Baaghi TV

Author: Ayesha Rehmani

  • پاکستان اسٹاک ایکسچینج میں تیزی، انڈیکس پہلی بار ریکارڈ سطح پر پہنچ گیا

    پاکستان اسٹاک ایکسچینج میں تیزی، انڈیکس پہلی بار ریکارڈ سطح پر پہنچ گیا

    کراچی: پاکستان اسٹاک ایکسچینج 100 انڈیکس نے 92 ہزار کی نئی تاریخ ساز حد عبور کر لی۔

    باغی ٹی وی : کاروباری ہفتے کے پہلے روز پاکستان اسٹاک ایکسچینج میں ایک بار پھر مثبت تبدیلی دیکھنے میں آئی، جہاں کاروبار کے آغاز پر اسٹاک مارکیٹ میں تیزی ریکارڈ کی گئی کاروباری ہفتے کے پہلے روز پاکستان اسٹاک ایکسچینج 100 انڈیکس میں کاروبار کے آغاز سے ہی مثبت آغاز دیکھنے میں آیا اور انڈیکس نے 92 ہزار کی نئی عبوری حد کو چھو لیا،ایک موقع پر 100 انڈیکس 1143 پوائنٹس اضافے سے 92003 کی سطح پر ٹریڈ کرتا دیکھا گیا۔

    گزشتہ کاروباری ہفتے کے آخری روز 28 اکتوبر کو 100 انڈیکس میں کاروبار کا اختتام 1893 پوائنٹس اضافے سے 90 ہزار 859 پوائنٹس پر ہوا تھا،اس سے قبل 25 اکتوبر کو بینچ مارک کے ایس ای-100 انڈیکس ایک ہزار 110 پوائنٹس اضافے کے بعد تاریخ میں پہلی بار 90 ہزار کی نفسیاتی حد بھی عبور کر گیا تھا۔

    قومی اسمبلی اور سینیٹ کے اہم اجلاس آج ہوں گے

    پی ٹی آئی میں اختلافات،لندن احتجا ج میں شہر یار آفریدی کو دھکے دے کر …

    ایرانی یونیورسٹی میں احتجاجاً کپڑے اُتار کر گھومنے والی لڑکی گرفتار، ویڈیو وائرل

  • یو اے ای میں دھند کا راج،ریڈ اور یلو الرٹ جاری

    یو اے ای میں دھند کا راج،ریڈ اور یلو الرٹ جاری

    متحدہ عرب امارات: ابوظہبی، دبئی، شارجہ، عجمان، اور ام القوین سمیت دیگر علاقوں میں شدید دھند کے باعث حکام نے ریڈ اور یلو الرٹ جاری کردیا۔

    باغی ٹی وی: محکمہ موسمیات نے آج علی الصبح الفلاح، صیح شعیب، رزین، العجبان، ابو ظہبی میں ابو العبیاد اور العین میں الخزنہ میں دھند سے متعلق الرٹ جاری کیا دبئی میں العویر، وارسن، الخوانیج اور ایمریٹس روڈ پر بھی آج صبح دھند تھی دھند کے موسم کی وجہ سے سڑکوں پر بصارت کم ہونے کی وجہ سے ڈرائیوروں کو آہستہ اور احتیاط سے گاڑی چلانے کا مشورہ دیا جاتا ہے۔

    نیشنل سینٹر آف میٹرولوجی (این سی ایم) کے مطابق، موسم عام طور پر دھوپ اور بعض اوقات جزوی طور پر ابر آلود رہے گا رات اور منگل کی صبح تک موسم مرطوب رہے گا اور کچھ ساحلی اور اندرونی علاقوں میں دھند یا دھند پڑنے کا امکان ہے ملک کے اندرونی علاقوں میں زیادہ سے زیادہ درجہ حرارت 33 سے 38 ڈگری سینٹی گریڈ کے درمیان رہنے کی توقع ہے ساحلی علاقوں اور جزیروں میں درجہ حرارت 31 سے 35 ڈگری سینٹی گریڈ اور پہاڑوں پر 23 سے 28 ڈگری سینٹی گریڈ تک پہنچ جائے گا خلیج عرب اور بحیرہ عمان میں سمندر نسبتاً پرسکون رہے گا۔

    ایرانی یونیورسٹی میں احتجاجاً کپڑے اُتار کر گھومنے والی لڑکی گرفتار، ویڈیو وائرل

    پی ٹی آئی میں اختلافات،لندن احتجا ج میں شہر یار آفریدی کو دھکے دے کر …

    قومی اسمبلی اور سینیٹ کے اہم اجلاس آج ہوں گے

  • ہسپانوی بادشاہ ملکہ اور وزیراعظم کا” کیچڑ "سے استقبال

    ہسپانوی بادشاہ ملکہ اور وزیراعظم کا” کیچڑ "سے استقبال

    اسپین میں شدید سیلاب نے والنسیاکے مضافاتی علاقے کو متاثر کیا، جس سے بڑے پیمانے پر جانی نقصان ہوا، اتوار کو جب اسپین کے بادشاہ فیلیپ، ملکہ لیٹیزیا اور ہسپانوی وزیر اعظم پیڈرو سانچیز نے متاثرہ علاقے کا دورہ کیا تو سینکڑوں مشتعل رہائشیوں نے ان پر کیچڑ پھینکنا شروع کر دیا۔

    باغی ٹی وی: خبر رساں ادارے بی بی سی کی رپورٹ کے مطابق والنسیا کے شہریوں نے اتوار کو بادشاہ فیلیپ، ملکہ لیٹیزیا اور وزیر اعظم پیڈرو سانچیز کے دورے کے دوران شدید احتجاج ریکارڈ کروایا کہ سیلاب کے خطرات کے بارے میں حکام نے تاخیر سے آگاہ کیا۔

    شاہی خاندان اور وزیر اعظم سیلاب سے متاثرہ علاقے کا جائزہ اور متاثرین سے ملاقات کیلئے پہنچے تھے تاہم احتجاج کے دوران کسی نے ان پر کیچڑ سے حملہ کیا جبکہ کسی نے ’قاتل، قاتل‘ کے نعرے بھی لگائے، باڈی گارڈز نے شاہی خاندان کی حفاظت کے لیے انہیں چھتری سے محفوظ کیا۔
    spain
    کنگ فیلیپ سیلاب متاثرین کو تسلی دیتے ہوئے
    ایک نوجوان نے بادشاہ فیلیپ کو بتایا کہ حکام کو سیلاب کا معلوم تھا مگر انہوں نے کسی قسم کے عملی اقدامات نہیں کیے بادشاہ فیلیپ احتجاج کے باوجود متاثرین سے بات چیت پر اصرار کرتے ہوئے نطر آئے جبکہ وزیر اعظم پیچھے ہٹ چکے تھے،اپنے چہروں اور کپڑوں پر کیچڑ کے ساتھ، بادشاہ فیلیپ اور ملکہ لیٹیزیا کو بعد میں ہجوم کے ارکان کو تسلی دیتے ہوئے دیکھا گیا،بادشاہ نے کئی لوگوں کو تسلی دی، یہاں تک کہ انہیں گلے لگا لیا۔
    spain
    واضح رہے کہ اسپین ایک پارلیمانی بادشاہت ہے جہاں بادشاہ ریاست کا سربراہ ہوتا ہے۔

    خیال رہے کہ جنوبی اور مشرقی اسپین میں شدید بارشوں اور سیلاب نے ہر طرف تباہی پھیلائی ہوئی ہے جس کے باعث 211 افراد ہلاک ہوگئے،جو کہ اسپین میں کئی دہائیوں کے لیے بدترین سیلاب ہے،اسپین میں تباہ کن سیلاب کے بعد صفائی اور ریسکیو آپریشن جاری ہے، ہلاکتیں دو سو گیارہ ہوگئیں جبکہ ہزاروں افراد تاحال لاپتہ ہیں ہنگامی کارکنان زندہ بچ جانے والوں کی تلاش اور لاشیں نکالنے کی امید میں زیر زمین کار پارکوں اور سرنگوں میں تلاش جاری رکھے ہوئے ہیں۔

    والنسیا کا علاقہ سیلاب سے سب سے زیادہ متاثر ہوا ہے چار روز قبل طوفانی بارشوں کے بعد سیلاب امڈ آیا تھا، جان لیوا سیلاب کے بعد ملبے اٹھانے کا کام جاری ہے،پبلک پارکس، باغات اور قبرستان پیر تک بند کردیئے گئے اور سیلابی علاقوں سے بے گھر افراد کو نکانے کا عمل جاری ہے،اسپین کے وزیر اعظم نے لاپتا افراد کی تلاش کے لیے مزید پانچ ہزار فوجی دستے تعنیات کردیئے تھے جو ریسکیو آپریشن کے ساتھ ساتھ ملبہ اٹھانے میں مصروف ہیں جبکہ پانچ ہزار فوجی دستے پہلے سے ریسکیو کا کام جاری رکھے ہوئے تھے-

    سیلاب سے بڑے پیمانے پر ہلاکتوں کے باعث اسپین کے وزیر اعظم نے 3 روزہ قومی سوگ کا اعلان کیا تھا، حکومت نے مزید ہلاکتوں کا خدشہ بھی ظاہر کیا ،اس سے قبل 1973 میں بھی اسپین میں آنے والے سیلاب کے باعث درجنوں افراد ہلاک ہوئے تھے۔

  • 13سالہ گھریلو ملازمہ پرمبینہ تشدد بال کاٹ دیئے،گھر کا مالک اور رشتے دار گرفتار

    13سالہ گھریلو ملازمہ پرمبینہ تشدد بال کاٹ دیئے،گھر کا مالک اور رشتے دار گرفتار

    لاہور: گھریلو ملازماؤں پر تشدد کا سلسلہ نا رک سکا، پنجاب میں کم عمر گھریلو ملازمہ پر بہیمانہ تشدد اور سر کے بال کاٹنے کا ایک اور افسوسناک واقعہ پیش آگیا،لاہور پولیس نے 13سالہ گھریلو ملازمہ پرمبینہ تشدد کے الزام میں گھر کے مالک اور اس کے ایک رشتے دار کو گرفتار کرلیا۔

    باغی ٹی وی :لاہور کے تھانہ ڈیفنس سی پولیس نے 13سالہ ملازمہ کی خالہ خورشید بی بی کی مدعیت میں گھر کےمالک وقار، اس کی بیوی اقرا اور رشتے دار اسدکے خلاف مقدمہ درج کرلیا ۔

    ایف آئی آر کے مطابق جڑانوالاضلع فیصل آباد کی رہائشی اقرا ایک سال سے وقار کے گھر میں ملازمہ تھی، مالکان نےاسے کام نہ کرنے کا الزام لگا کر ڈنڈوں سے تشدد کا نشانہ بنایا اور سر کے بال کاٹ دیئے جب کہ تشدد کی وجہ سے اقراکے دونوں بازو بھی کام نہیں کررہے۔

    چین میں فوجی سروسز میں جدت کیلئے اے آئی ٹول تیار

    ایس پی کینٹ نے کہا کہ لڑکی کا میڈیکل کرا کر وقار اور اسد کو گرفتارکر لیا جب کہ مالکن اقرا کی گرفتاری کیلئے چھاپے مارے جا رہے ہیں۔

    قبل ازیں 26 ستمبر کو گھریلو ملازمہ پر بدترین تشدد کا واقعہ پیش آیا تھا، فیصل آباد کے علاقے غالب سٹی میں گھریلو ملازمہ کے طور پر کام کرنے سے انکار پر میاں بیوی حمزہ اور سونیا نے 16 سالہ ملازمہ پر تشدد کیا اور سر کے بال کاٹ دئیے تھے تاندلیانوالہ کے رہائشی رمضان کی 16 سالہ بیٹی علیشا کو اس کے رشتے داروں علی اور مریم غالب سٹی میں حمزہ کے گھر ملازمت کیلئے چھوڑ گئے تھے،پولیس نے سب انسپکٹر عاطف شہزاد کی مدعیت میں مقدمہ درج کر کے میاں بیوی کو گرفتار کر لیا تھا-

    ایرانی یونیورسٹی میں احتجاجاً کپڑے اُتار کر گھومنے والی لڑکی گرفتار، ویڈیو وائرل

  • اعظم سواتی کی 8 مقدمات میں ضمانت بعد از گرفتاری منظور

    اعظم سواتی کی 8 مقدمات میں ضمانت بعد از گرفتاری منظور

    اسلام آباد: انسداد دہشت گردی عدالت اسلام آباد نے پی ٹی آئی رہنما اعظم سواتی کی 8 مقدمات میں ضمانت بعد از گرفتاری منظور کرلی۔

    باغی ٹی وی : اعظم سواتی کے خلاف ڈی چوک احتجاج میں مالی معاونت پر درج مقدمات میں ضمانت کی درخواستوں پر سماعت ہوئی ، انسداد دہشت گردی عدالت کے جج ابو الحسنات ذولقرنین نے سماعت کی۔

    پراسکیوٹر راجہ نوید اور اعظم سواتی کے وکیل سہیل ایڈووکیٹ عدالت میں پیش ہوئے، پراسکیوٹر راجہ نوید کی جانب سے اعظم سواتی کی ضمانت کی مخالفت کی گئی،عدالت نے 20، 20 ہزار مچلکوں کے عوض 8 مقدمات میں اعظم سواتی کی ضمانت بعد از گرفتاری کی درخواست منظور کر لی۔

    پی ٹی آئی میں اختلافات،لندن احتجا ج میں شہر یار آفریدی کو دھکے دے کر …

    واضح رہے کہ 4 اکتوبر کو اسلام آباد میں احتجاج کے بعد پاکستان تحریک انصاف کے بانی چیئرمین اور سابق وزیر اعظم عمران خان کی ہمشیرہ علیمہ خان، عظمی خان، رہنما اعظم سواتی سمیت کئی کارکنان کو گرفتار کیا گیا تھا۔

    7 اکتوبو کر انسداد دہشت گردی عدالت نے پی ٹی آئی رہنما اعظم سواتی کو 3 دن کے جسمانی ریمانڈ پر پولیس کے حوالے کردیا تھا۔

    پی ٹی آئی کے احتجاج اور تشدد سے متعلق اسلام آباد کے مختلف تھانوں میں 13 مقدمات درج ہیں، جن میں سیکرٹریٹ، سی ٹی ڈی، رمنا، سنگجانی، گولڑہ، کراچی کمپنی، ترنول، سنبل، نون، انڈسٹریل ایریا، کوہسار اور آبپارہ تھانے شامل ہیں۔

    پہلا ون ڈے:پاکستان کی آسٹریلیا کے خلاف بیٹنگ جاری, 2 کھلاڑی آؤٹ

    حسن ابدال کے تازہ مقدمے میں عمران خان، عظمیٰ خان، علیمہ خان، علی امین گنڈا پور، عمر ایوب، شیخ وقاص اکرم، شوکت بسرا، زین قریشی، نعیم حیدر، اعظم سواتی، بیرسٹر سلمان اکرم راجا، ڈپٹی اسپیکر خیبرپختونخوا اسمبلی صغریٰ بی بی، صوبائی وزیر عاقب خان، سابق وزیر زادہ، 11 ارکان صوبائی اسمبلی کے علاوہ 3 ہزار سے زائد کارکنان کے نام شامل ہیں۔

    ایف آئی آر میں یہ الزام بھی لگایا گیا کہ پی ٹی آئی کے رہنماؤں عمر ایوب اور بیرسٹر محمد سیف نے اپنی اشتعال انگیز تقاریر سے مظاہرین کو اکسایا، اعظم سواتی نے فنڈنگ ​​فراہم کی اور وزیر اعلیٰ علی امین گنڈا پور نے وفاقی دارالحکومت پر مارچ کے لیے اپنے صوبے کے عوامی وسائل فراہم کیے۔

    قصور میں سموگ کا راج،کنٹرول نا کیا گیا تو سموگ بڑھنے کا خدشہ

  • توشہ خانہ ٹو کیس: ایف آئی اے کو نوٹس جاری،سماعت غیرمعینہ مدت تک ملتوی

    توشہ خانہ ٹو کیس: ایف آئی اے کو نوٹس جاری،سماعت غیرمعینہ مدت تک ملتوی

    اسلام آباد ہائیکورٹ نے توشہ خانہ ٹو کیس میں پاکستان تحریک انصاف کے بانی چیئرمین عمران خان کی ضمانت کی درخواست پر ایف آئی اے کو نوٹس جاری کرکے جواب طلب کرلیا۔

    باغی ٹی وی : اسلام آباد ہائیکورٹ کے جسٹس میاں گل حسن اورنگزیب نے سابق وزیراعظم عمران خان کی توشہ خانہ ٹو کیس میں ضمانت کی درخواست پر سماعت کی، بانی پی ٹی آئی کی طرف سے وکیل سلمان صفدر پیش ہوئے،عدالت نے عمران خان کی درخواست ضمانت پر ایف آئی اے کو نوٹس جاری کرتے ہوئے جواب طلب کرلیا،عدالت نے سماعت غیرمعینہ مدت تک ملتوی کرتے ہوئے قراردیا کہ کیس کی آئندہ تاریخ رجسٹرارآفس مقرر کرے گا۔

    واضح رہے کہ سپیشل جج سینٹرل نے سابق چیئرمین پی ٹی آئی عمران خان کی ضمانت مسترد کردی تھی جبکہ بشریٰ بی بی کی توشہ خانہ ٹوکیس میں ضمانت منظورہو چکی ہے، 13 جولائی کو نیب نے عمران خان اور ان کی اہلیہ کو عدت نکاح کیس میں ضمانت ملنے کے فوری بعد توشہ خانہ کے ایک نئے ریفرنس میں گرفتار کرلیا تھا،نیب کی انکوائری رپورٹ کے مطابق توشہ خانہ ٹو کیس 7 گھڑیوں سمیت 10 قیمتی تحائف خلاف قانون پاس رکھنے اور بیچنے سے متعلق ہے-

    قصور میں سموگ کا راج،کنٹرول نا کیا گیا تو سموگ بڑھنے کا خدشہ

    تاہم نیب ترامیم کے حوالے سے سپریم کورٹ کے فیصلے کے بعد احتساب عدالت نے بانی پاکستان تحریک انصاف (پی ٹی آئی) عمران خان اور بشریٰ بی بی کے خلاف توشہ خانہ 2 ریفرنس نیب سے ایف آئی اے کو منتقل کردیا تھا،توشہ خانہ ٹو کیس کی تحقیقات کے لیے وفاقی تحقیقاتی ادارے(ایف آئی اے) نے تین رکنی جوائنٹ انوسٹی گیشن ٹیم (جے آئی ٹی) تشکیل دے دی تھی۔

    نیوزی لینڈنے بھارت کو تیسرے ٹیسٹ میں شکست دےکر وائٹ واش کردیا

  • اردو کی نامور افسانہ نگار ” حجاب امتیاز علی

    اردو کی نامور افسانہ نگار ” حجاب امتیاز علی

    اردو کی نامور افسانہ نگار ” حجاب امتیاز علی

    حجاب امتیاز علی 4 نومبر 1908ء کوحیدرآباد دکن میں پیدا ہوئیں ۔ ان کے والد سید محمد اسماعیل نظام دکن کے فرسٹ سیکریٹری تھے اور والدہ عباسی بیگم اپنے دور کی نامور اہل قلم خاتون تھیں۔

    حجاب امتیاز علی نے عربی، اردو اور موسیقی کی تعلیم حاصل کی اور مختلف ادبی رسالوں میں افسانہ نگاری کا آغاز کیا ابتدا میں وہ حجاب اسماعیل کےنام سے لکھا کرتی تھیں اور ان کی تحریریں زیادہ تر تہذیب نسواں میں شائع ہوتی تھیں جس کے مدیر امتیاز علی تاج تھے، 1929ء میں امتیاز علی تاج نے اپنا مشہور ڈرامہ انار کلی ان کے نام سے معنون کیا اور 1934ء میں یہ دونوں ادبی شخصیات سجاد حیدر یلدرم کی معرفت رشتہ ازدواج میں منسلک ہوگئیں۔ شادی کے بعد حجاب مستقلاً لاہور کی شہری بن گئیں اور حجاب اسماعیل سے حجاب امتیاز بن گئیں۔

    حجاب امتیاز علی نے بے شمار افسانوی مجموعے اور ناولٹ یادگار چھوڑے جن میں میری نا تمام محبت اور دوسرے رومانی افسانے، لاش اور ہیبت ناک افسانے، خلوت کی انجمن، نغمات موت، ظالم محبت، وہ بہاریں یہ خزائیں، کالی حویلی اور تحفے کے نام شامل تھے۔ انہوں نے تہذیب نسواں کی ادارت بھی کی اور ایک فلائنگ کلب کی رکنیت اختیار کرکے برصغیر پاک و ہند کی اولین ہوا باز خاتون ہونے کا اعزاز بھی حاصل کیا۔

    19 مارچ 1999ء کو حجاب امتیاز علی لاہور میں وفات پاگئیں، وہ لاہور میں مومن پورہ کے قبرستان میں آسودۂ خاک ہیں۔

    منقول

  • پی ٹی آئی میں اختلافات،لندن احتجا ج میں شہر یار آفریدی کو دھکے دے کر اسٹیج سے اتار دیا گیا

    پی ٹی آئی میں اختلافات،لندن احتجا ج میں شہر یار آفریدی کو دھکے دے کر اسٹیج سے اتار دیا گیا

    لندن: پاکستان تحریک انصاف (پی ٹی آئی) نے برطانوی وزیراعظم کی سرکاری رہائش گاہ کے سامنے ایک احتجاجی مظاہرہ کیا۔

    باغی ٹی وی : احتجاج پاکستان کے سیاسی حالات کے پس منظر میں منعقد کیا گیا،احتجاج میں شریک افراد کا کہنا تھا کہ پاکستان میں سیاسی استحکام کے لئے پی ٹی آئی کا چھینا گیا مینڈیٹ واپس کیا جانا چاہیے موجودہ حکومت کی پالیسیوں نے ملک میں عدم استحکام پیدا کیا ہے، اور اس کے اثرات عوام پر مرتب ہو رہے ہیں۔

    پی ٹی آئی کے مظاہرے سے خطاب کرتے ہوئے رہنما زلفی بخاری نے زور دیا کہ پارٹی کے بانی عمران خان کو جیل سے فوری طور پر رہا کیا جائے ”انتظار پنجوتھا“ کے ساتھ جو کچھ ہوا، وہ نہ صرف افسوسناک بلکہ قابل مذمت ہے، اور اس کا اثر پاکستان کی سیاسی صورتحال پر پڑ رہا ہے۔

    علاوہ ازیں احتجاج میں ، شہباز گل،شہزاد اکبر اور دیگر نے خطاب کیا لیکن شہریار آفریدی کے اسٹیج پر آتے ہی شہباز گل اسٹیج سے اترگئے،اس موقع پر میڈیا سے گفتگو میں شہریار آفریدی کا کہنا تھاکہ میں خان کا سپاہی ہوں، مجھے کہا گیا تھا میں آیا اور احتجاج میں رہا، مجھے نہیں سمجھ آئی مجھے جلسے میں بلا کر تقریر نہیں کرنے دی گئی۔

    پاکستان کو شکست،سری لنکا نے ہانگ کانگ سپر سکسز کا ٹائٹل جیت لیا

    واضح رہے کہ یہ احتجاج حالیہ دنوں میں پیش آنے والے واقعات کے تناظر میں بھی اہمیت رکھتا ہے چند دن قبل، سابق چیف جسٹس آف پاکستان قاضی فائز عیسیٰ کو مڈل ٹیمپل کا بینچر بنانے کی تقریب کے دوران بھی پی ٹی آئی کارکنوں نے احتجاج کیا اس موقع پر پی ٹی آئی ملیکہ بخاری، اظہر مشوانی، اور دیگر نے بھی مظاہرین سے خطاب کیا،تقریب سے باہر نکلتے ہوئے، پی ٹی آئی کے کارکنان نے جسٹس قاضی فائز عیسیٰ کی گاڑی پر حملہ کیا اور اس پر مکے برسانے کی کوشش کی۔

    قصور میں سموگ کا راج،کنٹرول نا کیا گیا تو سموگ بڑھنے کا خدشہ

  • قومی اسمبلی اور سینیٹ کے اہم اجلاس آج ہوں گے

    قومی اسمبلی اور سینیٹ کے اہم اجلاس آج ہوں گے

    اسلام آباد: قومی اسمبلی اور سینیٹ کے اہم اجلاس آج ہوں گے۔

    باغی ٹی وی : قومی اسمبلی کا اجلاس اسپیکر سردار ایاز صادق کی زیر صدارت آج شام 4 بجے ہوگا، جس کا 7 نکاتی ایجنڈا جاری کردیا گیا، اجلاس میں انسداد دہشت گردی ترمیمی بل اور ججز کی تعداد بڑھانے کا بل منظور کرائے جانے کا امکان ہے۔

    ایجنڈے کے مطابق سپریم کورٹ پریکٹس اینڈ پروسیجر ترمیمی آرڈیننس ایوان میں پیش ہوگا، پریکٹس اینڈ پروسیجر بل میں سیکشن ٹو، ایکٹ 17 میں ترمیم کی گئی ہے، ہر مقدمہ چیف جسٹس کی زیر نگرانی مخصوص بینچ کے سامنے پیش ہوگا رول آف لا انڈیکس میں پاکستان کا 129 واں نمبر آنے کا توجہ دلاؤ نوٹس پیش کیا جائے گا، صدر مملکت کے مشترکہ اجلاس سے خطاب پر اظہار تشکر کی تحریک ایجنڈے کا حصہ ہےعالیہ کامران کا پی آئی اے کےطیاروں کو گراؤنڈ کیےجانےپر توجہ دلاؤ نوٹس شامل ہےجبکہ وقفہ سوالات اور نکتہ اعتراض بھی ایجنڈے میں موجود ہے۔

    دوسری جانب سینیٹ اجلاس کے لیے 39 نکاتی ایجنڈا بھی جاری کر دیا گیا جس کے مطابق آج کے اجلاس میں 3 نئے بل ایوان میں پیش کئے جائیں گے جبکہ 11 بلوں کی قائمہ کمیٹی کی رپورٹس اور منظوری بھی ایجنڈے میں شامل ہے، حکومت کی جانب سے تمام اراکین پارلیمنٹ کو ایوانوں میں حاضری یقینی بنانے کی ہدایت کی گئی ہے۔

  • پہلا ون ڈے:آسٹریلیا نے پاکستان کو 2 وکٹوں سے شکست دے دی

    پہلا ون ڈے:آسٹریلیا نے پاکستان کو 2 وکٹوں سے شکست دے دی

    میلبرن: پاکستان اور آسٹریلیا کے درمیان تین ون ڈے میچز کی سیریز کے پہلے میچ میں آسٹریلیا نے پاکستان کو 2 وکٹوں سے شکست دے دی-

    باغی ٹی وی : میلبورن کے کرکٹ گراؤنڈ میں ہونے والے اس میچ میں محمد رضوان پہلی مرتبہ گرین شرٹس کی قیادت کر رہے ہیں ، سابق کپتان وسیم اکرم نے ٹاس سے قبل صائم ایوب اور عثمان خان کو ان کے ڈیبیو پر گرین کیپ دی-

    پاکستان کی ٹیم 46.4 اوورز میں 203 رنزبناکر آؤٹ ہوگئی،پاکستان کے صائم ایوب 1 رن پر مچل اسٹارک کی گیند پر آؤٹ ہوگئے، دوسر ی وکٹ 24 رنز پر گری،عبداللّٰہ شفیق 12 رنز بنا کر آؤٹ ہوئے، ان کو بھی مچل اسٹارک نے آؤٹ کیا،بابر اعظم کو ایڈم زمپا نے 37 رنز پر آؤٹ کیا جب کہ کامران غلام کو 5 رنز پیٹ کمنز نے آؤٹ کیا-

    سلمان علی آغا کو سین ایبٹ نے 12 جب کہ کپتان محمد رضوان کو مارنس لبوشین نے 44 رنز پر آؤٹ کیا، شاہین شاہ آفریدی 24 رنز بناکر اسٹارک کی گیند پر آؤٹ ہوئے، عرفان خان 22 رنز پر رن آؤٹ ہوئے،نسیم شاہ کو پیٹ کمنز نے 40 اور حارث رؤف کو ایڈم زمپا نے صفر پر آؤٹ کیا۔

    دوسری جانب ہدف کے تعاقب میں آسٹریلوی ٹیم نے بیٹںگ شروع کی تو متیھیو شارٹ 19 کے مجموعی اسکور پر آؤڑ ہوئے جبکہ اوپنر جیک فریزر 16 رنز بنا کر 28 کے مجموعی اسکور پر آؤٹ ہوئے اس کے بعد اسٹیو اسمتھ اور جوش انگلز کے درمیان تیسری وکٹ کی شراکت میں 85 رنز بنائے گئے، 113 رنز کے مجموعی اسکور پر اسٹیو اسمتھ 44 نز بنا کر آؤٹ ہوگئے اور اس کے بعد 139 کے مجموعی اسکور پر جوش انگلز 49 رنز بنا کر آؤٹ ہوئے۔

    مارنس لبوشین 16 اور گلین میکسویل صفر پر پویلین لوٹ گئے۔ آرون ہارڈی 10 رنز بنا کر محمد حسنینکی گیند پر بولڈ ہوگئے آسٹریلوی ٹیم کے جوش انگلس 49 اور اسٹیو اسمتھ 44 رنز بناکر ٹاپ اسکورر رہے،پاکستان کی جانب سے حارث رؤف نے 3 ، شاہین شاہ آفریدی نے 2 اور نسیم شاہ اور محمد حسنین نے ایک ایک کھلاڑی کو آؤٹ کیا۔

    اسکواڈ

    پاکستان: صائم ایوب، عبداللہ شفیق، بابر اعظم، محمد رضوان (کپتان)، کامران غلام، سلمان آغا، عرفان خان، شاہین شاہ آفریدی، حارث رؤف، نسیم شاہ، محمد حسنین

    آسٹریلیا: میتھیو شارٹ، جیک فریزر، اسٹیون اسمتھ، جوش انگلز، مارنس لبوشین، گلین میکسویل، آرون ہارڈی، سین ایبٹ، پیٹ کمنز (کپتان)، مچل اسٹارک، ایڈم زمپا

    واضح رہے کہ بھارت میں گزشتہ سال ہونے والے آئی سی سی ون ڈے ورلڈ کپ کے بعد پاکستان کا یہ پہلا ون ڈے میچ ہے،پاکستانی کرکٹ ٹیم اس وقت آسٹریلیا کے دورے پر موجود ہے جہاں وہ تین ون ڈے اور تین ٹی ٹوئنٹی میچز کی سیریز کھیلے گی۔

    دونوں ٹیموں کے درمیان سیریز کا دوسرا ون ڈے میچ 8 نومبر کو ایڈیلیڈ اوول میں ہوگا جبکہ تیسرا اور آخری ون ڈے میچ 10 نومبر کو پرتھ اسٹیڈیم میں کھیلا جائے گا، تینوں ون ڈے میچز ڈے اینڈ نائٹ ہوں گے،پاکستان اور آسٹریلیا کے درمیان 14 سے 18 نومبر تک ٹی20 انٹرنیشنل میچز کھیلے جائیں گے۔