Author: Ayesha Rehmani

صدر مملکت آصف علی زرداری نے کہا ہے کہ پاکستان چین کے ساتھ تاریخی تعلقات کو قدر کی نگاہ سے دیکھتا ہے۔

پاکستان اور چین کے درمیان سفارتی تعلقات کے 74 سال مکمل ہونے پر صدر آصف علی زرداری نے کہا کہ پاکستان اور چین کے مابین سدا بہار دوستی ہے، گزشتہ 7 دہائیوں کے دوران دونوں ممالک کے مابین تعلقات مضبوط سے مضبوط تر ہوئے ہیں،پاکستان “ون چائنا” پالیسی کے اصولی مؤقف کا مضبوط حامی ہے، پاک چین اقتصادری راہداری نے پاکستان کی معیشت ، بنیادی ڈھانچے اور توانائی کے شعبے پر مثبت اثرات چھوڑے ہیں۔

آصف زرداری نے مستقبل میں چین کے ساتھ تعلقات مزید وسیع کرنے کے عزم کا اعادہ کرتے ہوئے کہا کہ چین نے پاکستان کے دفاعی شعبے کی مضبوطی میں اہم کردار ادا کیا ہے، پاکستان معیشت، ٹیکنالوجی ، دفاع، تعلیم اور تجارت کے شعبوں میں دوطرفہ تعلقات کو مزید وسعت دینے کا خواہاں ہے-

اسلام آباد: وزیراعظم شہبازشریف نے کہا ہے کہ عاصم منیر کو فیلڈمارشل بنانے کا فیصلہ مکمل حکومت کا ہے، فوج کا نہیں، عاصم منیر کو فیلڈ مارشل بنانے کے فیصلے میں نوازشریف کی مشاورت شامل ہے۔

اسلام آباد میں سینئر صحافیوں سے گفتگو کرتے ہوئے وزیراعطم شہبازشریف نے کہاکہ پاکستان اور بھارت زمانہ امن کی پوزیشن پر بحال ہو گیا،پاکستان اور بھارت کے ڈی جی ایم اوز میں اتفاق ہو گیا، پاکستان اور بھارت زمانہ امن کی پوزیشن پر واپس آگئے ہیں،ان کا کہناتھا کہ حالیہ جنگ میں اسرائیل کے ہتھیار اور فوجی ایڈوائزر بھارت کی بھرپور مدد کررہے تھے،جنگ کے دوران اسرائیل نے بھارت کی بھرپور مدد کی،سرینگر، دیگر مقامات پر اسرائیلی ہتھیاروں کے استعمال کے ٹھوس شواہد موجود ہیں۔

وزیراعظم شہبازشریف نے کہا کہ دونوں ممالک کے ایڈوائزرز نیوٹرل مقام پر بات چیت کریں گے،بات چیت میں پاکستان کی طرف سے 4اہم نکات شامل ہوں گے،بھارت سے کشمیر، پانی، تجارت اور دہشتگردی پربات ہوگی، بھارت کیساتھ مذاکرات کیلئے اگر کوئی تیسرا ملک کردار ادا کرتا ہے تو ہم تیار ہیں،پاکستان ہمیشہ امن کی ہی بات کرتا ہے،ہمارا جو پانی کاحق ہے ،وہ ہرصورت میں وہ لے کررہیں گے،بھارت کونہیں لگتا تھا کہ پاکستان جارحیت کاجواب دے گا،پاکستان نے بھار ت کو بھرپور جواب دیا تو ان کے ہوش ٹھکانے آگئے،پاکستان اپنے معاشی اہداف کو حاصل کررہا ہے،آنے والے بجٹ میں عوام کو ریلیف دینے کے لیے اقدامات کریں گے، وزیراعظم کاکہناتھا کہ خضدار میں افسوسناک واقعہ پیش آیا،دہشتگردی کاقلع قمع کریں گے۔

ملک بھر میں خواتین کے کپڑوں کی بڑھتی قیمتوں کا معاملہ قومی اسمبلی تک پہنچ گیا۔

ایوان کے اجلاس میں وقفہ سوالات کے دوران رکن قومی اسمبلی شگفتہ جمانی نے معاملہ اٹھا دیا،شگفتہ جمانی نے کہا کہ برینڈز کا نام دے کر لوکل ٹیکسٹائل نے اپنی قیمتیں بڑھا دی ہیں، جو لیڈیز سوٹ 7 سے 8 ہزار روپے میں ملتا تھا اب اس کی قیمت 20 ہزار ہے، ان پر چیک اینڈ بیلنس کون رکھے گا؟جو گھر سے اٹھتا ہے وہ ٹیکسٹائل کا بزنس شروع کر دیتا ہے اور اپنا نام رکھ لیتا ہے۔

اس موقع پر پارلیمانی سیکرٹری تجارت ذوالفقار علی بھٹی نے کہا کہ لوکل مارکیٹ اور ریٹیل مارکیٹ پر ہمارا کوئی کنٹرول نہیں ہے، لوکل مارکیٹ میں قیمتیں بڑھنے کی وجہ بجلی اور گیس کی قیمتوں میں اضافہ ہو سکتا ہے۔

دوسری جانب پاکستان ٹیکسٹائل کونسل نے بجٹ تجاویز وزارت خزانہ کو پیش کردیں۔

پاکستان ٹیکسٹائل کونسل نے وزیراعظم شہباز شریف، وفاقی وزیر خزانہ محمد اورنگزیب اور وفاقی وزیر منصوبہ بندی احسن اقبال کو خطوط ارسال کیے ہیں جس میں برآمدی نمو پر مبنی حکومتی ویژن برقرار رکھنے کی درخواست کی گئی ہے۔

پاکستان ٹیکسٹائل کونسل نے اپنی بجٹ تجاویز میں برآمدی مسابقت، ویلیو ایڈیشن اور لاگت میں کمی پر زور دیتے ہوئے وزیر خزانہ کی اقتصادی استحکام کی کوششوں کو سراہا۔ پاکستان ٹیکسٹائل کونسل نے احسن اقبال کی ای ایف ایس اسکیم کی قیادت اور اصلاحات کا بھی اعتراف کیا۔

خط میں کہا گیا کہ ویلیو ایڈڈ ٹیکسٹائل برآمدات کیلئے حکومتی سمت کی مکمل حمایت کرتے ہیں، یقین ہے بجٹ میں فنانس منسٹر توانائی کی بلند قیمت اور بھاری ٹیکسوں کے حوالے سے ضروری اقدامات کریں گے، ای ایف ایس اسکیم کی اصل روح کو بحال کرنا برآمدات کے لیے ناگزیر ہے۔

اسلام آباد: پاکستان اور افغانستان نے تجارت، رابطہ کاری اور سکیورٹی تعاون بڑھانے پر اتفاق کیا ہے۔

بیجنگ میں پاکستان، چین اور افغانستان کے درمیان اعلیٰ سطح کا سہہ فریقی اجلاس ہوا ذرائع کے مطابق اجلاس میں پاکستان کے نائب وزیرِاعظم و وزیرِ خارجہ اسحاق ڈار، چین کے وزیر خارجہ اور افغانستان کے وزیر خارجہ ملا امیر خان متقی نے شرکت کی اجلاس میں سی پیک کو افغانستان تک توسیع دینے پر اتفاق کیا گیا-

یہ اجلاس مثبت، تعمیری اور دوستانہ ماحول میں منعقد ہوا،اجلاس میں تینوں ممالک کے وزرائے خارجہ نے اپنی اپنی ٹیموں کی قیادت کی اور خطے میں استحکام، باہمی تعاون، اقتصادی روابط، اور سیکیورٹی امور پر تفصیلی گفتگو کی گئی-

دشمن روایتی جنگ میں شکست کےبعد بچوں پر حملے کرنے پر اتر آیا ہے،عطا اللہ تارڑ

ترجمان دفتر خارجہ کے مطابق اس موقع پر خطے میں دہشت گردی کا مشترکہ مقابلہ کرنے پر بھی اتفاق کیا گیا، وزرائے خارجہ نے خطے کی سلامتی اور اقتصادی روابط کو فروغ دینے کیلئے تعاون کے عزم کا اظہار کیا اور بیلٹ اینڈ روڈ انیشیٹو پر تعاون کو گہرا کرنے پر اتفاق کیا۔

علاوہ ازیں ترجمان دفتر خارجہ کے مطابق اسحاق ڈار نے بیجنگ میں افغان وزیر خارجہ امیر خان متقی سے ملاقات کی جس میں دوطرفہ تعلقات کے مثبت رجحان پر اطمینان کا اظہار کیا گیا جب کہ ملاقات میں تجارت، ٹرانزٹ اور سفارتی روابط میں پیشرفت کا خیر مقدم کیا گیا۔

بجلی ایک روپے 27 پیسے فی یونٹ مہنگی ہونے کا امکان

ترجمان دفتر خارجہ کے مطابق دونوں رہنماؤں نے تجارت، رابطہ کاری اور سکیورٹی تعاون بڑھانے پر اتفاق کیا اور وزیر خارجہ اسحاق ڈار نے حالیہ دورہ کابل کا بھی حوالہ دیا،ملاقات میں پاکستان اور افغانستان کے درمیان باہمی مفادات کو فروغ دینے پر زور دیا گیا۔

وزیر اطلاعات عطا اللہ تارڑ نے کہا ہے کہ بھارت شکست کا بدلہ بچوں سے لے رہا ہے ایک ایک دہشتگرد کو ٹھکانے لگائیں گے-

قومی اسمبلی میں خطاب کرتے ہوئے انہوں نے کہا ہے کہ پوری قوم نے افواج پاکستان کا ساتھ دیا، افواج پاکستان نے بھارت کو تار یخی شکست دی، دشمن کو روایتی جنگ میں شکست ہوئی دشمن روایتی جنگ میں شکست کےبعد بچوں پر حملے کرنے پر اتر آیا ہے، فیلڈ مارشل عاصم منیر نےبھارت کو دھول چٹائی، بھارت شکست کابدلہ بچوں سے لے رہا ہے ایک ایک دہشتگرد کو ٹھکانےلگائیں گے ،بھارت کو ہر میدان میں شکست دیں گے، انہوں نے کہا کہ خضدار میں اسکول بس کو نشانہ بنایا گیا۔

عطا تارڑ نے کہا کہ خیبرپختونخوا میں بھی بھارتی پراکسیز دہشت گردی میں ملوث ہیں، دہشت گردوں کے خاتمے تک چین سے نہیں بیٹھیں گے،بھارت خارجیوں کے ذریعے دہشت گردی کرا رہا ہے،بھارت کی پراکسی وار کو بھی شکست دیں گے،خضدار واقعے کی تحقیقات کرائی جا رہی ہیں، دہشت گردوں کوکیفر کردار تک پہنچائیں گے۔

بجلی ایک روپے 27 پیسے فی یونٹ مہنگی ہونے کا امکان ہے۔

سی پی پی اے نے اپریل کی ماہانہ فیول پرائس ایڈجسٹمنٹ کی مد میں درخواست نیپرا میں دائر کر دی ہے، نیپرا درخواست پر 29 مئی کو سماعت کے بعد فیصلہ کرے گا۔

سی پی پی اے کی جانب سے درخواست میں کہا گیا کہ اپریل میں 10 ارب 51 کروڑ 30 لاکھ یونٹس بجلی پیدا کی گئی،اپریل میں بجلی کمپنیوں کو10 ارب 19 کروڑ 60 لاکھ یونٹس بجلی فراہم کی گئی۔

ہم بھارت کےبزدلانہ حملوں پر خاموش تماشائی نہیں بن سکتے، سرفراز بگٹی

اپریل میں پانی سے 21.94 فیصد اور کوئلے سے 14.51 فیصد بجلی پیدا کی گئی، سی پی پی اے نے کہا کہ درآمدی کوئلے سے 10.02 اور فرنس آئل سے 0.97 فیصد بجلی پیدا کی گئی، مقامی گیس سے 8.01 درآمدی ایل این جی سے 20.52 فیصد بجلی پیدا کی گئی، سی پی پی اے کے مطابق اپریل میں جوہری ایندھن سے 17.91 فیصد بجلی پیدا کی گئی۔