Author: Ayesha Rehmani

پاکستان میں عالمی شہرت یافتہ کمپنی اسٹار لنک جلد ہی اپنی سروسز شروع کرنے جا رہی ہے-

ذرائع کے مطابق، معروف عالمی کمپنی اسٹار لنک نے پاکستانی قوانین اور ریگولیٹری فریم ورک کے ماتحت کام کرنے پر آمادگی ظاہر کر دی ہے، توقع ہے کہ رواں سال کے آخر تک اسٹار لنک پاکستان میں اپنی سروسز کا باقاعدہ آغاز کر دے گی بانی ایلون مسک کی اس لانچنگ تقریب میں شرکت کا بھی امکان ظاہر کیا جا رہا ہے۔

پاکستان اسپیس ایکٹویٹیز ریگولیٹری بورڈ (سپارکو) بین الاقوامی سیٹلائٹ ریگولیٹری فریم ورک کی تیاری میں مصروف ہے، جسے حتمی شکل دینے کے بعد اسٹار لنک کو باقاعدہ رجسٹریشن دی جائے گی، سیٹلائٹ انٹرنیٹ فراہم کرنے والی دیگر کمپنیوں کی آرا کو بھی مدنظر رکھتے ہوئے اس فریم ورک کے ڈرافٹ کو حتمی شکل دی جا رہی ہے، اس سلسلے میں گزشتہ ماہ اسپیس ایکٹویٹیز ریگولیٹری بورڈ نے ایک مقامی ہوٹل میں سیٹلائٹ کمپنیوں کے ساتھ ایک ورکشاپ کا انعقاد کیا تھا، جس میں وفاقی وزیر برائے آئی ٹی اینڈ ٹیلی کام شزا فاطمہ نے بھی شرکت کی۔

ورکشاپ میں شنگھائی ٹیلی کام، ایمازون، ون ویب سمیت کئی بین الاقوامی کمپنیوں نے شرکت کی اور ریگولیٹری بورڈ میں رجسٹریشن کی درخواست دینے کا عندیہ بھی ظاہر کیا،تاہم، اسٹار لنک وہ پہلی کمپنی ہے جس نے باقاعدہ طور پر رجسٹریشن کے لیے درخواست جمع کرائی ہے، اس فریم ورک کے تحت رجسٹریشن کے بعد اسٹار لنک کو پاکستان ٹیلی کمیونیکیشن اتھارٹی (پی ٹی اے) کی جانب سے لائسنس جاری کیا جائے گا۔

متحدہ عرب امارات کی معروف ائیرلائن کا ٹکٹ اب کرپٹو کرنسی سے بھی خریدا جاسکے گا-

حکام کے مطابق اماراتی ائیرلائن کا عالمی کرپٹو حکام سے معاہدہ ہوگیا ہے ناصرف اماراتی ائیرلائن کے ٹکٹ کی خریداری کے لیے کرپٹو کرنسی قبول ہوگی بلکہ دبئی ائیرلائن پر ڈیوٹی فری میں بھی کرپٹو سے شاپنگ ممکن ہوگی، اماراتی ایئرلائن کا منصوبہ ہے کہ وہ 2026 کی وسط تک کرپٹو کرنسی کی ادائیگیوں کا باقاعدہ آغاز کرے گی، ابتدا میں منتخب بین الاقوامی راستوں پر یہ سہولت فراہم کی جائے گی۔

کرپٹو کرنسی کے طور پر بٹ کوائن، ایتھریم اور اسٹیبل کوائنز کو سپورٹ کیا جائے گا۔ اس معاہدے میں ریگولیٹری تعمیل جیسے کہ منی لانڈرنگ کی روک تھام کے پروٹوکول اور ”کونو یور کسٹمر“ (KYC) معیار شامل ہونے کی توقع ہے،دبئی کے حکام پُرعزم ہیں کہ دبئی کا ڈیجیٹل وژن کرپٹو کرنسی سے مربوط ہوگا۔

مسجد الحرام میں غسل کعبہ کی روح پرور تقریب ہوئی جس میں بیت اللہ کی اندرونی دیواروں اور فرش کو آبِ زم زم اور عرقِ گلاب سے غسل دیا گیا۔

مسجدالحرام میں غسل کعبہ کی روح پرور سالانہ تقریب کا انعقاد کیا گیا جس میں سعودی شاہی خاندان کے اہم افراد سمیت دیگر اعلیٰ شخصیات شریک ہوئیں تقر یب میں خادم الحرمین الشریفین شاہ سلمان بن عبدالعزیز کی نیابت کرتے ہوئے گورنر مکہ مکرمہ سمیت آئمہ کرام سمیت دیگر اہم شخصیات اور غیر ملکی سفرا بھی شریک ہوئے۔

https://x.com/HaramainInfo/status/1943083956842435038

اس موقع پر شرکا نے 40 لیٹر آب زم زم اور عرق گلاب سے بیت اللہ کی اندرونی دیواروں اور فرش کو غسل دیا، نوافل ادا کیے،اور دعاؤں میں امت مسلمہ کے لیے خیر، امن اور اتحاد کی دعائیں مانگیں،غسل کے اختتام پر خالص عود اور دیگر خوشبوؤں سے بیت اللہ کو معطر کیاگیا جب کہ زائرین کی بڑی تعداد نے یہ مسجد الحرام میں یہ روحانی منظر دیکھا اور ویڈیوز و تصاویر سوشل میڈیا پر شیئر کی گئیں، جو دنیا بھر کے مسلمانوں کے لیے باعثِ عقیدت بن گئیں۔

https://x.com/HaramainInfo/status/1943231758889038245

امریکا نے اقوام متحدہ کی جانب سے مقبوضہ فلسطینی علاقوں میں انسانی حقوق کی نمائندہ فرانچیسکا البانیز پر اسرائیل اور امریکی حکام کے خلاف تنقید پر پابندیاں لگا دی ہیں۔

امریکی وزیر خارجہ مارکو روبیو نے کہا کہ فرانچیسکا البانیز پر "امریکی و اسرائیلی حکام، کمپنیوں اور ایگزیکٹوز کے خلاف بین الاقوامی عدالت میں کارروائی کی شرمناک کوشش” کرنے پر پابندیاں عائد کی گئی ہیں،البانیوں کی امریکہ اور اسرائیل کے خلاف سیاسی اور اقتصادی جنگ کی مہم کو مزید برداشت نہیں کیا جائے گا ہم اپنے شراکت داروں کے اپنے دفاع کے حق میں ہمیشہ ان کے ساتھ کھڑے رہیں گے،قانون کے جواب میں اور اپنی خودمختاری اور اپنے اتحادیوں کی حفاظت کے لیے امریکہ جو بھی اقدامات ضروری سمجھے وہ کرتا رہے گا۔

https://x.com/SecRubio/status/1942998936874054046

فرانچیسکا البانیز، جو ایک اطالوی وکیل اور ماہر قانون ہیں، نے فلسطین میں اسرائیلی کارروائیوں کو ’نسل کشی‘ (genocide) قرار دیا تھا اور اقوام متحدہ میں اسلحہ کی پابندی اور اسرائیل سے تجارتی و مالی تعلقات ختم کرنے کا مطالبہ کیا تھا،رواں ماہ کے آغاز میں شائع ہونے والی ان کی رپورٹ میں 60 سے زائد کمپنیوں کو اسرائیلی کارروائیوں میں شراکت دار قرار دیا گیا تھا، جن میں اسلحہ ساز، ٹیکنالوجی اور مالیاتی ادارے شامل ہیں۔

گزشتہ سال 276 ارب روپے کی بجلی چوری کی گئی،اویس لغاری

فرانچیسکا البانیز نے ’ایکس‘ پر ردعمل دیتے ہوئے کہا کہ "میں ہمیشہ کی طرح انصاف کے ساتھ مضبوطی سے کھڑی ہوں ، جیسا کہ میں نے ہمیشہ کیا ہے میں ایک ایسے ملک سے آئی ہوں جہاں نامور قانونی اسکالرز، باصلاحیت وکلاء اور دلیر ججوں کی روایت ہے جنہوں نے بڑی قیمت پر اور اکثر اپنی جان دے کر انصاف کا دفاع کیا ہے میں اس روایت کا احترام کرنا چاہتی ہوں، اسے ایک وجہ سے روم کا قانون کہا جاتا ہے، اور مجھے اس پر فخر ہے۔

انہوں نے الجزیرہ کو دیئے گئے پیغام میں امریکی اقدام کو ’مافیا طرز کی دھونس‘ قرار دیا۔

https://x.com/FranceskAlbs/status/1943091793349796176

دوسری جانب ایمنسٹی انٹرنیشنل اور متعدد عالمی انسانی حقوق اداروں نے اس اقدام کی مذمت کرتے ہوئے کہا کہ اقوام متحدہ کے خصوصی نمائندوں کو سزا نہیں بلکہ تحفظ دیا جانا چاہیے،ایمنسٹی کی سیکریٹری جنرل ایگنیس کالامارڈ نے کہا: "ایسے تمام حکومتوں کو جو قانون کی بالادستی اور بین الاقوامی انصاف پر یقین رکھتی ہیں، چاہیے کہ وہ ان پابندیوں کے اثرات کو روکے اور فرانچیسکا البانیز جیسے نمائندوں کی آزادی کا دفاع کریں۔

بیٹوں کو پاکستان آکروالد سے ملاقات کی کوشش پر گرفتاری کی دھمکیاں دی جا رہی ہیں،جمائمہ کا انکشاف

بانی پی ٹی آئی کی سابق اہلیہ جمائما گولڈ اسمتھ نے کہا ہے کہ ان کے بچوں کو اپنے والد سے فون پر بات کرنے کی اجازت نہیں۔

سوشل میڈیا پلیٹ فارم ”ایکس“ پر جاری اپنے بیان میں جمائمہ نے کہا کہ میرے بیٹوں کو اپنے والد سے رابطے کی اجازت نہیں دی جا رہی عمران خان گزشتہ دو برس سے قیدِ تنہائی میں ہیں انہوں نے الزام عائد کیا کہ پاکستان میں حکومتی سطح پر ان کے بیٹوں کو خوفزدہ کیا جا رہا ہے کہ اگر وہ ملاقات کی کوشش کریں گے تو انہیں بھی جیل میں ڈال دیا جائے گا،یہ کسی جمہوریت یا ایک فعال ریاست میں نہیں ہوتا، یہ سیاست نہیں ذاتی انتقام ہے۔

https://x.com/Jemima_Khan/status/1943204500405391839

دوسری جانب عمران خان کے صاحبزادے قاسم خان بھی اپنے ایکس اکاؤنٹ پر اظہار خیال کر چکے ہیں، جنہوں نے کہا کہ ان کے والد کو بچوں سے بات چیت اور ذاتی معالج تک رسائی بھی نہیں دی جا رہی۔

واضح رہے کہ آج سینیٹر عرفان صدیقی نے کہا تھا کہ بانی پی ٹی آئی اپنے بچوں کو سیاست میں لانا چاہتے ہیں، ان کے بچے ضرور پاکستان آئیں، تحریک چلانا چاہتے ہیں تو چلائیں،بانی پی ٹی آئی کے بچے قانون کے دائرے میں رہ کر کام کریں تو اعتراض نہیں، ان کے بچوں کے آنے سے کوئی طوفان نہیں آئے گا،اگر عمران خان کے بیٹے پاکستان آئے تو یہاں کی گرمی ان کے لیے ناقابلِ برداشت ہو گی، لیکن والد کی رہائی کا دروازہ نہیں کھول سکیں گے۔

رانا ثناء اللہ نے کہا تھا کہ اگر کوئی شخص بیرونِ ملک سے آ کر ہنگامہ آرائی یا سیاسی خلفشار پھیلانے کی کوشش کرے گا تو اس کے خلاف کارروائی کی جائے گی، ن لیگی رہنما بیرسٹر عقیل ملک نے بھی واضح کیا ہے کہ اگر کوئی غیر ملکی شہری یا برطانوی پاسپورٹ رکھنے والا فرد پاکستان میں سیاسی سرگرمیوں کے ارادے سے ویزا حاصل کرنا چاہے گا تو اسے ویزا جاری نہیں کیا جائے گا۔