Author: ممتاز حیدر

سپریم کورٹ آف پاکستان کے چیف جسٹس نے ایک کیس کی سماعت کے دوران کہا ہے کہ نیب ڈیلیں کرتا ہے اور ہم ڈیلیں نہیں فیصلے کرتے ہیں

باغی ٹی وی کی رپورٹ کے مطابق بے نامی اکائونٹس کیس میں سپریم کورٹ نے محمد نواز کے فیصلے کے خلاف نیب کی اپیل مسترد کر دی. ٹرائل کورٹ نے نواز شریف کو سات سال قید کی سزا سنائی تو ہائیکورٹ نے سزا کالعدم قرار دے دی تھی. نیب نے ہائیکورٹ کے فیصلے کے خلاف سپریم کورٹ میں اپیل کی تھی جس پر سپریم کورٹ نے بھی نواز کے خلاف اپیل مسترد کر دی ،کیس کی سماعت کے دوران چیف جسٹس نے ریمارکیس دیتے ہوئے کہا کہ ہائیکورٹ نےشواہد کو مدنظر رکھتےہوئے فیصلہ کیا،نیب نے اپنےریفرنس میں لکھا کہ محمدنواز نے کوئی اکاؤنٹ نہیں کھولا،دو اکاؤنٹ محمد نواز کے بھائیوں کے تھے،ایڈیشنل پراسیکیوٹر نیب نے کہا کہ اکاؤنٹ میں18 لاکھ 90 ہزارکی رقم کیش جمع کرائی گئی اور قومی خزانے کو نقصان پہنچایا گیا، جس پر چیف جسٹس نے کہا کہ کوئی شواہدنہیں کہ نوازکےاکاؤنٹ تھےاورقومی خزانے کونقصان پہنچا، ایڈیشنل نیب پراسیکیوٹرنے کہا کہ ایک ڈیل کرتے ہیں،میں پیرا گراف پڑھتاہوں جرم ثابت نہ ہوا تو میں چپ کرجاؤں گا، جس پر چیف جسٹس نے کہا کہ نیب ڈیلیں کرتا ہوگا ہم ڈیلیں نہیں فیصلے کرتے ہیں.

ایران کے وزیر خارجہ دو روزہ دورے پر پاکستان آئے ہیں ، پاکستانی ہم منصب شاہ محمود قریشی سے انہوں نے ملاقات کی ہے

باغی ٹی وی کی رپورٹ کے مطابق ایران کے وزیر خارجہ جواد ظریف دو روزہ دورے پر پاکستان آئے ہیں وہ اسلام آباد پہنچے تو پاکستانی حکام نے ان کا استقبال کیا ، ایرانی وزیر خارجہ پاکستان کی سول و عسکری قیادت سے ملاقات کریں گے، ایرانی وزیرخارجہ سے پاکستانی ہم منصب شاہ محمود قریشی نے ملاقات کی ہے ایران کے وزیر خارجہ جواد ظریف وفد کے ہمراہ وزارتِ خارجہ آئے. وزارتِ خارجہ پہنچنے پر ،وزیر خارجہ مخدوم شاہ محمود قریشی نے معزز مہمانوں کا خیر مقدم کیا .وزارت خارجہ میں وفود کی سطح پر ہونے والے مذاکرات میں پاک ایران تعلقات، علاقائی سلامتی سمیت دیگر باہمی دلچسپی کے معاملات پر تبادلہ خیال کیا جائے گا۔ اس موقع پر شاہ محمود قریشی نے کہا کہ خطے میں کشیدگی کسی کے مفاد میں نہیں،پاکستان تمام تصفیہ طلب امورکو سفارتی سطح پر حل کرنے کا حامی ہے،

واضح رہے کہ منصب سنبھالنے کے بعد ایرانی وزیر خارجہ جواد ظریف تیسری بار پاکستان آئے ہیں، اب انہوں نے ایک ایسے وقت میں پاکستان کا دورہ کیا ہے جب امریکہ ایران کی لفظی جنگ جاری ہے ،امریکہ ایران کو حملے کی دھمکیاں دے رہا ہے اور ایران بھی جواب دینے کے لئے تیار ہے.

عمران خان کی حکومت آنے کے بعد برٹس ائیر وزیز نے 11 برس بعد پاکستان کے لئے فلائٹ آپریشن بحال کرنے کا فیصلہ کیا ہے.

باغی ٹی وی کی رپورٹ کے مطابق برٹس ائیر ویز نے 11 برس بعد پاکستان کے لئے آپریشن بحال کرنے کا فیصلہ کیا ہے، برٹش ائیر ویز اسی سال ماہ جون یعنی اگلے ماہ سے آپریشن شروع کرے گی اور پہلی پرواز3 جون کو لندن ہتھروایئر پورٹس سے مسافروں کو لے کراسلام آبادآئے گی۔ وفاقی وزیر ہوابازی غلام سرور خان نے سامجی رابطے کی ویب سائٹ ٹویٹر پر اپنے پیغام میں برٹش ایئر ویزکی جانب سے پاکستان کیلیے فلائٹ آپریشن شروع کرنے کی تصدیق کرتے ہوئے کہا کہ برٹش ایئرویز 11 سال بعد اپنی فلائٹ آپریشن دوبارہ شروع کرنے جا رہے ہیں برٹش ایئر ویز ابتدائی طور پر اسلام آباد سے ہفتہ وار 3 پروازیں چلانے کی خواہشمند ہے۔ مسافروں کو لے کر برٹش ایئرویز کی پہلی پرواز3 جون کو صبح 9 بجے لندن سے اسلام آباد آئے گی اور 2گھنٹے بعداسلام آباد سے لندن کیلیے روانہ ہوگی .

پاکستان کے وزیرا عظم عمران خان نے بھارتی وزیر اعظم مودی کو الیکشن میں کا میابی پر مبارکباد دی ہے

باغی ٹی وی کی رپورٹ کے مطابق سماجی رابطے کی ویب سائٹ ٹویٹر پر ٹویٹ کرتے ہوئے وزیراعظم عمران خان نے بھارتی الیکشن میں نریندر مودی کو کامیابی کی مبارکباد دیتے ہوئے کہا کہ مودی اور ان کے اتحادیوں کو جیت کی مبارکباد دیتا ہوں، وزیراعظم عمران خان نے مزید کہا کہ مودی کےساتھ خطےمیں امن اورترقی کیلئےکام کرنےکی خواہش ہے

I congratulate Prime Minister Modi on the electoral victory of BJP and allies. Look forward to working with him for peace, progress and prosperity in South Asia

— Imran Khan (@ImranKhanPTI) May 23, 2019

واضح رہے کہ بھارت میں الیکشن کےغیرحتمی نتائج کے مطابق مودی کی پارٹی بی جے پی نے واضح اکثریت حاصل کرلی، نریندر مودی کی اتحاد جماعت تین سو پچاس نشستوں کے ساتھ پہلے نمبر پر ہے، کانگریس ترانوے سیٹوں کےساتھ دوسرے نمبر پر ہے۔ بھارت کے عام انتخابات 2019 میں بی جے پی کو اکثریت ملی تو بھارتی وزیر اعظم نریندر مودی نے ٹویٹر پر اپنا پیغام جاری کر دیا، سماجی رابطے کی ویب سائٹ ٹویٹر پر اپنے پیغام میں مودی نے کہا کہ ” ایک ساتھ ہم ترقی کریں گے ،ایک ساتھ پھلیں پھولیں گے ،ایک ساتھ مل کر ہم مضبوط بھارت بنائیں گے ،ایک مرتبہ پھر بھارت جیت گیا ۔“ ٹویٹر پر اپنے پیغام کے ساتھ مودی نے وجے بھارتی یعنی کامیاب بھارت کا نعرہ بھی لگایا.

سابق وزیر اعظم نواز شریف کی طبی بنیادوں پر ضمانت کی درخواست پر سماعت عیدالفطر کے بعد ہو گی نواز شریف کو عیدالفطر کوٹ لکھپت جیل میں کریں گے

باغی ٹی وی کی رپورٹ کے مطابق اسلام آباد ہائیکورٹ میں نواز شریف کی درخواست ضمانت پر سماعت 11 جون کو ہو گی .اسلام آباد ہائیکورٹ کے جسٹس عامر فاروق اور جسٹس محسن کیانی نواز شریف کی درخواست پر سماعت کرینگے۔ اس سلسلے میں وفاق، سپرنٹنڈنٹ جیل کوٹ لکھپت اور نیب کو بھی نوٹسز جاری کر دیے گئے ہیں۔ العزیزیہ ریفرنس میں اسلام آباد ہائیکورٹ نے نواز شریف کی درخواست ضمانت کا تحریری حکم نامہ جاری کرتے ہوئے کہا کہ نواز شریف نے دوسری مرتبہ درخواست ضمانت دائر کی۔ سپریم کورٹ کے ضمانت دینے اور نظرثانی درخواست مسترد کرنے کی اضافی دستاویزات جمع کرا دیں۔

واضح رہے کہ نواز شریف کو سپریم کورٹ نے چھ ہفتوں کی ضمانت پر رہا کیا تھا اور ضمانت ختم ہونے پر اس میں توسیع کی درخواست عدالت نے یہ کہہ کر مسترد کر دی تھی کہ چھ ہفتے ٹیسٹ کروائے گئے علاج نہیں کروایا گیا.