Author: News Editor

لاہور: مانگا منڈی کے قریب پولیس مقابلہ کے دوران ڈاکوؤں کی فائرنگ سے دو اہلکار شہید ہوگئے۔ اطلاعات کے مطابق شامکے بھٹیاں کے مقام پر ڈاکو شہریوں کو لوٹنے میں مصروف تھے،ڈاکوؤں نے اے ایس آئی محمد عاصم اور کانسٹیبل محمد شاہد کو دیکھ کر فائرنگ کی جس کے نتیجے میں اے ایس آئی محمد عاصم موقع پر شہید ہو گیا۔

کانسٹیبل محمد شاہد کو زخمی حالت میں طبی امداد کے لیے ہسپتال منتقل کیا گیا جہاں وہ زخموں کی تاب نہ لاتے ہوئے شہادت کا رتبہ پا گیا۔سی سی پی او لاہور غلام محمود ڈوگر نے پولیس جوانوں کی شہادت پر اظہار افسوس کرتے ہوئے فائرنگ میں ملوث ڈاکوؤں کی فوری گرفتاری کا حکم دیا ہے۔

ادھر پرسوں خیبرپختونخوا کے علاقے نوشہرہ کے ضلع اکوڑہ خٹک میں نامعلوم افراد کی فائرنگ سے 3 پولیس اہلکار جاں بحق ہوگئے۔نوشہرہ پولیس کے ترجمان درانی نے کہا کہ حملے میں تین پولیس اہلکار جاں بحق ہوئے اور مقتولین کو پولیس وین میں نشانہ بنایا گیا۔

انہوں نے کہا کہ حملے کے فوری بعد پولیس جائے وقوع پر پہنچی اور علاقے میں گھیرے میں لے کر کارروائی شروع کی۔پولیس ترجمان نے کہا کہ تلاشی کا عمل جاری ہے اور ساتھ پولیس واقعے اور مقتولین کے بارے میں تفصیلات جمع کر رہی ہے۔

ریسکیو 1122 نے نوشہرہ میں پولیس پر فائرنگ کے واقعے کے بارے میں بتایا کہ کنٹرول روم کو اکوڑہ خٹک سریا خیل پولیس چوکی میں پولیس اہلکاروں پر نامعلوم افراد کی جانب سے فائرنگ کی اطلاع موصول ہوئی اور فوری طور ایمبولینسز جائے حادثہ کی جانب روانہ کردی گئیں۔

بیان میں کہا گیا کہ فائرنگ سے جاں بحق پولیس اہلکاروں کی شناخت مرزا اکوڑہ خٹک تھانے کے دو کانسٹیبل منظور، امان اللہ اور وین ڈرائیور ایاز کے نام سے ہوئی۔

ریسکیو 1122 نے بتایا کہ نوشہرہ کی میڈیکل ٹیموں نے تمام جاں بحق اہلکاروں کو ڈسٹرکٹ ہیڈ کوارٹرز ہسپتال نوشہرہ منتقل کردیا۔وزیراعلیٰ خیبرپختونخوا محمود خان نے واقعے کا نوٹس لیا اور آئی جی پولیس سے واقعے کی رپورٹ طلب کرلی۔

لاہور:پنجاب بار کونسل نے کل صوبے بھر میں ہڑتال کا اعلان کردیا،اطلاعات کے مطابق پنجاب بار کونسل نے یہ اعلان کیا ہے کہ وہ کل ایک جج کے منفی رویے پر احتجاجی طور پر صوبے بھر میں ہڑتال کریں‌ گے ، اس حوالے سے پنجاب بارکونسل کی طرف سے پیغام بھی جاری کردیا گیا ہے

یہ بھی معلوم ہوا ہے کہ اس سلسلے میں پنجاب بار کونسل نے ججز کے نا مناسب رویہ اور سیاسی فیصلوں کے خلاف شدید تشویش کا اظہار کیا اور اس ضمن میں تحریک چلانے کا بھی اعلان کیا ہے ، پنجاب بار کونسل نے بدھ کو پنجاب بھر میں ریلیوں کا بھی اعلان کیا یے

https://twitter.com/Adv_Inaam/status/1599752509102657536

اس پیغام میں یہ کہا گیا ہے کہ ممبرپنجاب بار کونسل رانا آصف ایڈووکیٹ کو غیرقانونی پر توہین عدالت کی سزا سنائی گئی ہے ، پنجاب بارکونسل کی طرف سے کہا گیا ہے کہ معزز جج کی طرف سے نہ تو رانا آصف کو کوئی نوٹس دیا گیا اور نہ ہی صفائی کا موقع فراہم کیا گیا جو کہ آئین کیے آرٹیکل 10-اے کی سرا سرخلاف ورزی ہے ،

پنجاب بار کونسل کی طرف سے یہ بھی کہا گیا ہے کہ جج ملک شہزاد کے اس رویے کے خلاف آج وکلا نے بھرپوراحتجاج کیا ، یہ بھی بتایا گیا ہے کہ جسٹس ملک شہزاد احمد خان کی عدالت کا اس وقت تک بائیکاٹ کیا جائے گا جبتک کہ وہ یہ غیرآئنی فیصلہ واپس نہیں لیتے ، ان کا یہ بھی کہنا تھا کہ کچھ عرصے سے ججز صاحبان کا یہ منفی رویہ سامنے آرہا ہے جس سے نہ صرف وکلا برادری مسائل کا شکار ہے بلکہ سائلین بھی اس رویے سے تنگ آچکے ہیں

پنجاب بار کونسل کی طرف سے کہا گیا ہے کہ اب یہ رویے برداشت نہیں کیے جائیں اور نظام عدل میں اقربا پروری اور دیگرامتیازی سلوک کے خلاف بھر پور احتجاج کیا جائےگا، اس سلسلے مین پنجاب بار کونسل کا کہنا تھاکہ وکلا اس وقت تک جسٹس ملک شہزاد احمد خان کی عدالتی کارروائی کا بائیکاٹ جاری رکھیں گے جب تک کہ وہ رانا آصف ایڈووکیٹ کے خلاف کیے گئے غیرآئینی فیصلے کو واپس نہیں لے لیتے