Baaghi TV

Author: Ayesha Rehmani

  • کرم روڈ پر 120 سکیورٹی پوسٹیں قائم کی جائیں گی،خیبر پختونخوا کابینہ

    کرم روڈ پر 120 سکیورٹی پوسٹیں قائم کی جائیں گی،خیبر پختونخوا کابینہ

    پشاور: خیبر پختونخوا حکومت نے کرم روڈ کی سکیورٹی کے لیے خصوصی فورس کے قیام کی منظوری دی ہے جس کے تحت 407 اہلکار بھرتی کئے جائیں گے۔

    باغی ٹی وی: وزیراعلیٰ خیبر پختونخوا علی امین گنڈاپور کی زیرصدارت صوبائی کابینہ کا اجلاس ہوا، جس میں کابینہ کو ضلع کرم میں پائیدار امن کے لیے صوبائی حکومت کے فیصلوں پر عملدرآمد کی صورتحال پر بریفنگ دی گئی۔

    بریفنگ میں بتایا گیا کہ پچھلے سال اکتوبر سے کرم میں بدامنی کے مختلف واقعات میں 189 افراد جاں بحق ہوئے، کرم میں حالات کو معمول پر لانے کے لیے صوبائی حکومت کی کوششوں کے نتیجے میں امن معاہدہ طے پایا، علاقے میں اشیائے ضروریہ کی دستیابی کے لیے اب تک 718 گاڑیوں پر مشتمل 9قافلے بھیجے گئے ہیں اس وقت علاقے میں اشیائے ضروریہ کی قلت نہیں۔

    چیمپئنز ٹرافی کے لیے بھارتی صحافیوں کو ویزے جاری

    حکام نے کابینہ کو بتایا کہ وزیر اعلیٰ کی ہدایت پر کرم کے لیے صوبائی حکومت کی 2 ہیلی کاپٹرز کی 153 پروازوں کے ذریعے تقریباً 4 ہزار افراد کو ائیر ٹرانسپورٹ کی سہولت فراہم کی گئی، علاقے میں اب تک 19 ہزار کلوگرام ادویات کرم پہنچائی گئی ہیں، کابینہ کے فیصلے اور امن معاہدے کے تحت 151 بنکرز کو مسمار کیا جا چکا ہے 23 مارچ تک علاقے میں قائم تمام بنکرز کو مسمار کرنے کی ڈیڈلائن مقرر کی گئی ہے،کرم روڈ پر 120 سیکیورٹی پوسٹیں قائم کی جائیں گی سیکیورٹی پوسٹوں کو 764 ملین روپے مالیت کا ضروری سازو سامان فراہم کیا جائے گا۔

    ہانیہ عامر بالی ووڈ میں ڈیبیو کیلئے تیار

  • چیمپئنز ٹرافی کے لیے بھارتی صحافیوں کو ویزے جاری

    چیمپئنز ٹرافی کے لیے بھارتی صحافیوں کو ویزے جاری

    لاہور: انٹرنیشنل کرکٹ کونسل (آئی سی سی) چیمپئنز ٹرافی کے لیے بھارتی صحافیوں کو ویزے جاری کر دیئے گئے۔

    باغی ٹی وی: ذرائع کے مطابق آئی سی سی چیمپئنز ٹرافی کے لیے 7 بھارتی صحافیوں کو ویزے جاری کیے گئے ہیں، اور کسی بھی بھارتی صحافی کا ویزا مسترد نہیں کیا گیا-

    گزشتہ روز آئی سی سی چیمپئنز ٹرافی کی افتتاح تقریب کا انعقاد لاہور میں کیا گیا جس میں آتش بازی اور لائٹ شو ہوا تقریب میں گلوکاروں نے اپنی آواز کا جادو جگایا، محسن نقوی کا کہنا تھا کہ چیمپئنز ٹرافی کے لیے اسٹیٹ آف دی آرٹ اسٹیڈیم بنائے ہیں، اور ہمارے ساتھ تعاون کرنے پر آئی سی سی کا شکرگزار ہوں، تمام سیکیورٹی ایجنسیوں، پنجاب اور سندھ حکومت کا بھی شکرگزار ہوں۔

    125 سالہ پرانے جیل قوانین میں ترامیم

    واضح رہے کہ پاکستان میں آئی سی سی چیمپئنز ٹرافی کا آغاز 19 فروری سے ہو رہا ہے،بھارتی ٹیم چیمپیئنز ٹر افی کے اپنے تمام میچ دبئی میں کھیلے گی، ایونٹ کا آغاز 19 فروری کو پاکستان اور نیوزی لینڈ کے میچ سے ہو گادوسرا میچ 20 فروری کو بھارت اور بنگلہ دیش کے درمیان دبئی میں کھیلا جائے گا، ایونٹ میں سب سے اہم اور بڑا مقابلہ 23 فروری 2025 کو پاکستان اور بھارت کے درمیان کھیلا جائے گا، پاک بھارت مقابلہ دنیا بھر میں دیکھا جاتا ہے۔

    برطانوی نژاد پاکستانی فیملی راولپنڈی میں لٹ گئی

  • 125 سالہ پرانے جیل قوانین میں ترامیم

    125 سالہ پرانے جیل قوانین میں ترامیم

    لاہور: محکمہ داخلہ پنجاب نے 125 سالہ پرانے پریزن رولز میں ترامیم کر دی-

    باغی ٹی وی:ترجمان محکمہ داخلہ پنجاب کے مطابق 138 جیل قوانین تبدیل کر کے جدید تقاضوں سے ہم آہنگ کیے گئے۔ جیل قوانین میں ترامیم انسانی حقوق کے تحفظ اور عالمی قوانین کی پاسداری کے لیے کی گئیں۔

    ترجمان محکمہ داخلہ کے مطابق منظوری کے لیے سمری بھجوانے کا فیصلہ کیا گیا ہے نئی ترامیم میں خواتین قیدیوں اور بچوں کے حقوق کو خصوصی اہمیت دی گئی ہے، جبکہ ذہنی امراض میں مبتلا قیدیوں کے علاج معالجے کے لیے سہولیات فراہم کی گئی ہیں۔

    ترجمان کے مطابق قیدیوں کے لیے سزا و جزا کا ایک منظم نظام متعارف کرایا گیا ہے، جس کے تحت انہیں سزا کے خلاف اپیل کا مکمل حق حاصل ہوگا۔ غیر ملکی قیدیوں کو عالمی قوانین کے مطابق قونصلر کی مدد دی جائے گی اور وہ اپنی زبان میں عدالتی کارروائی سن سکیں گے۔

    آکاش انصاری کیس، بیٹے نے باپ کے قتل کا کیا اعتراف

    ترجمان کے مطابق ترامیم میں قیدیوں کو صاف پانی، متوازن خوراک اور صحت مند ماحول کی فراہمی کو یقینی بنانے پر زور دیا گیا ہے۔ ہر جیل میں میڈیکل آفیسر، ماہر نفسیات اور ویلفیئر افسر کی تعیناتی لازم قرار دی گئی ہے، جبکہ جیل عملے کی جدید تربیت کو بھی لازمی قرار دیا گیا ہے تاکہ قیدیوں کے بنیادی حقوق کا تحفظ یقینی بنایا جا سکے، نئے قوانین کے تحت ہر قیدی کو بروقت اور مکمل رازداری کے ساتھ وکیل کی سہولت فراہم کی جائے گی، تاکہ وہ اپنے دفاع کا مؤثر حق استعمال کر سکے۔

    ایٹمی پروگرام سے متعلق بیان،ایران نے اسرائیل اور امریکہ کو خبردار کر دیا

  • ہانیہ عامر بالی ووڈ میں ڈیبیو کیلئے تیار

    ہانیہ عامر بالی ووڈ میں ڈیبیو کیلئے تیار

    کراچی: سوشل میڈیا پر یہ خبریں زیر گردش ہیں کہ پاکستان کی مشہور اداکارہ ہانیہ عامر جلد ہی دلجیت دوسانجھ کے ساتھ ایک رومانوی کامیڈی فلم میں نظر آئیں گی۔

    باغی ٹی وی : حال ہی میں ہانیہ عامر نے دلجیت دوسانجھ کے کنسرٹ میں شرکت کی تھی، جس کی ویڈیو سوشل میڈیا پر وائرل ہو گئی تھی،ویڈیو وائرل ہونے کے بعد ہانیہ کو بھارت میں بھی کافی پذہرائی مل رہی ہیں،ویڈیو نے جہاں مداحوں کو خوشگوار حیرت میں مبتلا کردیا وہیں اب بھارتی میڈیا پر دونوں اسٹارز کی ایک ساتھ فلم کی خبروں نے مداحوں کو پرجوش کردیا ہے-

    دلجیت دوسانجھ کے ساتھ ہانیہ عامر کے اسٹیج شیئر کرنے کے بعد بھارتی میڈیا کی جانب سے دونوں کی فلم اسکرین شیئر کرنے کی خبروں نے مداحوں کی توجہ سمیٹ لی ہے،حال ہی میں اداکارہ ہانیہ عامر اور دلجیت دوسانجھ کی فلم کے حوالے سے ایک انسٹاگرام پوسٹ وائرل ہورہی ہے-

    پوسٹ کے کیپشن کے مطابق ہانیہ عامر اور دلجیت دوسانجھ کی بالی وڈ میں روم کوم فلم کے بارے میں قیاس آرائیاں جاری ہیں جسے مداحوں سے فی الحال چھپایا جارہا ہے،دلجیت دوسانجھ نے اپنے لندن کنسرٹ کے دوران ہانیہ کو اسٹیج پر مدعو کیا جسکی ویڈیو وائرل ہونے کے بعد انٹرنیٹ پر دونوں اسٹارز کی کیمسٹری نے مداحوں کو پرجوش کیا اور یہی وجہ ہے کہ دونوں اسٹارز جلد ہی ایک رومانٹک کامیڈی فلم میں نظر آنے والے ہیں‘۔

    پوسٹ میں کہا گیا کہ اگرچہ ابھی تک ان قیاس آرائیوں کے حوالے سے کوئی باضابطہ تصدیق نہیں ہوئی ہے لیکن چہ مگوئیاں جاری ہیں کہ دونوں اداکار فلم کے لیے بات چیت کر رہے ہیں جس کے نیتجے میں آخرکار بالی وڈ اور پاکستان کا وہ اشتراک دیکھنے کو مل سکتا ہے جس کا سب انتظار کر رہے تھے‘۔

    سوشل میڈیا پر ہانیہ کے مداحوں نے اس خبر پر خوشی کا اظہار کیا ہے وہ دلجیت کے ساتھ ان کی کیمسٹری دیکھنے کے منتظر ہیں تاہم، اس فلم کا نام اور شوٹنگ کی تاریخ ابھی تک سامنے نہیں آئی اور نہ ہی ہانیہ یا دلجیت نے اس فلم کی تصدیق یا تردید کی ہے۔

  • عروہ حسین اور فرحان سعید نے ماضی میں علیحدگی کی افواہوں کی تصدیق کردی

    عروہ حسین اور فرحان سعید نے ماضی میں علیحدگی کی افواہوں کی تصدیق کردی

    کراچی: پاکستان شوبز انڈسٹری کی معروف جوڑی اداکارہ عروہ حسین اور اداکار فرحان سعید نے ماضی میں پھیلنے والی علیحدگی کی افواہوں کی تصدیق کردی ہے۔

    باغی ٹی وی : ایک انٹرویو میں فرحان سعید نے کہا کہ ان کی شادی میں ایک مشکل وقت آیا جب ان کا رشتہ ایک تکلیف دہ دور سے گزار رہا تھا، تاہم دونوں خاندانوں نے ان کا ساتھ دیا دہا ،راہنمائی کی اور ان کی مدد کی ،رشتے میں احترام اور عزت کی بےحد ضرورت ہوتی ہے اور یہی وہ چیز تھی جس کی وجہ سے ان کا رشتہ قائم رہا، چاہے شادی میں جتنے بھی مسائل آئے پر ہم نے کبھی عوامی سطح پر ایک دوسرے کے خلاف کچھ نہیں کہا، ہر رشتے میں اتار چڑھاؤ آتے ہیں مگر ہم نے ایک دوسرے کو وقت دیا اور ایک مرتبہ پھر سب کچھ بھلا کر ایک ساتھ جڑ گئے۔

    فرحان اور عروہ نے مداحوں کو بھی یہ مشورہ دیا کہ اپنے ہمسفر کی عزت کریں اور اپنا معاملہ آپس میں بات چیت سے سلجھائے کسی کے سامنے اپنے ساتھی کی برائی کرنے سے گریز کریں کیونکہ پیٹھ پیچھے بات کرنا کسی بھی رشتے کو مشکل میں ڈال سکتا ہے۔

    مصطفیٰ عامر کے اغوا اور قتل کیس میں قبر کشائی کی درخواست منظور

    واضح رہے کہ اداکارہ عروہ حسین اور فرحان سعید سال 2016 میں رشتہ ازدواج میں منسلک ہوئے اور انکا نکاح بادشاہی مسجد میں ہوا تھا ، کچھ عرصہ قبل عروہ حسین اور فرحان سعید کی علیحدگی کی افواہیں سوشل میڈیا پر گردش کر رہی تھیں تاہم یہ دونوں دوبارہ ایک ساتھ نظر آئے اور ان کے ہاں پہلے بچے کی پیدائش کے بعد یہ افواہیں دم توڑ گئیں۔

    بد تہذیبی، بدتمیزی ،بغض اور انتقام کوسیاست بنادیا گیا، نواز شریف

  • ایٹمی پروگرام سے متعلق بیان،ایران نے اسرائیل اور امریکہ کو خبردار کر دیا

    ایٹمی پروگرام سے متعلق بیان،ایران نے اسرائیل اور امریکہ کو خبردار کر دیا

    تہران: ایٹمی پروگرام سے متعلق بیان دینے پر ایران نے اسرائیل اور امریکہ کو خبردار کر دیا۔

    باغی ٹی وی : غیر ملکی میڈیا کے مطابق ایرانی وزارت خارجہ نے بیان میں کہا کہ ایران نے اپنے ایٹمی پروگرام کا دفاع کیا ہے اور وہ اسے جاری رکھنے میں کوئی خوف محسوس نہیں کرے گا ایران کا پرامن ایٹمی پروگرام جاری ہے اور یہ تین دہائیوں سے پرامن ہے جب کہ این پی ٹی ممبر ہونے کی بنیاد پر ایران کو یہ حق حاصل ہے کہ وہ کسی بھی صورت اپنے ایٹمی پروگرام پر کمزوری واضح نہ کرے۔

    واضح رہے کہ اسرائیلی وزیراعظم نیتن یاہو نے اتوار کو امریکی وزیر خارجہ مارکو روبیو سے ملاقات کے بعد کہا تھا کہ امریکا اور اسرائیل ایران کے ایٹمی مقاصد کو روکنے کے لیے پرعزم ہیں،جبکہ امریکی وزیر خارجہ کا کہنا تھا کہ ہردہشتگرد گروپ کے پیچھے، ہر تشدد کے پیچھے، ہر عدم استحکام کی سرگرمی کے پیچھے اور خطے میں کروڑوں لوگوں کے امن کو لاحق خطرے کے پیچھے ایران ملوث ہے۔

    مفتی قوی مجھے نہیں سنبھال پائیں گے،راکھی ساونت

    لوئر کرم:قافلے پر حملہ، شدید فائرنگ،امدادی گاڑیوں میں لوٹ مار

    سندھ نے ہمیشہ ن لیگ اور پی ٹی آئی کو مسترد کیا ہے،شرجیل میمن

  • لوئر کرم:قافلے پر حملہ، شدید فائرنگ،امدادی گاڑیوں میں لوٹ مار

    لوئر کرم:قافلے پر حملہ، شدید فائرنگ،امدادی گاڑیوں میں لوٹ مار

    چار خیل: لوئر کرم کے علاقے چارخیل میں اشیائے ضروریہ کے قافلے پر مسلح افراد کی جانب سے آج ایک بار پھر فائرنگ کی گئی ہے-

    باغی ٹی وی : ذرائع کے مطابق حملہ آوروں نے گاڑیوں پر فائرنگ کی اور لوٹ مار کی، اس دوران سیکیورٹی فورسز کی جانب سے فوری ردعمل دیا گیا اور لوٹ مار میں ملوث عناصر پر ہیلی کاپٹر کے ذریعے جوابی فائرنگ کی گئی عینی شاہدین کے مطابق سات مقامات سے حملہ آوروں نے قافلے پر حملہ کیا۔

    ضلعی انتظامیہ کے مطابق ٹل سے 130 گاڑیوں پر مشتمل قافلہ روانہ ہوا، جس میں 5 آئل ٹینکر بھی موجود ہیں، لوئر کرم میں قافلے پر ایک بار پھر حملہ کیا گیا ہے، جس کے بعد فائرنگ تاحال جاری ہے جب کہ انتظامیہ نے قافلے کو رواں دواں رکھنے کا حکم دیا ہے۔

    مفتی قوی مجھے نہیں سنبھال پائیں گے،راکھی ساونت

    سرکاری ذرائع کے مطابق لوئر کرم کے چارخیل کے مقام پر قافلے پر فائرنگ کی گئی، جس کے بعد گاڑیوں کو لوٹا جا رہا ہ، ذرائع کا کہنا ہے کہ کرم لوٹنے والوں پر فائرنگ کی گئی 40 گاڑیاں ٹل سے پاراچنار کی جانب جا رہی تھیں۔

    اسٹنٹ کمشنر ٹل سید احسان علی شاہ نے بتایا کہ 113 گاڑیاں ٹل سے روانہ ہوئی تھیں، جن میں سے کوئی بھی گاڑی ابھی تک واپس نہیں آئی، 17 سے 18 گاڑیاں ابھی بھی ٹل میں موجود ہیں جنہیں روک دیا گیا ہے۔

    بد تہذیبی، بدتمیزی ،بغض اور انتقام کوسیاست بنادیا گیا، نواز شریف

    جبکہ ڈپٹی کمشنر گوہر زمان وزیر کے مطابق تحصیل ٹل سے کرم کے لیے روانہ کئے گئے قافلے میں اشیائے خوردونوش سے لدی 129 سے زائد مال بردار گاڑیاں شامل ہیں، ابتدائی طور پر 40 گاڑیوں پر مشتمل قافلہ کرم کی جانب روانہ کیا گیا۔

    روانگی سے قبل ضلعی انتظامیہ نے دعویٰ کیا تھا کہ کانوائے کی سیکیورٹی کے لیے سخت اقدامات کیے گئے ہیں تاکہ راستے میں کسی بھی ناخوشگوار واقعے سے بچا جا سکے۔

    سندھ نے ہمیشہ ن لیگ اور پی ٹی آئی کو مسترد کیا ہے،شرجیل میمن

    ادھر کرم میں بنکرز کی مسماری کا عمل بھی جاری ہے لوئر کرم کے علاقوں بالش خیل اور خار کلی میں اب تک 117 بنکرز جبکہ اپر کرم کے گاؤں پیواڑ اور تری منگل میں 66 بنکرز کو مسمار کیا جا چکا ہےڈپٹی کمشنر کے مطابق مجموعی طور پر اب تک 183 بنکرز گرا دیئے گئے ہیں امن معاہدے پر مکمل عملدرآمد یقینی بنایا جائے گا ضلع کرم چارخیل میں قافلے پر حملے کی اطلاع پر فورسز کو بھیج دیا گیا ہے۔

    سندھ دریا سے نہریں نکالنا نامنظور، 23 فروری کو سندھ،پنجاب بارڈر پر دھرنے کا اعلان

    دوسری جانب پولیس کا کہنا ہے کہ لوئر کرم میں اوچت و ڈاڈ قمر میں بھی قافلے پر فائرنگ کی گئی ہے، 64 گاڑیوں کا قافلہ ٹل سے روانہ ہوا تھا، فائرنگ سے جانی نقصان کا خدشہ ہے، ابتدائی اطلاعات کے مطابق ایک ڈرائیور زخمی ہواہے۔

  • مفتی قوی مجھے نہیں سنبھال پائیں گے،راکھی ساونت

    مفتی قوی مجھے نہیں سنبھال پائیں گے،راکھی ساونت

    را کھی ساونت کا کہنا ہے کہ مفتی قوی انہیں سنبھال نہیں پائیں گے کیونکہ وہ ایک اکیلی ایک لاکھ عورتوں کے برابر ہیں۔

    باغی ٹی وی: راکھی ساونت نے کہا تھا کہ نئی پاکستانی بہو بننا چاہتی ہیں جس کے بعد ان کا نام پاکستانی اداکاردودی خان اور مفتی قوی کے درمیان لیا جارہا ہے اور انہیں ابھی تک یقین نہیں ہے کہ وہ آخر کس سے شادی کریں گی،مفتی قوی نے اپنے ایک حالیہ انٹرویو میں کہا تھا کہ وہ اور راکھی ساونت جلد نکاح کرنے جا رہے ہیں، اور ان کا نکاح 14 فروری کو ہو گا۔

    جس کے بعد راکھی ساونت نے بھی ان کے پروپوزل کا مزاحیہ انداز میں جواب دیتے ہوئے کہا کہ وہ مولانا سے شادی کی خواہشمند ہیں اور انہوں نے مفتی قوی سے شاعری کی فرمائش بھی کی تھی، تاہم اب راکھی ساونت نے ایک نجی نیوز چینل سے انٹرویو کے دوران اس معاملے پر گفتگو کی،کہا کہ وہ مفتی قوی کے ساتھ شادی کے بارے میں سنجیدہ نہیں ہیں۔

    بد تہذیبی، بدتمیزی ،بغض اور انتقام کوسیاست بنادیا گیا، نواز شریف

    راکھی ساونت نے کہا کہ مجھے نہیں معلوم کہ مفتی قوی کی 100 بیویاں ہیں یا 900، راکھی اکیلی 1 لاکھ خواتین کے برابر ہے اور وہ شرط لگا سکتی ہے کہ مفتی اسے اتنی آسانی سے نہیں سنبھال پائیں گے جتنی انہیں لگتا ہے کہ وہ کر سکتے ہیں، میں ابھی تک سچی محبت کی تلاش میں ہوں، بھارت میں مجھے وہ محبت نہیں ملی جس کی مجھے توقع تھی میرے پیچھے کئی لڑکے ہیں، لیکن وہ سب مجھے اپنے مفادات کے لئے استعمال کرنا چاہتے ہیں۔

    سپریم کورٹ میں 7 نئے ججز کی تعیناتیاں، متعدد انتظامی کمیٹیوں کی تشکیل نو کر دی گئی

    ایک اور سوال کے جواب میں راکھی نے کہا، جب نریندر مودی پاکستان آ سکتے ہیں تو پھر میں کیوں نہیں آ سکتی؟ اگر میاں بیوی راضی ہیں تو پھر قاضی کیا کر سکتا ہے؟انہوں نے پاکستانی اداکارہ ہانیہ عامر کی تعریف کرتے ہوئے کہا کہ۔ ہانیہ عامر ایک اچھی اور شریف لڑکی ہیں، اور میں ان کی بہت عزت کرتی ہوں۔

    ملکی معیشت کو ٹھیک کرنے کیلئے دن رات محنت کی ہے،وزیر اعظم

  • بد تہذیبی، بدتمیزی ،بغض اور انتقام کوسیاست بنادیا گیا، نواز شریف

    بد تہذیبی، بدتمیزی ،بغض اور انتقام کوسیاست بنادیا گیا، نواز شریف

    لاہور: نواز شریف نے پی ٹی آئی پر تنقید کرتے ہوئے کہا ہے کہ ، ترقی کرتا ملک پٹڑی سے اتار دیا گیا، سیاست میں گند ڈال کر اسے تباہ کیا گیا، بد تہذیبی، بدتمیزی ،بغض اور انتقام کوسیاست بنادیا گیا۔

    باغی ٹی وی: پاکستان مسلم لیگ (ن) کے صدر نواز شریف اور وزیراعلی پنجاب مریم نوازشریف سے پنجاب اسمبلی کے ارکان نے ملاقات کی، ساہیوال، خانیوال، ملتان ، لودھراں، وہاڑی اور بہاول نگر ڈویژن سےتعلق رکھنے والے ارکان پنجاب اسمبلی ملاقات کرنے والوں میں شامل تھے۔

    نواز شریف نے ارکان اسمبلی سے گفتگو کرتے ہوئے کہا کہ بدقسمتی ہے کہ ترقی کرتا ملک پٹڑی سے اتار دیا گیا، سیاست میں گند ڈال کر اسے تباہ کیا گیا، بد تہذیبی، بدتمیزی ،بغض اور انتقام کوسیاست بنادیا گیا، آئی ایم ایف واپس آیا ہے، پالیسیوں کے تسلسل سے معاشی ترقی یقینی ہوگی، کرپشن، معاشی تباہی، مہنگائی اور بدتمیزی ’تبدیلی‘ کی سوغاتیں تھیں، ہم نے آئی ایم ایف کو خدا حافظ کہہ دیا تھا، ہمارا بیانیہ ملک کی ترقی اور عوام کو مہنگائی سے نجات دلاکر خوش حال بنانا ہے، جو وعدے کئے تھے اللہ تعالی کے فضل وکرم سے وہ آج عوام کو پورے ہوتے نظر آرہے ہیں۔

    جو جماعت 16 سال سے کراچی کا کچرا نہیں اٹھا سکی وہ ہمیں لیکچر نہ دے،عظمی بخاری

    ارکان اسمبلی نے گفتگو کرتے ہوئے کہا کہ نوازشریف اور شہبازشریف وعدوں کی تکمیل، وطن سے وفا کے نام ہیں،نوازشریف اور شہبازشریف نےذاتی تکالیف بھلا کر ہمیشہ پاکستان اور عوام کی تکلیفیں دور کی ہیں پاکستان کےچپے چپے پر نوازشریف اور شہباز شریف کی ترقی کے نشان موجود ہیں ، وزیراعظم شہباز شریف نے پاکستان کے معاشی استحکام کے لیے ‘شہباز سپیڈ’ سے کام کیا ہے، وزیراعظم شہباز شریف کی ذاتی کوششوں سے آئی ایم ایف پروگرام بحال ہوا اور ملک ڈیفالٹ سے بچ گیامریم نوازنے نوازشریف اور شہباز شر یف کے دور کی یاد تازہ کردی ہے۔

    ملکی معیشت کو ٹھیک کرنے کیلئے دن رات محنت کی ہے،وزیر اعظم

  • جو جماعت 16 سال سے کراچی کا کچرا نہیں اٹھا سکی وہ ہمیں لیکچر نہ دے،عظمی بخاری

    جو جماعت 16 سال سے کراچی کا کچرا نہیں اٹھا سکی وہ ہمیں لیکچر نہ دے،عظمی بخاری

    لاہور:وزیر اطلاعات پنجاب عظمی بخاری نےوزیر اطلاعات سندھ شرجیل میمن کی پریس کانفرنس پر ردعمل دیتے ہوئےکہا ہےکہ مسلسل شعلہ انگیزیاں آپ اور آپکے لوگ دے رہے ہیں، ہمیں تو کبھی کبھی جواب دینا پڑ جاتا ہے تو آپ خفا ہوجاتے ہیں۔

    باغی ٹی وی: عظمیٰ بخاری نے کہا کہآئینہ انکو دکھایا تو برا مان گئے، صوبائیت کارڈ کھیلنا آپ کی پرانی عادت ہے، سندھ میں تمام بڑے پروجیکٹ وفاق کی مدد سےچل رہے ہیں،کہتے ہیں ہم نے کبھی سیاست نہیں کی، کیا ہر معاملے میں چچا بھتیجی کا ذکر کرنا سیاست نہیں ؟ ہماری مجبوری ہے کھل کر آپکو جواب بھی نہیں دے سکتے، ورنہ سندھ کے بلدیاتی الیکشن سے لے کر بہت ساری کہانیاں ہمارے پاس بھی موجود ہیں۔

    سپریم کورٹ میں 7 نئے ججز کی تعیناتیاں، متعدد انتظامی کمیٹیوں کی تشکیل نو کر دی گئی

    عظمیٰ بخاری نے کہا کہ پنجاب میں کوئی منصوبہ ایک سال میں مکمل ہوجائے تو آپ تڑپنا شروع کردیتے ہیں، سندھ میں جانور بندھے سکولوں اور ٹرانسپورٹ کا رونا سالوں سے لوگ رو رہے ہیں، اپنی حکومت کی 16 سال کی کارکردگی اور مریم نواز کی 1 سال کی کارکردگی کا جب دل چاہے معائنہ کرلیں، جو جماعت 16 سال سے کراچی کا کچرا نہیں اٹھا سکی وہ ہمیں لیکچر نہ دے، اگر اپ کو کبھی صفائی اور خوب صورت سڑکیں دیکھنے کا شوق ہو تو لاہور لازمی چکر لگائیں۔

    سندھ دریا سے نہریں نکالنا نامنظور، 23 فروری کو سندھ،پنجاب بارڈر پر دھرنے کا اعلان

    واضح ہے کہ سیہون میں ہونے والے حادثے پر پنجاب کی وزیر اطلاعات عظمیٰ بخاری کے بیان پر ردعمل میں سینئر صوبائی وزیر شرجیل میمن نےکہا تھا کہ عظمیٰ بخاری نے سیہون حادثے پر سیاست کرنے کی کوشش کی، پنجاب کی وزیر اطلاعات صاحبہ کو حقائق کا پتا نہیں، جس روڈ کی بات کی جارہی ہے وہ نیشنل ہائی وے ہے، یہ ن لیگ کی وفاقی حکومت کی نااہلی ہے جو یہ روڈ مکمل نہ کرسکی، پنجاب کی وزیر صاحبہ جب بیان دیتی ہیں تو سوچ لیں کہ جواب آئے گا۔

    سندھ نے ہمیشہ ن لیگ اور پی ٹی آئی کو مسترد کیا ہے،شرجیل میمن