Author: Ayesha Rehmani

اسلام آباد: سربراہ سنی اتحاد کونسل صاحبزادہ حامد رضا نے پاکستان تحریک انصاف (پی ٹی آئی) کی سیاسی کمیٹی اور کور کمیٹی سے استعفیٰ دے دیا جبکہ قومی اسمبلی کی رکنیت سے بھی استعفی دینےکافیصلہ کیا ہے۔

باغی ٹی وی: ذرائع کے مطابق صاحبزادہ حامد رضا بانی پی ٹی آئی سےملاقات کرکےقومی اسمبلی سے استعفی پیش کریں گے صاحبزادہ حامد رضا نے 24 نومبر کےاحتجاج کے پیش نظرپارٹی تنقید اور اختلافات کےباعث مستعفی ہونےکا فیصلہ کیا،بانی پی ٹی آئی کی گرفتار ی کے بعد صاحبزادہ حامد رضا کو پی ٹی آئی کی سیاسی اور کور کمیٹی میں شامل کیا گیا تھا۔

اس سے قبل پاکستان تحریک انصاف کے سیکرٹری جنرل سلمان اکرم راجا نے بھی پارٹی عہدے سے استعفیٰ دیا تھاپی ٹی آئی کے حالیہ احتجاج میں سرگرم کردار ادا نہ کرنے پر سلمان اکرم راجہ کو سخت تنقید کا سامنا تھا،انہیں لاہور سے قافلہ لے کر اسلام آباد جانے کی ذمہ داری سونپی گئی تھی، چیئرمین پی ٹی آئی بیرسٹر گوہر نے سلمان اکرم راجہ کے استعفےکی تصدیق کی بانی پی ٹی آئی عمران خان نے ستمبر میں سینئر وکیل سلمان اکرم راجہ کو پارٹی کا جنرل سیکرٹری مقرر کیا تھا۔

اسلام آباد: آڈیٹر جنرل آف پاکستان (اے جی پی) کے حالیہ خصوصی آڈٹ میں پی ٹی آئی کے ٹین بلین ٹری سونامی پروگرام میں سنگین بے قاعدگیوں کا انکشاف ہوا ہے-

باغی ٹی وی: بزنس ریکارڈر کی رپورٹ کے مطابق سال 2019 سے 2022 کے دوران منصوبے کے خصوصی آڈٹ کے دوران اے جی پی نے منصوبہ بندی کی ناکامیوں اور عملدرآمد میں تاخیر کا انکشاف کیا ہے جس کی وجہ سے پنجاب کے علاقے میں جنگلی حیات کے تحفظ کی کوششیں متاثر ہوئی ہیں، آرا بشارت نیشنل پارکس اور ماڈل وائلڈ لائف پارک سمیت اہم منصوبہ بند منصوبوں پر عمل درآمد نہیں ہوسکا۔

رپورٹ میں بتایا گیا کہ پری ریلیز پین کی تعمیر رک گئی، نمل جھیل کی بحالی کے منصوبے میں بھی کوئی پیش رفت نہیں ہوئی اور چولستان میں کالے ہرن کی بحالی عمل میں نہیں آئی مالی بدانتظامی واضح تھی، مختص 5.623 ارب روپے میں سے صرف 375.561 ملین روپے خرچ ہوئے آئی آر پروفیشنل کیمروں اور ٹرانسفارمرز جیسے آلات کی غیر مجاز خریداری نے جنگلی حیات کے تحفظ کے لئے مختص فنڈز کو غیر منصوبہ بند خریداریوں میں منتقل کردیا۔

رپورٹ میں طریقہ کار کی خلاف ورزیوں پر بھی روشنی ڈالی گئی جغرافیائی انفارمیشن سسٹم (جی آئی ایس) نوڈ کو من مانے طریقے سے گوجرانوالہ سے سرگودھا منتقل کیا گیا تھا ، اور منصوبے کو مناسب منصوبہ بندی اور مناسب جانچ پڑتال کے بغیر انجام دیا گیا تھا ایکنک کی منظوری کے بغیر منظور شدہ پی سی ون کی شقوں سے متعدد انحراف ہوئے۔

ڈپارٹمنٹل اکاؤنٹس کمیٹی (ڈی اے سی) نے 22 جون 2023 کو اپنے اجلاس میں محکمے کی وضاحتوں کو مسترد کرتے ہوئے ان بے ضابطگیوں کی تحقیقات کا حکم دیتے ہوئے منظور شدہ منصوبے سے غیر مجاز انحراف کی ذمہ داری طے کرنے کا مطالبہ کیا تھا۔

خصوصی آڈٹ رپورٹ میں پنجاب میں پی ٹی آئی کے ٹین بلین ٹری سونامی پروگرام میں بدانتظامی کے حوالے سے تشویشناک نمونے کا انکشاف کیا گیا ہے،آڈٹ رپورٹ میں منصوبے کی بدانتظامی کی فوری تحقیقات، منظور شدہ منصوبوں پر عمل نہ کرنے کی ذمہ داری کا تعین، ایکنک کے ذریعے منصوبے کی دستاویزات پر فوری نظر ثانی اور نگرانی کے مضبوط طریقہ کار پر عمل درآمد کی بھی سفارش کی گئی ہے۔

اسلام آباد: وفاقی وزیر داخلہ محسن نقوی نے کہا ہے کہ افغان شہری کواسلام آباد میں رہنے کیلئے این اوسی لینا ہوگا-

باغی ٹی وی: میڈیا سے بات کرتے ہوئے انہوں نے کہا کہ اسلام آباد کو پی ٹی آئی احتجاج کے بعد مکمل طورپر کھول دیا گیا ہے، 31 دسمبرکے بعد کوئی افغان شہری اسلام آباد میں نہیں رہ سکتا، افغان شہری کواسلام آباد میں رہنے کیلئے این اوسی لینا ہوگا۔

انہوں نے ایک سوال کے جواب میں کہا کہ پروپیگنڈا کیا گیا کہ لاشیں اسپتالوں میں پڑی ہیں، پروپیگنڈا کرنے والے کسی ایک بندے کا نام بتائیں،مظاہرین کے پاس کیمرے تھے، یہ ایک ویڈیودیکھا دیں، مظاہرین عزت سے واپس چلے گئے، بہتر ہےمظاہرین پولیس اہلکاروں کی جانب سےفائرنگ کی فوٹیجزدکھائیں، وفاقی کابینہ میں گزشتہ 4 دن کی صورتحال پربریف کروں گا۔

قبل ازیں آئی جی اسلام آباد علی ناصر رضوی نے بتایا تھا کہ مظاہرین میں غیر ملکی شہریوں کا ہونا تشویش ناک ہے کل کے دن 19 جبکہ پرسوں 37 افغان شہری گرفتار ہوئے سلام آباد میں بغیر این او سی کے کسی بھی افغان شہری کو شہر میں رہنے نہیں دیں گے، یہ ملک کا دارالحکومت ہے یہاں اس کی اجازت نہیں دی جاسکتی ، آپ یہاں رہیں بھی اور دہشتگردی بھی کریں یہ ممکن نہیں، انف از انف، احتجاج اور دہشتگردی میں فرق ہے-

جبکہ چیف کمشنر اسلام آباد محمد علی رندھاوا نے کہا تھا کہ کسی بھی غیر ملکی کو اسلام آباد کا امن تباہ کرنے کی اجازت نہیں دیں گے، پکڑے گئے مظاہرین میں افغان شہری بھی شامل تھے-

اسلام آباد:پاکستان مسلم لیگ (ن) کے صدر محمد نواز شریف سے مری میں بیلا روس کے صدر الیگزینڈر لوکا شنکو کی ملاقات ہوئی-

باغی ٹی وی: لیگی ذرائع کے مطابق میاں نوازشریف کو دیکھتے ہی بیلا روس کے صدر نے بانہیں کھول کر گلے لگایا کہا کہ کہا کہ طویل عرصے بعد اپنے محترم بھائی سے ملاقات پر بے حد خوش ہوں۔

https://x.com/pmln_org/status/1861718458435817491

سابق وزیراعظم محمد نواز شریف نے وزیراعظم محمد شہباز شریف کے ہمراہ انتہائی گرم جوشی سے بیلا روس کے صدر کا استقبال کیا،نائب وزیراعظم اسحاق ڈار اور وزیر اعلیٰ پنجاب مریم نواز شریف بھی بیلا روس کے صدر کا استقبال کرنے والوں میں شامل تھیں۔
https://x.com/pmln_org/status/1861712448698400807
واضح رہے کہ بیلا روس کے صدر پاکستان مسلم لیگ (ن) کے صدر کی طرف سے اپنے اعزاز میں ظہرانہ میں شرکت کے لیے مری پہنچے ہیں۔

آئی جی اسلام آباد علی ناصر رضوی نے کہا ہے کہ صوبائی حکومت کی ٹئیر گیس کا اسلام آباد میں استعمال کیا گیا،سب کو احتجاج کرنے کا حق ہے مگر احتجاج کی آڑ میں دہشت گرد کارروائی برداشت نہیں کریں گے۔

باغی ٹی وی: چیف کمشنر اسلام آباد محمد علی رندھاوا کے ہمراہ پریس کانفرنس میں آئی جی اسلام آباد علی ناصر رضوی نے کہا ہے کہ بڑے پنکھوں کا استعمال کرکے ٹئیر گیس کو پولیس کی جانب دھکیلاگیا مظاہرین کو مشترکہ کاروائی کرتے ہوئے954 کو گرفتار کیا گیاکل کے دن 600 سے زائد کارکنان اور 210 گاڑیوں کو پکڑا گیا،اسلحہ بھی پکڑا گیا جس میں کلاشنکوف اور بھاری اسلحہ موجود تھا-

انہوں نے بتایا کہ71 سیکورٹی فورسز کے اہلکار زخمی ہوئے 52 صرف کل زخمی ہوئے27 اہلکار ایسےتھے جو گولی لگنے سے زخمی ہوئے
رینجرز کے 3 اہلکاروں کوشہادت نصیب ہوئی ، مالی نقصان کروڑوں اربوں میں ہوسکتا ہےپولیس نے اس کو روکا تو سیدھے فائر مارے گئےکیسے ممکن تھا کہ کسی ایک بھی پوائنٹ کو کوئی پار کر لے، لیکن جب خطرناک اسلحہ استعمال کیا جاتا ہے تو آسان نہیں-

آئی جی اسلام آباد نے مزید بتایا کہ قانون نافذ کرنے والے ادارے زخمی بھی ہوئے اور شہید بھی ہوئےاب تک انسداد دہشتگردی دفعات کے تحت 7 مقدمات درج کیے گئے مقدمات میں احتجاج کرنے والے اور کروانے والے سب کو نامزد کیا جائے گاکرنے والے کی طرح کروانے والے کی بھی وہی سزا ہےچند ہزار لوگ آئیں اور ریاست کی رٹ کو چیلنج کریں یہ نہیں ہو سکتا-

علی ناصر رضوی نے بتایا کہ کل رات ہوئے آپریشن میں ہم نے آنسو گیس کے ذریعے علاقے کو کلئیر کروایا، 3000 سے زائد ایسی گاڑیوں کی فوٹیجز آگئیں جن کو استعمال کیا جارہا ہے،سرچ آپریشن ابھی بھی جاری ہے،کیمروں کی مدد سے گھروں اور ہاسٹلز کو بھی دیکھا جا رہا ہے،مظاہرین میں غیر ملکی شہریوں کا ہونا تشویش ناک ہے کل کے دن 19 جبکہ پرسوں 37 افغان شہری گرفتار ہوئے-

انہوں نے کہا کہ اسلام آباد میں بغیر این او سی کے کسی بھی افغان شہری کو شہر میں رہنے نہیں دیں گے، یہ ملک کا دارالحکومت ہے یہاں اس کی اجازت نہیں دی جاسکتی ، آپ یہاں رہیں بھی اور دہشتگردی بھی کریں یہ ممکن نہیں، انف از انف، احتجاج اور دہشتگردی میں فرق ہے-

اس موقع پر چیف کمشنر اسلام آباد محمد علی رندھاوا نے کہا ہے کہ کسی بھی غیر ملکی کو اسلام آباد کا امن تباہ کرنے کی اجازت نہیں دیں گے، پکڑے گئے مظاہرین میں افغان شہری بھی شامل تھے، عدالت نے احتجاج کے لیے سنگجانی کی اجازت دی تھی مگر شرپسند بلیو ایریا اور ریڈ زون میں آنے کے لیے بضد تھے، اسلام آباد کی خوبصورتی اور گرین بیلٹس کو تباہ کیا گیا، بیلا روس کے صدر اور وفد اسلام آباد میں موجود ہیں، اہم دورے کے موقع پر ریاست کی رٹ کو چیلنج کیا گیا، ریاست کی رٹ برقرار رکھنا بہت ضروری ہے، احتجاج میں غیرملکی بھی موجود تھے۔

محمدعلی رندھاوا نے کہا کہ قانون نافذ کرنے والے اداروں نے ریاست کی عملداری بحال کرنے کے لیے کردار ادا کیا، کسی کو قانون ہاتھ میں لینے کی اجازت نہیں دیں گے، اسلام آباد میں تمام سرگرمیاں معمول کے مطابق جاری ہیں، اسلام آباد کے تمام روٹس کلیئر ہیں، قانون نافذ کرنے والے اداروں نے ریاست کی عملداری بحال کرنے کے لیے کردار ادا کیا۔