آرمی چیف جنرل قمر جاوید باجوہ کی زیر صدارت کور کمانڈر کانفرنس منعقد ہوئی جس میں آپریشن ردالفساد میں پیش رفت کا بھی جائزہ لیا گیا
باغی ٹی وی کی رپورٹ کے مطابق جی ایچ کیو میں ہونے والی کور کمانڈر کانفرنس کی صدارت آرمی چیف جنرل قمرجاوید باجوہ نے کی .اجلاس میں ملکی سیکیورٹی اورجیواسٹریٹجک صورت حال کا جائزہ لیا گیا .شرکا نے ملک میں پائیدارقیام امن کے لیےکوششیں جاری رکھنے کے عزم کا اعادہ کیا .خطےمیں امن کےلیےتمام اقدامات کی حمایت کےعزم کابھی اعادہ کیا گیا
وزیر اعظم عمران خان نے کہا ہے کہ اسد عمر دوبارہ کابینہ کا حصہ بن رہے ہیں ،ہم نے اپوزیشن پر کیسز نہیں بنائے
باغی ٹی وی کی رپورٹ کے مطابق سینئر صحافیوں سے گفتگو کرتے ہوئے وزیر اعظم عمران خان نے کہا کہ قوموں پرمشکل وقت آتے رہتے ہیں مجھے تو اپنی حکومتی کارکردگی دکھانی ہے،عوام کی فلاح وبہبود کیلئے 7بل لا رہے ہیں ،اپوزیشن کےساتھ سےبلوں کی منظوری ہو سکتی ہے .
واضح رہے کہ اسد عمر نے وزارت خزانہ سے ایک پریس کانفرنس میں استعفیٰ دیا تھا، شیخ رشید نے بھی اس عمر کو ملاقات کر کے منانے کی کوشش کی تھی، اسد عمر کو عمران خان کا انتہائی قریبی دوست سمجھا جاتا ہے، وزارت سے استعفیٰ دینے پر عمران خان کی حکومت کو ناکام کہا جانے لگا تھا، اس کے بعد عمران خان نے کابینہ میں مزید تبدیلیاں کیں اور آئندہ بھی کرنے کا اعلان کیا.
وفاقی وزیر داخلہ شاہ محمو قریشی نے کہا ہے کہ ن لیگ کےرہنما تذبذب کا شکار ہیں ،گینگ آف فور مسلم لیگ ن کے سارے فیصلے کررہا ہے
باغی ٹی وی کی رپورٹ کے مطابق اسلام آباد میں وزیر خارجہ شاہ محمود قریشی نے پریس کانفرنس سے خطاب کرتے ہوئے کہا کہ شہبازشریف قومی سلامتی کی پارلیمانی کمیٹی کےبھی رکن ہیں جمہوریت میں عہدوں کی تبدیلی معمول کا حصہ ہوتی ہیں پی اےسی پارلیمنٹ کی سب سےاہم کمیٹی ہے،پارلیمانی لیڈرکی اچانک تبدیلی سےپارلیمنٹ کی کارروائی متاثرہوتی ہے،کابینہ میں تبدیلی پرطوفان برپاکیا گیا تھا
بھارت نے مقبوضہ کشمیر کے علاقے شوپیاں میں تین کشمیریوں کو شہید کر دیا ہے اور دعویٰ کیا ہے کہ حزب المجاہدین کے کمانڈر برہان وانی شہید کے قریبی دوست اور آخری کارکن کو شہید کر دیا ہے.
باغی ٹی وی کی رپورٹ کے مطابق شوپیاں میں سرچ آپریشن کے دوران بھارت نے تین کشمیری نوجوانوںکو شہید کیا ہے جن کی شناخت مولوی طاریق ساکنہ مولو چھترا گام اورشارق نینگرو ساکنہ چھوٹی گام شوپیان ،لطیف احمد ڈار کے نام سے ہوئی. بھارت سرکار نےد عویٰ کیا ہے کہ لطیف احمد ڈار عرف لطیف ٹائیگر ساکنہ ڈوگری پورہ پلوامہ کا رہائشی ہے جو سال 2014سے کشمیر میں سرگرم تھا اور برہان گروپ کا آخری زندہ رکن تھا۔ برہان مظفروانی حزب المجاہدین کا کمانڈر تھا جسے بھارتی فوج نے جولائی 2016 میں شہید کیا تھا جس کے بعد کشمیر کی تحریک میں تیزی آئی تھی.
بھارتی فوج نے شوپیاں کے علاقے امام صاحب میں سرچ آپریشن کےد وران تین کشمیریوں کو شہید کیا تو کشمیری بڑی تعداد میں گھروں سے باہر نکل آئے اور بھارتی فوج کے خلاف احتجاج کیا، اھتجاج کے دوران بھارتی فورسز نے کشمیری مظاہرین کو منتشر کرنے کے لئے پہلے آنسو گیس کے شیل پھینکے کشمیری پھر بھی احتجاج کرتے رہے جس کے بعد بھارتی فوج نے کشمیریوں پر پیلٹ گن سے فائر کئے ،دوران احتجاج پیلٹ گن سے 17 کشمیری زخمی ہو گئے. جنہیں طبی امداد کے لئے سرینگر کے ہسپتال منتقل کر دیا گیا .ایک زخمی کی شناخت مدثر احمد نامی ایک نوجوان کے طور ہوئی ہے جس کی ٹانگ میں گولی لگی ہے۔
مقبوضہ کشمیر میں بھارتی فوج کی جانب سے پلوامہ اور شوپیاں میں کشمیریوں کی گرفتاریوں پر حریت کانفرنس نے شدید تشویش کا اظہار کرتے ہوئے انسانی حقوق کے عالمی اداروں سے نوٹس لینے کا مطالبہ کیا ہے.
باغی ٹی وی کی رپورٹ کے مطابق بھارتی فوج نے پلوامہ اور شوپیاں میں الیکشن سے قبل سرچ آپریشن کیا جس کے دوران 44 بے گناہ کشمیری نوجوانوں کو گرفتار کر لیا، تین دن سے پلوامہ میں سرچ آپریشن جاری ہے جس میں 100 کے قریب کشمیریوں کو گرفتار کیا گیا ہے ۔کشمیریون کو گرفتار کرنے کی کوئی وجہ نہیں بتائی گئی ،پلوامہ میں چھ مئی کو الیکشن ہونے ہیں .گرفتاریوں پر حریت کانفرنس نے شدید تشویش کا اظہار کیا ہے اور کہا ہے کہ الیکشن کی آڑ میں نوجوانوں کی گرفتاریاں مذموم عمل ہے، گرفتاریوں سے جذبہ حریت نہیں دبایا جا سکتا.
رمضان المبارک کے لئےو زیر اعظم عمران خان نے حکم دیا کہ سحری و افطاری کے اوقات میں لوڈ شیدنگ نہ کی جائے جس پر وفاقی وزیر میدان میں آگئے
باغی ٹی وی کی رپورٹ کے مطابق وفاقی وزیرعمر ایوب نے کہا کہ رمضان میں سحری کیلیے رات دوسے صبح 6 بجے تک لوڈشیڈنگ نہیں ہوگی، افطارکیلیےشام6 سےرات11 بجے تک بھی لوڈشیڈنگ نہیں ہوگی .
واضح رہے کہ وزیر اعظم عمران خان کی زیر صدارت رمضان پیکج کے حوالہ سے اجلاس ہوا جس میں صوبائی وزراء اورمتعلقہ سیکرٹری صاحبان نے وزیراعظم کواقدامات سےآگاہ کیا.وزیر اعظم عمران خان نے اجلاس سے خطاب کرتے ہوئے کہا کہ حکومت کوعوام کی مشکلات کامکمل ادراک ہے ،حکومت کی کوشش ہے کہ عوام کوہرممکنہ ریلیف فراہم کیا جا سکے ،منافع خوری اورذخیرہ اندوزی کی شکایت کسی صورت برداشت نہیں کی جائے گی.انہون نے کہا کہ انتظامیہ ایسےعناصر کےخلاف فوری ایکشن کویقینی بنائے ،وزیر اعظم نے مزید کہا کہ سحروافطارکےاوقات میں بجلی اورگیس کی دستیابی کویقینی بنایاجائے.
اسلام آباد ہائیکورٹ نے پاکستانی شہری کو امریکہ کے حوالہ کرنے سے حکومت کو روکتے ہوئے کہا کہ ایک خط کی بنیاد پر کسی کو امریکہ کے حوالہ نہیں کیا جا سکتا
باغی ٹی وی کی رپورٹ کے مطابق اسلام آباد ہائیکورٹ کے جسٹس محسن اختر کیانی نے محفوظ فیصلہ سنایا جس میں امریکی تفتیشی افسرکوپاکستان میں انکوائری مجسٹریٹ کے سامنے پیش ہونے کا حکم دیا گیا ہے. عدالت نے پاکستانی شہری کو امریکہ کے حوالے کرنے سے روک دیا اورکہا کہ ایک ٹی سی ایس میں بھیجے گئے خط پرکسی کو امریکا کے حوالے نہیں کیا جاسکتا، عدالت نے حکم دیا کہ انکوائری مجسٹریٹ 60 روزمیں طلحہ ہارون کا فیصلہ کرے،امریکی تفتیشی افسراور طلحہ ہارون کے وکلا کوسن کر فیصلہ کیا جائے،طلحہ ہارون پرامریکی الزام میں کیا حقیقت ہے،فیصلہ پاکستان میں انکوائری مجسٹریٹ کرے،امریکی تفتیشی افسراپنی رپورٹ اورشواہد پاکستان میں مجسٹریٹ کے سامنے پیش کرے .
واضح رہے کہ امریکا نےدہشتگردی کےمنصوبے کےالزام میں طلحہ ہارون کی حوالگی کا مطالبہ کیا تھا ،پاکستان میں کوئٹہ کے رہائشی طلحہ ہارون کو2016 میں گرفتار کیا گیا تھا.اکیس سالہ طلحہٰ ہارون پر دولت اسلامیہ (داعش) کے ملزم ہونے کا الزام ہے اور ان کے خلاف 2016 میں نیویارک کے ٹائمز اسکوائر اور زیرِ زمین ٹرانسپورٹ نیٹ ورک پر حملوں کی منصوبہ بندی کا مقدمہ درج ہے۔ انھیں امریکا کے حوالے کرنے کی کارروائی جاری تھی جسے ان کے والد ہارون الرشید نے اسلام آباد ہائی کورٹ میں چیلنج کیا تھا۔ امریکا نے پاکستان سے طلحہ ہارون کو حوالے کرنے کا مطالبہ کیا تھا جس کے لیے امریکی وزیر خارجہ جان کیری نے پاکستان کو خط لکھا تھا .
وزیر اعظم عمران خان نے حکم دیا ہے کہ رمضان المبارک میں سحری و افطاری کے اوقات میں گیس اور بجلی کی لوڈ شیڈںگ نہ کی جائے.
باغی ٹی وی کی رپورٹ کے مطابق وزیر اعظم عمران خان کی زیر صدارت رمضان پیکج کے حوالہ سے اجلاس ہوا جس میں صوبائی وزراء اورمتعلقہ سیکرٹری صاحبان نے وزیراعظم کواقدامات سےآگاہ کیا.وزیر اعظم عمران خان نے اجلاس سے خطاب کرتے ہوئے کہا کہ حکومت کوعوام کی مشکلات کامکمل ادراک ہے ،حکومت کی کوشش ہے کہ عوام کوہرممکنہ ریلیف فراہم کیا جا سکے ،منافع خوری اورذخیرہ اندوزی کی شکایت کسی صورت برداشت نہیں کی جائے گی.انہون نے کہا کہ انتظامیہ ایسےعناصر کےخلاف فوری ایکشن کویقینی بنائے ،وزیر اعظم نے مزید کہا کہ سحروافطارکےاوقات میں بجلی اورگیس کی دستیابی کویقینی بنایاجائے.
وزیرا عظم عمران خان بھی جھوٹی خبروں پر خاموش نہ رہ سکے، ٹویٹر پر پیغام دے دیا
باغی ٹی وی کی رپورٹ کے مطابق سماجی رابطے کی ویب سائٹ ٹویٹر پر وزیر اعظم عمران خان نے قرآن مجید کی ایک آیت اور اس کا انگلش میں ترجمہ شیئر کیا ساتھ ہی لکھا کہ جو جھوٹی خبریں پھیلاتے ہیں ان کے لئے ، سماجی رابطوں کی ویب سائٹ ”ٹویٹر“ پر جمعہ کو اپنے پیغام میں وزیر اعظم نے قرآن پاک کی سورة بقرہ کی آیت نمبر 42 انگریزی ترجمے کے ساتھ ٹویٹر پر شیئر کرتے ہوئے کہا کہ ”جو جھوٹی خبریں پھیلاتے ہیں ان کے لئے“ قرآن پاک کا واضح حکم ہے جس میں کہا گیا ہے کہ ”حق کو باطل کے ساتھ نہ ملاﺅ اور نہ ہی سچ بات کو جان بوجھ کر چھپاﺅ“ ۔
جو جھوٹی خبریں پھیلاتے ہیں ان کیلئے: pic.twitter.com/lToeVPqsAZ
— Imran Khan (@ImranKhanPTI) May 3, 2019
واضح رہے کہ وزیر اعظم عمران خان نے آزادی صحافت کے عالمی دن پر وزیر اعظم عمران خان نے ٹویٹ کی ہے.
مسلم لیگ ن پر ایک اور جمعہ بھاری رہا، سپریم کورٹ نے نواز شریف کی ضمانت میں توسیع کی درخواست مسترد کی تو مریم نواز کا نام ای سی ایل سے نکالنے کی درخواست بھی خارج کر دی گئی
باغی ٹی وی کی رپورٹ کے مطابق سپریم کورٹ آف پاکستان نے نواز شریف کو علاج کے لئے بیرون ملک جانے کی اجازت نہیں اور ضمانت میں توسیع نہیں کی .نواز شریف کی طبی بنیادوں پر ضمانت سات مئی کو ختم ہو رہی ہے،نواز شریف اگر خود سرنڈر نہیں کریں گے تو انہیں گرفتار کیا جائے گا، نواز شریف کی ضمانت کی درخواست جمعہ کو مسترد ہوئی ، دوسری جانب نواز شریف کی بیٹی مریم نواز اور نواز شریف کے داماد کیپٹن صفدر کا نام ای سی ایل سے نکالنے کی درخواست پر سماعت ہوئی تو عدالت نے درخواست ناقابل سماعت قرار دے کر خارج کر دی.
شریف برادران اور مسلم لیگ ن کے لئے جمعہ کا دن بھاری رہتا ہے، پانامہ کیس کے فیصلے سے تاحیات نااہلی کے فیصلے تک سب جمعہ کو سنائے گئے، پانچ مئی 2017 بروزجمعہ پاناما جے آئی ٹی بنی۔ اٹھائیس جولائی بروز جمعہ نواز شریف نااہل ہوئے۔ پندرہ ستمبر بروز جمعہ نظر ثانی کی درخواست خارج ہوئی۔ تیرہ اپریل کو نواز شریف تاحیات نا اہل ہوئے .ایون فیلڈ ریفرنس کا فیصلہ جمعہ چھ جولائی دوہزار اٹھارہ کو سنایا گیا جب عدالت نے نواز شریف، ان کی صاحبزادی مریم نواز اورداماد کیپٹن قید کی سزا کا حکم سنایا۔ س سے پہلے اصغر خان کیس میں نوازشریف اور دیگر کیخلاف تحقیقات کا حکم بھی انیس اکتوبر 2012 بروز جمعے کو ہی جاری ہوا تھا. آج نواز شریف کی درخواست ضمانت میں توسیع بھی جمعہ کو مسترد ہوئی اور مریم نواز کی ای سی ایل سے نام نکالنے کی درخواست بھی جمعہ کو ہی خارج ہوئی.