Author: ممتاز حیدر

راولپنڈی کے قریب چکری موٹروے انٹرچینج کے مقام پر شدید بارشوں اور سیلابی ریلوں کے باعث پیدا ہونے والی ہنگامی صورتحال میں افواج پاکستان نے فوری کارروائی کرتے ہوئے ایک خاندان کو جان بچانے کے لیے ہیلی کاپٹر کے ذریعے محفوظ مقام پر منتقل کر دیا ہے۔

ملک بھر میں موسمیاتی تبدیلیوں کے باعث آنے والے غیر معمولی بارشوں نے راولپنڈی اور گردونواح میں تباہی مچائی ہوئی ہے، جہاں ندی نالے اوور فلو ہو چکے ہیں چکری موٹروے انٹرچینج کے قریب واقع ایک آبادی سیلابی ریلے کے باعث خطرے میں تھی، جس پر فورسز نے فوری طور پر آپریشن کا آغاز کیا۔آرمی ایوی ایشن کے ہیلی کاپٹر نے بروقت رسپانس دیتے ہوئے اس خاندان کو جو سیلابی پانیوں میں پھنس گیا تھا، اپنے ونگز میں اٹھایا اور محفوظ علاقے تک منتقل کیا۔ ہیلی کاپٹر کے ذریعے ریسکیو کے اس مناظر کو مقامی افراد نے بڑے جوش و خروش اور خوشی سے دیکھا اور سیلابی ریلے کے کنارے کھڑے عوام نے اس کامیاب ریسکیو آپریشن پر تالیوں کی گڑگڑاہٹ سے افواج پاکستان کو سراہا۔

موسم کی خرابی کی وجہ سے مختلف علاقوں میں امدادی سرگرمیاں جاری ہیں، اور افواج پاکستان کے ساتھ ساتھ سول انتظامیہ بھی متاثرہ علاقوں میں ریسکیو اور ریلیف کاموں میں مصروف ہے۔سیلاب کے ممکنہ خطرات کو مدنظر رکھتے ہوئے شہریوں کو ہدایت کی گئی ہے کہ وہ خطرناک مقامات سے دور رہیں اور ہنگامی صورتحال کی اطلاع فوراً متعلقہ حکام کو دیں۔

امریکہ کے صدر ڈونلڈ ٹرمپ نے برطانیہ کے بادشاہ کی طرف سے دی گئی سرکاری دورے کی دعوت کو قبول کر لیا ہے۔ صدر ٹرمپ اور فرسٹ لیڈی میلانیا ٹرمپ 17 ستمبر سے 19 ستمبر 2025 تک برطانیہ کے سرکاری دورے پر رہیں گے۔ اس دورے کا مقصد دونوں ملکوں کے مابین دوطرفہ تعلقات کو مضبوط بنانا اور مختلف شعبوں میں تعاون کو فروغ دینا ہے۔

یہ دورہ بادشاہ کے دعوت نامے پر ہو رہا ہے اور اس دوران صدر ٹرمپ اور ان کی اہلیہ کو وِنڈزر کیسل میں شاہی مہمانوں کے طور پر میزبان کیا جائے گا۔ وِنڈزر کیسل، جو کہ برطانیہ کے بادشاہی خاندان کی تاریخی اور اہم رہائش گاہ ہے، میں انہیں شاہی انداز میں خوش آمدید کہا جائے گا۔اس حوالے سے مزید تفصیلات اور دورے کے پروگرام کے دیگر پہلوؤں کا اعلان آئندہ کیا جائے گا، جس میں ملاقاتیں، رسمی عشائے، اور ثقافتی تقریبات شامل ہو سکتی ہیں۔

صدر ٹرمپ اور میلانیا ٹرمپ نے 2019 میں بھی ایک سرکاری دورہ برطانیہ کیا تھا، جس کے دوران اُنہیں اُس وقت کی ملکہ برطانیہ، ہیر میجسٹی کوئین الزبتھ دوم نے شرفِ میزبانی بخشا تھا۔ اس دورے کو دونوں ممالک کے تعلقات کے مضبوط ہونے کی ایک اہم مثال سمجھا جاتا ہے۔یہ دورہ عالمی سطح پر امریکہ اور برطانیہ کے دوستانہ تعلقات کی عکاسی کرتا ہے اور متوقع ہے کہ اس سے دونوں ممالک کے درمیان تجارتی، سیاسی، اور ثقافتی روابط میں مزید ترقی ہوگی۔

قبل ازیں یہ خبر آئی تھی کہ امریکی صدر ڈونلڈ ٹرمپ 18 ستمبر کو پاکستان کا دورہ کریں گے تاہم امریکی صدر کا برطانیہ کا دورہ شیڈولڈ ہے ،اس وجہ سے وہ پاکستان نہیں آئیں گے

پاک فوج نے جہلم کے سیلاب سے متاثرہ علاقوں میں ہیلی کاپٹروں کی مدد سے ایک بھرپور فضائی ریسکیو آپریشن انجام دے کر 20 سے زائد افراد کو محفوظ مقام پر منتقل کر دیا۔ شدید بارشوں کے بعد درجنوں دیہات زیرِ آب آ گئے ہیں، جس کے باعث عوام شدید مشکلات کا شکار ہیں۔

ریسکیو آپریشن کا آغاز اُس وقت ہوا جب دریاؤں اور نالوں میں پانی کی سطح خطرناک حد تک بلند ہو گئی، جس کے نتیجے میں متعدد دیہات مکمل طور پر زیرِ آب آ گئے، خاص طور پر داراپور کے علاقے میں حالات نہایت سنگین ہو گئے تھے۔پاک فوج کے ہیلی کاپٹر مسلسل متاثرہ علاقوں پر پرواز کر رہے ہیں، جہاں نہ صرف لائف جیکٹس تقسیم کی جا رہی ہیں بلکہ فوری طبی امداد، خوراک اور پینے کا پانی بھی فراہم کیا جا رہا ہے۔ متاثرہ افراد نے پاک فوج کے فوری ردِ عمل اور بروقت ریسکیو کی کوششوں کو سراہا ہے۔

فوجی حکام کے مطابق، "ہم زمینی راستے سے متاثرہ علاقوں تک پہنچنے کی کوشش کر رہے ہیں، لیکن سڑکیں زیرِ آب آ چکی ہیں، جس کی وجہ سے فضائی مدد اس وقت سب سے مؤثر ذریعہ ہے۔”نکہ خلاصپور اور راجاروڈ جیسے قریبی علاقوں میں بھی صورتحال انتہائی خراب ہے،محکمہ موسمیات کی جانب سے مزید بارشوں کی پیش گوئی کے پیشِ نظر امدادی کارروائیاں تیز کر دی گئی ہیں، جبکہ مقامی انتظامیہ اور فوجی اہلکاروں نے عوام سے اپیل کی ہے کہ وہ محفوظ مقامات کی طرف منتقل ہو جائیں اور کسی بھی ہنگامی صورتِ حال میں فوری مدد کے لیے ہیلپ لائنز سے رابطہ کریں۔

پاکستان آرمی اور ضلعی انتظامیہ صورتِ حال پر گہری نظر رکھے ہوئے ہیں اور باہمی رابطے میں کام کر رہی ہیں تاکہ متاثرہ افراد کو جلد از جلد محفوظ مقامات پر منتقل کیا جا سکے۔

انتظامیہ کی جانب سے نشیبی علاقوں کے رہائشیوں کو ہدایت جاری کی گئی ہے کہ وہ احتیاط برتیں، غیر ضروری نقل و حرکت سے گریز کریں، اور تمام سرکاری ہدایات پر عمل کریں۔متاثرہ علاقوں میں مزید بارشوں کا امکان بھی ظاہر کیا جا رہا ہے، جس کے پیش نظر ہنگامی اقدامات تیز کر دیے گئے ہیں۔ پاکستان آرمی اور دیگر متعلقہ ادارے عوام کے تحفظ کے لیے ہر ممکن اقدامات کر رہے ہیں۔

دوسری جانب پاک فوج کے دستوں کی بارش کے باعث سیلاب زدہ علاقوں میں امدادی کارروائیاں شروع ہو گئی ہیں،پاک فوج کے دستے حالیہ بارشوں کے سبب سیلابی صورتحال سے متاثرہ مختلف علاقوں میں ریسکیو اور امدادی سرگرمیوں میں مصروف ہیں،پاک فوج کے جوان ضلع جہلم کے علاقے ڈھوک بھیدر اور دارا پور میں سیلاب متاثرین کو محفوظ مقامات پر منتقل کرنے، خوراک اور طبی امداد فراہم کرنے پہنچ گئے ، پاک فوج کے دستے نے سیلاب متاثرین کو دیگر ضروری سہولیات بھی فراہم کیں