Author: ممتاز حیدر

قومی اسمبلی کے اجلاس میں وزیر اعظم عمران خان مسلسل تسبیح پڑھتے رہے

باغی ٹی وی کی رپورٹ کے مطابق وزیر اعظم عمران خان نے قومی اسمبلی کے اجلاس میں شرکت کی، وزیر اعظم عمران خان جب اسمبلی پہنچے تو حکومتی اراکین اسمبلی نے بھرپور انداز میں ڈیسک بجا کر وزیر اعظم کا خیر مقدم کیا، وزیر اعظم عمران خان اسمبلی میں اپنی نشست پر بیٹھے رہے ان کے ہاتھ میں تسبیح تھی، وہ مسلسل تسبیح پڑھتے رہے، وزیر اعظم سے اراکین اسمبلی نے ملاقات بھی کی .اسمبلی میں وزیر اعظم عمران خان نے خطاب کرتے ہوئے کہا کہ دہشتگردی کے خلاف جنگ کے دوران قبائلی علاقوں میں جس طرح تباہی ہوئی ہے اور ان سے جس طرح کے مسائل سامنے آئے ہیں قوم چاہتی ہے کہ یہ مسائل حل ہوں اور ان لوگوں کی آواز سنی جائے۔ اسمبلی اجلاس میں فاٹا کے حوالہ سے بل اتفاق رائے سے پاس کر لیا گیا.

پاکستان نے مقبوضہ کشمیر میں تین سالہ بچی سے زیادتی کے واقعہ کی مذمت کی ہے.

باغی ٹی وی کی رپورٹ کے مطابق ترجمان دفتر خارجہ ڈاکٹر فیصل نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ مقبوضہ کشمیر میں سفاکیت کا ایک اور واقعہ رونما ہوا ہے، پاکستان بانڈی پورہ میں تین سالہ بچی سے زیادتی کی شدید ترین الفاظ میں مذمت کرتا ہے، انہوں نے مزید کہا کہ بچی سے زیادتی پر احتجاج کرنے والے نہتے کشمیریوں پر پیلٹ گن سے فائرنگ کے تازہ واقعات بھارتی وحشی پن کے عکاس ہیں۔

Reported Horrific rape of 3 year old Kashmiri girl in Bandipora, in Indian occupied Jammu & Kashmir, another brutal reminder of humanitarian nightmare in IOK. Fresh reports of Pellet gun firing on protestors, yet another reflection of continued Indian atrocities. #kashmirbleeds

— Dr Mohammad Faisal (@DrMFaisal) May 13, 2019

واضح رہے کہ بانڈی پورہ کے علاقہ ملک پورہ سمبل میں تین سالہ بچی کے ساتھ زیادتی کا واقعہ سامنے آنے پر مقبوضہ کشمیر کے مختلف علاقوں میں احتجاج جاری ہے. اسلامک یونیورسٹی آف سائنس اینڈ ٹیکنالوجی کے طلبا نے سوموار کو یونیورسٹی میں احتجاج کیا۔ احتجاجی مظاہرے میں اساتذہ نے بھی شرکت کی. مظاہرین نے مطالبہ کیا کہ کمسن بچی کے ساتھ زیادتی کے ملزمان کو گرفتار کیا جائے ، بارہمولہ اور سوپور میں بھی بھر پور احتجاج کیا گیا ،اس موقع پر مکمل ہڑتال رہی تمام کاروباری مراکز بند رہے. مظاہریں نے سرینگر بارہمولا مین سڑک پر دھرنا بھی دیا اور مطالبہ کیا کہ ملزم کو پھانسی دی جائے .سرینگر کے مختلف علاقوں میں بھی سوموار کو کمسن بچی کے ساتھ زیادتی کے واقعہ کے خلاف پر امن مظاہرے کئے گیے، سرینگر کے علاقوں سعدہ کدل، گائو کدل، علمگری بازار اور شالیمار علاقوں میں مظاہرے ہوئے. اس موقع پر تمام تعلیمی اور کاروباری ادارے مکمل طور پر بند رہے.سمبل میں کمسن بچی کے ساتھ زیادتی کے واقعہ کے خلاف مقبوضہ جموں کشمیر کے ہر علاقے میں احتجاج جاری ہے. پولیس نے ملزم کو گرفتار کر لیا ہے جو ملک پورہ تریگام ،سمبل کا رہائشی ہے.ملزم کی عمر 27 برس ہے جس نے 3 سالہ بچی کے ساتھ زیادتی کی ہے.

سوشل میڈیا ویب سائٹ سے پولیو مخالف مواد ہٹا دیا گیا

باغی ٹی وی کی رپورٹ کے مطابق پولیو کے خلاف سوشل میڈیا پر موجود مواد کو ہٹانے کے احکامات وزیر اعظم کے معاون برائے انسداد پولیو بابر بن عطا نے جاری کئے تھے ،پی ٹی اے نے پولیو ویکسین کے حوالہ سے پروپیگنڈہ اور پولیو مخالف مواد کے حوالہ سے نشاندہی کر کے فیس بک کے 130، ٹویٹر کے 14 اور یوٹیوب کے 30 لنکس کو ختم کیا گیا ہے. وزیر اعظم کے معاون برائے انسداد پولیو بابر بن عطا کا کہان ہے کہ حکومت پاکستان فیس بک سے پولیو مخالف مواد ہٹانے کے اقدام پر فیس بک کو سراہتی ہے.

قومی اسمبلی کا اجلاس ڈپٹی سپیکر کی زیر صدارت ہوا، اجلاس میں وزیر اعظم عمران خان نے بھی شرکت کی

باغی ٹی وی کی رپورٹ کے مطابق قومی اسمبلی کے اجلاس میں گوادر میں پی سی ہوٹل میں ہونیوالے دہشت گردی کے واقعہ میں دہشت گردوں کی فائرنگ سے شہید افراد کے لئے دعائے مغفرت کی گئی. ڈپٹی سپیکر کے کہنے پر مولانا عبدالاکبر چترالی نے دعا کروائی. اجلاس میں وزیر اعظم نے بھی شر کت کی اور جنوبی پنجاب کے حوالہ سے ترمیمی بل پیش کیا گیا جسے منظور کر لیا گیا، ن لیگ نے بل کی مخالفت کی، اسمبلی میں فاٹا کے حوالہ سے بھی بل پاس کر لیا گیا.سینیٹ میں بھی گوادر میں ہوٹل پر ہونے والے حملے کے شہداء کے لئے فاتحہ خوانی کی گئی۔ چیئرمین سینیٹر صادق سنجرانی کی ہدایت پر جمعیت علماء اسلام ف کے رہنما مولانا عبدالغفور حیدری نے فاتحہ خوانی کرائی۔
واضح رہے کہ گوادر میں پی سی ہوٹل پر دہشت گردوں نے حملہ کیا تھا جس میں پاکستان نیوی کے اہلکار سمیت پانچ افراد شہید ہو گئے تھے، سیکورٹی اداروں نے ہوٹل پر حملہ کرنے والے تین دہشت گردوں کو ہلاک کر دیا تھا.

وزیر اعظم عمران خان نے کہا ہے کہ فاٹا کی آواز اب ہر جگہ سنی جائے گی

باغی ٹی وی کی رپورٹ کے مطابق وزیر اعظم عمران خان نے اسمبلی اجلاس میں فاٹا کے حوالہ سے بل منظور ہونے کے بعد خطاب کرتے ہوئے کہا کہ فاٹا کی آواز اب ہر جگہ سنی جائے گی ،فاٹاکومرکزی دھارے میں لانے کیلئے نشستیں بھی بڑھائی جارہی ہیں ،فاٹا کی عوام نے بہت مشکلات کا سامنا کیا، فاٹاکو10سال کیلئےہرصوبہ این ایف سی ایوارڈسے3فیصد دے گا ، وزیر اعظم عمران خان نے مزید کہا کہ فاٹاکی تباہ کاریوں سےنمٹنے کیلئےت مام صوبوں کومالی طورپرسپورٹ کرناہوگا .

واضح رہے کہ فاٹا کے حوالہ سے قومی اسمبلی میں بل پیش کیا گیا تھا جسے کثرت رائے سے منظور کر لیا گیا، بل کے حق میں 278 ووٹ ڈالے گئے، اب یہ بل سینیٹ میں پیش کیا جائے گا، سینیٹ سے منظوری کے بعد صدر مملکت کے پاس منظوری کے لئے بھیجا جائے گا. بل کی منظوری کے بعد فاٹا میں قومی اسمبلی کی نشتیں 9 ہو گئی ہیں جبکہ صوبائی اسمبلی کی نشستیں 24 ہو گئی ہیں.

قومی اسمبلی اجلاس میں 26 ویں آئینی ترمیم کا بل متفقہ طور پر منظور کر لیا گیا ، بل کے تحت فاٹا کی نشستیں بڑھائی جائیں گی

باغی ٹی وی کی رپورٹ کے مطابق فاٹا کے حوالہ سے قومی اسمبلی میں بل پیش کیا گیا تھا جسے کثرت رائے سے منظور کر لیا گیا، بل کے حق میں 278 ووٹ ڈالے گئے، اب یہ بل سینیٹ میں پیش کیا جائے گا، سینیٹ سے منظوری کے بعد صدر مملکت کے پاس منظوری کے لئے بھیجا جائے گا. بل کی منظوری کے بعد فاٹا میں قومی اسمبلی کی نشتیں 9 ہو گئی ہیں جبکہ صوبائی اسمبلی کی نشستیں 20 ہو گئی ہیں. اس موقع پر وزیر اعظم عمران خان نے کہا کہ فاٹاکےعوام نےبہت مشکلات کاسامنا کیا ،پوری قوم فاٹاکی عوام کے ساتھ کھڑی ہے ،وزیر اعظم نے مزید کہا کہ فاٹا کی تباہ کاریوں سے نمٹنے کیلئے تمام صوبوں کومالی طورپرسپورٹ کرناہوگا.