Author: Ayesha Rehmani

اسلام آباد: چینی سفارتخانے کے ڈپٹی مشن شی یوآن چھنگ نے کہا ہے کہ سی پیک متوازن ترقی میں لانگ ٹرم منصوبہ ہے۔

باغی ٹی وی : چینی سفارتخانے کے ڈپٹی مشن چھنگ نے چین پاکستان اقتصادی راہداری کے 10 سال مکمل ہونے کے موقع پر تقریب سے خطاب کرتے ہوئے کہا کہ چین پاکستان اقتصادی راہداری منصوبہ اس وقت بہتر انداز سے آگے بڑھ رہا ہے، چینی صدر شی جن پنگ اور پاکستان کی اعلیٰ قیادت نے اس منصوبے پر دستخط کیے۔

انہوں نے کہا کہ توانائی سمیت دیگر شعبوں میں دونوں ممالک نے اپنا تعاون بڑھایا اور اورنج لائن منصوبہ سی پیک کا اہم منصوبہ ہے خنجراب پاس کو تمام موسموں کےلیے قابل استعمال بنایا گیا ہے گوادر ائیرپورٹ سمیت گوادر پورٹ کا منصوبہ سی پیک کا حصہ ہے اور صنعتی تعاون کو فروغ دینے کے لیے اقتصادی زونز کا قیام عمل میں لایا گیا ہے۔

چینی سفارتخانے کے ڈپٹی مشن نے کہا کہ رشکئی اقتصادی زون صنعتی تعاون کو بڑھانے میں اہم کردار ادا کرے گا اور سی پیک متوازن ترقی میں لانگ ٹرم منصوبہ ہے ترقی کے لیے تحفظ ضروری ہے اور بغیر تحفظ کے سی پیک منصوبہ مکمل نہیں ہوسکتا سیکیورٹی حادثات سے سی پیک کے ترقیاتی منصوبے تاخیر کا شکار ہو رہے ہیں چینی صدر نے بتایا کہ پاکستان کے ساتھ پانچ ایز فریم ورک پر کام کریں گے اور چینی صدر نے تعلقات کو مزید مضبوط بنانے کے لیے ہر شعبے میں تعاون کا یقین دلایا۔

شی یوآن نے کہا کہ قراقرم ہائی وے کی اپ گریڈیشن سمیت ایم ون کی ری الائمنٹ کی جائے گی، وزیر اعلیٰ پنجاب نے چین کا دورہ کیا اور تفصیلی ملاقاتیں کیں جبکہ مریم نواز نے چینی اعلی حکام سمیت کاروباری افراد سے بھی ملاقاتیں کیں پنجاب کی ترقی کے حوالے سے مختلف منصوبوں پر تبادلہ خیال کیا گیا۔

جبکہ چیئرمین ایریڈ زاہد لطیف خان نے کہا کہ سی پیک پاکستان اور اس خطے کے لیے اہم منصوبہ ہے اور یہ منصوبہ بیلٹ اینڈ روڈ منصوبے کا اہم حصہ ہے کیپیٹل مارکیٹ کی ترقی کے لیے پاکستان سے وفود چین گئے ہیں جبکہ چینی کیپیٹل مارکیٹ دنیا کی دوسری بہترین اسٹاک مارکیٹ ہے دونوں ممالک کی کرنسی میں کام کرنے کی ضرورت ہے اور اس سے امریکی ڈالر پر دونوں ممالک کا انحصار کم ہو گا کئی چینی کمپنیاں پاکستان اسٹاک ایکسچینج میں لسٹڈ ہیں اور چینی کمپنیوں کو پاکستان اسٹاک ایکسچینج میں سرمایہ کاری کی دعوت دیتے ہیں،سی پیک منصوبہ دونوں ممالک کے اتحاد کا مظہر ہے۔

علاوہ ازیں سیکرٹری خصوصی سرمایہ کاری سہولت کونسل جمیل قریشی نے کہا کہ سی پیک منصوبہ پاکستان کے مستقبل کا ویژن ہے اور ہمارے اقتصادی تعلقات ایک نئے انداز سے آگے بڑھ رہے ہیں سی پیک کے تحت منصوبوں سے ہماری اگلی نسل کو فوائد پہنچیں گے خصوصی اقتصادی زونز میں چینی صنعتوں کو لانے کے لیے کام کرنا ہو گا اور پاکستان میں خصوصی اقتصادی زونز پر کام ابتدائی مراحل میں ہے اس میں صنعت، بزنس اور نجی شعبے کا کردار بڑا اہم ہے حکومت کا کام تعاون و تحفظ، کاروباری ماحول فراہم کرنا ہے۔

اسلام آباد: وفاقی وزیر اطلاعات و نشریات عطا تارڑ نے کہا ہے کہ پاکستان سیاحت کیلئے محفوظ ملک ہے اور یہاں کے لوگ امن پسند ہیں۔

باغی ٹی وی : اسلام آباد میں تقریب سے خطاب کرتے ہوئے وفاقی وزیر اطلاعات عطا تارڑ نے کہا کہ پاکستان کی ثقافت اور ورثے کی تاریخ صدیوں پرانی ہے، پاکستان کی ثقافت اورتہذیب ہماری پہچان ہے، بین المذاہب ہم آہنگی سے بہترین معاشرہ تشکیل پاتا ہے، پاکستان کے لوگ پرامن اور مہمان نواز ہیں۔

عطاتار ڑ نے کہا کہ پاکستان سیاحت کے حوالے سے محفوظ ملک ہے، مختلف ممالک کے وفود کا پاکستان کا دورہ کرنا خوش آئند ہے، پاکستان کے مثبت تشخص کو اجاگر کرنے کیلئے کام کررہے ہیں، ڈائیلاگ ہر مسئلے کا حل ہے، ہمیں مثبت سوچ کی بہت ضرورت ہے، ہم ملکی ترقی کیلئے پرعزم ہیں، پاکستان ایک خوبصورت اور پرامن ملک ہے۔

دوسری جانب وزیر اعلیٰ پنجاب مریم نواز نے کہا ہے کہ پنجاب کو دنیا بھر کے لیے تجارت اور سرمایہ کاری کا مرکز بنائیں گے مریم نواز نے چین میں پنجاب بزنس کانفرنس سے خطاب کرتے ہوئے کہا کہ دورہ چین کے دوران چینی حکام نے بہترین میزبانی کی۔ اور چین کی ترقی ہماری لیے قابل تقلید ہے،موسمیاتی تبدیلیوں سے نمٹنے کے لیے چین کی پالیسیاں اہم ہیں۔ اور چینی تاجروں کو پنجاب میں سرمایہ کاری کے لیے سہولیات فراہم کریں گے۔

کراچی: صدر آصف علی زرداری نے بلیو اکانومی تعاون پر تیسرے چین -بحرِ ہند علاقائی فورم سے ویڈیو خطاب کیا-

باغی ٹی وی : فورم کا انعقاد چین کی عالمی ترقیاتی تعاون ایجنسی نےچین کے شہر کُن مِنگ میں کیا،اپنے ویڈیو خطاب میں صدر آصف زرداری نے کہا کہ پاکستان بحرِ ہند کے علاقے میں سمندری تعاون کے فروغ کیلئے پرعزم ہے، سمندر سے بھرپور فائدہ اٹھانے کیلئے اجتماعی کوششوں کی ضرورت ہے –

صدر مملکت نے کہا کہ ماحولیاتی تبدیلی ، آلودگی اور ماحولیاتی نظام کی تنزلی جیسے مسائل کا حل کرنا ہوگا،پاکستان بحری شعبے میں تعاون کے فروغ کیلئے تمام اسٹیک ہولڈرز کے ساتھ شراکت کا خواہاں ہے ، پاکستان چاہتا ہے کہ ہمارا خطہ امن، ترقی اور پائیداری کا گڑھ بنا رہے ، مستقبل کی عالمی معاشی ترقی مشرقی ممالک پر منحصر کرے گی-

آصف زرداری نے کہا کہ دنیا کی بڑی آبادی چین اور ہمارے خطے کے دیگر ممالک میں رہتی ہے،انہوں نے ویڈیو پیغام میں بحر ہند میں امن، ترقی اور پائیداری کے لیے پاکستان کے عزم کا اعادہ کیا،کہا کہ پاک-چین اقتصادی راہداری کے تحت گوادر پورٹ کو ترقی دی جا رہی ہے ،گوادر پورٹ کو علاقائی روابط کے مرکز میں بدلا جارہا ہے-

صدر مملکت نے کہا کہ گوادر بندرگاہ سے تجارت اور سمندری اقتصادی ترقی کو فروغ حاصل ہوگا،صدر مملکت نے پاکستان کی بلیو اکانومی کی ترقی کیلئے پاکستان کی کوششوں کو بھی اجاگر کیا، پاکستان نے نیشنل میری ٹائم پالیسی متعارف کرائی ، پاکستان میں پائیدار ماہی گیری ، سمندری تحفظ کیلئے اقدامات کیے گئے ،لیونگ انڈس پروجیکٹ جیسے منصوبوں کا مقصد ماحولیاتی نظام کا تحفظ ، آلودگی کا مقابلہ کرنا ہے-

علاوہ ازیں صدر مملکت نے فورم کے اہداف میں پائیدار ترقی پر توجہ دینے پر چین کی کوششوں کو سراہا، کہا کہ فورم کے ایجنڈے میں استعدادِ کار میں اضافہ، جزائر کی شمولیت خوش آئند ہے-