Author: ممتاز حیدر

چیئرمین پی ٹی آئی بیرسٹر گوہر نے کہا ہے کہ بشریٰ بی بی کے خلاف ٹرولنگ اور مہم چلانا افسوسناک ہے، دی اکانومسٹ میں الزامات پر مبنی رپورٹ ہے۔

راولپنڈی میں میڈیا سے گفتگو کرتے ہوئے بیرسٹر گوہر کا کہنا تھا کہ شریٰ بی بی اور بانی پی ٹی آئی جیل میں ہیں، اس وقت اس مضمون کا آنا افسوسناک ہے، ہم اس مضمون کی مذمت کرتے ہیں، بالکل بے بنیاد الزامات ہیں، بشریٰ بی بی اور بانی پی ٹی آئی سے ملاقات کے بعد جو بھی قانونی کارروائی کرنی ہوگی ہم کریں گے، بشریٰ بی بی باپردہ خاتون اور سیاست میں نہیں ہیں۔ فیصل واؤڈا کی بشریٰ بی بی سے متعلق گفتگو انتہائی غلط ہے، 27ویں ترمیم سے توجہ ہٹانے کے لیے حکومت 28ویں ترمیم کی بازگشت کر رہی ہے، یہ اپنے آپ کو قانون سے بالاتر سمجھتے ہیں، لوگوں کی نظروں میں گر چکے ہیں، عدلیہ جمہوریت کی مضبوطی کے لیے ہوتی ہے، اسے نظرانداز نہیں کیا جاسکتا، عدالتوں کے فیصلوں پر عمل درآمد نہ ہو تو یہ جمہوریت نہیں، کوئی جج سیاسی نہیں ہوتا، استعفیٰ ذاتی فیصلہ ہوتا ہے، اچھے ججز کو عدلیہ میں رہنا چاہیے، مستعفی نہیں ہونا چاہیے، ہم آئینی عدالت کے قیام کی ہرگز حمایت نہیں کرتے۔

چیئرمین پی ٹی آئی کا مزید کہنا تھا کہ ہم نے 26ویں اور 27ویں ترمیم کی مخالف کی، کئی ممالک میں آئینی عدالتیں ہیں لیکن وہاں صرف آئین کی تشریح ہوتی ہے، حکومت نے تمام سیاسی و آئینی فیصلوں کا اختیار آئینی عدالت کو دے دیا ہے،عدلیہ تب آزاد ہوتی ہے جب ججز آئین و قانونی کے مطابق فیصلے کرتے ہیں، عدلیہ سے لوگوں کو شکایتیں ہوں گی یا ماضی میں رہی ہوں گی، عدلیہ نے اپنے اختیارات سے تجاوز بھی کیا اس میں کوئی دو رائے نہیں، اصلاحات کی گنجائش ہمیشہ ہوتی ہے لیکن 26ویں اور 27ویں ترمیم سے کوئی اتفاق نہیں کرتا۔

راولپنڈی: اڈیالہ جیل میں قید امریکی شہری محمود احمد اعوان سے امریکی سفارتخانے کے تین رکنی وفد نے قونصلر رسائی کے تحت خصوصی ملاقات کی۔

سفارتی سطح پر اس پیش رفت کو اہم قرار دیا جارہا ہے کیونکہ یہ رسائی پاکستان میں زیرِ حراست غیر ملکی شہریوں کے قانونی حقوق کے تحفظ سے متعلق باقاعدہ سفارتی طریقہ کار کا حصہ ہے۔ذرائع کے مطابق امریکی سفارتخانے کا وفد چیف کونسل آفیسر ٹریسی زیپی، آمنہ بی بی اور سیکیورٹی آفیسر اسامہ حنیف پر مشتمل تھا، جو منگل کی صبح سخت سیکیورٹی میں اڈیالہ جیل پہنچا۔ وفد نے جیل حکام سے رسمی ملاقات کے بعد قیدی محمود احمد اعوان تک رسائی کی درخواست کی، جسے جیل انتظامیہ نے فوری طور پر منظور کیا۔ جیل ذرائع کا کہنا ہے کہ قونصلر رسائی کے تحت امریکی وفد نے محمود احمد اعوان سے مخصوص کمرے میں طویل ملاقات کی، جس میں قیدی کی قانونی حیثیت، اس کی صحت، سہولیات اور مقدمے کی پیش رفت سے متعلق تفصیلی گفتگو کی گئی۔ ملاقات مکمل ہونے کے بعد وفد بغیر میڈیا سے بات کیے جیل سے روانہ ہوگیا۔ذرائع کے مطابق محمود احمد اعوان کے خلاف تھانہ روات میں ایک فوجداری مقدمہ درج ہے، جس کے تحت وہ اس وقت اڈیالہ جیل میں جوڈیشل حراست میں ہے۔

چیئرمین پیپلزپارٹی بلاول بھٹو نے کہا ہے کہ بھارت سے جنگ کے بعد پاکستان کا اسٹینڈرڈ سب کے سامنے ہے اور مودی دنیا سے منہ چھپا رہا ہے۔

مظفر آباد میں تقریب سے خطاب کرتے ہوئے بلاول بھٹو نے کہا کہ جب آپ کا نمائندہ آپ کی نمائندگی نہیں کرسکتا تو عوام کو خودجدوجہدکرنا پڑتی ہے، کشمیرکے عوام جب سراپا احتجاج تھے تو فیصل راٹھور اس کوبھی دیکھ رہے تھے، اب مظفرآباد میں آپ کا نمائندہ فیصل راٹھور ہے، فیصل راٹھور نے عوام سےجو وعدے کیے وہ میرےپاس آپ کی امانت ہیں، ہم بند کمروں میں بیٹھ کر آزاد کشمیر کی حکومت نہیں چلائیں گے، پیپلزپارٹی کے مینڈیٹ پر ڈاکا ڈال کر عمران خان کو اقتدار دیاگیا تھا، میں خود انتخابات میں آپ کے پاس آیا تھا، آزاد کشمیر اورگلگت بلتستان نے مایوس نہیں کیا، جتنا سیاسی شعور کشمیر میں ہے اتنا کہیں نہیں ہے، بھارت سے جنگ کے بعد پاکستان کا اسٹینڈرڈ سب کے سامنے ہے، مودی دنیا سے منہ چھپارہا ہے، امریکا اور دیگر ممالک انہیں یاد دلائیں گے کہ 7 جہازگرے تھے، دنیا کا کوئی بھی فورم ہو بھارت وہاں سے بھاگ رہا ہے،بھارت پاکستان اور کشمیر کے بھائی چارے کونقصان پہنچاتاہے، مودی سرکار کو بتانا چاہتا ہوں کہ آپ جنگیں بھی ہارےاور اب سازش بھی ہاروگے۔