Author: ممتاز حیدر

چئیرمین پی ٹی آئی بیرسٹر گوہر، سلمان اکرم راجہ، شیخ وقاص اکرم اور فیصل امین نے مشترکہ پریس کانفرنس کی ہے

بیرسٹر گوہر کا کہنا تھا کہ آج ہمارا ایک ہی ایجنڈا ہے، ہمیں پارٹی مؤقف اور بانی چئیرمین پر گزرنے والے حالات کے بارے میں اکثر پریس کانفرنس کرنی پڑتی ہے،آج کی پریس کانفرنس خواجہ شیراز کے حوالے سے کر رہے ہیں، ان کے گھر پر چھاپہ مارا گیا، گھر میں ڈالے آئے، ان کے گھر والوں کی جانب سے کہا جا رہا ہے انہیں اسلام آباد لایا گیا ہے، ہم اس کی شدید مذمت کرتے ہیں، انتظار پنجھوتا کو بھی اٹھایا گیا ہے، ان کے ساتھ بھی جو ہوا اس کی شدید مزمت کرتے ہیں ، آئینی ترمیم کے حوالے سے خواجہ شیراز کا جو مؤقف تھا اس کی وجہ سے انہیں اٹھایا گیا، ملتان میں ان کا گھر توڑا گیا، یہ فسطائیت اور لا قانونیت پاکستان تحریک انصاف کے خلاف جاری ہے، ہمارے ایم این اے خواجہ شیراز صاحب کو اٹھایا گیا، خواجہ شیراز صاحب کا ایک مہینے سے پیچھا کیا جا رہا تھا، آئینی ترامیم کیلئے اس کو آخری حد تک مجبور کیا گیا، اس سے پہلے ایم این اے حاجی امتیاز کیساتھ بھی ایسا کیا گیا تھا،ہم چیف جسٹس آف پاکستان سے انصاف کا مطالبہ کرتے ہیں،جب اسماعیل ہنیہ کی شہادت ہوئی تھی ہم اسمبلی فلور پر وزیراعظم کیساتھ تھے، وزیراعظم کو بھی ہم نے پارلیمنٹیرینز کے پروٹیکشن سے آگاہ کیا تھا، کمیٹی بھی اس کیلئے بنی تھی مگر نہ کمیٹی نے تحفظ فراہم کیا نہ حکومت نے،

بیرسٹر گوہر کا کہنا تھا کہ امریکا میں انتخابات ہوئے ہیں، جمہوریت ایسی ہوتی ہے کہ نکلیں اور بغیر روک ٹوک کے ووٹ دیں، امریکا کی جمہوریت اور لوگوں کی رائے کو سراہتے ہیں، پاکستان تحریک انصاف کی جانب سے ڈونلڈ ٹرمپ کو مبارکباد دیتا ہوں،پاکستان اور امریکا کے تعلقات مزید بہتر ہوں گے،

سلمان اکرم راجہ نے کہا کہ ہم اپنی آواز بلند کریں گے ، خاموشی سے نہیں بیٹھیں گے،پاکستان ایک فاشسٹ اسٹیٹ بن چُکی ہے، جہاں کوئی بھی محفوظ نہیں،عالمی برادری سے پاکستان میں انسانی حقوق کی خلاف ورزیوں اور جبری گمشدگیوں پر فوری نوٹس لینے کا مطالبہ کرتے ہیں.

پاکستان تحریک انصاف (پی ٹی آئی) کے سینئر رہنما زلفی بخاری نے امریکہ کے منتخب صدر ڈونلڈ ٹرمپ اور نائب صدر جے ڈی وینس کو ان کے دوبارہ انتخاب اور شاندار کامیابی پر مبارکباد پیش کی ہے۔

سماجی رابطے کی ویب سائٹ ایکس پر اپنے بیان میں زلفی بخاری نے کہا کہ یہ فتح ایک بڑی کامیابی ہے جو ٹرمپ اور وینس کی جرات اور عزم کا مظہر ہے، جنہوں نے کئی چیلنجز اور مشکلات کا مقابلہ کیا۔یہ کامیابی ان لوگوں کے لیے ایک مضبوط پیغام ہے جو محسوس کرتے تھے کہ ان کی آواز نظرانداز کی جا رہی تھی۔ اس جیت نے ایک ایسے دور کی امید پیدا کی ہے جس میں معاشی استحکام اور تبدیلی کی ضرورت کو تسلیم کیا جائے گا۔یہ وقت ایک بڑی تبدیلی کا ہے، اور ہم امید کرتے ہیں کہ اس نئے باب میں عالمی مسائل کے حل کے لیے ٹھوس اقدامات کیے جائیں گے، خاص طور پر غزہ میں جاری تنازعہ کا خاتمہ ہو گا،زلفی بخاری نے اس موقع پر عالمی برادری کو ایک پیغام دیا کہ یہ وقت ایک نئی یکجہتی کا ہے، جس میں لوگ اکٹھا ہو کر ایک پرامن اور خوشحال دنیا کی تعمیر کریں۔انہوں نے اس امید کا اظہار کیا کہ جمہوریت کی فتح سے دنیا بھر کے لوگوں کو امید ملے گی۔

On behalf of Imran Khan & PTI congratulations to President elect @realDonaldTrump & VP @JDVance on his re-election and remarkable comeback, a triumph against formidable odds and numerous challenges thrown against him. This victory is a profound statement from those who felt… pic.twitter.com/bRH8Lypuy0

— Sayed Z Bukhari (@sayedzbukhari) November 6, 2024

یاد رہے کہ زلفی بخاری نے اپنے ٹویٹس میں ٹرمپ کے انتخابی مہم کے حوالے سے ایلون مسک، ایوانکا ٹرمپ، جارڈکُشنر، سوزی وائلز اور پال مینارٹ کا بھی ذکر کیا ہے، زلفی بخاری نے ٹرمپ سے اپنی ملاقات کی تصویر بھی شیئر کی ہے

ٹرمپ کے دوبارہ صدر منتخب ہونے پر روس،ایران کا ردعمل

ٹرمپ کو برطانوی،بھارتی وزیراعظم،فرانسیسی،یوکرینی صدر و دیگر کی مبارکباد

امریکی انتخابات،سیاسی منظر نامے میں اہم تبدیلیاں

وزیراعظم کی ٹرمپ کو مبارکباد،پاک امریکا تعلقات مزید مضبوط کرنے کا عزم

اپریل 2022 میں عمران خان سے ملاقات کرنیوالی الہان عمر چوتھی بار کامیاب

ٹرمپ کی وائٹ ہاؤس میں واپسی امریکہ کے لیے ایک نیا آغاز،اسرائیلی وزیراعظم

ٹرمپ کی فاتحانہ تقریر،ایلون مسک کی تعریفیں”خاص”شخص کا خطاب

ٹرمپ کا شکریہ،تاریخی کامیابی دیکھی،جے ڈی وینس

ٹرمپ کو دوبارہ صدر منتخب ہونے پر بلاول کی مبارکباد

واضح رہے کہ وائٹ ہاؤس کا نیا مکین مل گیا،ڈونلڈ ٹرمپ امریکی صدر منتخب ہو گئے ہیں، ٹرمپ امریکہ کے 47 ویں صدر منتخب ہوئے ہیں، اب تک کے نتائج کے مطابق ٹرمپ277ووٹ لے چکے ہیں،

امریکی انتخابات،کئی علاقوں میں ووٹرز کو شدید بارش اور طوفانی موسم کا سامنا

امریکی انتخابات،غزہ جنگ نے عرب،مسلم ووٹرز کو جل سٹائن کی طرف کیا مائل

اسلام آباد (محمد اویس) سینیٹ کی قائمہ کمیٹی برائے موسمیاتی تبدیلی میں انکشاف ہوا ہے کہ راول ڈیم میں وزیر اعلیٰ پنجاب کا کیمپ آفس بنایا جارہاہے جبکہ راول ڈیم میں کیمپ آفس کی تعمیر کے لیے ای پی اے سے اجازت بھی نہیں گئی ہے کمیٹی نے راول ڈیم میں کیمپ آفس بنانے پر پنجاب حکومت سے جواب طلب کرلیا،کمیٹی نے پانی سیوریج کے شامل ہونے پر سب کمیٹی کو راول ڈیم کا دورہ کرنے کی بھی ہدایت کردی ۔کمیٹی نے خان پور ڈیم میں سیوریج کے شامل ہونے پر واپڈا حکام کو اگلے اجلاس میں طلب کرلیا۔کمیٹی نے فونا اینڈ فلورہ ترمیمی بل 2024 منظور کرلیا وزارت نے بل پاس ہونے سے جی ایس پی پلس سٹیٹس خطرے میں پڑجانے کا خدشہ ظاہر کردیا ۔

بدھ کو سینیٹ کی قائمہ کمیٹی برائے موسمیاتی تبدیلی کا اجلاس چیئرپرسن سینیٹر شیری رحمان کی زیرصدارت ہوا۔اجلاس میں بشریٰ انجم بٹ،تاج حیدر،نسیمہ احسان، شاہ زیب درانی اور شہادت اعوان نے شرکت کی ۔کمیٹی میں فونا اینڈ فلورہ ترمیمی بل 2024 زیر بحث آیا۔سیکرٹری موسمیاتی تبدیلی نے کہاکہ انٹرنیشنل (سائیٹیز ٹریٹی )معاہدے کئے ہیں اس بل کی وجہ سے بہت پیچھے چلے جائیں گے ایڈیشنل سیکرٹری نے کہاکہ اس کی وجہ سے جی ایس پی پلس والا معاملہ متاثر ہوسکتا ہے اس بل میں نئی تعریف ڈالی گئی ہے ۔شہادت اعوان نے کہاکہ میں نے بل سے ان کے کہنے پر کچھ چیزیں نکال دی ہیں۔ چیئرپرسن کمیٹی نے کہاکہ ہر ملک اپنے ملک کے اندر قانون سازی کرسکتا ہے ۔ کمیٹی نے بل کو منظور کرلیا۔

راول ڈیم کے حوالے سے سی ڈی اے نے کمیٹی کو بریفنگ دی ۔حکام نے بتایا کہ راول ڈیم کے تین سٹاک ہولڈر ہیں سی ڈی اے ڈیم دیکھتا ہے، پنجاب ایریگزین کے پاس ڈیم ملکیت ہے، واسا واٹر فلٹر کرکے پانی پنڈی کو دیتا ہے ۔چیئرپرسن نے کہا کہ 6ملین گلین پانی سیورج کا ٹریٹ ہوئے بغیر ڈیم میں شامل ہو رہا ہے، اسلام آباد کا سیوریج کا پانی استعمال کررہے ہیں ۔ پانی صاف کرنے کے لیے لوکل سولوشن کی طرف جائیں ۔ ڈی جی سینیٹیشن سی ڈی اے نے بتایا کہ 18نومبر کو تین سیوریج پلانٹ بنانے کا ٹینڈر ہوجائے گا ایک سال میں پلانٹ مکمل ہوگا ۔ یہ منصوبہ 6.071ارب کا منصوبہ ہے ۔وفاقی وزارت منصوبہ بندی نے کہاکہ یہ منصوبہ 2019میں آیااور اس وقت اس کی مالیت 3ارب روپے تھی ۔ڈی جی ای پی اے نے بتایا کہ راول ڈیم میں تعمیراتی کام شروع ہے اور ہم سے کوئی اجازت نہیں لی گئی ہے۔ مندر کے ساتھ درخت کاٹ دیئے گئے ہیں ۔راول ڈیم کے اطراف پنجاب حکومت کا بغیر ای پی اے کی منظوری سے تعمیرات ہو رہی ہے، پنجاب حکومت کا محکمہ آبپاشی تعمیر ات کر رہا ہےبار بار نوٹس بھی جاری کیا گیا مگر خاطر میں نہیں لایا گیااس ایریا میں بے دریغ درختوں کی کٹائی کی گئی ہے ،راول ڈیم کا ایریا بھی مارگلہ نیشنل پارک کا حصہ ہےوہاں پر پرانا مندر تھا،تاریخی جگہ ہے۔ایریگیشن ڈپارٹمنٹ پنجاب نے بتایا کہ سی ایم آفس کا کیمپ آفس راول ڈیم میں بن رہاہے اس کے لیے تعمیراتی کام شروع ہے ۔ تعمیرات محکمہ آبپاشی نہیں محکمہ کمیونیکیشن کر رہا ہے۔ شیری رحمان نے کہاکہ تعمیرتی کام کی تصاویر شیر کریں، اس معاملے پر کمیٹی کو بریفنگ دیں راول ڈیم کے اطراف تعمیرات نہیں ہونی چاہیے اس تعمیرات کے خلاف لوگ عدالت میں چلے جائیں گے ۔کمیٹی نے سب کمیٹی کو راول ڈیم کا دورہ کرنے کی ہدایت کردی ۔کمیٹی نے پنجاب حکومت سے اس حوالے سے جواب طلب کر لیا۔خان پور ڈیم نیا راول ڈیم بن رہا ہے اگلے اجلاس میں واپڈا کو بھی بلایا جائے حکام کی درخواست پر کمیٹی نے اگلے اجلاس میں واپڈا حکام کو کمیٹی میں طلب کرلیا۔

کمیٹی کوکوپ 29 پر وزارت نے بریفنگ دی ۔11نومبر سے باکو میں ہوگا۔198ممالک اس میں شامل ہوں گے ۔ حکام نے بتایا کہ وزیراعظم نے بہترین نمائندگی کے حوالے سے اعلی سطح کمیٹی قائم کر دی ہے پانچ سب کمیٹیاں خاص ایریاز کے حوالے سے کام کریں گی پاکستان کے موقف اور کاپ گفت وشنید،پویلین کوارڈینیشن، لاجسٹک اینڈ پلاننگ برانڈنگ ،پاکستان کاربن مارکیٹس کے حوالے سے اقدامات کریں گی اس میں حکومت اور نجی شعبے کے تعلق رکھنے والے ماہرین شامل ہیں اس بار باکو میں کانفرنس کا انعقاد ہو رہا ہےہم نے کاربن گائیڈ لائنز بنائی ہیں وزیراعظم نے اس کی منظوری بھی دی ہے، پاکستانی پویلین 150سکوائر پر مشتمل ہو گاجہاں پر پاکستان کے موسمیاتی تبدیلی سے متعلق معلومات دی جائے گی کاپ کے دوران کلائمیٹ فنانسنگ کے بارے میں گفت و شنید سب سے اہم ہے، پریس معاہدے سے امریکہ نکل گیا مگر پھر واپس آیاپاکستان جیسے ترقی پذیر ملک کو بہت سے چیلنجز کا سامنا ہےلاس اینڈ ڈیمیج فنڈ کے معاہدے پر عملدرآمد پر زور دینا ترجیح ہے ٹرانسپورٹ اینڈ انرجی کا شعبہ انتہائی اہم ہو گاجو کاپ کے مین ایجنڈے پر ہوتا ہےٹرانسپرنسی انتہائی اہم ہےہم جرمنی کے تعاون سے گرین سکلز پر کام کررہے ہیں کاپ نہ ہوتا تو دنیا میں موسمیاتی کی شدید صورت ہوتی۔

چیئرپرسن قائمہ شیری رحمان نے کہاکہ یورپ اپنے کاربن امیشن کو بہت کم کیا ہےاب تو تقریبا تمام یورپ سے کول کا خاتمہ کیا گیا ہےکاپ موسمیاتی تبدیلی سے متاثرہ ممالک کیلئے امید ہےجنگوں کے بعد بھی بات تو ہوتی ہےپنجاب سموگ سے متاثر ہے،سموگ سرحدوں کو تو نہیں پہچانتاہمارے پاس بہت سارے گرین سولوشن ہے مگر اس پر عملدرآمد کیلئے وسائل کی کمی ہےہمیں انٹرنیشنل ڈیٹرمنڈ کنٹریبوشن کو ترجیح دینا ہو گا موسمیاتی تبدیلی سے انکار ہمارا سب سے بڑا دشمن ہے۔سینیٹر آغا شاہ زیب درانی نے کہاکہ جب سے کاپ 29 قائم ہوا اس کے بعد سے کاربن امیشن میں اضافہ ہو یا کمی ہوئی ۔ڈیمیج زیادہ ہوا یا کم ہوا؟سیکرٹری وزارت موسمیاتی تبدیلی نے کہاکہ اگر پورا پاکستان بھی زیرو کاربن ہو جائے تب بھی پاکستان موسمیاتی تبدیلی سے متاثر ہو گا،کاپ 29میں کس طرح موسمیاتی تبدیلی سے کس حد تک متاثر ہے؟یہ بھرپور طریقے سے اجاگر کیا جائے گا۔لاس اینڈ ڈیمیج پر فوکس کرنا کاپ کے دوران ترجیح ہو گی بہت سارے ایونٹس ترتیب دیے ہیں ہر ایونٹ میں بین الاقوامی اسپیکرز مدعو ہونگے وفاق کے علاوہ صوبوں کی بھی نمائندگی ہو گی کلائمیٹ فنڈز کی باآسانی طور فراہمی کیلئے طریقے پر بحث ہو گی۔