سوات کی تحصیل مٹہ میں نامعلوم افراد کی فائرنگ سے پاکستان زندہ باد موومنٹ کے ڈویژنل صدر اعجاز پشتون جاں بحق ہوگئے ہیں ۔
باغی ٹی وی :پولیس کے مطابق سوات کی تحصیل مٹہ کے علاقہ پیوچار میں نامعلوم افراد کی کار پرفائرنگ سے پاکستان زندہ باد موومنٹ ملاکنڈ ویژن کے صدر اعجاز پشتون جاں بحق ہوگئےفائرنگ کے واقعہ میں اعجاز پشتون کی سیکیورٹی پر معمور پولیس اہلکار معمولی زخمی ہوگئے ، ملزمان واردات کے بعد فرار ہو نے میں کامیاب ہوگئے ہیں پولیس اورمقامی لوگوں نے لاش اورزخمیوں کو مٹہ اسپتال منتقل کر دیا ہے، پولیس نے ملزمان کی تلاش کیلئے علاقے میں سرچ آپریشن شروع کردیا ہے۔
واضح رہے کہ اعجاز پشتون امن کمیٹی کے ممبر، ویلج کونسل کے چیئرمین بھی تھے، وہ ڈویژن بھر میں پاکستان زندہ باد موومنٹ کی ریلیوں کی قیادت کرتے تھے۔
دوسری جانب بلوچستان کے شہرتربت میں مدرسہ جامعہ التوحید کے مہتمم مفتی شاہ میر پر قاتلانہ حملہ کیا ہے ، تاہم وہ فائرنگ سے بال بال بچ گئے، اسپتال منتقل کردیا گیا بلوچستان کے شہرتربت میں مہتمم مدرسہ جامعہ التوحید مفتی شاہ میر پرمسلح ملزمان نے فائرنگ کر دی ، تاہم وہ قاتلانہ حملے میں بال بال بچ گئے ہیں، فائرنگ کے واقعہ میں مدرسے کے تین طلبہ زخمی ہوگئے ہیں ، جنہیں اسپتال منتقل کر دیا گیا ، واضح رہے کہ کالعدم تنظیم کی جانب سے مفتی شاہ میر کو متعدد بار دھمکیاں دی گئی تھیں۔
