وفاقی کابینہ کے اجلاس میں وفاقی وزیر نے مشیر اطلاعات پر سخت برہمی کا اظہار کیا
باغی ٹی وی کی رپورٹ کے مطابق وزیر اعظم عمران خان کی زیر صدارت اجلاس میں وفاقی وزیر غلام سرور خان نے فردوس عاشق اعوان پر برہمی کا اظہار کرتے ہوئے کہا کہ میرے خلاف بیان کیوں دیا جس پر مشیر اطلاعات نے کہا کہ میرامطلب کچھ اورتھا،بیان غلط نہ سمجھیں، وزیر اعظم نےکابینہ اجلاس میں دونوں وزراء کی بات کوسنا ۔
واضح رہے کہ فردوس عاشق اعوان نے کہا تھا کہ وزارت پیٹرولیم میں ڈاکا مارا گیا تھا اس لئے وزیر تبدیل ہوا
پنجاب اسمبلی میں قائد حزب اختلاف حمزہ شہباز نے کہا ہے کہ لوگ نیاز ی کے ان وعدوں پر ماتم کرتے ہیں جو کینٹر پر چڑھ کر کئے تھے ،یہ جھوٹا خان ہے جس کا کام دن رات جھوٹ بولنا ہے۔
باغی ٹی وی کی رپورٹ کے مطابق پنجاب اسمبلی کے باہر میڈیا سے گفتگو کرتے ہوئے حمزہ شہباز نے کہا کہ سپریم کورٹ کے حکم پر جماعتی بنیادوں پر بلدیاتی الیکشن ہوئے، حکومت کو جلدی کس بات کی ہے فی الفور الیکشن کروائیں اگر جلدی ہے تو، بل کے قابل عمل ہونے کے ایک سال بعد الیکشن کا سوچیں گے، ان کے پاس پیسے نہیں، لوکل باڈیز کے فنڈ نو ماہ تک منجمند رکھے،۔ عوامی منتخب نمائندوں کو کوئی فنڈ نہیں دیا اب پیسوں کی بندر بابٹ کرنی ہے۔ انہوں نے اب مینڈیٹ کا قتل عام کرنا ہے۔ ان لوگوں نے جھوٹ بولنے کے علاوہ کچھ نہیں کیا۔ عمران خان کہتا تھا جو یوٹرن نہیں لیتا وہ لیڈر نہیں ہوتا ایسے لوگوں سے قوم خیر کی توقع نہ رکھے ،نیب ن لیگ کے تمام رہنماوں کے پیچھے ہے، پشاور میٹرو بس میں سات ارب کی کرپشن ہے لیکن کوئی پوچھنے والا نہیں، اعظم سواتی جس نے زمینوں پر قبضہ کیا اس کو پھر کابینہ کا حصہ بنا دیا گیا، جہانگیر ترین کو سپریم کورٹ نے جھوٹا قرار دیا نیازی صاحب اسے ساتھ بٹھاتے ہیں۔ انہوں نے کہا کہ آئی ایم ایف سے معاہدہ ہونا باقی ہے، اشیائے خوردو نوش کی قیمتیں آسمان سے باتیں کر رہی ہیں ۔مزدور انی تنخواہ سے بچوں کا پیٹ نہیں پال سکتا، بیماری میں دوائیاں نہیں خرید سکتا،
پنجاب اسمبلی میں پرویز الہیٰ کی زیر صدارت اجلاس میں لوکل گورنمنٹ بل کثرات رائے سے منظور ہو گیا
باغی ٹی وی کی رپورٹ کے مطابق اسپیکر پرویز الہیٰ کی زیر صدارت پنجاب اسمبلی کا اجلاس منعقد ہوا،اپوزیشن نے بلدیاتی بل میں ترامیم مسترد ہونے پر ایجنڈے کی کاپیاں پھاڑ دیں ایوان میں شور شرابا ہوا ،اپوزیشن اراکین نیا بلدیاتی نظام نامنظور کے نعرے لگاتے رہے، اپوزیشن نے حمزہ شہبازکی قیادت میں بل کے خلاف ایوان میں کارروائی کا بائیکاٹ کیا۔ نئے ترمیمی بل کے تحت ناظمین اب چئیرمین کہلائیں گے، تمام ڈویژنل ہیڈکوارٹرز میں سٹی لوکل گورنمنٹس بنائی جائیں گی۔تحصیل کونسل چیئرمین اور میئر سٹی لوکل گورنمنٹ کے انتخابات جماعتی بنیاد پر جبکہ ویلیج و نیبر ہوڈ کونسل کے انتخابات غیر جماعتی بنیادوں پر ہوں گے۔
سابق وزیر اعظم نواز شریف کی ضمانت منسوخی پر نظرثانی کی درخواست سماعت کے لئے مقرر کر دی گئی ہے
باغی ٹی وی کی رپورٹ کے مطابق نواز شریف کی نظر ثانی کی درخواست پر سماعت 3 مئی کو سپریم کورٹ میں ہو گی۔ سماعت تین رکنی بینچ کرے گا۔ چیف جسٹس ،جسٹس سجادعلی شاہ اورجسٹس یحییٰ آفریدی بینچ کا حصہ ہیں
قومی اسمبلی اجلاس میں آئس کے نشہ کی روک تھام کے لئے بل قومی اسمبلی میں پیش کر دیا گیا
باغی ٹی وی کی رپورٹ کے مطابق نشہ آور اشیاء پر قابو پانے کے ایکٹ 1997 میں ترمیم کا بل قومی اسمنلی میں نور عالم خان نے پیش کیا جس کو قائمہ کمیٹی کے سپرد کردیا گیا۔ بل میں کہا گیا کہ ایک سو گرام تک ہیروئن یا آئس رکھنے یا فروخت کرنے کوناقابل ضمانت جرم قراردیاجائے،100 گرام تک آئس ہیروئن رکھنے پر دس سال تک قید،15 لاکھ روپے جرمانہ بل میں تجویز کیا گیا ہے، دوسری جانب انتظامی بنیادوں پرصوبہ ہزارہ بنانے کے لیے بل قومی اسمبلی میں پیش کر دیا گیا، بل علی خان جدون نےقومی اسمبلی میں پیش کیا، صوبہ ہزارہ کا بل قائمہ کمیٹی کے سپرد کردیا گیا
صدر مملکت ڈاکٹر عارف علوی نے کہا ہے کہ حکومت کاروبار میں آسانیاں پیدا کر رہی ہے
باغی ٹی وی کی رپورٹ کے مطابق صدر مملکت ڈاکٹر عارف علوی نے ان خیالات کا اظہارایل این جی مارکیٹ ڈویلپمنٹ، میسرز ایگزون موبل کے چیئرمین الیکس وولکوف کی قیادت میں ایوان صدر میں ملاقات کرنے والے وفد سے گفتگو کرتے ہوئے کیا۔ صدر مملکت نے ایل این جی شعبہ میں پاکستانی مارکیٹ میں دوبارہ داخل ہونے پر ایگزون موبل کی کاوشوں کو سراہا اور پاکستان کے اپ سٹریم پیٹرولیم شعبہ میں مزید سرمایہ کاری کے لئے ایگزون موبل کی حوصلہ افزائی کی۔ ڈاکٹر عارف علوی نے ایگزون موبل اور دیگر غیر ملکی سرمایہ کاروں پر زور دیا کہ وہ حکومت کی آزادانہ سرمایہ کاری پالیسیوں سے استفادہ کریں۔
وزیر اعظم کی زیر صدارت وفاقی کابینہ کے اجلاس کے بعد بریفنگ دیتے ہوئے مشیر اطلاعات فردوس عاشق اعوان کی بولتی بند ہو گئی
باغی ٹی وی کی رپورٹ کے مطابق پی آئی ڈی میں میڈیا بریفنگ کے دوران فردوس عاشق اعوان کا گلا بیٹھ گیا وہ بول رہی تھیں لیکن ان کی آواز نہیں نکل رہی تھی، فردوس عاشق اعوان کے ہمراہ موجود فیصل واوڈا نے اس دوران موقع سے فائدہ اٹھاتے ہوئے صحافیوں کو مہمند ڈیم کے سنگ بنیاد کی تقریب میں شرکت کی دعوت دے ڈالی، فردوس عاشق اعوان نے گولیاں کھائیں، بعد ازاں پھر بولنا شروع ہو گئیں اور کابینہ کے فیصلوں سے آگاہ کیا۔
وزیر اعظم عمران خان کی زیر صدارت وفاقی کابینہ کے اجلاس کے بعد مشیر اطلاعات فردوس عازق اعوان نے میڈیا برفنگ میں بتایا کہ پٹرولیم کی قمیت چودہ روپے بڑھنی تھی ،وزیر اعظم نے اس کو واپس کیا اور کہا کہ اتنی قیمت نہیں بڑھائیں گے۔اوگرا نےتیل کی قیمت میں 14روپےبڑھانےکی سفارش کی گئی تھی ،وزیر اعظم نےتیل کی قیمتوں کےتعین کیلیےمعاملہ ای سی سی بھیج دیاگیاہے ۔انہوں نے کہا کہ رمضان میں لوڈشیڈنگ نہیں ہو گی، رمضان ہیکج کے لئے کمیٹی بنائی گئی ہے۔ عوام کو رمضان میں ریلیف دیں گے۔ فردوس عاشق اعوان نے مزید کہا کہ سرکاری اداروں میں کرپشن کی آگاہی دینےوالےکوبرآمدرقم کا20فیصدحصہ ملے گا،دیوانی مقدموں کوڈیڑھ سے2سال میں نمٹانےکیلیے قانون سازی کی جائےگی،حکومت جواصلاحات لارہی ہےاس پراجلاس میں تفصیلی بات ہوئی ،فردوس عاشق اعوان نے مزید کہا کہ رمضان میں اوقات کارصبح10سےسہ پہر 4بجے کیےگئےہیں۔
واضح رہے کہ فردوس عاشق اعوان کا تعلق سیالکوٹ سے ہے ،فردوس عاشق اعوان پیپلز پارٹی کے دور میں بھی وزیر اطلاعات رہ چکی ہیں۔
غریب عوام کو خوشخبری مل گئی حکومت نے پٹرول کی قیمت میں 14 اروپے اضافے کی تجویز پر نظر ثانی کا فیصلہ کر لیا
باغی ٹی وی کی رپورٹ کے مطابق وزیر اعظم عمران خان کی زیر صدارت وفاقی کابینہ کے اجلاس کے بعد مشیر اطلاعات فردوس عازق اعوان نے میڈیا برفنگ میں بتایا کہ پٹرولیم کی قمیت چودہ روپے بڑھنی تھی ،وزیر اعظم نے اس کو واپس کیا اور کہا کہ اتنی قیمت نہیں بڑھائیں گے۔اوگرا نےتیل کی قیمت میں 14روپےبڑھانےکی سفارش کی گئی تھی ،وزیر اعظم نےتیل کی قیمتوں کےتعین کیلیےمعاملہ ای سی سی بھیج دیاگیاہے ۔انہوں نے کہا کہ رمضان میں لوڈشیڈنگ نہیں ہو گی، رمضان ہیکج کے لئے کمیٹی بنائی گئی ہے۔ عوام کو رمضان میں ریلیف دیں گے۔ فردوس عاشق اعوان نے مزید کہا کہ سرکاری اداروں میں کرپشن کی آگاہی دینےوالےکوبرآمدرقم کا20فیصدحصہ ملے گا،دیوانی مقدموں کوڈیڑھ سے2سال میں نمٹانےکیلیے قانون سازی کی جائےگی،حکومت جواصلاحات لارہی ہےاس پراجلاس میں تفصیلی بات ہوئی ،فردوس عاشق اعوان نے مزید کہا کہ رمضان میں اوقات کارصبح10سےسہ پہر 4بجے کیےگئےہیں۔
سینٹ اجلاس میں وزراء کی عدم موجودگی کے باعث اپوزیشن نے بھر پور اھتجاج کیا جس کے باعث سینٹ اجلاس کی کاروائی روکنا پڑی
باغی ٹی وی کی رپورٹ کے مطابق سینٹ اجلاس میں وزراء کے نہ آنے پر اپوزیشن نے ایوان میں بھرپور احتجاج کیا، پیپلز پارٹی کے رہنما سینٹر رضا ربانی نے کہا کہ اتنی فوج ظفرموج ہے وزرا کی پھربھی ایوان میں نہیں آتے،پہلے ہی پارلیمان کو غیرموثرکردیا گیا ہے،وزیر نہیں آتے تو پھر کیا ہاؤس کو پیک اپ کردیں؟ جس پر سینٹر شبلی فراز نے کہا کہ کابینہ اجلاس کے باعث وزرا موجود نہیں،وزرا کچھ ہی دیر میں ایوان میں پہنچ جائیں گے ،اپوزیشن کے احتجاج کے بعد ڈپٹی چیرمین سینیٹ نے ایوان کی کارروائی 15 منٹ کیلئے ملتوی کردی ۔
وزیر اعظم عمران خان لاہور آئیں گے اور شاہی قلعہ کی سیر کریں گے
باغی ٹی وی کی رپورٹ کے مطابق وزیر اعظم عمران خان رمضان المبارک سے قبل لاہور کا دورہ کریں گے، لاہور آمر کے بعد عمران خان صوبائی کابینہ کے اجلاس کی صدارت کریں گے۔ وزیر اعظم عمران خان ایچی سن کالج کی تقریب میں بھی شریک ہو ں گے ،وزیراعظم رینالہ خورد میں نیا پاکستان ہاؤسنگ اسکیم کی تقریب میں شرکت کریں گے ، وزیر اعظم عمران خان دورہ لاہور کے دوران تاریخی شاہی قلعہ بھی جائیں گے جہاں وہ شاہی قلعے کی دیوار اور شاہی باورچی خانے کی بحالی کے کام کا معائنہ کریں گے ۔عزیر اعظم مختلف رہنماوں سے ملاقاتیں بھی کریں گے۔