Author: Ayesha Rehmani

اسلام آباد: چیئرمین پاکستان تحریک انصاف (پی ٹی آئی) بیرسٹر گوہر خان نے پارٹی رہنماوں کی حکومت کیساتھ مذاکرات میں شریک نہ ہونے کی وجہ بتادی۔

باغی ٹی وی: چیئرمین پی ٹی آئی بیرسٹر گوہر نے بتایا کہ اپوزیشن اور حکومت کے درمیان آج مذاکرات ہوئے جس میں وزیراعلیٰ خیبر پختونخوا علی امین گنڈاپور کابینہ اجلاس کی وجہ سے شریک نہیں ہوئے جبکہ اپوزیشن لیڈر عمر ایوب پشاور کی عدالتوں میں پیشی کی وجہ سے نہ آسکے-

بیرسٹر گوہر کے مطابق حامد خان بنگلہ دیش کے دورے کی وجہ سے اور سلمان اکرم راجہ لاہور میں عدالتی مصروفیات کی وجہ سے شریک نہیں ہوسکے پی ٹی آئی ممبران مصروفیات کی وجہ سے مذکرات میں شریک نہ ہو پائے، پی ٹی آئی کے کسی ممبر نے مذاکرات سے انکار نہیں کیا تھا۔

واضح رہے کہ سپیکر قومی اسمبلی ایاز صادق کی زیر صدارت حکومت اور اپوزیشن کے درمیان مذاکرات ہوئے، حکومتی و اپوزیشن کمیٹیوں نے مذاکرات جاری رکھنے پر اتفاق کیا،مذاکرتی ٹیم میں پی ٹی آئی کے پانچ میں سے 4 ممبران غیر حاضر تھے، سلمان اکرم راجہ، علی امین گنڈاپور اور عمر ایوب مذکرات میں شامل نہیں ہوئے۔

ذرائع کا کہنا تھا کہ عمر ایوب سے پارٹی رہنماؤں نے مذاکرات میں شمولیت کا کہا، علی امین گنڈاپور سے بھی پارٹی رہنماؤں نے مذاکرات میں شرکت کا کہا لیکن علی امین گنڈاپور نے مذاکراتی عمل میں شرکت سے معذرت کی، سلمان اکرم راجہ نے بیرسٹر گوہر سے مذاکرات پر مشاورت کی، بیرسٹر گوہر سے مشاورت کے بعدسلمان اکرم راجہ نے مذاکراتی عمل میں شرکت سے انکار کیا۔

ذرائع کا کہنا تھا کہ پی ٹی آئی کی جانب سے بطور جماعت صرف اسد قیصر مذاکرات میں شریک ہوئے، علی امین گنڈاپور حکومت سے مذکرات کے حق میں نہیں ہیں،اپوزیشن اتحادکی جانب سےحامدرضا اور علامہ راجہ ناصرعباس اجلاس میں شریک ہوئے، ذرائع نے دعویٰ کیا کہ گزشتہ روزاپوزیشن سے روابط کےمعاملے پر پارٹی رہنماؤں میں سخت کشیدگی بھی ہوئی۔

اسلام آباد: صدر مملکت آصف زرداری اور وزیراعظم شہبازشریف کے درمیان اہم ملاقات ہوئی-

باغی ٹی وی: تفصیلات کے مطابق صدر مملکت آصف زرداری اور وزیراعظم شہباز شریف کے درمیان ایوان صدر میں ملاقات ہوئی، ملاقات میں وزیر خارجہ سینیٹر محمد اسحاق ڈار اور وفاقی وزیر داخلہ سید محسن رضا نقوی بھی شریک تھے،گورنر خیبر پختونخوا فیصل کریم کنڈی، سابق وزیر اعظم راجہ پرویز اشرف اور رکن قومی اسمبلی سید نوید قمر بھی ملاقات میں شریک تھے۔

ملاقات میں ملکی سیاسی صورتحال سمیت دیگر امور پر بات چیت کی گئی، ملاقات کے دوران پیپلزپارٹی تعلقات اور مدارس رجسٹریشن بل پر مولانا فضل الرحمان کے تحفظات پر مشاورت کی گئی، دونوں رہنماؤں کی ملاقات میں ملک کی معاشی صورتحال پر بھی بات چیت کی گئی۔

وزیر اعظم شہباز شریف نے صدر آصف علی زرداری کی صحت کے لیے نیک خواہشات کا اظہار کیا،صدر آصف علی زرداری اور وزیر اعظم شہباز شریف نے ملکی ترقی کے لیے مل کر آگے بڑھنے کے عزم کا اعادہ کیا جبکہ پارلیمنٹ میں قانون سازی کے امور پر بھی بات چیت کی گئی۔

دونوں رہنماؤں نے قانونی امور پر تمام سیاسی اسٹیک ہولڈرز کی مشاورت سے آگے بڑھنے کا فیصلہ کیا، جبکہ صدر مملکت نے وزیر اعظم کو ملکی ترقی اور استحکام کے لیے تعاون کی یقین دہانی کرائی۔
پنجاب میں جیل خانہ جات میں تقرر و تبادلے
مذاکراتی کمیٹی میں حکومت کے مزید دو ممبران شامل
لاہور اور کراچی کے درمیان گرین لائن طرز کی ایک نئی ٹرین چلانے کا منصوبہ

اسلام آباد: وزیراعظم شہباز شریف نے حکومتی اتحاد کے ممبران پر مشتمل مذاکراتی کمیٹی میں اراکینِ قومی اسمبلی اعجاز الحق اور سردار خالد مگسی کو شامل کردیا۔

باغی ٹی وی : تفصیلات کے مطابق حکومتی اتحادی کمیٹی اور پاکستان تحریک انصاف کے درمیان مذاکرات کا آج پہلا دور ہوا، جس میں حکومتی اتحاد نے پی ٹی آئی سے چارٹر آف ڈیمانڈ مانگ لیا،مذاکرات کا اگلا دور 2 جنوری کو ہوگا جس میں پی ٹی آئی اپنے مطالبات پیش کرے گی تاہم آج انہوں نے ابتدائی مطالبات پیش کیے۔

وزیراعظم شہباز شریف نے حکومتی اتحاد کے ممبران پر مشتمل مذاکراتی کمیٹی میں اراکینِ قومی اسمبلی اعجاز الحق اور سردار خالد مگسی کو شامل کردیا، وزیراعظم شہباز شریف نے اس امید کا اظہار کیا کہ ملک کی وسیع تر مفاد کے لیے مذاکرات میں مثبت پیشرفت ہوگی، ملک کا مفاد سب سے مقدم ہے، قومی سلامتی کو ملحوظ خاطر رکھا جائے۔
لاہور اور کراچی کے درمیان گرین لائن طرز کی ایک نئی ٹرین چلانے کا منصوبہ
نوکری کے نام پر اجتماعی زیادتی اور تشدد،24 سالہ لڑکی دم توڑ گئی
اسرائیل 200 فلسطینیوں کو رہا کرنے پر رضامند
ترقیاتی بجٹ 60 سال کی عمر کے لوگ بناتے ہیں ،جو نوجوانوں کا نہیں سوچتے،بلاول
سوات اور گرد ونواح میں زلزلے کے جھٹکے