Author: ممتاز حیدر

سابق وزیراعظم عمران خان کی اہلیہ بشریٰ بی بی کے بیٹے موسیٰ مانیکا اور سابق شوہر خاور مانیکا کی جانب سے ناچ گانے کی محفل سوشل میڈیا پر وائرل ہو گئی ہے، خاور مانیکا اور موسیٰ مانیکا نہ صرف محفل میں شریک ہیں بلکہ رقص کرتے بھی دکھائی دیتے ہیں

بشریٰ بی بی، جو اب عمران خان کی اہلیہ ہیں، اڈیالہ جیل سے رہائی کے بعد عمران خان کی رہائی کے لئے پی ٹی آئی شرپسندوں کے ہمراہ اسلام آباد آئیں اور کارکنان سے کئی بار خطاب کرتے ہوئے دعویٰ کیا کہ اگر کوئی کہے کہ بشریٰ اپنے میاں کو چھوڑ کر بھاگ گئی تو یہ جھوٹ ہو گا، لیکن ڈی چوک پہنچنے سے قبل ہی بشریٰ بی بی اپنے کارکنان کو رات کے اندھیرے میں چھوڑ کر ڈی چوک سے فرار ہونے میں کامیاب ہو گئیں، بشریٰ بی بی اپنے خطابات میں مذہبی ٹچ دیتی رہیں،ایک ویڈیو پیغام میں بھی بشریٰ بی بی نے مذہبی ٹچ دیا اور سعودی عرب پر تنقید کی،عمران خان اور بشریٰ بی بی پاکستان میں ریاست مدینہ کا نظام لانا چاہتے تھے تا ہم ان کی زندگی اس کے برعکس ہے، گھڑی چوری سے لے کر قومی خزانے سے پتہ نہیں کیا کیا لوٹ مار کی گئی، یہی وجہ ہے کہ عمران خان جیل میں اور بشریٰ بی بی رہائی کے بعد ضمانتوں پر ہیں

حالیہ دنوں میں بشریٰ بی بی کے بیٹے موسیٰ مانیکا اور ان کے سابق شوہر خاور مانیکا کی ایک ویڈیو سوشل میڈیا پر سامنے آئی ہے جس میں دونوں ناچ گانے کی محفل میں شریک ہیں، جس پر عوامی سطح پر کافی تنقید کی جا رہی ہے۔ موسیٰ مانیکا کی یہ محفلیں محض تفریح یا کسی اور مقصد کے لئے منعقد کی گئی ہوں گی جن میں نوجوانوں کی ایک بڑی تعداد شریک ہوئی ان محافل میں جو موسیقی اور رقص کا انعقاد ہوتا ہے، وہ اسلامی اقدار اور شریعت کے اصولوں کے خلاف ہے۔ یہ صورتحال خاص طور پر ان لوگوں کے لیے پریشان کن ہے جو بشریٰ بی بی اور ان کے خاندان کو اسلامی اقدار کا علمبردار مانتے ہیں۔مذہبی حلقوں کی جانب سے یہ سوال اٹھایا جا رہا ہے کہ بشریٰ بی بی، جو کہ ریاست مدینہ کے نعرے کے تحت سعودی عرب اپنے شوہر عمران خان اور سابق شوہر خاور مانیکا کے ساتھ گئی تھیں، اپنے خاندان کے افراد کو اسلامی تعلیمات پر عمل کرنے کی ترغیب کیوں نہیں دے رہیں۔ اگر وہ ریاست مدینہ کا نعرہ بلند کر رہی ہیں تو پھر ان کے اپنے گھر میں یہ بے ضابطگیاں کیوں ہو رہی ہیں؟اگر بشریٰ بی بی واقعی شریعت کی ترویج پر یقین رکھتی ہیں، تو انہیں سب سے پہلے اپنے گھر سے اس کی ابتدا کرنی چاہیے۔ ان کے بیٹے موسیٰ مانیکا کا سرعام اس نوعیت کی سرگرمیوں میں ملوث ہونا ان کے پیغام کی سچائی پر سوال اٹھاتا ہے۔

یہ بشری بی بی کا بیٹا موسی مانیکا اور سابق شوہر خاور مانیکا ہے جو پاک پتن میں سرعام ناچ گانے کی محفلیں منعقد کر رہے ہیں

بشری بی بی کو خیبر پختونخواہ جا کر جہاد اور شریعت کی ترغیب دینے کے بجائے پہلے اپنے گھر سے شروعات کرنی چاہیے۔#baaghitv #pakistan #breakingnews pic.twitter.com/o0kqwxbpcu

— Baaghi TV باغی ٹی وی (@BaaghiTV) December 4, 2024

ریاست مدینہ کا تصور ایک ایسی ریاست کی نمائندگی کرتا ہے جہاں عدلیہ، انصاف اور اسلامی قوانین کی پیروی کی جاتی ہے۔ اس تصور کو عوامی سطح پر ایک مثالی نظام کے طور پر پیش کیا گیا ہے۔ لیکن جب بشریٰ بی بی کے اپنے خاندان کے افراد اس نظام کے خلاف سرگرم نظر آتے ہیں، تو یہ سوال اٹھتا ہے کہ آیا ان کا اپنا خاندان اس ریاست کے اصولوں کے مطابق زندگی گزار رہا ہے یا نہیں۔شریعت اور اسلامی تعلیمات کی بات کرنے والی بشریٰ بی بی کے خاندان کی اس قسم کی سرگرمیاں انہیں ایک مشکل پوزیشن میں ڈال رہی ہیں، جہاں عوام ان کے پیغام اور عمل کے درمیان تضاد دیکھ رہے ہیں۔ اس کے ساتھ ساتھ، ان کی اپنی ساکھ اور ان کے خاندان کے افراد کے کردار پر بھی سوالات اٹھ رہے ہیں۔ اسلامی اقدار کو محض نعرے یا دکھاوے کے طور پر نہیں اپنایا جا سکتا، بلکہ ان کی عملی پیروی ضروری ہے، خاص طور پر جب آپ اپنے پیغام کو عوامی سطح پر بلند کریں۔ بشریٰ بی بی کے لیے یہ ایک چیلنج ہے کہ وہ اپنے خاندان کے افراد کو بھی اسلامی تعلیمات کی روشنی میں زندگی گزارنے کی ترغیب دیں، خیبر پختونخوا کے نوجوانوں کو حکومت وقت کے خلاف جہاد پر اکسانے کی بجائے بشریٰ بی بی اپنے بیٹے موسیٰ مانیکا کی تربیت کریں جو رقص و سرور کی محفلوں کا انعقاد کروا رہا ہے

ملک دشمنی کا ایک اور قدم،بھارت سے فنڈوصولی ،ہالینڈ میں پی ٹی آئی کریگی احتجاج

امریکی ایوان نمائندگان میں قرارداد،پاکستان کے خلاف آپریشن گولڈ اسمتھ کی ایک کڑی

آپریشن گولڈ سمتھ کی کمر ٹوٹ گئی،انتشاری ٹولہ ایڑھیاں رگڑے گا

تحریک انصاف کی ملک دشمنی ایک بار پھر کھل کر سامنے آ گئی

14 سال سے خیبرپختونخوا میں پی ٹی آئی سرکار،اربوں بجٹ وصول،کارکردگی زیرو

عمران پر جیل میں تشدد ہوا،مجھے مرد اہلکار نے…بشریٰ بی بی نے سنگین الزام عائد کر دیا

عبوری ضمانت "معصوم” فرد کا حق ہے،نومئی مقدمے،عمران کی ضمانت مسترد ہونے کا فیصلہ

پی ٹی آئی میڈیا کوآرڈینیٹر سے دھماکہ خیزمواد برآمد،کالعدم تنظیموں سے تعلق،جسمانی ریمانڈ مل گیا

تحریک انصاف کے سوشل میڈیا ایکٹوسٹ کے خلاف کریک ڈاون کا آغاز ہو گیا

مہنگی بجلی، زیادہ تر آئی پی پیز پی ٹی آئی رہنماؤں کی ملکیت نکلیں

پی ٹی آئی کو بھارت اور بنگلہ دیش سے امداد موصول ہوئی ہے، بنگلہ دیش ،بھارت سے پیسے ملنے کے بعد پی ٹی آئی پانچ دسمبر کو ہالینڈ میں احتجاج کرنے جا رہی ہے،

عمران خان نے جیل سے رہائی کے لئے ہرممکن کوشش کی لیکن انہیں کسی صورت کامیابی نہ ملی،عمران خان کی رہائی کے لئے تحریک انصاف نے جہاں بھارتی لابی کے ساتھ ملکر بیرون ممالک میں قراردادیں لائیں، احتجاج کیا ، اداروں کے خلاف پروپیگنڈہ کیا وہیں سوشل میڈیا پر بھی مہم چلائی گئی، عمران خان کے ہامی،پاکستان مخالف ،اسرائیلیوں کے قریبی سمجھنے جانے والے رہنماؤں نے بھی عمران خان کی رہائی کے لئے آواز اٹھائی، لیکن عمران خان کو تمام تر کوششوں کے باوجود رہائی نہ مل سکی،گولڈ اسمتھ فیملی سے رابطہ کر کے پی ٹی آئی نے مدد مانگی، اسلام آباد پر خیبر پختونخوا حکومت نے یلغار کی، ایک بار پھر نومئی کو دوہرایا گیا مگر عمران خان جیل سے پھر بھی باہر نہ آ سکے، بشریٰ بی بی نے احتجاجی مظاہرے کی قیادت کی، نوجوانوں کو اکسایا،پولیس پر پی ٹی آئی شرپسندوں نے گولیاں برسائیں اور پھر ڈی چوک پہنچنے سے قبل ہی بشریٰ بی بی کارکنان کو رات کے اندھیرے میں چھوڑ کر خود علی امین گنڈا پور کے ساتھ فرار ہو گئیں، عمران خان کی رہائی پھر بھی نہ ہو سکی.

اب پی ٹی آئی کی جانب سے بیرون ملک احتجاج کا سلسلہ جاری ہے، پی ٹی آئی رہنما زلفی بخاری متحرک ہیں، زلفی بخاری کی کوشش ہے کہ بیرون ممالک مؤثر احتجاج کیا جائے،اسی سلسلہ میں پی ٹی آئی کل پانچ دسمبر کو انٹرنیشنل کورٹ آف جسٹس کے سامنے احتجاج کر رہی ہے،پی ٹی آئی کارکنان بینرز،پوسٹر لے کر آرہے ہیں، کارکنان جمع ہوں گے، ریاست پاکستان، حکومت پاکستان،افواج پاکستان کے خلاف پی ٹی آئی احتجاج کرے گی،تاہم فلسطین کے حق اور اسرائیل کے خلاف پی ٹی آئی کو کہیں بھی احتجاج کرنے کی توفیق نہیں ہوئی،پی ٹی آئی جو ہمیشہ سے فارن فنڈز سے ہی چلتی آ رہی ہے، پاکستان کی عدالتوں میں بھی فارن فنڈز کے کیس زیر سماعت ہیں، اب عمران خان کی رہائی اور ذاتی مفادات کے لئے پی ٹی آئی نے ایک بار پھر فنڈز جمع کئے ہیں جس میں سے سب سے زیادہ فنڈز پی ٹی آئی کو بھارت اور بنگلہ دیش سے ملے ہیں، پی ٹی آئی ان فنڈز کی وصولی کے بعد ہالینڈ میں انٹرنیشنل کورٹ آف جسٹس کے سامنے احتجاج کرنے جا رہی ہے، کل 5 دسمبر کو پی ٹی آئی احتجاج کرے گی جس کا مقصد عمران خان کی رہائی ہے اور مختلف مقدمات میں سزایافتہ پاکستانی مجرم کو بے قصور ثابت کرنا ہے،پی ٹی آئی اس سے پہلے بھی کئی ممالک میں احتجاج کر چکی ہے تا ہم پی ٹی آئی والے یہ نہیں بتاتے کہ عمران خان پر ایک نہیں درجنوں مقدمات ہیں اور ان مقدمات کی وجہ سے ہی عمران خان جیل میں ہیں، گھڑی چوری کا مقدمہ بھی عمران خان نے بنایا تھا، کیا کبھی پی ٹی آئی نے سعودی ولی عہد کے گھر کے باہر جا کر احتجاج کیا کہ عمران خان نے سعودی ولی عہد کی تحفہ دی ہوئی گھڑی خود رکھ لی تو ان پر مقدمہ درج کر لیا گیا، وہ کبھی نہیں کریں گے، کیونکہ پاکستان کے قوانین کو عمران خان نے توڑا اور اسی لئے ان پر مقدمے بنے،

پی ٹی آئی کی حالیہ سرگرمیاں،اندرون و بیرون ملک جو ریاست اور افواج پاکستان کے خلاف ہ مہم کی شکل اختیار کر چکی ہیں، نہ صرف قابلِ مذمت ہیں بلکہ یہ ملکی سالمیت کے لیے خطرہ بن سکتی ہیں۔ پی ٹی آئی عمران خان کے لئے تو احتجاج کرتی ہے لیکن پی ٹی آئی کی قیادت فلسطین کے حق میں کھل کر آواز نہیں اٹھا پائی، اور نہ ہی اسرائیل کے خلاف کوئی مؤثر اور مضبوط موقف اپنانے کی توفیق حاصل کر سکی۔

ملک دشمنی پر مبنی اقدامات کرکے پی ٹی آئی کیا ثابت کرنا چاہتی ہے؟ پی ٹی آئی نے کبھی آئی ایم ایف کو خطوط لکھے، کبھی امریکہ،کبھی برطانیہ،غرض جہاں ان کو موقع ملا انہوں نے ملک دشمنی کے لئے تمام حدیں پار کر لی ہیں،پی ٹی آئی کو پاکستان میں اسرائیل کے خلاف کبھی جلوس نکالنے کی توفیق نہیں ہوئی، بانی پی ٹی آئی ہمیشہ ملکی تشخص کو خراب کرنے کی کوشش کرتے رہے ہیں اور ان کے اسرائیل کے مظالم کی کھل کر مذمت نہ کرنے کی وجہ سے ان پر سوالات اٹھ رہے ہیں۔ عمران خان نے ہمیشہ نوجوانوں کو گمراہ کرنے کی کوشش کی ہے، اب اوورسیز پاکستانی عمران خان کا ہدف ہیں، تحریک انصاف جو بھی کر رہی ہے یہ اکیلے پی ٹی آئی نہیں کر رہی ،یہ ایک بیرونی سازش ہے، بھارت سے پیسے آ رہے تو اسرائیل بھی پی ٹی آئی کے ساتھ ہے،یہی وجہ ہے کہ پی ٹی آئی والےاسرائیل کے خلاف ایک لفظ تک نہیں بولتے،