وزیراعظم کی مشیر برائے اطلاعات ڈاکٹر فردوس عاشق اعوان نے کہا ہے کہ مریم صفدر صاحبہ آپ کا ضمیر کہاں ہے؟

باغی ٹی وی کی رپورٹ کے مطابق ڈاکٹر فردوس عاشق اعوان نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ ٹی ٹیز کی دوڈ میں بیگم صفدر اعوان بھی اپنے خاندان کے دیگر افراد سے پیچھے نہ رہیں۔ہل میٹل سے لاتعلقی کی دعویدار کے اکاؤنٹ میں اسی کمپنی سے رقم کی منتقلی باعث شرم ہے۔مریم صفدر صاحبہ اب آپ کا ضمیر کہاں ہے؟

فردوس عاشق اعوان نے مزید کہا کہ ملکی سیاست میں ہر غیر اخلاقی اقدام کا کھرا پی ایم ایل این کی طرف جاتا ہے۔انکے اعمال انکے سامنے آرہے ہیں۔انہوں نےعوام کے حقوق پر ڈاکہ ڈالا اور ملکی وسائل کو بے رحمی سے لوٹا۔غریب کی کٹیا اجاڑ کر ایون فیلڈ میں کییمپ لگائے۔

واضح رہے کہ وزیراعظم کے معاون خصوصی برائے احتساب شہزاد اکبر نے گزشتہ روز پریس کانفرنس کی تھی جس میں انہوں نے کہا تھا کہ ہل میٹل کے حوالہ سے مریم نواز نے اپنے اثاثے ایف بی آر میں ظاہر نہیں کئے

سابق چیئرمین سینیٹ پی پی کے رہنما نے سینیٹ سے استعفیٰ واپس نہ لینے کا فیصلہ کیا ہے

باغی ٹی وی کی رپورٹ کے مطابق میاں رضا ربانی نے سینیٹ میں چیئرمین سینیٹ کے خلاف تحریک عدم اعتماد کی ناکامی پر اپنا استعفیٰ بلاول کو جمع کروایا تھا، سینیٹر رضا ربانی کا کہنا ہے کہ وہ ایوان میں نہیں جانا چاہتے استعفیٰ واپس نہیں لیں گے

دوسری جانب باول زرداری نے سینیٹ کے چیئرمین صادق سنجرانی کے خلاف عدم اعتماد کے ووٹ میں پارٹی کے سینیٹروں کے کردار کے متعلق ایک پانچ رکنی فیکٹ فائنڈنگ کمیٹی بنا دی ہے جس کے اراکین سید یوسف رضا گیلانی، سید نیئر حسین بخاری، سعید غنی، صابر بلوچ اور فرحت اللہ بابر ہیں۔ یہ کمیٹی تحقیقات کرے گی کہ پی پی کے کس کس سینیٹر نے پارٹی کے خلاف ووٹ دیا،

واضح رہے کہ سینیٹ میں تحریک عدم اعتماد کی ناکامی کے بعد پی پی کے سینیٹرز نے اپنے استعفے بلاول زرداری کو جمع کروا دئیے ہیں، اپوزیشن اتحاد کو سینیٹ میں اسوقت شکست ہوئی جب صادق سنجرانی اپنی چیئرمین شپ بچا گئے اور اپوزیشن کی تحریک عدم اعتماد 64 ووٹ ہونے کے باوجود ناکام ہو گئی.

مسلم لیگ نے بھی تحقیقات کے لئے ایک کمیٹی قائم کر دی ہے ،اب پی پی نے بھی کمیٹی بنا دی جو اس ضمن میں تحقیقات کرے گی

کلبھوشن یادیو تک قونصلر رسائی، بھارت نے موقع گنوا دیا

باغی ٹی وی کی رپورٹ کے مطابق پاکستان کی جانب سے کہا گیا تھا کہ بھارتی جاسوس کلبھوشن یادیو سے جمعہ کو تین بجے قونصلر رسائی دی جائے گی اور ملاقات کروائی جائے گی لیکن بھارت نے ملاقات کرنے کے لئے شرائط عائد کیں اور موقع گنوا دیا

بھارت سرکار نے پاکستان کو کلبھوشن سے ملاقات کے لئے شرط عاد کی کہ بغیر کسی رکاوٹ کے کلبھوشن تک رسائی دی جائے، پاکستان نے بھارت کا مطالبہ مسترد کر دیا،اور کہا کہ جاسوس تک رسائی بغیر رکاوٹ کے نہیں دی جا سکتی، کلبھوشن تک قونصلر رسائی کیلئے نئی تاریخ دینے یا نہ دینے کا فیصلہ بھی مشاورت سے ہوگا

واضح رہے کہ کلبھوشن یادیو بھارت کا جاسوس ہے، جو بلوچستان سے گرفتار ہوا تھا، کل بھوشن یادیو بھارتی نیوی کا حاضر سروس افسر ہے، پاکستان کی عدالت اسے سزائے موقت سنا چکی ہے، بھارت نے کلبھوشن کی رہائی کے لئے عالمی عدالت سے رجوع کیا تھا لیکن عالمی عدالت میں بھی بھارت کو ناکامی ہوئی، عالمی عدالت نے جاسوس تک صرف قونصلر رسائی کا حکم دیا تھا، پاکستان نے کل جمعہ کو رسائی تینے کا اعلان کیا لیکن بھارت نے موقع گنوا دیا