خالصتان تحریک کے رہنما گرپتونت سنگھ پنوں نے کہا ہے کہ بھارتی فوج کے اندر موجود سکھ جانتے ہیں کہ ان کا اصل دشمن پاکستان نہیں بلکہ بھارتی سسٹم ہے۔
گرپتونت سنگھ پنوں نے کہا کہ پاکستان انڈیا کی جنگ ہوگی یا نہیں اس بارے میں کچھ نہیں کہہ سکتا، فی الحال بھارت نے پاکستان پر حملہ نہیں کیا لیکن پاکستان کو ہرگز اطمینان سے نہیں بیٹھنا چاہیے اگر بھارت نے پنجاب سے پاکستان پر حملہ کیا تو سکھ پاکستان کی پہلی دفاعی لائن ہوں گے اور بھارتی ٹینکوں کا رخ موڑ دیں گے بشرطیکہ پاکستان حکومت اور فوج سکھوں اور پنجاب کا ساتھ دے اور اقوام متحدہ کے تحت خالصتان کے ریفرنڈم کو آگے بڑھائے۔
انہوں نے کہا کہ بھارتی فوج کے اندر موجود سکھ جانتے ہیں کہ ان کا اصل دشمن پاکستان نہیں بلکہ بھارتی سسٹم ہے اور وہ مودی کی جنگ نہیں بلکہ پنجاب کی آزادی کی جنگ لڑنا چاہتے ہیں، اگر کوئی سکھ فوجی کوشش بھی کرے گا پاکستان پر حملہ کرنے کی تو اسے ہار ہوگی۔
بھارت نے بلاول اور عمران خان کا ایکس اکاؤنٹ بلاک کر دیا
گرپتونت نے دعویٰ کیا کہ آزاد پنجاب یعنی خالصتان ہی پاکستان کے سیاسی اور معاشی مسائل کا حل ہے کیونکہ خالصتان بننے کے بعد پاکستان میں بھی ترقی کے دروازے کھلیں گے انہوں نے بلوچستان میں بھارتی مداخلت کو ایک کھلی حقیقت قرار دیا اور کہا کہ اگر پا کستان چاہے تو حالیہ دہشتگرد حملے کو اقوام متحدہ میں لے جا سکتا ہے۔
انہوں نے کہا کہ پاکستان آج صرف اپنی فوج کی بدولت قائم ہے، عموماً سیاستدان دونوں ممالک میں صرف کرسی بچانے میں مصروف رہتے ہیں تاہم پاکستان کے موجودہ وزیراعظم کو انہوں نے مخلص قرار دیا جہاں تک مقبوضہ کشمیر کی بات ہے وہ اپنی آزادی کی لڑائی لڑ رہے ہیں ہندوستان کو غلط فہمی ہے کہ وہ نہیں ٹوٹے گا، پہلے پنجاب آزاد ہوگا پھر کشمیر ہوگا، روزانہ کی بنیاد پر 10، 15 کشمیری فریڈم فائٹر جاں بحق ہو جاتے ہیں اور ڈھائی ارب مسلمان موجود ہیں جنمیں سے اکثریت کا ڈی این اے بدل کر بھارتی ہو چکا ہےپاکستان کو چاہیے تھا کہ بلوچستان میں جو ابھی دہشت گردی کی گئی اس کی قرارداد اقوام متحدہ لے کر جاتا۔
وفاقی حکومت کا وزرا کی تنخواہوں سے متعلق بڑا فیصلہ، آرڈیننس جاری
پہلگام واقعہ سے متعلق گرپتونت سنگھ نے کہا کہ بھارتی سرکار مودی وزیراعظم ، امیت شاہ ، اجیت دوول ، راج ناتھ اور جے شنکر یہ وہ لوگ ہیں جنہوں نہ صرف بھارت میں دہشت گردی کی ہے بلکہ پوری دنیا میں دہشت گردی پھیلا رہے ہیں یہ حقیقت ہے کہ پہلگام وقعہ میں ہندوؤں کی قتل و غارت ہوئی ہے لیکن اس کے پیچھے بھارتی سرکار ہے، اب دیکھنا یہ ہے کہ اس واقعہ سے فائدہ کس کو ہو سکتا تھا جبکہ پاکستان کو اس سے نقصان ہوا اور مودی کو فائدہ ہونا تھا کیوں کہ امریکی وفد بھی وہاں موجود تھا اس لیے کئی فائدے مودی سرکار نے اٹھانے کی کوشش کی اس سے کشمیری فریڈم فائٹر پر الزام لگا اور اس سب سے مودی کو فائدہ ہونا تھا لیکن حقیقت یہ ہے کہ بھارت کا چہرہ بے نقاب ہوچکا ہے۔
