Author: Ayesha Rehmani

کراچی: اداکار اظفر علی کا کہنا ہے کہ انہیں طلاق اور دوسری شادی کے بعد شدید تنقید اور بائیکاٹ کا سامنا کرنا پڑا-

باغی ٹی وی :اظفرعلی ایک اداکار، ہدایت کار اور پروڈیوسر ہیں جو کئی بڑے ہٹ شوز کے پیچھے ان کا نام ہے اوروہ انڈسٹری میں کئی نئے چہرے بھی لے کر آئے ہیں انہں کامیڈی ٹائمنگ کے لیے بھی جانا جاتا ہے اور مانی کے ساتھ ان کی جوڑی کو آج بھی یادگار جوڑی سمجھا جاتا ہے، اظفر کی پہلی شادی اداکارہ سلمیٰ حسن سے ہوئی تھی اور ان کی ایک بیٹی ہے بعد میں انہوں نے نوین وقار سے دوسری شادی کی اور وہ شادی بھی طلاق پر ختم ہوئی۔

اظفر علی ایک شو میں مہمان تھے جہاں انہوں نے انڈسٹری میں بہت مشکل وقت سے گزرنے کے بارے میں بات کی،انہوں نے بتایاکہ جب سلمیٰ حسن سے طلاق کے بعد انہوں نےنوین وقار سےشادی کر لی تو انہیں شدید تنقید اور بائیکاٹ کا سامنا کرنا پڑا اس وقت نوین وقار ایک بہت بڑی اسٹار تھیں ، ڈرامہ سیریل ”ہمسفر“ کے ہٹ ہونے کے بعد اور ان کی شادی کو شدید ردعمل ملاجو ان کے لیے انتہائی تکلیف کا باعث بنا۔

اے آر رحمان کو دائرہ اسلام میں داخل ہوتے وقت خاندانی دباؤ کا سامنا کرنا پڑا، بھارتی فلمساز کا انکشاف

انہوں نے بتایا کہ شادی کے بعد مجھے میڈیاسے دور رکھا گیا مجھے کم کام ملنے لگا یہی نہیں لوگوں نے مجھ سے ملنا جلنا بھی چھوڑ دیا تھا۔ کچھ لوگ مجھ سے ہمدردی جتاتے تھے جومجھے پسند نہیں تھا میں اور میرا کیریئر زوال کی طرف چلے گئے یہ دور بہت مشکل سے گزرا۔

انہوں نے کہا اب میں اپنی زندگی کو مثبت رخ پر لے جارہا ہوں اور نئی تبدیلیوں کے ساتھ کام کی طرف لوٹ رہا ہوں میں نے ہدایت کاری، پروٖڈکشن اور اداکاری کے پروجیکٹس پر کام کرنا شروع کردیا ہے اور اس مشکل دور سے نکلنے کی بھرپور کوشش میں مصروف ہوں-

وزیراعظم کا رمضان ریلیف پیکج کا تھرڈ پارٹی آڈٹ کرنے کی ہدایت

معروف ٹک ٹاک اسٹار جنت مرزا نے ڈراموں میں کام نہ کرنے کی اصل وجوہات سے پردہ اٹھا دیا-

باغی ٹی وی : جنت مرزا حال ہی میں اپنے خاندان کے ساتھ ایک شو میں شرکت کی جہاں انہوں نے ڈراموں میں کام نہ کرنے کی وجہ بتائی جنت مرزا نے انکشاف کیا کہ میں ڈرامے سائن کرنے سے گھبراتی ہوں کیونکہ مجھے ہوائی سفر کا خوف ہے، پاکستان میں تقریباً تمام بڑے ڈرامےکراچی میں شوٹ کیےجاتے ہیں اور وہاں جانے کے لیے پی آئی اے کی پرواز لینا پڑتی ہے جو خوفزدہ کر دیتی ہے۔

ٹک ٹاکر نے بتایا کہ طیارہ حادثات دیکھ کر میں بہت زیادہ خوف میں مبتلا ہو چکی ہوں اور کسی بھی قیمت پر کراچی کا فضائی سفر نہیں کرنا چاہتی،ڈراموں میں کام کرنا بہت زیادہ وقت مانگتا ہے اور میں طویل شوٹنگ شیڈول کو فالو نہیں کر سکتی، مجھے فیصل آباد میں اپنی فیملی کے ساتھ رہنا پسند ہے اور بار بار کراچی آ کر شوٹنگ کرنے کی خواہش نہیں۔

جب فیصل قریشی کی بیٹی جنید جمشید کو دیکھ کر رو پڑی

جنت مرزا نے کہا کہ فلم کرنا نسبتاً آسان تھا کیونکہ فلم کا شوٹنگ شیڈول محدود ہوتا ہے، جبکہ ڈرامے مہینوں تک چلتے ہیں اور اداکاروں کو ہر وقت سیٹ پر موجود رہنا پڑتا ہےمجھے اداکاری میں دلچسپی ہے، لیکن موجودہ حالات میں ڈرامے کرنا ممکن نہیں، اگر مستقبل میں ایسا کوئی پروجیکٹ ملا جو فیصل آباد یا لاہور میں شوٹ ہو اور جس میں وقت کی زیادہ پابندی نہ ہو تو اس پر ضرور غور کروں گی۔

خلیل الرحمان قمر کیس،آمنہ نے "دھوکے” سے بلایا، عدالت میں بیان

واضح رہے کہ معروف ہدایت کار سید نور کی فلم تیرے باجرے کی راکھی میں کام کیا، لیکن وہ فلم بری طرح فلاپ رہی، تاہم حیران کن طور پر انہوں نے کئی بڑے ڈرامے جیسے پری زاد اور ہم کہاں کے سچے تھے کرنے سے انکار کر دیاتھا-

کراچی: پاکستان شوبز انڈسٹری کے معروف میزبان و اداکار فیصل قریشی نے بتایا کہ ان کی بیٹی کی گلوکار و نعت خواں جنید جمشید سے ملاقات کے دوران رو پڑی تھیں-

باغی ٹی وی : فیصل قریشی نے رمضان ٹرانسمیشن میں مہمان گلوکار ہارون شاہد کے ساتھ جنید جمشید کے بارے میں بات کرتے ہوئے بتایا کہ جب میری بیٹی آیت تقریباً 3 سال کی تھی اور وہ اپنے اسکول میں ہونے والی کسی تقریب کے لیے ملی نغمہ’دل دل پاکستان‘ کی ریہرسل کر رہی تھی، اسی وقت مجھے جنید بھائی کی کال آئی تو میں نے اپنی بیگم کو بتایا کہ میں جنید بھائی کے ساتھ جا رہا ہوں تو وہ کہنے لگیں کہ آیت ابھی اُنہی کے گائے ہوئے ملی نغمے کی ریہرسل کر رہی ہے۔

اداکار نے بتایا کہ میں گھر سے نکل کر جنید بھائی کے ساتھ چلا گیا اور جب ہم نماز پڑھ کر آپس میں باتیں کرنے لگے تو میں نے اُنہیں بتایا کہ میری بیٹی ابھی گھر پر اپنے اسکول کی کسی تقریب کے لیے آپ کے مشہور ملی نغمے ’دل دل پاکستان‘ کی ریہرسل کر رہی ہے تو جنید بھائی نے فوراً کہا کہ چلو پھر ہم تمہاری بیٹی سے ملنے چلتے ہیں۔

خلیل الرحمان قمر کیس،آمنہ نے "دھوکے” سے بلایا، عدالت میں بیان

فیصل قریشی نے بتایا کہ میں نے اپنی بیوی کو فون کر کے بتایا کہ جنید بھائی گھر پر آیت سے ملنے آ رہے ہیں تو یہ سن کر آیت بہت خوش ہوئی اور فوراً تیار ہو کر بیٹھ گئی لیکن جیسے ہی اس نے جنید بھائی کو دیکھا تو رونے لگ گئی،جب میں نے آیت سے رونے کی وجہ پوچھی تو کہنے لگی کہ آپ نے مجھ سے جھوٹ بولا یہ تو جنید جمشید نہیں کوئی اور ہیں۔

بھٹو کی برسی ،سندھ میں عام تعطیل کا اعلان

اداکار نے بتایا کہ آیت نے جنید جمشید کو صرف پرانی ویڈیوز میں دیکھا تھا اس لیے وہ جنید جمشید کو داڑھی کے ساتھ نئے روپ میں پہچان نہیں سکی پھر جنید بھائی نے آیت سے کہا کہ چلو میں آپ کے سامنے ’دل دل پاکستان‘ گا کر سناتا ہوں، جنید بھائی نے آیت کو یقین دلانے کے لیے اس کے سامنے بیٹھ کر پورا ملی نغمہ گایا اور میں حیرت سے اُنہیں دیکھتا رہا۔

سوشل میڈیا پر اداروں کیخلاف مواد شیئر کرنے والے کی ضمانت منظور