Baaghi TV

Author: ممتاز حیدر

  • بھارتی ریاستی دہشت گردی جاری، بارہمولا میں نوجوان شہید

    بھارتی ریاستی دہشت گردی جاری، بارہمولا میں نوجوان شہید

    مقبوضہ کشمیر کے علاقے بارہمولا میں بھارتی فوج نے ایک اور کشمیری کو شہید کر دیا

    باغی ٹی وی کی رپورٹ کے مطابق کشمیر کے علاقے‌ڈانگر پورہ میں بھارتی فوج نے سرچ آپریشن کے دوران ایک کشمیری کو شہید کر دیا. بھارتی فوج، سی آر پی ایف کی مشترکہ ٹیم نے ضلع بارہمولہ کے علاقے ڈانگر پورہ میں گھر گھر سرچ آپریشن کے دوران ایک کشمیری کو شہید کر دیا،

    واضح رہے کہ گزشتہ روز بھی پیلٹ گن کے چھرے آنکھوں میں‌ لگنے سے ایک درجن سے زائد کشمیری زخمی ہوئے ہیں جن کی بینائی متاثر ہونے کا اندیشہ ہے. کولگام میں پیلٹ برسانے اور فائرنگ کے بعد نوے سے زائد کشمیری زخمی ہوئے تو کشمیری نوجوانوں‌کی بڑی تعداد ہسپتال بلڈ دینے کیلئے پہنچ گئی. اس دوران کشمیریوں‌کی طرف سے بھارتی درندگی کے خلاف شدید احتجاج کیا گیا. کشمیریوں نے اسلام، آزادی اور پاکستان کے حق میں زبردست نعرے بازی کی.

    یاد رہے کہ بھارتی فوج کی طرف سے روزانہ نام نہاد سرچ آپریشن کی آڑی میں نہتے کشمیریوں‌کو شہید کیا جارہا ہے.

  • عید سے قبل پٹرول کتنا مہنگا ہو گا؟ غریب عوام کیلئے اچھی خبر نہیں

    عید سے قبل پٹرول کتنا مہنگا ہو گا؟ غریب عوام کیلئے اچھی خبر نہیں

    حکومت نے عوام کو "عیدی” دینے کا فیصلہ کر لیا، پٹرول کی قیمت میں 8 روپے اضافے کی سفارش کی گئی ہے

    باغی ٹی وی کی رپورٹ کے مطابق اوگرا نے پٹرولیم مصنوعات کی قیمتیں بڑھانے کی سمری پٹرولیم ڈویژن کو بھیج دی ہے جس کے مطابق ڈیزل 8روپے99پیسے فی ليٹرمہنگا کرنے، پٹرول کی قیمت میں 8 روپے اضافے کی سفارش کی گئی ہے. مٹی کےتیل کی قیمت میں ایک روپے69 پیسےفی لیٹر اضافے کی سفارش کی گئی ہے.

    پٹرول کی قیمت میں اضافہ، شیریں رحمان نے سینیٹ میں کیا کر دیا؟
    پٹرول پمپوں پرپٹرول کی قمیت میں ہیر پھیر
    پاکستانیو تیار ہو جاو،پٹرول کے بعد گیس بھی مہنگی

     

     

    واضح رہے کہ گزشتہ ماہ بھی پٹرول کی قیمت میں آٹھ روپے کا اضافہ کیا گیا تھا جس پر عوام نے شدید احتجاج کیا تھا

  • نتین یاہو حکومت بنانے میں ناکام ،اسرائیل میں ہوں گے دوبارہ الیکشن

    نتین یاہو حکومت بنانے میں ناکام ،اسرائیل میں ہوں گے دوبارہ الیکشن

    الیکشن میں کامیابی کے باوجود اسرائیلی وزیراعظم نتین یاہو حکومت بنانے میں ناکام ہو گئے ،اسرائیل میں ایک بار پھر الیکشن ہوں گے.

    باغی ٹی وی کی رپورٹ کے مطابق اسرائیل میں رواں سال نو اپریل کو عام الیکشن ہوئے تھے ، چونسٹھ لاکھ کے قریب رجسٹرڈ ووٹرز نے ایک سو بیس نشستوں کے ووٹ کاسٹ کیا تھا، انتخابی نتائج کے مطابق کوئی بھی جماعت حکومت نہیں بنا سکتی تھی کیونکہ ان کے پاس مطلوبہ نشستیں پوری نہیں تھیں.حکومت بنانے کے لیے نیتن یاہو کی جماعت لیکوڈ پارٹی نے اتحادیوں سے رابطے شروع کیے تھے تاہم وہ اتحادیوں کو ساتھ ملا کربھی حکومت بنانے میں ناکام رہے .جس کے بعد اسرائیلی پارلیمنٹ میں دوبارہ الیکشن کی قرار داد پیش کی گئی جس کے بارے میں‌ ووٹنگ ہوئی تو الیکشن کرانے کے حق میں 74 ووٹ پڑے جبکہ 45 ارکان نے اس کی مخالفت کی۔ اب اسرائیل میں دوبارہ الیکشن اسی سال ستمبر میں ہوں گے، نیتن یاہو نے اعلان کیا ہے کہ وہ اگلے الیکشن میں بھی حصہ لیں گے اور انہیں امید ہے کہ وہ جیت جائیں گے۔ اسرائیل کی تاریخ میں ایسا پہلی مرتبہ ہوا ہے کہ عام انتخابات میں کامیابی کے باوجود کوئی بھی جماعت حکومت نہیں بناسکی۔

  • پولیو مہم کے خلاف پروپیگنڈہ، سات تعلیمی اداروں کے خلاف کاروائی

    پولیو مہم کے خلاف پروپیگنڈہ، سات تعلیمی اداروں کے خلاف کاروائی

    خیبر پختونخواہ کے صوبائی دارالحکومت پشاور میں پولیو مہم کے خلاف پروپیگنڈہ کرنے والے سات سکولوں کو سیل کر دیا گیا.

    باغی ٹی وی کی رپورٹ کے مطابق وزیراعظم کے مشیر برائے انسداد پولیو بابر بن عطا نے سماجی رابطے کی ویب سائٹ ٹویٹر پر ٹویٹ کرتے ہوئے کہا ہے کہ پشاور میں ان سکولوں کے خلاف کاروائی کی گئی ہے جنہوں نے پولیو کے خلاف مہم چلائی تھی. ماہ اپریل میں چھ روزہ مہم کے دوران پشاور میں پولیو کے قطرے پلانے سے بچوں کی حالت غیر ہو گئی تھی جس پر صوبائی دارالحکومت کے تمام بڑے سرکاری ہسپتالوں میں ان بچوں کو لا یا گیا تھا جنہوں نے پولیو کے قطرے پئے تھے. اس واقعہ کے خلاف شہریوں نے احتجاج کیا تھا جبکہ ایک ہسپتال کو بھی آگ لگائی تھی. واقعہ کے بعد کمشنرپشاورکی سربراہی میں کمیٹی نے نجی اسکولوں کے خلاف کارروائی کی سفارش کی تھی۔ سیل کیے جانے والےا سکولوں میں دارالکلام ماڈل اسکول، اقراء اسکول،حال مارک اسکول، پشاور کیمبرج اسکول، مسلم اسٹینڈرڈ، آکسفورڈ پبلک اسکول پاین بریز اسکول شامل ہے۔ ان سکولوں کے خلاف کاروائی ڈپٹی کمشنر محمد علی اضغر کی ہدایت پر کی گئی ہے

  • ججز کے خلاف ریفرنس، نواز شریف نے اراکین اسمبلی کو کیا ہدایات دے دیں؟

    ججز کے خلاف ریفرنس، نواز شریف نے اراکین اسمبلی کو کیا ہدایات دے دیں؟

    سابق وزیراعظم نواز شریف سے کوٹ لکھپت جیل میں مسلم لیگ ن کے رہنماوں نے ملاقات کی ،نواز شریف نے ججز کے خلاف ریفرنسز پر بھرپور آواز بلند کرنے کی ہدایت کر دی

    جسٹس قاضی فائزعیسیٰ کے خلاف ریفرنس،سماعت کب ہو گی؟ بڑی خبر آ گئی
    باغی ٹی وی کی رپورٹ کے مطابق نواز شریف سے کوٹ لکھپت جیل میں پارٹی رہنماوں نے ملاقات کی، نواز شریف نے ملاقات کے لیے آنے والے پارٹی رہنماؤں سے کہا کہ اگر میں قوم کاکفارہ ادا کررہا ہوں تو پارٹی ایم پی اے اورایم این اے کو کیا مسئلہ ہے، نوازشریف نےجسٹس قاضی فائزعیسیٰ کےمعاملے پربھرپورآوازبلند کرنے کی ہدایت کی اور کہا کہ عدلیہ کےساتھ پہلے بھی کھڑا تھا اور آج بھی کھڑا ہوں ،نواز شریف نے کہا کہ اراکین اسمبلی قومی اسمبلی اور سینیٹ میں عدلیہ کے حق میں بھرپور آواز اٹھائیں، ملاقات کے بعد مسلم لیگ ن کی ترجمان مریم اورنگزیب نے کہا کہ ملک کو اندھیروں سے نکالنے والا جیل میں ہے،نوازشریف پر ایک پیسے کی کرپشن ثابت نہ ہوسکی ،نوازشریف نےملک میں اندھیروں کا خاتمہ کیا. مریم اورنگزیب نے کہا کہ کل پارٹی کی اعلیٰ قیادت کا اجلاس بلایا ہے ،اجلاس میں آئندہ کا لائحہ عمل طےکریں گے ،مریم اورنگزیب کا مزید کہنا تھا کہ نوازشریف سیاسی قیدی ہیں،نوازشریف نے کہا میری فکر مت کرو.ملک میں تبدیلی نہیں ذلت کا سونامی آیا ہوا ہے .

  • ورلڈ کپ کے پہلے میچ میں پہلی وکٹ پہلے رن پر گر گئی

    ورلڈ کپ کے پہلے میچ میں پہلی وکٹ پہلے رن پر گر گئی

    ورلڈ کپ کے پہلے میچ میں پہلی وکٹ پہلے رن پر گر گئی

    باغی ٹی وی کی رپورٹ کے مطابق آئی سی سی ورلڈکپ 2019ءکے افتتاحی میچ میں جنوبی افریقہ کے کپتان فاف ڈوپلیسی نے انگلینڈ کیخلاف ٹاس جیت کر فیلڈنگ کا فیصلہ کیا، میچ کا آغاز ہوا تو انگلینڈ کی پہلی وکٹ پہلے ہی رن کے بعد گر گئی، پہلے ہی اوور میں لیگ اسپنر عمران طاہر جونی بیئرسٹو کی وکٹ لے اڑے۔انگلش کپتان این مورگن نے ٹاس کے بعد گفتگو کرتے ہوئے کہا تھا کہ وکٹ اچھی لگ رہی ہے اور وہ کوشش کریں گے کہ عمدہ کھیل پیش کرتے ہوئے اچھا سکور کریں اور بڑا ہدف دینے کی کوشش کریں۔میچ کیلئے انگلینڈ ٹیم کی قیادت این مورگن کر رہے ہیں جبکہ دیگر کھلاڑیوں میں جیسن روئے، جونی بیرسٹو، جو روٹ، این مورگن، جوز بٹلر، بین سٹوکس، معین علی، کرس ووکس، عادل راشد، لائم پلنکٹ اور جوفرا آرچر شامل ہیں۔ جنوبی افریقہ کی قیادت فاف ڈوپلیسی کر رہے ہیں جبکہ دیگر کھلاڑیوں میں ہاشم آملہ، کوینٹن ڈی کوک، ایڈن مارکرم، ریسی ویندر ڈوسن، جے پی ڈومنی، ڈوین پریٹوریس، اینڈل فیلوک وائیو، کاگیسو ربادا، لونگی نگیڑی اور عمران طاہر شامل ہیں۔

    واضح رہے کہ ورلڈ کپ میں دونوں ٹیمیں 6 بار مدمقابل ہوئیں، 3 میں انگلینڈ اور 3 میں ہی جنوبی افریقہ فاتح رہا۔ ون ڈے میچز میں انگلینڈ اور جنوبی افریقہ کے درمیان 59 میچز کھیلے گئے ہیں جن میں 29 میں جنوبی افریقہ فاتح رہا جبکہ انگلینڈ کو 26 میچز میں کامیابی ملی۔ ایک میچ برابر جبکہ تین بے نتیجہ رہے۔

    ورلڈ کپ 2019 میں شریک تمام دس ٹیمیں ایک دوسرے کے خلاف کم از کم ایک میچ ضرور کھیلیں گی۔ پاکستان اپنا پہلا میچ کل جمعہ کو ویسٹ انڈیز کے خلاف کھیلے گا۔ ایونٹ میں مجموعی طور پر 48 میچز کھیلے جائیں گے۔ فائنل اور سیمی فائنل سے قبل تمام ٹیمیں اپنے 9 ، 9 میچز کھیلیں گی جن میں سے 4 ٹیمیں سیمی فائنل میں جگہ بنائیں گی۔ چودہ جولائی کو ٹورنامنٹ کا فائنل منعقد ہوگا۔

  • جسٹس قاضی فائزعیسیٰ کے خلاف ریفرنس،سماعت کب ہو گی؟ بڑی خبر آ گئی

    جسٹس قاضی فائزعیسیٰ کے خلاف ریفرنس،سماعت کب ہو گی؟ بڑی خبر آ گئی

    جسٹس قاضی فائزعیسیٰ اورجسٹس کےکےآغا کے خلاف دائر ریفرنس کی سماعت 14 جون کو ہو گی

    باغی ٹی وی کی رپورٹ کے مطابق جسٹس قاضی فائزعیسیٰ اورجسٹس کےکےآغا کے خلاف دائر ریفرنس کی سماعت کے حوالہ سے سپریم جوڈیشل کونسل نے اٹارنی جنرل کو نوٹس جاری کر دیا ہے، ریفرنس پر سماعت 14 جون کو ہو گی اور اٹارنی جنرل بطور پراسیکیوٹر پیش ہوں گے ،صدر مملکت ڈاکٹر عارف علوی نے دونوں ججز کے خلاف ریفرنس دو دن پہلے بھجوایا تھا جس میں ججز کے خلاف اثاثے چھپانے کا الزام ہے ،ریفرنس میں آئین کے آرٹیکل 209 کے تحت کارروائی کی استدعا کی گئی ہے.

    حکومت نے سپریم کورٹ‌ کے سینئر جسٹس قاضی فائز عیسیٰ کیخلاف سپریم جوڈیشل کونسل میں ریفرنس دائر کر دیا
    حکومت نے یہ کام کیا تو وکلاء 2007 سے بھی بڑی تحریک چلائیں گے،وکلا کی دھمکی
    جسٹس قاضی فائز عیسیٰ بھی میدان میں‌ آگئے، ریفرنس کی خبروں‌ پر صدرمملکت کوخط لکھ کر اہم مطالبہ کر دیا
    سینئر ججوں کے خلاف ریفرنس، ایڈیشنل اٹارنی جنرل زاہد ایف ابراہیم نے استعفیٰ دے دیا

  • آصف زرداری کی ضمانت میں توسیع

    آصف زرداری کی ضمانت میں توسیع

    جعلی اکاؤنٹس میں آصف زرداری اور فریال تالپور کی درخواست ضمانت میں 10جون تک توسیع کردی گئی

    باغی ٹی وی کی رپورٹ کے مطابق عدالت نےضمانت کےعلاوہ باقی تمام مقدمات پرآج سماعت ملتوی کر دی .اسلام آباد ہائیکورٹ میں دو رکنی بینچ نے جعلی اکاﺅنٹس کیس میں آصف زرداری اور فریال تالپور کی عبوری ضمانت میں توسیع کی درخواست پر سماعت کی. عدالت نے سماعت کے بعد ضمانت میں 10 جون تک توسیع کر دی.زرداری کے وکیل فاروق ایچ نائیک نے عدالت میں کہا کہ کیا نیب کی دستاویزات مل سکتی ہیں، ہمیں وقت دے دیں کہ ہم ریکارڈ دیکھ کرجواب الجواب دیں، جس پر جسٹس محسن اختر کیانی نے کہا کہ کم ازکم میں اپنی جانب سےسختی سے مستردکرتاہوں،جو کچھ آچکا اسی کی بنیاد پراب فیصلہ کیا جائےگا، جسٹس عامر فاروق نے کہا کہ یہ نہ اپیل ہے نہ ٹرائل،قبل ازگرفتاری ضمانت کی درخواست ہے،فاروق ایچ نائیک نے کہا کہ قبل ازگرفتاری ضمانت میں بھی کچھ چیزیں ہیں جن پرجواب دیناہے، عدالت نے کہا کہ ضمانت کےجومروجہ قوانین ہیں ان کے مطابق چلیں، عدالت نے کہا کہ نیب کہہ دے آصف زرداری،فریال تالپورکاتعلق نہیں تودرخواست ویسے نمٹا دیتے ہیں،نیب نے عدالت میں کہا کہ آصف زرداری اور فریال تالپور کا کیا کردار ہے،دستاویزات پیش کردیں، آصف زرداری اور فریال تالپور کے جرم میں کردار پرتین رپورٹس ہیں، کیس کی سماعت کے دوران لطیف کھوسہ نے کہا کہ زرداری صاحب کا میں بھی وکیل ہوں،مجھےبھی دلائل دینےدیں، جس پر عدالت نے کہا کہ آپ دلائل دیں یا فاروق نائیک ، ایک سے زیادہ وکلا دلائل نہ دیں، نیب کی طرف سےایک پراسیکیوٹرہیں تو آپ بھی ایک ہی وکیل دلائل دیں،نیب پراسیکیوٹر نے کہا کہ خواجہ نمر مجید اور غضنفر احسن ابھی نیب کو مطلوب نہیں، جس پر عدالت نے کہا کہ جو مطلوب نہیں ان کی حد تک درخواستیں نمٹا دیتے ہیں. دوران سماعت نیب پراسیکیوٹر کے دلائل دے رہے تھے کہ اس دوران ایک وکیل نے بات کرنے کی کوشش کی جس پر عدالت نے شدہد برہمی کا اظہار کرتے ہوئے کہا کہ آرام سے کھڑے ہو جائیں ، یہ کوئی مذاکرہ یا ٹاک شو نہیں ۔نیب کے وکیل سمٹ بینک کے منیجر پر دلائل د ے رہے ہیں ۔ تاہم عدالت کے اظہار برہمی پر وکیل نے معذرت کر لی ۔

  • آصف زرداری کے وارنٹ گرفتاری جاری، نیب ٹیم عدالت پہنچ گئی

    آصف زرداری کے وارنٹ گرفتاری جاری، نیب ٹیم عدالت پہنچ گئی

    سابق صدر آصف علی زرداری کے وارنٹ گرفتاری جاری کر دئیے گئے ہیں

    باغی ٹی وی کی رپورٹ کے مطابق چیئرمین نیب نے سابق صدر آصف زردری کے وارنٹ گرفتاری کی منظوری دے دی ہے، جعلی بینک اکاونٹس کیس کے حوالہ سے ایک انکوائری میں وارنٹ گرفتاری جاری کئے گئے ہیں . اسلام آباد ہائیکورٹ میں نیب کی تفتیشی ٹیم اور پولیس کی بھاری نفری موجودہے ضمانت منسوخ ہونے کی صورت میں آصف زرداری زرداری کو گرفتار کر لیا جائے گا۔ نیب نے آصف زرداری کو عدالت سے منتقل کرنے کے لئے بلٹ پروف گاڑی منگوا لی ہے

    زرداری کی درخواست ضمانت،عدالت نے وکیل کو دلائل دینے سے روک دیا

    دوسری جانب اسلام آباد ہائیکورٹ میں آصف زرداری اور فریال تالپور کی ضمانت میں توسیع کے حوالہ سے کیس کی سماعت جاری ہے . جسٹس عامر فاروق اور جسٹس محسن اخترکیانی پر مشتمل ڈویژنل بینچ سماعت کررہا ہے۔سماعت کے موقع پرنیب نے سابق صدر آصف زرداری کیخلاف جعلی اکاﺅنٹس کیس میں ریکارڈ اسلام آبادہائیکورٹ میں جمع کرا دیا ہے .سماعت کےد وران لطیف کھوسہ نے دلائل دینے کی استدعا کی تو عدالت نے روک دیا.

  • ٹرمپ سے مدد مانگنے والا محسن داوڑ گرفتار

    ٹرمپ سے مدد مانگنے والا محسن داوڑ گرفتار

    پشتون تحفظ موومنٹ کے رہنما رکن قومی اسمبلی محسن داوڑ کو گرفتار کر لیا گیا ہے

    باغ ٹی وی کی رپورٹ کے مطابق پی ٹی ایم کے رہنما محسن داوڑ کو شمالی وزیر ستان سے گرفتار کر لیا گیا ہے جو کہ خرقمر میں واقع پاک فوج کی چیک پوسٹ پر حملے کے بعد فرار ہو گئے تھے تاہم اب سیکورٹی اداروں نے انہیں گرفتار کر لیا ہے. پاک فوج کی چیک پوسٹ پر حملے کے بعد محسن داوڑ کے ساتھی علی وزیر کو گرفتار کر لیا گیا تھا لیکن محسن داوڑ فرار ہو گئے تھے ،واقعہ کی ایف آئی آر میں محسن داوڑ سمیت 9 افراد نامزد ہیں .
    پشتون تحفظ موومنٹ کے رہنما محسن داوڑ نے پاکستانی فوج کے خلاف امریکی صدر ٹرمپ سے مدد مانگی ہے اور افغان ایجنسی این ڈی ایس کے ساتھ مل کر پاکستانی فوج اور دفاعی اداروں کے خلاف ہرزہ سرائی شروع کر دی ہے.

    یاد رہے کہ محسن جاوید داوڑ اور علی وزیر کی قیادت میں پاکستانی چیک پوسٹ پر حملہ کر کے پانچ اہلکاروں‌ کو زخمی کیا گیا تھا جن میں سے ایک جوان شہید ہو گیا. علی وزیر کو بنوں‌کی انسداد دہشت گردی عدالت میں‌پیش کیا گیا تھا جس پر عدالت کے جج نے انہیں‌سی ٹی ڈی کے حوالے کر دیا جس کے بعد انہیں‌ سخت حفاظتی انتظامات کے دوران پشاور منتقل کر دیا گیا ہے.

    متعلقہ خبریں

     

     

    پی ٹی ایم رہنما محسن داوڑ‌ اور ساتھیوں کا پاک فوج پر حملہ، چیک پوسٹ پر فائرنگ اور نعرے بازی
    چیک پوسٹوں پر حملہ، پاک فوج نے جوابی کاروائی کرتے ہوئے متعدد پی ٹی ایم کارکنان کو گرفتار کر لیا
    پی ٹی ایم حملہ کیخلاف سوشل میڈیا صارفین پھٹ پڑے، ملزمان پر فوجی عدالتوں میں‌ مقدمہ چلانے کا مطالبہ
    پی ٹی ایم نے فوجی چیک پوسٹ پر حملہ کیوں‌ کیا؟ ڈی جی آئی ایس پی آر نے ساری حقیقت بیان کر دی
    چیک پوسٹ‌ پر حملہ، پی ٹی ایم کے کن رہنماؤں کے خلاف دہشت گردی کا مقدمہ درج کیا گیا، اہم خبر آگئی

    حکومت نے پی ٹی ایم کے خلاف بڑی کاروائی کا عندیہ دے دیا، فردوس عاشق اعوان کی اہم گفتگو
    پی ٹی ایم کا پاک فوج کی چیک پوسٹ پر حملہ، پاک فوج نے رات کو اہم پیغام جاری کر دیا
    ادارے پی ٹی ایم کے حوالہ سے قانون پر سختی سے عمل کریں، عدالت کا حکم

    چیک پوسٹ حملہ، پی ٹی ایم رہنما علی وزیر سی ٹی ڈی کے حوالے، پشاور منتقل

    پی ٹی ایم کا چیک پوسٹ پر حملہ، وزیر دفاع نے اہم پالیسی بیان جاری کر دیا