لاہور:علی ظفر کا خواجہ سراؤں کو بھی اسٹائل ایوارڈز دینے کا مطالبہ ،اطلاعات کے مطابق علی ظفر نے لکس اسٹائل ایوارڈز کی انتظامیہ سے درخواست کرتے ہوئے کہا ہے کہ اگلے سال ٹرانس جینڈر کمیونٹی کیلئے بھی خصوصی اچیومنٹ ایوارڈز رکھے جائیں۔
پاکستانی اداکاروں اور فنکاروں کے اعزاز میں لکس اسٹائل ایوارڈز کے 21 ویں ایڈیشن کی رنگا رنگ تقریب لاہور ایکسپو سینٹر میں منعقد ہوئی جس میں شوبز انڈسٹری سے وابستہ بڑے ناموں نے شرکت کی۔
اس تقریب میں شریک ہونے والوں میں سجل علی، صبور علی، عائزہ خان، حدیقہ کیانی، عروہ حسین، میرب علی، دنا نیر، صائبہ، علیزے ناصر، سنگیتا، انجمن، حمائمہ ملک، احمد علی اکبر، فیروز خان، بلال عباس، علی انصاری، جان رینبو جبکہ گلوکاروں میں عاصم اظہر، علی ظفر اور نتاشہ بیگ شامل تھے۔
لکس اسٹائل ایوارڈز میں گلوکار علی ظفر کو سال کے بہترین گلوکار کے ایوارڈ سے نوازا گیا۔ایوارڈ وصول کرتے وقت علی ظفر نے سب کا شکریہ ادا کیا، ساتھ ہی انہوں نے خواجہ سراؤں کیلئے بھی آواز اٹھائی۔
علی ظفر کا کہنا تھا کہ ہم اداکار تو نظروں میں آتے رہتے ہیں، ہمیں تو شہرت ملتی رہتی ہے مگر خواجہ سراؤں کو ان کے حقوق دینا، انہیں قبول کرنا بے حد ضروری ہے، میں چاہتا ہوں کہ انہیں بھی اعزاز دیا جائے۔
علی ظفر نے گزارش کرتے ہوئے کہا کہ اگلے لکس اسٹائل ایوارڈز میں خواجہ سراؤں کے لیے بھی مخصوص ایوارڈز رکھے جائیں۔
لاہور:کیا عمران خان اسلام آباد جائیں گے ان سوالوں کا جواب دیتے ہوئے مبشرلقمان کا کہنا تھا کہ ہاں وہ ضرور جائے گا ،کیوںکہ اس کو پتہ ہےکہ اگروہ اسلام آباد نہ گیا تواس کی سیاست نہیں رہے گی ، یہ چاہتا ہے کہ بندے مر جائیں ،کوئی ہنگامہ ہوجائے تواس کا کام بن جائے گا، ارشد شریف کا ایشواس کے ہاتھ آگیا ، ان کا کہنا تھا کہ کل ایک شادی میں لوگ کہہ رہے تھے کہ عمران خان کی وجہ سے کاروبار بند ہیں
ایک اور سوال کے جواب میں ان کا کہنا تھا کہ واقعی عمران خان کی سیاست زندہ ہوجائے گی ،وہ تو چاہتا ہے اور اس میں کوئی شک بھی نہیں ،کیوں کہ وہ عوام کا پسندیدہ لیڈر ہے مگراب وہ مقبول ہونے کے ناطے کیا گل کھلائے گا، یہ بات دلچسپ ہے ، اب ایک بڑی پارٹی کا سربراہ ایسی حرکت کرتا ہے تویہ ایک بڑی ہی حیران کن بات ہے
ایک اور سوال جس میں عمران خان سے منسوب ان کی بیٹی ٹیریان کے حوالے سے اسلام آباد ہائی کورٹ میں ایک درخواست آئی ہے ، تواس کے جواب میں ان کا کہنا تھا کہ عمران خان نے 2004 میں ایک ایسا معاملہ سامنے آیا تھا ، جس کے بعد عمران خان کی بہن علیمہ خان ہر سال اس کے اخراجات کے لیے پیسے بھیجتی تھی ، جہاںتک تعلق ہے کہ عمران خان نے یہ اقرار کیا تھا لیکن اب اگران کے وکلا نے اس حلف نامے کے بغیر جمع کروائے یا کل کو وہ یہ بھی کہہ سکتے ہیں کہ یہ جھوٹ ہیں، اس حوالے سے مبشرلقمان کا کہنا تھاکہ ہوسکتا ہے کہ عمران خان جھوٹ بولنے پرنااہل ہوسکتےہیں
مریم نواز اور نوازشریف کے پاکستان واپس آنے کے حوالے سے مبشرلقمان کا کہنا تھا کہ مریم نواز تو آسکتی ہیں لیکن نوازشریف کے بارے میں حتمی طور پر نہیں کہہ سکتا ، کیوں کہ حالات ابھی ٹھیک نہیں ، خواجہ آصف کے اس دعوے کے مطابق کہ نوازشریف بہت جلد پاکستان آرہے ہیں تو مبشرلقمان کا کہنا تھا کہ ہرکوئی سن رہا ہے اورن لیگ تو بڑے عرصے سے دعوے کررہی ہے کہ نوازشریف بہت جلد وطن واپس آرہے ہیں جیسے جاوید لطیف نے کہا تھاکہ چنددن بعد تو وہ چند دن کب پورے ہونے ہیں ، انکا کہنا تھا کہ میرا خیال ہے کہ ابھی نوازشریف شاید جلد پاکستان نہ آئیں ،نوازشریف کی تاحیات نااہلی ختم ہونے کے حوالے سے ایک سوال کے جواب میں ان کا کہنا تھا کہ فیصل واوڈا تو اگلا الیکشن لڑ سکتا ہے ،جہانگیرترین بھی منتظر ہیں
پاکستان کے مستقبل کے سیاسی منظر نامے کے حوالے سے مبشرلقمان کا کہنا تھا کہ حالات قدرے پرسکون ہوں گے ، آرمی چیف کی میرٹ پر سلیکشن ہوئی ہے ، اور نیا آرمی چیف اگرعمران خان نے گڑ بڑ کی گئی تو وہ سختی سے پیش آئے گا ، عام انتخابات کے حوالے سے ایک سوال کے جواب میں کہا تھا کہ اگلے سال ستمبر اکتوبر میں عام انتخابات ہوں گے
ایک اور سوال کے جواب میں مبشرلقمان کا کہنا تھا کہ سیاستدان بھیڑیئے ہیں ، ان کا کہنا تھاکہ میں نے کہا تھا کہ عمران خان نئے آرمی چیف کی تعریفیں کرے گا ، یہ بہت مکار شخص ہے ، ایک اور سوال کے جواب میں ان کا کہنا تھا کہ کچھ نہیں کرسکے گا یہ 26 نومبر کو آئے گا اور چلا جائے گا اور پھر کہہ دے گا کہ میں پندرہ تاریخ آوں گا اور اسلام آباد کو ٹیک اوور کرلوں گا
مبشرلقمان نے اسد عمرکے بیان کے حوالے سے جواب دیا کہ اسد عمر کا یہ کہنا کہ راولپنڈی انتظامیہ جان بوجھ کرعمران خان کی جان کو خطرے میں ڈالنے کی کوشش کرے گی ، ان کا کہنا تھا کہ وزیرآباد میں عمران خان پر ہونے والے حملے کی ذمہ دار پنجاب کی انکی اپنی انتظآمیہ تھی ،
ایک اور سوال کے جواب میں کہ عمران خان 56 شرائط پر وعدہ پورا کرکے دکھائی گی ، ان کا کہنا تھا کہ میرا خیال ہے 56 میں سے 55 شرائط پر عمل نہیں ہوگا
شیخ رشید کے حوالے سےایک سوال کا جواب دیتے ہوئے مبشرلقمان کا کہنا تھا کہ شیخ رشید کب سے پیشن گوئیاں کررہے ہیں ، وہ اپنی بات نہ کرتے عمران خاں کے حوالے سے ایسی پیشن گوئیانکرتے ہیں، تخت پنجاب کےحوالے سے ایک سوال کا جواب دیتے ہوئے مبشرلقمان کا کہنا تھا کہ کچھ بھی ہوسکتا ہے ، عمران خان اور پرویزالٰہی کے درمیان بھی دوریاں ہیں ، اس لیے آگے آگے دیکیھیے ہوتا ہے کیا،
استبنول:پاکستان اور ترکی کو قابل تجدید توانائی کے حصول کیلئے مل کر کام کرنا ہو گا،وزیراعظم شہبازشریف کا کہنا ہے کہ پاکستان اور ترکیہ دفاعی قوت کو امن کیلئے مستحکم کررہے ہیں۔
استنبول میں پی این ایس خیبر تھری کی لانچنگ تقریب سے خطاب میں وزیراعظم کا کہنا تھا کہ اگر آپ امن سے رہنا چاہتے ہیں تو جنگ کیلئے بھی تیار رہنا ہوگا۔
شہبازشریف نے کہا کہ مجھے اپنے دوسرے گھر کا دورہ کرنے میں بڑی خوشی ہے، آج کا دن ہمارے تاریخی تعلقات کے حوالے سے عظیم ہے۔ ترکیہ ہمیشہ مشکل وقت میں پاکستان کے ساتھ کھڑا رہا۔وزیراعظم کا کہنا تھا کہ پاکستان اور ترکیہ ماحولیاتی آلودگی کیلئے ملکر کام کرسکتے ہیں، پاکستان،ترکیہ کو قابل تجدید توانائی کے حصول کیلئے ملکر کام کرنا ہوگا۔
ان کا کہنا تھا کہ دنیا بھرکی طرح پاکستان کو بھی توانائی بحران کا سامنا ہے اور پاکستان قابل تجدید اور سستی توانائی ذرائع کیلئے اقدامات کررہا ہے۔شہبازشریف نے کہا کہ آج دنیا کو بہت سے تنازعات کا سامنا ہے، پاک، ترکیہ تعلقات وقت کیساتھ مزیدمضبوط ہوں گے۔
وزیراعظم کا کہنا تھا کہ طیب اردوان کی زیر قیادت ترکیہ ایک جدید فلاحی ریاست بن چکا ہے، ترک صدر کے ویژن کے باعث ترکیہ ماڈرن سوسائٹی میں تبدیل ہوا۔
اس موقع پر ترکی کے صدر رجب طیب اردوان کا کہنا تھا کہ پاکستان اور ترکیہ کے گہرے برادرانہ اور تاریخی تعلقات ہیں، دوطرفہ دفاعی تعاون باہمی تعلقات کا بنیادی ستون ہے۔رجب طیب اردوان نے کہا کہ پاکستان اور ترکیہ دہشت گردی کے خاتمے کیلئے متحد ہیں، دہشت گردوں کے خلاف زیرو ٹالرنس کی پالیسی پر گامزن ہیں۔
کراچی: شہر قائد کی مقامی عدالت نے پڑھائی نہ کرنے پر بیٹے کو زندہ جلانے والے باپ کی ضمانت منظور کرلی۔ذرائع کے مطابق ایڈیشنل ڈسٹرکٹ اینڈ سیشن کورٹ غربی نے پڑھائی نہ کرنے پر باپ کی جانب سے 12 سالہ بیٹے کو زندہ جلانے کے مقدمے میں ملزم کی جانب سے دائر درخواست پر فیصلہ سنایا اور ضمانت منظور کرلی۔عدالت نے ملزم نذیر کو ایک لاکھ روپے مچلکے جمع کرانے کا حکم دیدیا۔
مدعی کے وکیل کے مطابق عدالت نے تفتیشی افسر کو رپورٹ مکمل کرکے عدالت میں پیش کرنے کا حکم دیا ہے۔ ملزم نے اپنے بیٹے کو آگ لگا کر قتل کیا تھا۔
مقتول کی والدہ نے کہا تھا کہ ملزم نذیر پہلے بھی بیٹے کو آگ لگانے کی دھمکیاں دے چکا تھا، میں اپنے بیٹے کا کیس ہر حال میں لڑوں گی، ورنہ روز محشر میں بیٹا مجھ سے پوچھے گا۔
پولیس کے مطابق پڑھائی نہ کرنے پر باپ نے 12 سالہ شہیر پر مٹی کا تیل چھڑک کر آگ لگادی تھی۔ ملزم کے خلاف اس کی اہلیہ اقبال مارکیٹ تھانے میں مقدمہ درج کرایا تھا۔
بچے نے اپنے والد سے پتنگ اڑانے کی ضد کی تھی۔ جب باپ نے بچے پڑھائی کا پوچھا تو وہ کوئی جواب نہیں دے سکا جس پر باپ نے طیش میں آکر بیٹے پر پیٹرول چھڑکا اور اُس کو آگ لگا دی تھی۔
اسلام آباد:اسٹیٹ بینک آف پاکستان نے آئندہ ڈیڑھ ماہ کے لئے نئی مانیٹری پالیسی کا اعلان کردیا ہے۔اطلاعات کے مطابق اسٹیٹ بینک کے مانیٹری پالیسی کمیٹی کے اجلاس میں ملکی معاشی صورتحال کا جائزہ لیا گیا اور آئندہ ڈیڑھ ماہ کے لئے زری پالیسی کی منظوری دی، اجلاس میں شرح سود 100 بیسس پوائنٹس یعنی ایک فیصد بڑھا کر 16 فیصد کرنے کا فیصلہ کیا گیا ہے۔
واضح رہے کہ گورنر اسٹیٹ بینک جمیل احمد کی تعیناتی اور نیے وزیر خزانہ اسحاق ڈار کے آنے کے بعد یہ دوسری مانیٹری پالیسی ہے۔
2/3 This decision is aimed at ensuring that elevated inflation does not become entrenched & that risks to financial stability are contained, thus paving the way for higher growth on a more sustainable basis. Higher food & core inflation are key contributors to elevated inflation.
اس سے قبل بڑھتی مہنگائی کے پیش نطر مانیٹری پالیسی مسلسل سخت کی جارہی تھی اور اس پالیسی کے تحت رواں سال اب تک شرح سود میں 625 بیسس پوائنٹس کا اضافہ کیا جا چکا ہے۔
تاہم ایک جانب جہاں کرنٹ اکاؤنٹ خسارے میں کمی آئی ہے عالمی مارکیٹ میں تیل وگیس کے نرخ کے نرخ کم ہورہے ہیں، لیکن دوسری جانب مہنگائی کے خدشات ابھی تک موجود ہے جس کی وجہ سے ہونے شرح سود بڑھنانے کا فیصلہ کیا گیا ہے۔
قومی مرکزی بینک نے امید ظاہر کی کہ شرح سود میں اضافے سے پائیدار بنیادوں پر معیشت ترقی کی راہ پر ہموار ہوجائے گی۔
لاہور:سوئنگ کے سلطان وسیم اکرم نے ماضی کو یاد کرتے ہوئے اپنے کپتان عمران خان کے بارے میں دلچسپ انکشاف کیا ہے۔ وسیم اکرم نے ایک پوڈ کاسٹ میں گفتگو کرتے ہوئے بتایا ہے کہ عمران خان نے ایک بار مجھے ایک جزیرے پر اکیلا چھوڑ دیا تھا۔
سابق سٹار بائولر نے بتایا کہ عمران خان کو ایئر پورٹ پر اپنی ایک خاتون دوست سے ملنے جانا تھا، جہاں وہ مجھے بھی ساتھ لے گئے۔ ان کی اس خاتون دوست کے پاس ذاتی جہاز تھا۔ وہ ہمیں 45 منٹ کی پرواز کے بعد ایک جزیرے پر لے گئی۔ وہاں پہنچ کر عمران خان مجھے اکیلا چھوڑ کر اپنی خاتون دوست کے ساتھ چلے گئے اور ہمیں جنوبی امریکی جزیرے کے درمیان اکیلا چھوڑدیا جہاں سے میں ہوٹل واپس بھی نہیں جاسکتا تھا۔
وسیم اکرم نے ایسا ہی ایک اور واقعہ یاد کرتے ہوئے بتایا کہ یہ میرے کیریئر کے شروع کے دنوں کی بات ہے۔ میرے وہ دن عمران خان کے ساتھ بہت دلچسپ گزرے۔ ایک بار انہوں نے مجھے کہا کہ چلو نائٹ کلب چلتے ہیں۔
نائٹ کلب پہنچ کر عمران خان نے دودھ آرڈر کیا کیونکہ انہوں نے کبھی ڈرنک نہیں کی تھی۔ وہاں عمران خان کو لڑکیوں کے ساتھ ہاتھ ملاتے دیکھ کر میں حیران رہ گیا تھا۔پوڈ کاسٹ کے میزبان سے گفتگو کرتے ہوئے وسیم اکرم نے مزید بتایا کہ عمران خان بہت سخت کپتان تھے مگر گرائونڈ کے باہر وہ بہت مذاق بھی کیا کرتے تھے۔
کراچی: کراچی میں ایک اور نوجوان دندناتے ڈاکوؤں کی بھینٹ چڑھ گیا۔فیڈرل بی ایریا میں صغیر سینٹر کے قریب 6 موٹرسائیکل سوار ڈکیتی کے لیے آئے اور مزاحمت پر فائرنگ کرکے ایک اور شہری کی جان لے لی۔ سمیع اللہ پشین کا رہائشی تھا۔
ڈکیتی مزاحمت پر فائرنگ سے مقتول کا کزن بھی زخمی ہوا۔ پولیس نے جائے وقوعہ سے نائن ایم ایم پستول کے 4 خول تحویل میں لے کر تحقیقات شروع کردی ہیں۔
اس سے قبل منگل کی رات لائنز ایریا میں ڈاکووں کی فائرنگ سے زخمی ہونے والا حذیفہ گزشتہ روز جاں بحق ہو گیا تھا۔ حذیفہ میٹرک کا طالب علم اوربوڑھے باپ کا واحد سہارا تھا۔
دوسری جانب سپر ہائی وے مدینہ کالونی اور شاہ فیصل میں پولیس مقابلے کے دوران دو زخمیوں سمیت 3 ملزمان کوگرفتارکرلیا گیا ہے۔خیال رہے کہ رواں سال کے دوران کراچی میں ڈکیتی مزاحمت پر جاں بحق افراد کی تعداد 91 ہوگئی ہے۔
ادھربوٹ بیسن کے علاقے میں ڈاکو شہری سے پچاس ہزار امریکی ڈالر چھین کر فرار ہوگئے ، شہری بینک سے ڈالر لے کر نکلا تھا۔
ذوالفقار علی نامی شہری نے واقعے سے پولیس حکام کو آگاہ کیا ، پولیس حکام نے واقعے کا مقدمہ الزام نمبر 730/22 بجرم دفعہ 392/397/34 کے تحت نامعلوم ملزمان کے خلاف درج کرلیا۔
مقدمےکےمتن کےمطابق کلفٹن بلاک فائیو کا رہائشی ذوالفقار علی نامی شہری بیرون ملک سےچند روزقبل وطن واپس پہنچا تھا،اس نے اپنے اکاؤنٹ کےبارے میں معلومات حاصل کیں تو پتہ چلاکہ اکاؤنٹ بندہوگیا جس پر اس نے اپنی رقم کی واپسی کا مطالبہ کیا۔
بینک نے پراسس کرکے چوبیس نومبر کو اسے بینک بلا کر 49 ہزار 964 امریکی ڈالر دے دیے۔ وہ اپنی گاڑی میں بینک سے رقم لے کر نکلا اور گھر پہنچا ہی تھا کہ موٹر سائیکل سوار دو ملزمان پہنچ گئے اور اسلحے کے زور پر اس سے نہ صرف اس کے امریکی ڈالر بلکہ پاکستانی پچاس ہزار روپے ، موبائل فون اور دیگر قیمتی اشیا بھی لوٹ کر فرار ہوگئے۔
لاہورمیں کورونا ویکسینیشن سنٹرز کے قیام میں 21 کروڑروپے کی مالی بے ضابطگیاں سامنے آگئیں۔اطلاعات کے مطابق پنجاب کے دارالحکومت لاہور میں کورونا ویکسینیشن سنٹرز کے قیام میں لگنے والی رقوم کے حوالے سے آڈیٹر جنرل آف پاکستان کی رپورٹ میں انکشاف کیا گیا ہے کہ لاہور میں صرف 6 کورونا ویکسینیشن سینٹرز کے قیام میں 21 کروڑروپے کی مالی بے ضابطگیاں کی گئیں۔
رپورٹ کے مطابق پی ڈی ایم اے لاہور نے اسٹاک میں ٹینٹ ہونے کے باوجود بھی 6 کروڑ روپے خرچ کر دیئے، جب کہ اسٹاک میں ہونے کے باوجود 95 لاکھ روپے کے سینیٹائزر دوبارہ خریدے گئے۔
دستاویزات میں یہ بھی انکشاف کیا گیا ہے کہ معاہدے سے ہٹ کر کنٹریکٹرز کو پیٹرول کی مد میں 78 لاکھ روپے ادا کر دئیے گئے، جب کہ پی ڈی ایم اے نے کنٹریکٹرز سے 6 لاکھ 44 ہزار کی اسٹیمپ ڈیوٹی بھی نہیں کاٹی۔
ادھر قومی ادارہ صحت ( این آئی ایچ) نے کہا ہے کہ گزشتہ 24 گھنٹوں کے دوران ملک بھر میں 6 ہزار 953 کورونا ٹیسٹ کئے گئے ہیں۔این آئی ایچ کی جانب سے جاری کردہ اعداد و شمار کے مطابق گزشتہ 24 گھنٹوں کے دوران 6 ہزار 953 کورونا ٹیسٹ کئے گئے جن میں سے 30 افراد کے کورونا ٹیسٹ مثبت آئے ہیں۔
اس طرح گزشتہ 24 گھنٹوں میں کئے گئے مثبت کورونا ٹیسٹ کی شرح 0.43 فیصد رہی ہے، مزید برآں اس دوران کورونا وائرس سے کوئی بھی مریض جاں بحق نہیں ہوا جبکہ 43 مریضوں کی حالت تشویشناک ہے۔
ظاہرپیر: لڑکی سے دوستی کے شبہ پر ظاہر پیر میں شہریوں نے اپنی عدالت لگالی۔ لڑکی کے رشتہ داروں نے نوجوان کو پکڑ کر بال موندھ دئیے ، تشدد کا نشانہ بنا ڈالا ۔
تفصیلات کے مطابق ظاہر پیر میں لڑکی سے تعلقات کے شبہ میں نوجوان کو پکڑ کر شہریوں نے اپنی عدالت لگا لی۔ لڑکی کے رشتہ داروں نے مبینہ عاشق کو پکڑ کر اسکے سر کے بال کاٹ دئیے اور تشدد کا نشانہ بنایا ۔ واقعہ کی اطلاع ملتے ہی ایس ایچ او تھانہ ظاہر پیر انسپکٹر سیف اللہ کورائی نے پولیس ٹیم کے ہمراہ ملزمان کو ٹریس کرکے گرفتار کر لیا۔ متاثرہ نوجوان کی والدہ کی مدعیت میں مقدمہ درج کرکے دونوں مرکزی ملزمان محمد نعیم اور زاہد کو گرفتار کر لیا گیا ہے۔
پولیس کا کہنا ہے کہ واقعہ کی مزید تفتیش جاری ہے۔ ایس پی کیپٹن (ر) دوست محمد نے میڈیا کو بتایا کہ تمام شواہد کی روشنی میں ملزمان کوعدالت سےقرار واقعی سزا دلوائی جائے گی ۔ کسی بھی شخص کو قانون ہاتھ میں لے کر اپنی عدالت لگانے کی اجازت نہیں ہےایسے عناصر کے خلاف آہنی ہاتھوں سے نمٹا جائے گا۔
یاد رہے کہ اس سے پہلے قصوری چوک پر قتل ہونے والے 20 سالہ نوجوان کے قتل کا سراغ مل گیا، مقتول کو چچا زاد بھائی نے بیوی سے تعلقات کے شبہ پر قتل کیاپولیس حکام کے مطابق 20 سالہ نوجوان سلیم کو قصوری چوک پر گولیاں مار کر قتل کیا جس پر نیو ملتان پولیس نے کارروائی کرتے ہوئے ملزم اکمل کو چند گھنٹوں میں گرفتار کر لیا،
پولیس کے مطابق قاتل اکمل ، مقتول سلیم کا چچازاد بھائی ہے پولیس نے واقعہ کا مقدمہ بھی درج کر لیا ہے۔ ملزم کی بروقت گرفتاری پر سی پی او نے پولیس افسران و جوانوں کی کارکردگی کو سراہا
کراچی: اس شہرقائد کو تباہ کرکے رکھ دیا گیا ہے ، اس حوالے سے امیر جماعت اسلامی کراچی حافظ نعیم الرحمن نے کہا ہے کہ 90 فی صد سے زیادہ ریونیو دینے والے شہر کراچی کو پیپلز پارٹی کی حکومت نے تباہ کردیا۔
شہر کی ابتر صورت حال اور عوام کو درپیش مسائل پر ادارہ نور حق میں پریس کانفرنس کرتے ہوئے انہوں نے کہا کہ بلدیاتی انتخابات کا اعلان تو ہوگیا، لیکن ہم الیکشن کمیشن کی جانب سے انتظامات کرنے کے منتظر ہیں۔ اگر کرپشن دیکھنا الیکشن کمیشن کا کام نہیں ہے تو کم از کم الیکشن کمیشن یہ تو دیکھ لے کہ نئی اسکیمیں کیوں آ رہی ہیں۔
حافظ نعیم الرحمن کا کہنا تھا کہ جب الیکشن قریب آتے ہیں تو ہر جماعت کام کرنا شروع ہوجاتی ہے۔ پچھلے تین چار برس سے سیاسی بنیادوں پر تعیناتیاں ہورہی ہیں۔ ایسی صورتحال میں حکومت اپنا اثرورسوخ استعمال کرے گی۔شہر میں مسائل بڑھتے جارہے ہیں۔ سڑکوں کی استرکاری برسات کے کئی ماہ بعد بھی جاری ہے جب کہ اس دوران جو کام کیا جارہا ہے وہ ناکافی اور غیر معیاری ہے۔
امیر جماعت اسلامی نے کہا کہ ماس ٹرانسپورٹیشن پر جو کام کراچی میں کیا جارہا ہے وہ بہت کم ہے۔ نہ جانے حکومت کے کمپنیوں کے ساتھ کیا معاہدے ہیں؟۔ اورنج لائن کے 2 اسٹاپ کے لیے عوام بھاری کرایہ کیوں دیں؟ اس حکومت نے اورنج لائن سروس کو تباہ کردیا۔ گرین لائن نہ ن لیگ نے بنائی اور نہ ہی پی ٹی آئی نے مکمل کیا۔ عمران خان نے ادھورے منصوبے کا افتتاح کیا۔
انہوں نے کہا کہ ریڈ لائن منصوبے کے تحت پورا یونیورسٹی روڈ توڑ دیا گیا ہے۔ سڑک کی جگہ کم کر کے بیچ میں ریڈ لائن بنائی جارہی ہے۔ سیکڑوں گاڑیوں کو یونیورسٹی روڈ سے روزانہ گزرنا ہوتا ہے، نہ جانے کتنے برس تک اس روڈ پر اب مسافر رُلتے رہیں گے۔ 90 فیصد سے زائد ریونیو دینے والے شہر کو اس حکومت نے تباہ کردیا ہے۔
حافظ نعیم الرحمن نے بلدیاتی انتخابات کے حوالے سے بات کرتے ہوئے کہا کہ کراچی کے شہریوں سے گزارش ہے کہ 15جنوری کو اپنا لیڈرمنتخب کریں۔ وہ لیڈر جو اس شہر کے لیے کام کرے۔ انہوں نے کہا کہ میں پوچھنا چاہتا ہوں کہ ڈھائی ماہ کا وقت ہے، اختیارات منتقل کیوں نہیں کرتے۔ ایم کیو ایم سے پوچھتے ہیں کہ آپ اتحادی جماعت ہیں آپ اختیارات منتقلی کی بات کیوں نہیں کرتے؟۔
انہوں نے کہا کہ ہم نے دھرنا دیا تو پوری قوم کے سامنے حکومت نے ہم سے معاہدہ کیا۔ رجیم چینج ہوا تو ایم کیو ایم بڑے مینڈیٹ کے ساتھ جاملی۔ سردیاں شروع ہوچکی ہیں لیکن پھر بھی لوڈ شیڈنگ ہورہی ہے۔ میں پوچھنا چاہتا ہوں کہ کے الیکٹرک کا منصوبہ جو 2019ء میں مکمل ہونا تھا وہ کہاں گیا؟ تین سال گزر گئے مگر یہ منصوبہ مکمل نہیں ہوا۔
جماعت اسلامی اگر نہ ہوتی تو یہ ہم سے سردیوں میں بھی فیول ایڈجسٹمنٹ کے پیسے لیتے۔ جماعت اسلامی کا مؤقف واضح ہے کہ کے الیکٹرک کا لائسنس منسوخ کیا جائے۔ اس کے ساتھ معاہدے میں ایم کیو ایم، پی پی، پی ٹی آئی سب جماعتیں شامل ہیں۔ اس کمپنی کو یہاں سے روانہ کیا جائے۔ انہوں نے کہا کہ جب سب خاموش ہوتے ہیں تو جماعت اسلامی تب بھی اپنی مہم چلاتی ہے۔ حافظ نعیم نے اعلان کیا کہ حق دو کراچی کو تحریک چل رہی ہے اور یہ چلتی رہے گی۔
