھنے کے عزم کا اعادہ کیا۔

    اس سے قبل اسپیکر قومی اسمبلی سردار ایاز صادق نے بھارت کو منہ توڑ جواب دینے پر فیلڈ مارشل سید عاصم منیر اور ایئر چیف مارشل ظہیر احمد بابر سدھو کو خطوط لکھے تھے، جس میں انہوں نے مسلح افواج بالخصوص پاک فضائیہ کو غیرمعمولی جرات اور بہادری پر خراجِ تحسین پیش کیا تھا،اسپیکر قومی اسمبلی نے خط میں پارلیمان کی جانب سے مسلح افواج کے ساتھ غیر متزلزل حمایت اور یکجہتی کا اظہار کیا تھا۔

    تشنگی کی راتیں: کربلا کی ساتویں اور آٹھویں شب

  • جاوید اختر ایک بار پھر شدید تنقید کی زد میں

    جاوید اختر ایک بار پھر شدید تنقید کی زد میں

    بھارتی مصنف اور نغمہ نگار جاوید اختر ایک بار پھر اپنے متنازع بیان کے باعث سوشل میڈیا پر تنقید کی زد میں ہیں۔

    ایک تقریب کے دوران دیئے گئے ان کے بیان کی ویڈیو سوشل میڈیا پر تیزی سے وائرل ہو رہی ہے جس میں وہ جنت اور جہنم سے متعلق طنزیہ تبصرہ کرتے نظر آرہے ہیں یہ بیان انہوں نے دو سال قبل ایک تقریب کے دوران دیا تھا جو اب ایک مرتبہ پھر سوشل میڈیا پر وائرل ہو رہا ہے تاہم یہ پہلی مرتبہ نہیں جب ان کا کوئی متنازع بیان سوشل میڈیا پر وائرل ہوا ہو۔

    ویڈیو میں جاوید اختر کہتے ہیں کہ جنت میں میرے پسندیدہ پھل، جیسے کیلا اور امرود نہیں ہیں شاید یہ پھل جہنم میں ہوں، اسی لیے میں جنت جا نے کی کوشش نہیں کرتا، بھارتی مصنف کے اس متنازع بیان پر تقریب میں موجود افراد ہنستے نظر آئے، تاہم سوشل میڈیا پر صارفین نے اس بیان پر شدید ردعمل دیا ہے کئی صارفین کا کہنا ہے کہ جاوید اختر نے محض چند لوگوں کو ہنسانے کے لیے اپنی آخرت خراب کرلی ہے۔

    سنی اتحاد کونسل کے 26 ارکان کیخلاف الیکشن کمیشن میں ریفرنس دائر

    واضح رہے کہ اس سے قبل بھی جاوید اختر پاکستان اور مذہب سے متعلق مختلف متنازع بیانات دے چکے ہیں جن پر انہیں شدید تنقید کا سامنا کرنا پڑا تھا، ایک پرانے پروگرام میں وہ کہہ چکے ہیں کہ اگر انہیں پاکستان اور جہنم میں سے کسی ایک کا انتخاب کرنا ہو تو وہ جہنم کو ترجیح دیں گے۔

    پولیو ورکرز کی حفاظت ہماری اولین ترجیح ہے ، وزیراعظم

  • سنی اتحاد کونسل کے 26 ارکان کیخلاف الیکشن کمیشن میں ریفرنس دائر

    سنی اتحاد کونسل کے 26 ارکان کیخلاف الیکشن کمیشن میں ریفرنس دائر

    اسپیکر پنجاب اسمبلی ملک احمد خان نے سنی اتحاد کونسل کے 26 ارکان کے خلاف الیکشن کمیشن میں ریفرنس دائر کردیا۔

    تفصیلات کے کے مطابق اسپیکر پنجاب اسمبلی ملک احمد خان الیکشن کمیشن پہنچ گئے، جہاں انہوں نے سنی اتحاد کونسل کے ارکان صوبائی اسمبلی پنجاب کے خلاف نااہلی ریفرنس الیکشن کمیشن میں دائر کر دیا ملک احمد نے سنی اتحاد کونسل کے 26 ارکان صوبائی اسمبلی کے خلاف الیکشن کمیشن میں ریفرنس دائر کیا۔

    27 جون کو پنجاب اسمبلی کے اجلاس میں اپوزیشن ارکان نے شور شرابہ اور ہنگامہ آرائی کے ساتھ ساتھ توڑ پھوڑ کی تھی، اسپیکر پنجاب اسمبلی کی جانب سے پنجاب اسمبلی میں اپوزیشن کے 26 ارکان کی رکنیت معطل کی گئی تھی ، جس کے بعد 28 جون کو اسپیکر پنجاب اسمبلی ملک احمد خان نے اپوزیشن کے 26 ارکان کی ناا ہلی کے لیے ریفرنس الیکشن کمیشن کو بھیجنے کا اعلان کیا تھا۔

    دورانِ پرواز بھارتی ایئرلائن کے طیارے کی کھڑکی کا فریم نکل گیا

    اسپیکر پنجاب اسمبلی ملک احمد خان کا کہنا ہے کہ ریفرنس دائر کردیا ہے جو لوگ آئین اور حلف کی پاسداری نہیں کرسکتے انہیں رکن اسمبلی رہنے کا حق نہیں، آئین توڑنے والے 25 کے بجائے 35 بھی ہوں تو بھی یہی کروں گا، آئین ہمیشہ غالب رہے گا حلف کی پاسداری کی خلاف ورزی کس زمرے میں آتا ہے؟ یہ سوال الیکشن کمیشن کے سامنے رکھا ہے۔
    پولیو ورکرز کی حفاظت ہماری اولین ترجیح ہے ، وزیراعظم

  • دورانِ پرواز بھارتی ایئرلائن کے طیارے کی کھڑکی کا فریم نکل گیا

    دورانِ پرواز بھارتی ایئرلائن کے طیارے کی کھڑکی کا فریم نکل گیا

    گوا سے پُونے جانے والی پرواز کے دوران اسپائس جیٹ طیارے کی کھڑکی کا فریم نکل گیا-

    بھارتی میڈیا رپورٹس کے مطابق طیارے کی کھڑکی کا فریم نکلنے سے مسافروں میں خوف و ہراس پھیل گیابھارتی ائیر لائن کے جاری بیان میں کہا گیا ہے
    کہ متاثرہ حصہ صرف ایک ’کاسمیٹک‘ یعنی اندرونی کھڑکی کا فریم تھا۔ کھڑکی کا اندرونی فریم نکلنا مسافروں کے لیے خطرے کا باعث نہیں بنا۔

    بھارتی ایئرلائن کے مطابق طیارے کا دباؤ اور ساخت مکمل طور پر محفوظ رہی، اسپائس جیٹ کیو 400 طیارے میں کھڑکیوں کے کئی مضبوط حفاظتی پرت ہوتے ہیں، کھڑکیوں میں لگے حفاظتی پرت کسی بھی ممکنہ خطرے سے تحفظ فراہم کرتے ہیں۔

    انڈین میڈیا کا کہنا ہے کہ اسپائس جیٹ کی فلائٹ SG1080، جو ایک Bombardier Q400 ہ، 1 جولائی کی شام کو گوا سے پونے کے لیے روانہ ہوئی،ٹیک آف کے کچھ ہی دیر بعد، ایک مسافر نے دیکھا کہ کیبن کی کھڑکی کے اندرونی حصے کا ایک حصہ ڈھیلا پڑ گیا ہے۔ سوشل میڈیا پر جلد ہی ویڈیوز گردش کرنے لگیں، جس میں ہلکے رنگ کا پلاسٹک کا فریم، جسے شیڈ ٹرم کے نام سے جانا جاتا ہے، دیوار سے بے ترتیبی سے لٹکا ہوا دکھایا گیا ہے۔
    gawa se pone tak ki mamol ki parwaz masafron ke liye ek tanao min badil gayi jab is hafte ke sharo min spice

  • لاہور ہائیکورٹ: بانی پی ٹی آئی کی 9 مئی مقدمات میں تحریری فیصلہ جاری

    لاہور ہائیکورٹ: بانی پی ٹی آئی کی 9 مئی مقدمات میں تحریری فیصلہ جاری

    لاہور ہائیکورٹ نے9مئی کے 8 مقدمات میں بانی پاکستان تحریک انصاف (پی ٹی آئی) کی ضمانت کی درخواستیں مسترد کرنے کا تحریری فیصلہ جاری کر دیا ہے۔

    عدالت نے پولیس اہلکاروں کے بیانات کا حوالہ دیتے ہوئے کہا کہ پولیس کے مطابق9مئی واقعات کا منصوبہ 4 مئی کو تیار کیا گیا اور پلان بانی پی ٹی آئی نے ہی بنایا تھابانی پی ٹی آئی کے کیس کی نوعیت شریک ملزمان سے مختلف ہے کیونکہ وہ ایک لیڈر تھے اور ان کے الفاظ اور بیانات سے ریاستی املاک کو نقصان پہنچا،عدالت نے قرار دیا کہ یہ دلیل قابل قبول نہیں کہ 9 مئی کو بانی پی ٹی آئی جیل میں تھے۔

    فیصلے میں کہا گیا کہ ریاستی اداروں اور حکومت کو دباؤ میں لانے کے لیے مجرمانہ طاقت کا استعمال کیا گیا،پراسیکیوشن کے پاس آڈیو، ویڈیو اور ان کا ٹرانسکرپٹ بطور ثبوت موجود ہے، جو بانی پی ٹی آئی کی مبینہ سازش اور کردار کی نشاندہی کرتا ہے، بانی پی ٹی آئی کی طرف سے ادا کیے گئے سازشی الفاظ اور تقاریر نے عوام کو بھڑکایا، جس کے نتیجے میں ریاستی اداروں پر حملے کیے گئے۔

  • پولیو ورکرز کی حفاظت ہماری اولین ترجیح ہے ، وزیراعظم

    پولیو ورکرز کی حفاظت ہماری اولین ترجیح ہے ، وزیراعظم

    وزیراعظم محمد شہباز شریف کی زیر صدارت انسداد پولیو کی ٹاسک فورس کا اجلاس ہوا-

    اجلاس میں انسداد پولیو اوور سائیٹ بورڈ کے صدر و صدر گلوبل ڈیویلپمنٹ ، گیٹس فاؤنڈیشن ڈاکٹر کرسٹوفر ایلیاس کی زیر قیادت پولیو اوور سائیٹ بورڈ کے اراکین کی شرکت کی ، وزیراعظم نے کہا کہ پاکستان سے پولیو کے مکمل خاتمے کے لیے پرعزم ہیں ،انہو ن نے انسداد پولیو کی بھرپور کوششیں مزید تیز کرنے پر زور دیا-

    وزیر اعظم نے کہا کہ تمام تر مشکلات اور چیلنجز کے باوجود حکومت اپنے بین الاقوامی اور صوبائی ،مقامی تمام ٹیم کے مدد سے پاکستان سے انسداد پولیو کے ہدف کو جلد حاصل کر لے گی ہم پاکستان کے ہر بچے کو پولیو جیسے موذی مرض سے بچانے اور پولیو فری پاکستان کا عزم کرتے ہیں ہمیں پوری لگن اور سنجیدگی کے ساتھ اس امر کو یقینی بنانا چاہیے کہ ملک بھر کے ہر بچے کو ویکسین کی متعدد خوراکیں ملیں اور وہ پولیو سے محفوظ رہے-

    وزیراعظم نے کہا کہ فرنٹ لائن ورکرز کی لگن، حکومت پاکستان کے عزم اور پارٹنرز کے تعاون سے پاکستان نے پولیو کے خلاف اہم پیش رفت کی ہے انسداد پولیو کے لئے صوبائی ، گلگت بلتستان اور آزاد جموں و کشمیر کی حکومتوں اور قانون نافذ کرنے والے اداروں کی کوششیں اور تعاون لائق تحسین ہیں ،، پولیو ورکرز کی حفاظت ہماری اولین ترجیح ہے ،صوبائی حکومتوں سمیت تمام اسٹیک ہولڈرز کو پولیو کے خاتمے کے لئے یکجان ہو کر مزید تیزی سے کام کرنا ہوگا –

    وزیراعظم نے کہا کہ ہم اپنے تمام شراکت داروں کے شکر گزار ہیں جو پولیو کے خاتمے کے حوالے سے حکومت کا بھرپور ساتھ دے رہے ہیں ،سعودی ولی عہد و وزیر اعظم عزت مآب محمد بن سلمان کا بھی شکر گزار ہوں جو کی انسداد پولیو میں پاکستان کا ہر طرح سے ساتھ دے رہے ہیں ،پاکستان میں انسداد پولیو مہم میں بل گیٹس فاؤنڈیشن سمیت تمام شراکت داروں نے بہت اہم اور قابل تحسین کردار ادا کیا ہے-

    اجلاس کو انسداد پولیو کے حوالے سےبریفنگ میں بتایا گیا کہ جنوبی خیبر پختونخواہ کے علاقوں میں پولیو وائرس کے مکمل خاتمے کے لیےہر ڈسٹرکٹ میں درپیش مسائل کی نسبت سے مخصوص انسداد پولیو مہم تشکیل دی جا رہی ہے ،پاکستان میں انسداد پولیو مہم نہ صرف بچوں میں پولیو کیسز بلکہ اسکی ماحولیاتی موجودگی کو ختم کرنے میں بھی کوشاں ہیں –

    پولیو اوور سائیٹ بورڈ کے اراکین میں ریجنل ڈائریکٹر عالمی ادارہء صحت، ڈاکٹر حنان بلخی، یونیسیف کے ریجنل ڈائریکٹر سنجے وجیسکیرا، کے ایس ریلیف ، سعودی عرب کے ڈاکٹر زیاد میمیش ،روٹری انٹرنیشنل کے مائیک میکگورن اور ٹرسٹی روٹری کے عزیز میمن شامل تھے-

    اجلاس میں وفاقی وزیر قومی صحت سید مصطفیٰ کمال ، وزیر مملکت برائے قومی صحت ڈاکٹر مختار احمد بھرتھ، انسداد پولیو پر وزیراعظم کی فوکل پرسن عائشہ رضا فاروق ، چاروں صوبوں ، گلگت بلتستان ، آزاد جموں و کشمیر کے چیف سیکریٹریز ، اسلام آباد کیپیٹل ٹیریٹری کے چیف کمشنر ، انسداد پولیو کے نیشنل کوارڈینیٹر اور دیگر متعلقہ اعلیٰ سرکاری افسران نے شرکت کی.

  • فٹبالر ڈیاگو بھائی سمیت ٹریفک حادثے میں ہلاک

    فٹبالر ڈیاگو بھائی سمیت ٹریفک حادثے میں ہلاک

    لیورپول اور پرتگال کے فٹبالر ڈیاگو جوتا بھائی سمیت ٹریفک حادثے میں ہلاک ہو گئے۔

    اسپینش میڈیا کے مطابق 28 سالہ فٹبالر کی گاڑی جمعرات کی صبح شمالی اسپین کے شہر زمورا میں حادثے کا شکار ہوئی، ڈیاگو کے بھائی آندرے سوا بھی حادثے میں ہلاک ہو گئے، آندرے سوا پرتگال میں سیکنڈ ڈویژن لیگ کھیلتے تھے ڈیاگو جوتا گزشتہ ماہ یوئیفا نیشنز لیگ کا فائنل جیتنے والی پرتگال کی ٹیم میں شامل تھے،انہوں نے اس سال لیور پول کے ساتھ انگلش پریمیئر لیگ کا ٹائٹل بھی جیتا تھا۔

    میڈیا رپورٹس میں بتایا گیا ہے کہ ڈیاگو نے گزشتہ ہفتے ہی اپنی پارٹنر روٹ کارڈوسو سے شادی کی تھی۔

    جنرل ساحر شمشاد مرزا سے جنوبی افریقی ایئر چیف کی ملاقات

    پاکستان موسمیاتی تبدیلیوں سے شدید متاثر ہو رہا ہے،چیئرمین این ڈی ایم اے

    پیپلز پارٹی نے عوام سے جو وعدے کیے وہ نبھا رہی ہے،شرجیل میمن

  • جنرل ساحر شمشاد مرزا سے جنوبی افریقی ایئر چیف کی ملاقات

    جنرل ساحر شمشاد مرزا سے جنوبی افریقی ایئر چیف کی ملاقات

    چیئرمین جوائنٹ چیفس آف اسٹاف کمیٹی جنرل ساحر شمشاد مرزا سے جنوبی افریقہ کی فضائیہ کے سربراہ نے ملاقات کی، جس میں باہمی دلچسپی کے مختلف امور اور دوطرفہ تعاون پر تبادلہ خیال کیا گیا۔

    آئی ایس پی آر کے مطابق دونوں افواج کے درمیان روابط کو مزید وسعت دینے کیلئےعملی اقدامات پرگفتگو کی گئی، چیئرمین جوائنٹ چیفس آف اسٹاف کمیٹی جنرل ساحر شمشاد مرزا نے علاقائی امن و استحکام کیلئے پاکستان کی کوششوں کو اجاگر کیا۔

    آئی ایس پی آر کے مطابق جنوبی افریقی فضائیہ کے سربراہ لیفٹیننٹ جنرل وائز مین سیمو مبامبو نے پاک فوج کی پیشہ ورانہ صلاحیتوں کو سراہا اور دہشت گردی کے خلاف جنگ میں ان کی قربانیوں کا اعتراف کیا،قبل ازیں جنوبی افریقی فضائیہ کے سربراہ کی جوائنٹ سٹاف ہیڈکوارٹرز آمد پر چاق و چوبند دستے نے گارڈ آف آنر پیش کیا۔

  • پاکستان موسمیاتی تبدیلیوں سے شدید متاثر ہو رہا ہے،چیئرمین این ڈی ایم اے

    پاکستان موسمیاتی تبدیلیوں سے شدید متاثر ہو رہا ہے،چیئرمین این ڈی ایم اے

    چیئرمین این ڈی ایم اے کا کہنا ہے کہ پاکستان موسمیاتی تبدیلیوں سے شدید متاثر ہو رہا ہے،2025 تک پاکستان دنیا کے ان 15 ممالک میں شامل ہو سکتا ہے جہاں پانی کی شدید قلت ہو گی-

    قومی اسمبلی کی قائمہ کمیٹی برائے موسمیاتی تبدیلی کے ممبران نے این ڈی ایم اے کا دورہ کیا۔ دورے کےدوران چیئرمین این ڈی ایم اے لیفٹیننٹ جنرل انعام حیدر نے اراکین کو موسمیاتی خطرات، پیشگی انتباہی نظام، گلیشیئرز کے پگھلاؤ اور متوقع بارشوں سے متعلق تفصیلی بریفنگ دی۔

    چیئرمین این ڈی ایم اے نے بریفنگ میں بتایا کہ پاکستان موسمیاتی تبدیلیوں سے شدید متاثر ہو رہا ہے۔2025 تک پاکستان دنیا کے ان 15 ممالک میں شامل ہو سکتا ہے جہاں پانی کی شدید قلت ہو گی۔انہوں نے بتایا کہ رواں سال مون سون کے دوران معمول سے زیادہ بارشوں کا امکان ہے، خاص طور پر سندھ، جنوبی پنجاب اور بلوچستان کے کچھ علاقوں میں۔

    چیئرمین این ڈی ایم اے نے بریفنگ دیتے ہوئے کہا کہ گلیشیئرز کے پگھلنے سے ممکنہ طور پر سیلاب کا خدشہ بھی ظاہر کیا گیا اور گلوبل گلیشیئر مانیٹرنگ پورٹل کے ذریعے مسلسل نگرانی جاری ہے ادارے کے پاس جدید کنٹرول روم، ڈرونز، اور ایمرجنسی ریسپانس صلاحیتیں موجود ہیں۔

    چیئرمین این ڈی ایم اے نے کہا کہ اٹھارویں ترمیم کے بعد آفات سے نمٹنا صوبائی معاملہ ہے۔این ڈی ایم اے بروقت معلومات صوبوں کو فراہم کرتا ہے تاکہ وہ مناسب حفاظتی اقدامات اٹھا سکیں تاہم مختلف وجوہات، جیسے شہری تجاوزات اور عملی اقدامات میں تاخیر کے باعث مسائل حل نہیں ہو پاتے۔

    این ڈی ایم اے نے واضح کیا کہ وہ 6 ماہ پہلے ارلی وارننگ جاری کر دیتا ہے مختلف اداروں کے ساتھ ایمرجنسی ڈرلز بھی کی جا رہی ہیں اور بہت سی اہم معلومات صوبائی ڈیزاسٹر مینجمنٹ اتھارٹیز سے شیئر کی جا چکی ہیں۔

  • غزہ میں سیزفائر کن شرائط اور مراحل کے تحت کی جائے گی ؟

    غزہ میں سیزفائر کن شرائط اور مراحل کے تحت کی جائے گی ؟

    فلسطین کی مزاحمتی تنظیم حماس کی جانب سے تصدیق کی گئی ہے کہ ثالثوں کی جانب سے غزہ جنگ بندی معاہدے کی نئی تجاویز حماس کو موصول ہوئی ہے،امریکی اخبار میں دعویٰ کیا گیا ہے کہ سیزفائر کن شرائط اور مراحل کے تحت کی جائے گی۔

    امریکی اخبار نے اپنی رپورٹ میں دعویٰ کیا ہے کہ 10 یرغمالی اور 18 ہلاک اسرائیلیوں کی لاشیں 5 مرحلوں میں دی جائیں گی، جبکہ لاشیں اور یرغمالی رہا کرنے پر فلسطینی قیدی رہا کیے جائیں گے۔

    حماس کا کہنا ہے کہ ثالثوں کی جانب سے دی گئی نئی تجاویز کا مطالعہ کر رہے ہیں، ایسا معاہدہ چاہتے ہیں جس میں جنگ بندی اور غزہ سے اسرائیلی فوج کا انخلا شامل ہو غزہ میں عارضی جنگ بندی سے متعلق نئی تجاویز کا مطالعہ کر رہے ہیں، تاہم ایس ےمعاہدے کی خواہاں ہے جو اسرائیل کی جنگ کا مکمل خاتمہ کرے۔

    بدھ کے روز جاری کردہ ایک بیان میں حماس کا کہنا تھا کہ اسے ثالثوں کی جانب سے تجاویز موصول ہوئی ہیں اور وہ ان سے بات چیت کر رہی ہے تاکہ فاصلے کم کیے جا سکیں اور دوبارہ مذاکرات کی میز پر واپس آ کر جنگ بندی کے معاہدے تک پہنچا جا سکے ہمارا مقصد ایسا معاہدہ ہے جو غزہ کی جنگ کا خاتمہ کرے اور اسرائیلی افواج کے غزہ سے انخلا کو یقینی بنائے۔

    یہ اعلان ایک روز بعد سامنے آیا جب امریکی صدر ڈونلڈ ٹرمپ نے کہا تھا کہ اسرائیل نے غزہ میں 60 روزہ جنگ بندی کی تجویز سے اتفاق کر لیا ہے اور انہوں نے حماس پر زور دیا کہ وہ اس معاہدے کو قبول کرے، قبل اس کے کہ حالات مزید خراب ہوں ٹرمپ اسرائیلی حکومت اور حماس دونوں پر دباؤ ڈال رہے ہیں کہ وہ جنگ بندی پر رضامند ہوں اور حماس غزہ میں موجود اسرائیلی قیدیوں کو رہا کرے ، تاہم اسرائیل بضد ہے کہ وہ جنگ اس وقت تک ختم نہیں کرے گا جب تک حماس کا مکمل خاتمہ نہ کر دیا جائے ٹرمپ آئندہ ہفتے اسرائیلی وزیر اعظم بنیامین نیتن یاہو سے ملاقات کرنے والے ہیں۔

    تاہم حماس کے اعلان، جس میں جنگ کے خاتمے کے مطالبے پر زور دیا گیا، نے اس بات پر سوالات اٹھا دیے ہیں کہ آیا تازہ ترین تجویز واقعی لڑائی میں وقفہ لا سکے گی یا نہیں ، حماس کے بیان کے فوراً بعد نیتن یاہو نے اپنے ایک بیان میں کہا کہ جنگ کے بعد کے غزہ میں حماس موجود نہیں ہو گی۔

    امریکی میڈیا ادارے Axios کے مطابق، اسرائیلی حکام نے خبردار کیا ہے کہ اگر جنگ بندی سے متعلق مذاکرات جلد پیش رفت نہ کر سکے تو اسرائیلی فوج غزہ میں اپنی کارروائیاں مزید تیز کردے گی۔