Author: ممتاز حیدر

اسلام آباد کے ریڈ زون میں احتجاج روکنے کے حوالے سے ہونے والے اخراجات کی تفصیلات وزیر داخلہ محسن نقوی نے قومی اسمبلی میں جمع کرادی ہیں۔ وزیر داخلہ نے گزشتہ پانچ سال کی تفصیلات ایوان میں پیش کیں، جس میں مختلف سالوں کے اخراجات کی تفصیل بیان کی گئی۔

دستاویزات کے مطابق، 2019-2020 کے دوران مجموعی طور پر 15 کروڑ 77 لاکھ 61 ہزار روپے خرچ ہوئے۔ ان اخراجات میں وی آئی پی سکیورٹی، ناکوں کی تعداد اور ڈیوٹی منتقلی پر 10 کروڑ 55 لاکھ روپے خرچ ہوئے۔ اس کے علاوہ ایف سی اور پولیس اہلکاروں کی خوراک پر 5 کروڑ 22 لاکھ روپے خرچ ہوئے۔ رپورٹ میں بتایا گیا کہ 2021-2022 میں احتجاج روکنے پر کل اخراجات 27 کروڑ 79 لاکھ 48 ہزار روپے رہے۔ پولیس اہلکاروں کے لیے آںسو گیس اور دیگر ضروری اشیاء پر 2 کروڑ 80 لاکھ روپے خرچ ہوئے۔ اسی طرح 2022-2023 میں احتجاج کو روکنے کی کارروائیوں پر 72 کروڑ 40 لاکھ 31 ہزار روپے خرچ ہوئے، جو کہ گزشتہ سالوں کے اخراجات سے کہیں زیادہ تھے۔ اس کے علاوہ، 2023-2024 کے دوران احتجاج کے روکنے پر اخراجات 10 کروڑ روپے کی حد تک پہنچے۔

وزیر داخلہ محسن نقوی نے ان اخراجات کی تفصیلات ایوان میں پیش کرتے ہوئے اس بات پر زور دیا کہ اس حوالے سے احتیاطی تدابیر اور حکومتی اقدامات پر مسلسل نظر رکھی جا رہی ہے تاکہ امن و امان برقرار رکھا جا سکے۔

اسلام آباد: وفاقی حکومت نے عید الفطر کے موقع پر تین روزہ تعطیلات کا اعلان کردیا ہے۔ یہ تعطیلات پیر 31 مارچ سے بدھ 2 اپریل تک ہوں گی۔ کابینہ ڈویژن کی جانب سے سرکاری تعطیلات کا باقاعدہ نوٹیفکیشن جاری کردیا گیا ہے۔

نوٹیفکیشن میں کہا گیا ہے کہ یہ تعطیلات تمام وفاقی حکومت کے دفاتر، اداروں اور اداروں کے ملازمین کے لیے ہوں گی۔ تاہم، صوبوں کی جانب سے عید کی تعطیلات کا اعلان ابھی تک نہیں کیا گیا ہے۔عید الفطر کی تعطیلات کے حوالے سے مزید تفصیلات اور صوبوں کی جانب سے ممکنہ اعلان کا انتظار کیا جا رہا ہے۔ اس سال عید کی تعطیلات میں اضافہ اور سرکاری دفاتر کی بندش کی وجہ سے عوام کے لیے تعطیلات کا فائدہ بڑھ جائے گا۔ عید الفطر کی خوشیوں کے موقع پر ملک بھر میں مذہبی تقریبات، اجتماعات اور عید کی خریداری کی بھرپور تیاریاں بھی جاری ہیں۔

امید کی جارہی ہے کہ عید کے موقع پر ملک بھر میں لوگ اپنے اہل خانہ کے ساتھ وقت گزاریں گے اور ایک دوسرے کے ساتھ خوشیاں منائیں گے۔

اسلام آباد ہائیکورٹ ،بانی پی ٹی آئی عمران خان کے مقدمات میں وکیل مشال یوسفزئی کو اڈیالہ جیل کے اندر داخلہ نہ دینے پر توہینِ عدالت کیس،ڈپٹی رجسٹرار جوڈیشل اسلام آباد ہائیکورٹ سلطان محمود عدالت میں پیش ہو گئے،جسٹس سردار اعجاز اسحاق خان نے اسٹیٹ کونسل سے استفسار کیا کہ جو کچھ ہوا ہے کیا آپ اس میں ملوث ہیں؟ کیس منتقلی کیلئے یہ متفرق درخواست کس قانون کے تحت دائر کی گئی؟کیا ریاست جج کی مرضی کے بغیر کیس لارجر بنچ کو منتقل کرنے کی حمایت کرتی ہے؟یہ کرنے کی بجائے آپ میری عدالت کی بنیادوں میں بارود رکھ کر اڑا دیتے، ایک چیز کو انا کا مسئلہ بنایا ہے عدالت کے بخیے ادھیڑنے کا سوچ رہے ہیں اگر ریاست نے سوچ لیا ہے کہ ہائیکورٹ کو بے وقعت کرنا ہے تو میرے یہاں بیٹھنے کا کوئی فائدہ نہیں آپ نے اس ادارے میں چھوڑا کیا ہےیہ بھلا جج آفس کے مرہون منت ہے،جج نے یہ کیس سنننا ہے یا نہیں سننایہ کاز لسٹ فیصلہ کرے گی کہ عدالت انصاف دے گی،ہم بنیادی سوالات ہی طے نہیں کرپاتے ہیں ،ہر دس سال بعد بنیادی اصولوں پر اسی مقام پر کھڑے ہو جاتے ہیں ہم نے ترقی کیا کرتے ہیں،اس سے بڑی حماقت نہیں کہ قانون کی عملداری کے بغیر معیشت ترقی کرے،

سردار اعجاز اسحاق خان نے ڈپٹی رجسٹرار جوڈیشل سے کیس کی کازلسٹ منسوخ کرنے کی چیف جسٹس آفس سے Correspondence و دیگر کی Series of Events کل طلب کر لی

قبل ازیں اسلام آباد ہائیکورٹ کے ڈپٹی رجسٹرار جوڈیشل اور ایڈووکیٹ جنرل اسلام آباد سے مشال یوسفزئی کی سپرنٹنڈنٹ اڈیالہ جیل کے خلاف توہین عدالت کیس کی کازلسٹ منسوخ ہونے پر جواب طلب کر لیا گیا۔

عدالتی حکم کے باوجود بانی پی ٹی آئی عمران خان سے ملاقات نہ کروانے پر توہین عدالت کے کیس میں وکیل مشال یوسفزئی کی سپرنٹنڈنٹ اڈیالہ جیل کے خلاف کیس کی کازلسٹ منسوخ کر دی گئی۔ ہائیکورٹ نے جیل ملاقاتوں سے متعلق درخواستیں یکجا کر کے 3 رکنی لارجر بینچ تشکیل دے دیا تھا، بانی پی ٹی آئی سے ملاقاتوں کے 20 سے زائد کیسز لارجر بینچ سنے گا جس کے سربراہ قائم مقام چیف جسٹس اسلام آباد ہائیکورٹ سرفراز ڈوگر سربراہ ہوں گے جبکہ جسٹس ارباب محمد طاہر اور جسٹس اعظم خان بھی بینچ کا حصہ ہوں گے۔

مشال یوسفزئی کی جیل سپرنٹنڈنٹ کےخلاف توہین عدالت کیس کی کازلسٹ منسوخ ہونے پر جسٹس سردار اعجاز اسحاق خان نے ڈپٹی رجسٹرار جوڈیشل اور ایڈوکیٹ جنرل اسلام آباد کو آج ہی ذاتی حیثیت میں طلب کر لیا۔عدالت نے کہا کہ وضاحت دیں کہ کیس آج عدالت میں مقرر تھا تو کاز لسٹ کیسے منسوخ کی