Author: Ayesha Rehmani

لاہور: وزیراعلیٰ پنجاب مریم نواز نے صوبہ بھر کیلئے الیکٹرک بسوں کے منصوبے کا افتتاح کردیا۔

باغی ٹی وی : لاہور میں الیکٹرک بسوں کی افتتاحی تقریب سے خطاب کرتے ہوئے مریم نواز نے کہا کہ جدت اور ترقی صرف مسلم لیگ ن کے دور میں آئی، باقی ادوار میں تو صرف دنگا فساد ہوتا رہا، گوگی اور پنکی نے تو ماضی میں صرف کرپشن کے ریکارڈ قائم کیے-

مریم نواز نے کہا کہ میں نے وزیراعظم شہباز شریف سے کبھی کوئی منصوبہ نہیں مانگا، دیگر صوبے زیادہ منصوبے لے جاتے ہیں لیکن مجھے اس کی خوشی ہےمسلم لیگ ن کی خدمت کی ایک تاریخ ہے، پاکستان کے ہربڑے منصوبے پر ن لیگ کی مہر ہے، گرین اور کلین پنجاب کا خواب حقیقت کا روپ دھار چکا ہے، طلبا، بزرگوں اور معذور افراد کیلئے الیکٹرک بسوں میں سفر مفت ہوگامالیکٹرک بسوں کا کرایہ 20 سے 35روپے تک کا ہوگا-

11 سالہ بچی پر جنسی حملہ:بھارتی فوج کے کرنل کی سزا کے خلاف درخواست مسترد

وزیر اعلیٰ پنجاب نے کہا کہ عوام کو ریلیف فراہم کرنا ترجیح ہےایک ہی سال میں 5 سال کے منصوبے اور پروگرام شروع کیے، سرکاری کینسر اسپتال میں بلوچستان کے مریضوں کا بھی علاج ہوگا، 27 الیکٹرک بسیں آگئی ہیں جو کل سے سڑکوں پر ہوں گی، پنجاب میں چلنے والی بسیں ماحول دوست ہیں، 500 بسوں کی کھیپ اگست میں پاکستان آئے گی-

وزیراعلیٰ پنجاب نے کہاکہ ہم فیصل آباد میں الیکٹرک بسیں بنارہے ہیں جبکہ چینی کمپنیوں کو بھی دعوت دی ہے تمام بسوں میں فری وائی فائی اور موبائل چارجنگ کی سہولت بھی موجود ہے جبکہ خواتین کی ہراسمنٹ روکنے کیلئے سی سی ٹی وی کیمرے نصب کیے گئے ہیں،کسی نے خواتین کو ہراساں کیا تو پکڑا جائے گا-

سعودی عرب عالمی سطح پر قیام امن کے لیے ایک قائدانہ کردار ادا کر رہا ہے۔مرکزی مسلم لیگ

قبل ازیں ایوان وزیراعلیٰ میں بلوچستان کے مختلف یونیورسٹیز اور کالجز کی 49 طالبات اور 14خواتین اساتذہ نے وزیر اعلیٰ مریم نواز سے ملاقات کی مریم نواز کی طرف سے بلوچستان کے وفد کو لیپ ٹاپ اور تحائف پیش کیے گئے جبکہ بلوچستان کی طالبات نے وزیراعلیٰ کو روایتی بلوچ شال پہنائی۔

اس موقع پر گفتگو کرتے ہوئے مریم نواز نے کہا کہ پاکستان کی پہلی سرکاری ایئر ایمبولینس متعارف کروانے کا اعزاز پنجاب کو حاصل ہے، پنجاب بھر میں 13 ہزار طلبہ کو اسکالر شپ اور ایک لاکھ بچوں کو لیپ ٹیپ دیں گے، بلوچستان کے طلبہ کو بھی ہونہار اسکالر شپ اور لیپ ٹاپ اسکیم میں شامل کیا جائے گا، پنجاب کے 24 ہزار دیہات میں صفائی کا مربوط نظام نہیں تھا، ”ستھرا پنجاب“ پروگرام ملک کا سب سے بڑا صفائی ستھرائی کا پروگرام ہے، اپنے گھر کی طرح پورے صوبے کو چمکتا دھمکتا دیکھنا چاہتی ہوں۔

غیر ملکیوں کو اغواء کرنے والے تین اغواء کار گرفتار

بلوچستان کی طالبات کے وفد نے پنجاب میں جاری پروگرام اور پراجیکٹس کو سراہتے ہوئے کہا کہ پنجاب بلاشبہ باقی صوبوں سے ہر شعبہ میں آگے ہے، پنجاب میں ہیلتھ، ایجوکیشن اور دیگر شعبے دوسروں صوبوں سے بتدریج بہتر ہیں۔

لاہور: لاہور جم خانہ کلب کے سالانہ انتخابات کے نتائج کا اعلان کر دیا گیا ،جس میں ڈاکٹر علی رزاق نے ایک بار پھر میدان مار لیا-

باغی ٹی وی: لاہور جم خانہ کلب کے سالانہ انتخابات کے نتائج کا اعلان کر دیا گیا ہے، جس میں ڈاکٹر علی رزاق نے ایک بار پھر اپنی جیت کا جھنڈا بلند کیا۔ اس انتخابی معرکے میں مجموعی طور پر 27 امیدوار میدان میں اُترے تھے، جن میں سے 12 کامیاب اور 15 امیدوار ناکام رہے۔انتخابات میں 5400 ممبران میں سے 3006 نے اپنا ووٹ کاسٹ کیا، اور کامیاب امیدواروں میں ڈاکٹر علی رزاق نے 1923 ووٹ لے کر پہلی پوزیشن حاصل کی۔ ڈاکٹر علی رزاق کی یہ تیسری مسلسل انتخابی فتح ہے اور وہ جم خانہ کلب کی تاریخ میں پہلے شخص ہیں جنہوں نے لگاتار تیسری بار سب سے زیادہ ووٹ حاصل کیے۔

ڈاکٹر علی رزاق کی یہ کامیابی ان کی مقبولیت اور کارکردگی کا عکاس ہے۔ ان کی قیادت میں پنجاب ہیلتھ انیشی ایٹو مینجمنٹ کمپنی کے سی ای او کے طور پر نمایاں خدمات کا اثر ان کے سیاسی سفر میں بھی نظر آیا۔ ان کی جیت نہ صرف ایک کامیابی ہے بلکہ جم خانہ کلب کے ممبران کی جانب سے ان کی محنت اور لگن کا اعتراف بھی ہے۔ ڈاکٹر علی رزاق کا انتخابی میدان میں مسلسل کامیاب ہونا ایک سنگ میل کی حیثیت رکھتا ہے اور یہ ان کے انتخابی حکمت عملی، قیادت کی صلاحیتوں اور ممبران کے ساتھ قریبی روابط کا منہ بولتا ثبوت ہے۔

فیصل واوڈا کا کراچی پورٹ کی زمین کےسودوں پر گہری تشویش کا اظہار

جم خانہ انتخابی نتائج کے مطابق سلمان صدیق 1788 ووٹ لے کر دوسرے نمبر پر رہے، واجد عزیز خان نے 1751 ووٹ لے کر تیسری جبکہ میاں مصباح الرحمان نے 1665 ووٹ لے کر چوتھی پوزیشن حاصل کی، سرمد ندیم 1647، میاں پرویز بھنڈارا 1461، سمیرا نذیر 1392، سردار قاسم فاروق علی 1366، خواجہ عمران زبیر 1356، میاں وقار الدین وکی 1331، شوکت جاوید 1322 اور قمر خان بوبی 1247 ووٹ لے کر کامیاب رہے۔

اس کے علاوہ طاہر رضا نقوی 1180، سید عابد حسین 1169، میاں اظہر سلیم 1080، ڈاکٹر نجم الدین 1067، عمر جاوید ضیاء 1008، آغا علی امام 957، اسد عزیز خان 915، آمین تقی بٹ 864، سرمد ملک 851، وقار نثار727، آغا قاسم رضا 681، میجر ریٹائرڈ افتخار علی چٹھہ 621 ، محمد شہریار شامی 611 ، ڈاکٹر شاہد رضا364 ، سید آمیر علی 123 ووٹ حاصل کرسکے۔

اب لانگ مارچ، دھرنوں اور پُرتشدد احتجاج کی اجازت نہیں دی جائے گی۔نواز شریف

دہشت گرد تنظیم داعش کا انٹرنیشنل نیٹ ورک بے نقاب،کئی گرفتار