آئی جی سندھ کلیم امام کب تک کام کرتے رہیں؟ وفاق نے سندھ کو جواب دے دیا

باغی ٹی وی کی رپورٹ کے مطابق آئی جی سندھ کليم امام کی تبديلی کے معاملے پر وفاقی حکومت نے سندھ حکومت کے خط کا جواب دے ديا۔

وفاق کی جانب سے سندھ حکومت جوابی خط میں کہا گیا ہے کہ سندھ حکومت کی درخواست پر غور جاری ہے، حتمی فيصلے تک کليم امام عہدے پر کام کرتے رہيں گے، فيصلے تک ايڈيشنل آئی جی کو چارج نہیں دیا جا سکتا۔

سندھ حکومت کے ترجمان مرتضیٰ وہاب نے کہا کہ تنقید کا سامنا پولیس کو نہیں سیاسی حضرات کو اور حکومت وقت کو کرنا پڑتا ہے، وزیراعظم نے بھی اس بات کا اعتراف کیا، 23 دسمبر کو وزیراعلیٰ وزیراعظم کی ملاقات میں باہمی رضا مندی کے بعد تبادلے کی بات ہوئی، وزیراعلیٰ نے وزیراعظم کو آئی جی سندھ سے متعلق تحفظات سے آگاہ کیا، کرائم بڑھا ہے اس کی روک تھام کے لئے آئی جی نے کوئی پیشرفت نہیں کی اور ہوم ڈیپارٹمنٹ کی جانب سے جو خطوط لکھے گئے تھے انکا کوئی جواب نہیں دیا گیا اسلئے آئی جی سندھ کو ہٹانے کا فیصلہ کیا گیا

وزیراعلیٰ سندھ سید مراد علی شاہ کا کہنا تھا کہ پولیس کو سیاسی نہیں بنانا چاہتے۔ پولیس کے کمانڈر کو سیاسی بیانات نہیں دینے چاہیں۔ وزرا کا کہنا تھا کہ جس ایس ایس پی یا پولیس افسر کو سیاست کا شوق ہے، وہ سیاست کرے

وزیر اطلاعات سعید غنی نے کابینہ اجلاس کے بعد کہا کہ  صرف ایک نکاتی ایجنڈے پر ہماری میٹنگ ہوئی جو آئی جی کلیم امام کی تبدیلی تھا۔ کابینہ نے ان کو ہٹانے کی منظوری دیدی ہے۔ آئی جی سندھ کلیم امام نے غیر ذمہ دارانہ بیانات بھی دیئے۔ آخری خط میں انھیں بتا دیا گیا تھا کہ آپ قوانین کی خلاف ورزی کر رہے ہیں۔

سعید غنی کا مزید کہنا تھا کہ وفاقی حکومت کو اگر کوئی افسر لینا ہو یا دینا ہو تو صوبائی حکومت سے رابطہ کیا جاتا ہے۔ سندھ میں لا ان آرڈر کی صورتحال خراب ہو گئی ہے۔ کلیم امام کے خلاف ڈسپلنری کارروائی کی جانی چاہیے۔

میاں صاحب تندرست، اب جیل جا سکتے ہیں، فردوس عاشق اعوان
باغی ٹی وی کی رپورٹ کے مطابق وزیراعظم عمران خان کی مشیر برائے اطلاعات ڈاکٹر فردوس عاشق اعوان نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ ایک مرتبہ پھر قیادت کے ملک سے باہر بھاگ جانے پر رانا ثناءاللہ ذہنی توازن کھو بیٹھےہیں۔رانا صاحب فرماتے ہیں کہ میاں صاحب اگر ہسپتال سے گھر جا سکتے ہیں تو ریستوران بھی جاسکتے ہیں۔ ان کا مطلب ہے کہ میاں صاحب تندرست ہیں اور ریستوران سے سیدھا جیل بھی جا سکتے ہیں۔

فردوس عاشق اعوان کا مزید کہنا تھا کہ رانا صاحب پہلے اندرونی لڑائی میں مبتلا اپنی قیادت کے مابین پارٹی میں مڈ ٹرم انتخابات کرائیں۔ آپ کی سیاسی ساکھ ختم اور قیادت سر پر پاؤں رکھ کر باہر بھاگ چکی ہے۔ جس مقدمہ میں آپ کو ضمانت ملی ہے اس کا ٹرائل ابھی باقی ہے، اس پر توجہ دیں۔

ایک اور ٹویٹ میں فردوس عاشق اعوان نے مزید کہا کہ آپ حکومت کے بجائے اپنی قیادت پر برسیں جس نے اپنے کارکنوں کو پھر دھوکہ دیا اور ان کے اعتماد کا خون کیا ہے۔

قیدیوں کو جیلوں میں کونسا ریلیف دیا جا رہا ہے؟ ڈاکٹر شیریں مزاری نے بتا دیا

باغی ٹی وی کی رپورٹ کے مطابق وفاقی وزیر انسانی حقوق شیریں مزاری نے عدالت میں پیشی کے بعد میڈیا سے گفتگو کرتے ہوئے کہا کہ عدالت میں قیدیوں کے حقوق سے متعلق رپورٹ پیش کی ہے،جوڈیشل پروسیڈنگز میں اصلاحات کی ضرورت ہے،تفتیشی افسران کو بھی دیکھنے کی ضرورت ہے،

ڈاکٹر شیریں مزاری نے مزید کہا کہ قیدیوں کے ریلیف سے متعلق بہت سے اقدامات کیے،قیدیوں کو جیلوں میں کام کرنے کی اجرت دی جائے گی،عدالت نے کمیٹی بنائی تھی تو اب فیصلہ بھی دینا چاہیے،قیدیوں کے اہلخانہ کےلیےمعاشی مشکلات ہوتی ہیں،قیدیوں کےبینک اکاوَنٹس تک اہلخانہ کورسائی حاصل نہیں ہوتی،

شیریں مزاری کا مزید کہنا تھا کہ امید ہے چیف جسٹس اسلام آباد ہائیکورٹ ہماری رپورٹ پر ایکشن لیں گے،عدالت نے کہا قیدی مریض ہو تواس کے علاج کی ذمہ داری حکومت پر ہے،عدالت میں عام قیدیوں کی بات ہورہی تھی، سیاسی قیدیوں کی نہیں،

قبل ازیں شیریں مزاری نے عدالت میں کہا تھا کہ جیلوں میں ٹرانس جینڈرکیلئےالگ سیل بنانےکا پلان ہے، انسانی حقوق پرآپ کےبہت اچھے فیصلے ہیں، لاپتہ افرادکےخاندان والے شدید اذیت میں ہوتےہیں،جس پر عدالت نے کہا کہ لاپتہ افرادکی بازیابی حکومت کی ذمہ داری ہے،

چیف جسٹس اطہر من اللہ نے کہا کہ نبی پاکؐ کافرمان ہے 100 مجرم چھوٹ جائیں لیکن ایک بےگناہ کوسزانہ ہو، ہرمذہب کہتا ہےانسان کے ساتھ انسان کے طورپرسلوک کرو، انگریزسےزیادہ شریعت اورفقہ میں انسانی حقوق واضح ہیں،جیل میں قیدیوں کےحقوق کی بات اسلامی شریعت اورفقہ میں ہے،

دوران سماعت وفاقی وزیر برائے انسانی حقوق شیریں مزاری عدالت پہنچ گئیں جس پر عدالت نے کہا کہ شیریں مزاری صاحبہ آپ کو طلب تو نہیں کیا تھا، آپ خود آ گئیں، شیریں مزاری نے عدالت میں کہا کہ میں خودرپورٹ عدالت میں جمع کرناچاہتی ہوں،شیریں مزاری نےجیلوں کی حالت زارسے متعلق رپورٹ ہائیکورٹ میں پیش کردی

شیریں مزاری نے عدالت میں کہا کہ عدالت نے ذمہ داری عائد کی تھی،عدالت کے احترام کے لیے خود پیش ہوئی ہوں،جیلوں میں زیر ٹرائل قیدیوں کی ایک بڑی تعداد موجود ہے،زیر ٹرائل قیدیوں کے مسئلے کا حل ضروری ہے،

چیف جسٹس نے کہا کہ جیلوں میں قیدیوں کی تعداد بہت زیادہ ہے، قیدیوں کا حالت زارکا بھی سب کو پتہ ہے، نیلسن منڈیلا کی مثال بھی سب کے سامنے ہے، نیلسن منڈیلا نے کہا گورننس اور حالات کا جائزہ لینا تو جیلوں کی حالت دیکھیں،نیلسن منڈیلا ایک طویل عرصے تک جیل میں رہے، حکومت کی ذمہ داری ہے سزا یافتہ بھی اگر بیمار ہو جائے اس کورہا کرے،سزا یافتہ مجرم کو بھی جینے کا حق ہے،

واضح رہے کہ گزشتہ سماعت پراسلام آباد ہائیکورٹ نے جیل میں قیدیوں کی حالت زار سے متعلق ایک کمیشن قائم کیا تھا جس کی سربراہی تحریک انصاف کی رہنما شیریں مزاری کے سپرد کی گئی تھئ۔عدالت نے شیریں مزاری کی سربراہی میں قائم کمیشن کو سات دن کے اندر پہلی میٹنگ کرنے کی ہدایت کی تھی،۔اسلام آباد ہائیکورٹ کی جانب سے وزارت صحت کو چاروں صوبوں میں قیدیوں کے لئے خصوصی میڈیکل بورڈز بھی قائم کرنے کی ہدایت جاری کی گئی ہے

اسلام آباد ہائیکورٹ کے چیف جسٹس اطہر من اللہ نے دوران سماعت ریمارکس دیتے ہوئے کہا کہ نیب کے طلب کرنے پرمعاشرے کا ذہن بن جاتا ہے کہ یہ شخص کرپٹ ہے،میڈیا کی طاقت یہ ہے کہ وہ کسی کی زندگی بنا بھی سکتا ہے اور تباہ بھی کر سکتا ہے، جب کسی قیدی کی جان کو خطرہ لاحق ہوگا عدالت کیس کی سماعت کے لیے بیٹھے گی،24گھنٹوں میں کوئی بھی کیس آئے تو چیف جسٹس اس کے قابل سماعت ہونے کا فیصلہ کریں گے،

فردوس عاشق اعوان کو معافی نہ ملی، عدالت نے کیا حکم دیا؟

آج معافی دے دیں آئندہ ایسا نہیں کروں گی، فردوس عاشق اعوان کی عدالت میں دہائی

چیف جسٹس اطہر من اللہ نے مزید کہا کہ صرف نوازشریف کیس کےلیےنہیں مگر ہر اس قیدی کے لیے ہے جو سزایافتہ ہے ،اس ملک میں عام آدمی اور قیدیوں کے مسائل پر بات نہیں کی جاتی ،ہم صرف اشرفیہ کے مسائل پر بات کرتے ہیں ،میڈیاپرجیلوں میں بند عام قیدی کی مشکلات کیوں پیش نہیں کی جاتیں؟یقین دلاتا ہوں کہ عدالت عام قیدی کی بیماری کا کیس بھی نواز شریف کی طرح ہی سنے گی،عدالت اس حوالے سے خود سوالات فریم کر کے عدالتی معاونین کو دے گی،

پنجاب کی جیلوں میں قیدیوں کو معیاری کھنانا فراہم نہ کرنے کےخلاف پنجاب اسمبلی میں قرارداد جمع کروا دی گئی ہے،قرارداد مسلم لیگ (ن) کی رکن عظمیٰ بخاری کی جانب سے جمع کرائی گئی ہے.

قرارداد کے متن میں کہا گیا ہے کہ پنجاب حکومت نے پنجاب کی جیلوں میں قیدیوں کو بھی نہیں بخشا ہے ،پنجاب بھر کی جیلوں میں قیدیوں کے رواں مالی سال کھانا پورا کرنا مشکل ہوگیاہے، پنجاب حکومت نے کھانے پینے کے فنڈز کی ایک ارب 74 کروڑ کی ڈیمانڈ میں سے 45 کروڑ روپے کم جاری کیے

وزیر اعظم عمران خان کا بڑا اعلان، کہا بھارتی جیلوں‌ میں قید پاکستانی بھی رہا کروائیں گے