Baaghi TV

Author: News Editor

  • لاہور؛ ناراض بیوی کے گھر نہ لوٹنے پر پولیس اہلکار کی سسرال میں فائرنگ

    لاہور؛ ناراض بیوی کے گھر نہ لوٹنے پر پولیس اہلکار کی سسرال میں فائرنگ

    لاہور: نصیر آباد کے علاقہ میں ناراض بیوی کے واپس گھر نہ آنے پر پولیس اہلکار نے بیوی کے میکے جاکر سسرالیوں پر فائرنگ کردی۔

    پولیس حکام کے مطابق سسرالیوں پر فائرنگ کا واقعہ لاہور کے علاقے نصیرآباد میں چوکی فردوس مارکیٹ کی حدود مکہ کالونی میں پیش آیا جہاں پولیس اہلکار نے بیوی اور سالے وقاص کو تشدد کا نشانہ بھی بنایا۔

    بیوی کے اہل خانہ کا کہنا ہے کہ چوکی فردوس مارکیٹ میں تعینات پولیس کانسٹیبل کاشف رضا اپنا چار ماہ کا بیٹا ماں سے چھین کر لے گیا جب کہ اہلیہ اور اس کے بھائی کو مار پیٹ کا نشانہ بھی بنایا۔

    کانسٹیبل کاشف رضا سول کپڑوں میں اپنے تین ساتھیوں کے ساتھ آیا اور سسرال آکر فائرنگ کردی، تاہم فائرنگ سے کوئی زخمی نہیں ہوا۔
    پولیس ذرائع کا کہنا ہے کہ تفتیش کرنے والے اہلکاروں نے وقوعہ سے گولیوں کے چار خول برآمد کیے ہیں۔

    سسرالیوں کا کہنا ہے کہ کانسٹیبل کاشف رضا والٹن روڈ کے قریب کوارٹر میں رہائش پزیر ہے، جس کی ایک سال قبل شادی ہوئی تھی، بیوی پر تشدد کرتا تھا، چند روز سے بیوی میکے آگئی تھی۔پولیس ذرائع کا کہنا ہے کہ ملزم کانسٹیبل گھر کو تالا لگا کر ملزم فرار ہوگیا۔

    پاک فوج ملکی سلامتی کی ضامن۔ شہدا کی قربانیوں پر فخر
    پاکستانی طلبا و طالبات نے 14 ممکنہ نئے سیارچے دریافت کرلیے
    ہمت ہے تو کھرا سچ کا جواب دو، پروپیگنڈہ مبشر لقمان کو سچ بولنے سے نہیں روک سکتا

  • امریکا میں ہم جنس پرستوں کے نائٹ کلب میں فائرنگ؛ 5 ہلاک اور 18 زخمی

    امریکا میں ہم جنس پرستوں کے نائٹ کلب میں فائرنگ؛ 5 ہلاک اور 18 زخمی

    کولوراڈو: امریکی ریاست کولوراڈو میں ایک مسلح شخص نے ہم جنس پرستوں کے نائٹ کلب میں گھس کر اندھا دھند فائرنگ کردی جس کے نتیجے میں 5 افراد ہلاک اور 18 زخمی ہوگئے۔

    عالمی خبر رساں ادارے کے مطابق امریکی ریاست کولوراڈو میں ہم جنس پرستوں کے نائٹ کلب میں ہونے والے فائرنگ کے واقعے میں پولیس نے ایک مشتبہ ملزمہ کو زخمی حالت میں گرفتار کیا ہے جو خاتون ہم جنس پرست ہے۔

    کیو نائٹ کلب کی جانب سے جاری بیان میں کہا گیا ہے کہ ہماری کمیونٹی پر حملہ افسوسناک ہے۔ ہم اُن بہادر افراد کا شکریہ ادا کرتے ہیں جنہوں نے فوری ردعمل دیا اور بندوق بردار کو زیر کرلیا ورنہ مزید ہلاکتیں ہوتیں۔

    پولیس کا کہنا ہے کہ اطلاع ملنے پر پہنچے تو ایک مشتبہ ملزمہ کو زخمی پایا۔ گرفتار خاتون ہم جنس پرست سے طبی امداد کی فراہمی کے دوران تفتیش کی گئی تاہم اس نے واقعے کے محرکات اور واقعے میں استعمال ہونے والے آتشیں اسلحہ سے متعلق بتانے سے انکار کردیا۔

    پولیس کے مطابق ملزمہ کے موبائل سے حاصل ہونے والی معلومات سے پتہ چلتا ہے کہ وہ ہم جنس پرستوں کی قسم ’’Q‘‘ یعنی کیور سے تعلق رکھتی ہے اور اس نے اپنی گوگل کی فہرست میں خود کو بالغوں پر مبنی ہم جنس پرستوں اور ہم جنس پرست نائٹ کلب کی میزبانی کرنے والے تھیم نائٹ جیسے کراوکی، ڈریگ شوز اور ڈی جیز کے طور پر متعارف کرایا ہے۔

    امریکا میں ہونے والا یہ پہلا واقعہ نہیں اس سے قبل 2016 میں ایک بندوق بردار نے ریاست فلوریڈا میں ایک ہم جنس پرستوں کے نائٹ کلب میں فائرنگ کرکے 49 افراد کو ہلاک کر دیا تھا۔

     

    پاک فوج ملکی سلامتی کی ضامن۔ شہدا کی قربانیوں پر فخر
    پاکستانی طلبا و طالبات نے 14 ممکنہ نئے سیارچے دریافت کرلیے
    ہمت ہے تو کھرا سچ کا جواب دو، پروپیگنڈہ مبشر لقمان کو سچ بولنے سے نہیں روک سکتا

  • کراچی ماہی گیروں کو لاکھوں روپے مالیت کی مچھلی مل گئی:خوشی سے نہال

    کراچی ماہی گیروں کو لاکھوں روپے مالیت کی مچھلی مل گئی:خوشی سے نہال

    کراچی: کھلے سمندر میں شکار پر جانے والے ماہی گیروں کی چاندی ہوگئی، لاکھوں روپے مالیت کی نایاب سوا مچھلی جال میں پھنس گئی۔ذرائع کے مطابق کراچی کے علاقے ابراہیم حیدری کے ماہی گیروں کی قسمت اچانک چمک اٹھی، کھلے سمندر میں شکار کے دوران ماہی گیروں کے جال میں لاکھوں روپے مالیت کی سوا مچھلی پھنس گئی۔

    ترجمان کوسٹل میڈیا سینٹر کمال شاہ کےمطابق ابراہیم حیدری کے ماہی گیروں کے جال میں کھلے سمندر میں شکار کے دوران بھاری بھرکم سوا مچھلی پھنس گئی۔

    ترجمان کا کہنا تھا کہ یہ مچھلی شکار کے دوران قسمت والوں کو ملتی ہے کیوں کہ سوا نسل کی مچھلی انتہائی نادر و نایاب تصور کی جاتی ہے اور سمندر میں شاذونادر ہی ملتی ہے۔

    ماہرین آبی حیات کے مطابق سوا مچھلی کے پیٹ سے ملنے والی چربی انتہائی قیمتی ہے، جس سے جراحی کے بعد اعضاء کو سینے والادھاگہ بنتا ہے، سوا سندھی زبان کا لفظ ہے جبکہ اس مچھلی کو بلوچی میں کِر(KIR) پکاراجاتا ہے، جس کا وزن 30 سے 40 کلو بھی ہوسکتا ہے۔

    ماہرین آبی حیات کا کہنا تھا کہ مچھلی کےاعضاء میں شامل اس کا سوئیم بلیڈر(پوٹا) انتہائی اہم تصور کیا جاتا ہے، اس پوٹے کوچینی کسی خاص دعوت کے موقعے پرانتہائی اہم مہمانوں کو تناول کرنے کےلیے پیش کرتے ہیں جب کہ اس پوٹے کو سکھا کرشان وشوکت کےلیے گھروں کی زینت بناتے ہیں اور اس پوٹے کو جسمانی بیماریوں خاص طور پر جوڑوں کے عارضے میں دوا کے طور پر بھی استعمال کیا جاتا ہے۔

    پاک فوج ملکی سلامتی کی ضامن۔ شہدا کی قربانیوں پر فخر
    پاکستانی طلبا و طالبات نے 14 ممکنہ نئے سیارچے دریافت کرلیے
    ہمت ہے تو کھرا سچ کا جواب دو، پروپیگنڈہ مبشر لقمان کو سچ بولنے سے نہیں روک سکتا

  • آئینی و جمہوری جدوجہد کے ذریعے منزل حاصل کریں گے:عمران خان

    آئینی و جمہوری جدوجہد کے ذریعے منزل حاصل کریں گے:عمران خان

    لاہور:چیئرمین تحریک انصاف عمران خان کا کہنا ہے کہ آئینی و جمہوری جدوجہد کے ذریعے منزل حاصل کریں گے۔لاہور میں اپنی رہائش گاہ زمان پارک پر صحافیوں سے ملاقات عمران خان کی ملاقات ہوئی جس میں ترجمان پنجاب حکومت مسرت جمشید چیمہ بھی موجود تھیں۔

    ملاقات میں سابق وزیراعظم کا کہنا تھا کہ مجھے انکی پلاننگ کا پتا ہے، میں آگے کی پلاننگ کر رہا ہوں، یہ اب دونوں طرف سے پھنس چکے ہیں، الیکشن کرواتے ہیں تو فارغ ہوجائیں گے، نہیں کرواتے تو ملک دیوالیہ ہونے کا خطرہ ہے، ہماری کوشش ہے جلد از جلد صاف شفاف انتخابات کا انعقاد ممکن ہو، نئے انتخابات کے علاوہ ملکی مسائل کا کوئی حل نہیں۔

    انہوں نے مزید کہا کہ صدرعارف علوی کے ذریعے مجھے پیغامات بھجوائے گئے ہیں، میرا ایک ہی مطالبہ ہے الیکشن کی تاریخ دیں، اسکے بعد ساری بات چیت ہوگی، عوام کی طاقت سے مقابلہ کروں گا، انکی کرپشن کی داستانوں سے پوری دنیا واقف ہے، میرے خلاف پوری ریاستی مشینری استعمال کرکے بھی گھڑی کے علاوہ کچھ نہ نکال سکے، گھڑی والے معاملے پر عدالت جا رہا ہوں۔

    عمران خان نے راولپنڈی میں 26 نومبر کے اجتماع کی قیادت خود کرنےکا اعلان کردیا جبکہ مرکزی، صوبائی اورمقامی ذمہ داروں کو ضروری ہدایات جاری کردی۔

    سابق وزیراعظم کا کہنا تھا کہ تحریک فیصلہ کن موڑ پر آن کھڑی ہے، تحریک کو جبرسے دبانے کی کوششیں ناکام ثابت ہوئی ہیں، آئینی و جمہوری جدوجہد کے ذریعےمنزل حاصل کریں گے۔

    چیئرمین تحریک انصاف کا کہنا تھا کہ 26 نومبر کو مستقبل کی پیش بندی اورفیصلہ سازی کا اعلان کریں گے۔

    خیال رہے کہ گزشتہ روز روات میں پاکستان تحریک انصاف کے لانگ مارچ سے خطاب کرتے ہوئے سابق وزیر اعظم عمران خان نے پارٹی کے کارکنوں کو 26 نومبر کو راولپنڈی پہنچنے کی کال دے دی۔

    پاک فوج ملکی سلامتی کی ضامن۔ شہدا کی قربانیوں پر فخر
    پاکستانی طلبا و طالبات نے 14 ممکنہ نئے سیارچے دریافت کرلیے
    ہمت ہے تو کھرا سچ کا جواب دو، پروپیگنڈہ مبشر لقمان کو سچ بولنے سے نہیں روک سکتا

  • عوام کےمسائل ہرصورت حل کئےجائیں:چوہدری پرویزالہی

    عوام کےمسائل ہرصورت حل کئےجائیں:چوہدری پرویزالہی

    لاہور:وزیراعلیٰ پنجاب چودھری پرویز الٰہی نے کہا ہے کہ عوام کے مسائل ہر صورت حل کئے جائیں، لوگوں کو ریلیف دینا ہماری اولین ترجیح ہے۔

    وزیراعلیٰ پنجاب چودھری پرویز الہٰی سے وزیر اعلیٰ شکایت سیل کے چیئرمین زبیر احمد خان نے ملاقات کی، ملاقات کے دوران زبیر احمد خان نے رپورٹ پیش کی جس پر وزیر اعلیٰ چودھری پرویز الٰہی نے عوامی شکایات کے فوری ازالے کے لئے ضروری اقدامات پر زور دیا۔

    اس موقع پر وزیراعلیٰ پنجاب کا کہنا تھا کہ عوام کے مسائل ہر صورت حل کئے جائیں، راولپنڈی کے عوام کے مسائل حل کرنا اولین ترجیح ہے، راولپنڈی میں جاری ترقیاتی منصوبوں کو پایہ تکمیل تک پہنچائیں گے،عوام کی خدمت کر رہے ہیں اور کرتے رہیں گے۔

    وزیر اعلی چودھری پرویز الہٰی نے ملاقات کے دوران زبیر احمد خان کی بھابھی کے انتقال پر اظہار تعزیت کرتے ہوئے مرحومہ کے لئے فاتحہ خوانی اور دعائے مغفرت کی، وزیر اعلیٰ چودھری پرویز الہٰی نے سوگوار خاندان سے اظہار ہمدردی و تعزیت بھی کی۔ملاقات کے دوران چیف سیکرٹری عبداللہ خان سنبل بھی موجود تھے۔

    پاک فوج ملکی سلامتی کی ضامن۔ شہدا کی قربانیوں پر فخر
    پاکستانی طلبا و طالبات نے 14 ممکنہ نئے سیارچے دریافت کرلیے
    ہمت ہے تو کھرا سچ کا جواب دو، پروپیگنڈہ مبشر لقمان کو سچ بولنے سے نہیں روک سکتا

  • ’’اقوام متحدہ اجلاس میں فنڈ کا قیام موسمیاتی انصاف کے ہدف کی جانب پہلا اہم قدم ہے‘‘:شہبازشریف

    ’’اقوام متحدہ اجلاس میں فنڈ کا قیام موسمیاتی انصاف کے ہدف کی جانب پہلا اہم قدم ہے‘‘:شہبازشریف

    اسلام آباد:وزیراعظم میاں محمد شہباز شریف نے کہا ہے کہ اقوام متحدہ کے موسمیاتی سربراہی اجلاس میں ’’لاس اینڈ ڈیمیج‘‘ فنڈ کے قیام کا فیصلہ موسمیاتی انصاف کے ہدف کی طرف پہلا کلیدی قدم ہے۔

    سماجی رابطے کی ویب سائٹ ٹوئٹر پر اپنے پیغام میں وزیراعظم شہبازشریف نے لکھا کہ کہ اب یہ عبوری کمیٹی پر منحصر ہے کہ وہ اس تاریخی پیشرفت کو آگے بڑھائے۔

    شہباز شریف نے وفاقی وزیر موسمیاتی تبدیلی شیری رحمن اور ان کی ٹیم کے اس ضمن میں کردار اور محنت کو سراہا۔

    واضح رہے کہ کوپ 27 کانفرنس میں لاس اینڈ ڈیمیج فنڈ کے قیام پر اتفاق ہوگیا ہے، لاس اینڈ ڈیمیج فنڈ سے موسمیاتی تبدیلیوں سے متاثرہ ممالک کو معاوضہ دیا جاسکے گا۔

     

     

    ادھرشرم الشیخ میں موسمیاتی تبدیلیوں سے متاثرہ ترقی پذیر ممالک کے نقصان کو پورا کرنے کیلئے فنڈ قائم کرنے پر اتفاق رائے ہو گیا ہے، اقوام متحدہ کے موسمی تغیرات پر مبنی شرم الشیخ میں جاری سمٹ کوپ 27 میں دو ہفتے تک مباحثے کے بعد فنڈز کی منظوری دی گئی۔

    تفصیلات کے مطابق موسمیاتی تبدیلیوں کے حوالے سے اقوام متحدہ کے اجلاس کوپ 27 میں تاریخی معاہدہ طے پا گیا جس میں موسمیاتی تبدیلیوں سے متاثرہ ممالک کو معاوضہ دینے پر اتفاق ہوگیا ہے۔

    مصر کے شہر شرم الشیخ میں دو ہفتوں سے جاری کانفرنس میں فنڈ قائم کرنے کا معاہدہ کیا گیا، ہر سال موسم میں1.5 ڈگری سینٹی گریڈ اضافہ اور اسکے تدارک کے لئے اقدامات پر بھی اتفاق رائے پایا گیا۔

    اجلاس میں کوئلہ سے بجلی پیدا کرنے کے عمل کو کم کرنے سمیت موسمی تبدیلی میں کاربن گیسوں کے اخراج کا باعث بنے والے ممالک کو محتاط رویہ نہ اپنانے پر خدشات کا بھی اظہار کیا گیا۔

    وفاقی وزیر شیری رحمان نے کانفرنس سے خطاب میں کوپ 27 کے فیصلے کو سراہتے ہوئے کہا پاکستان کو موسمیاتی تبدیلی کی وجہ سے بدترین سیلاب کا سامنا کرنا پڑا۔

    پاک فوج ملکی سلامتی کی ضامن۔ شہدا کی قربانیوں پر فخر
    پاکستانی طلبا و طالبات نے 14 ممکنہ نئے سیارچے دریافت کرلیے
    ہمت ہے تو کھرا سچ کا جواب دو، پروپیگنڈہ مبشر لقمان کو سچ بولنے سے نہیں روک سکتا

  • چینی قرضے ملک وقوم پر بوجھ بن گئے:سالانہ سود 36.3 ارب تک جاپہنچا

    چینی قرضے ملک وقوم پر بوجھ بن گئے:سالانہ سود 36.3 ارب تک جاپہنچا

    سلام آباد: قرضوں کی ادائیگی میں سہولت کے لیے چین کی جانب سے 4.5 ارب ڈالر کی کرنسی تبادلہ فیسیلیٹی پر واجب الادا سود کی رقم میں 39 فیصد اضافہ ہوگیاجس کے باعث گزشتہ مالی سال میں پاکستان کو اس مد میں36.3ارب روپے ادا کرنے پڑے۔

    اسٹیٹ بینک آف پاکستان کے مالی سال 2021-22 کے لیے سالانہ فنانشل اکاؤنٹس سے ظاہر ہوتا ہے کہ 4.5 ارب ڈالر مالیت کی چینی ٹریڈ فنانس فیسیلیٹی کے استعمال پر پاکستان کو سالانہ سود کی مد میں 36.3 ارب روپے ادا کرنے پڑے۔

    اس سے پچھلے سال پاکستان نے سود کی مد میں26.1 ارب روپے ادا کیے تھے یعنی اس رقم میں صرف ایک سال میں 39 فیصد اضافہ ہوگیا، جو 10.2ارب روپے بنتا ہے۔
    اسٹیٹ بینک نے چائنا پاکستان کرنسی سواپ ارینجمنٹ کے تحت ٹریڈ فنانس فیسیلیٹی کی پوری مجموعی رقم سے استفادہ کیا، جو 4.5 ارب ڈالر یا 30 ارب یوان بنتی ہے۔

    یاد رہے کہ دوطرفہ تجارت اور براہ راست غیرملکی سرمایہ کاری کے فروغ، شارٹ ٹرم لیکوڈیٹی سپورٹ اور فریقین کی باہمی رضامندی سے طے ہونے والے کسی بھی دوسرے مقصد کے لیے اسٹیٹ بینک آف پاکستان اور پیپلز بینک آف چائنا کے مابین دسمبر 2011ء میں دوطرفہ کرنسی سواپ معاہدہ (سی ایس اے) طے پایا تھا۔

    مالی سال2021ء میں اس معاہدے کی بالائی حد تین سالہ مدت کے لیے 20 ارب یوان سے بڑھا کر 30 ارب یوان یا 4.5 ارب ڈالر کردی گئی تھی۔

    وزیرخزانہ اسحاق ڈار نے رواں ماہ بیجنگ کا دورہ کیا اور چینی وزیراعظم سے ٹریڈ فنانس فیسیلیٹی کی بالائی حد میں مزید 10ارب یوان یا 1.5 ارب ڈالر اضافے کی درخواست کی تھی۔

    اگر یہ درخواست چین کی جانب سے منظور کرلی گئی تو رواں مالی سال کے دوران پاکستان کو اس کے عوض 50 ارب روپے سود ادا کرنا پڑے گا۔

    پاک فوج ملکی سلامتی کی ضامن۔ شہدا کی قربانیوں پر فخر
    پاکستانی طلبا و طالبات نے 14 ممکنہ نئے سیارچے دریافت کرلیے
    ہمت ہے تو کھرا سچ کا جواب دو، پروپیگنڈہ مبشر لقمان کو سچ بولنے سے نہیں روک سکتا

  • سندھ:11ویں ،12ویں کے سالانہ امتحانات کے نتائج ایک ہفتہ میں جاری کرنیکی ہدایت

    سندھ:11ویں ،12ویں کے سالانہ امتحانات کے نتائج ایک ہفتہ میں جاری کرنیکی ہدایت

    کراچی: سندھ حکومت نے گیارہویں اور بارہویں کے سالانہ امتحانات 2022 کے نتائج جاری نہ کرنے کا سختی سے نوٹس لیتے ہوئے تمام بورڈز کو ایک ہفتہ میں نتائج جاری کرنے کی ہدایت کر دی۔

    وزیر تعلیمی بورڈ اسماعیل راہو نے محکمہ جامعات و بورڈز کو فیصلہ پر سختی سے عمل درآمد کروانے کی ہدایت کر دی۔ اسماعیل راہو کی جانب سے عملدرآمد نہ کروانے والے ذمہ داران کے خلاف سخت قانونی کارروائی کی وارننگ دی گئی۔

    محمد اسماعيل راہو نے سالانہ امتحانات کے نتائج جاری نہ کرنے پر تین بورڈز پر سخت ناراضگی کا اظہار کیا جبکہ انٹرمیڈیٹ بورڈ کراچی، حیدرآباد اور میرپورخاص کو احکامات جاری کر دیے گئے۔
    وزیر تعلیمی بورڈ اسماعیل راہو کا کہنا ہے کہ بارہویں جماعت کے نتائج کے اعلان کے لیے 15 ستمبر 2022 کی تاریخ مقرر کی گئی تھی اس لیے نتائج میں تاخیر ناقابلِ برداشت ہے، ذمہ داری بورڈز کے چیئرمین اور کنٹرولر پر عائد ہوتی ہے۔

    صوبائی وزیر کا کہنا تھا کہ ہزاروں طلباء اعلیٰ تعلیم کے لیے نتائج کا بے چینی کے ساتھ انتظار کر رہے ہیں، سرکاری اور نجی شعبے کی جامعات نے داخلوں کے لیے انٹری ٹیسٹ مکمل کر لیے ہیں اور جامعات داخلوں کے مرحلے کو آگے بڑھانے کے لیے بورڈز کے نتائج کا انتظار کر رہی ہیں۔

    پاک فوج ملکی سلامتی کی ضامن۔ شہدا کی قربانیوں پر فخر
    پاکستانی طلبا و طالبات نے 14 ممکنہ نئے سیارچے دریافت کرلیے
    ہمت ہے تو کھرا سچ کا جواب دو، پروپیگنڈہ مبشر لقمان کو سچ بولنے سے نہیں روک سکتا

  • کراچی جم خانہ میں‌ 45 واں گولڈ کپ،زبردست مقابلے

    کراچی جم خانہ میں‌ 45 واں گولڈ کپ،زبردست مقابلے

    کراچی:شہر قائد کے مشہور جم خانہ کلب جسے کراچی جم خانہ کلب کے نام سے یاد کیا جاتا ہے ، اس میں خواجہ احتشام الدین میموریل بریج گولڈ کپ ہوا ،جس میں 12 ٹیموں نے حصہ لیا اور زبردست کھیل پیش کیا اور کامیابیاں حاصل کیں

    کراچی جم خانہ سے ملنے والی اطلاعات میں بتایا گیا ہےکہ پہلے اورابتدائی مقابلے میں اس ٹورنا منٹ میں شرکت کرنے والی ٹیم نمبر6 کاشف شاہ – انیس الرحمان – شیخ عبدالمقیت – وجاہت علی سوری کی ٹیم نے کامیابی حاصل کی اور 71.99 پوائنٹس اسکور کیے

    جبکہ ایڈوانچر مقابلوں میں ٹیم نمبر 8 نے محمد نسیم آرزو – سرفراز احمد – سلیم ذکی – شاہین اقبال 64.90 پوائنٹس لیے ، ایسے ہی ٹیم نمبر3 جس میں‌فاطمہ رضا – انور ممتاز قزلباش – ضیاء ہے – اظہر اقبال شامل تھے نے 64.68 پوائٹس اسکورحاصل کیئے

     

     

    جیزی گروپ میں ٹیم نمبر 4 جس میں مرزا ضیاء اللہ بیگ – سید حسین جعفر – مسعود مظہر – میجر زیدی – راشد الغازی شامل تھے 63.13 کا اسکورحاصل کرکے کامیابی حاصل کی ،جبکہ رئیل اسٹیٹ گروپ میں جس میں محمد مبشر پوری – خالد محی الدین – حامد محی الدین – تحسین گھی والا نے کھیل کا مظآہرہ کیا ، اس ٹیم نے 61.47 کا اسکورحاصل کیا

     

    [wp-embedder-pack width=”100%” height=”400px” download=”all” download-text=”” attachment_id=”570684″ /]

    مائنڈ اسپورٹس کی ٹیم جس میں اصغر عباس زیدی – طارق رشید خان – کام۔ سمیع‘ افضال احمد شیخ شامل تھے ، اس ٹیم نے 57.68 اسکورحاصل کیے، ایسے ہی کے بی اے کی ٹیم جس کا 10واں نمبرتھا، اور جس میں مشاہد حسن صدیقی – طارق ظفر صدیقی – ایس عابد ممتاز – ظفر ذکی – منہاج قدوائی – فرحت عباس شامل تھے ، اس ٹیم نے 47.45 اسکورحاصل کیا

    KG گروپ میں عثمان خالد ذکی – اطہر سعید – طاہر دادا – عثمان اے انصاری – زینت ازورپر مشتمل ٹیم تھی ، اس نے 44.92 پوائٹ اسکورکیئےایسے ہی چیس وی گروپ میں جس میں فاروق غفار – سلیم چامڈیا – اکبر حیات خان – عابد بھائیلہ – عزیر داؤد نے کھیل پیش کیا ، اس ٹیم نے 43.73 کا اسکورحاصل کیا افق مرحلے میں روبینہ سعید ہے – قدسیہ ڈوسا – محمود ڈوسا – میرانگ بائرمجی نے 39.74 پوائنٹس حاصل کیئے،کے جی جے کی درجہ بندی میں جس میں ندیم کاظمی – جلال خان – شیخ حبیب الرحمان – فضل احمد – فیروز کھنڈ والا – کلیم باکزہ شامل تھے ، اس گروپ نے 23.53 اسکورحاصل کیے،ایسے ہی دی پنک ٹیم نوچھی کریئر جس میں نادرہ شیخ – چینو ایوب – لیلیٰ ہاشوانی – طاہرہ نقوی شامل تھیں نے 16.78 سب سے کم اسکورحاصل کیا

    پاک فوج ملکی سلامتی کی ضامن۔ شہدا کی قربانیوں پر فخر
    پاکستانی طلبا و طالبات نے 14 ممکنہ نئے سیارچے دریافت کرلیے
    ہمت ہے تو کھرا سچ کا جواب دو، پروپیگنڈہ مبشر لقمان کو سچ بولنے سے نہیں روک سکتا

  • عالمی بینک؛ کشن گنگا و ریٹلی ہائیڈرو منصوبوں پر پاکستانی اعتراض سماعت کیلیے منظور

    عالمی بینک؛ کشن گنگا و ریٹلی ہائیڈرو منصوبوں پر پاکستانی اعتراض سماعت کیلیے منظور

    نئی دہلی: بھارت کی آبی جارحیت کے خلاف پاکستان کو عالمی فورم پر بڑی کامیابی مل گئی، بھارت کے کشن گنگا اور ریٹلی ہائیڈرو منصوبے پر پاکستانی اعتراض کو سماعت کیلئے قبول کر لیا گیا۔

    میڈیا رپورٹ کے مطابق عالمی بینک دونوں منصوبوں کے ڈیزائن 21 نومبر کو ثالثی عدالت کے حوالے کرے گا۔پاکستان کی جانب سے قانونی اور آبی ماہرین پر مشتمل وفد واشنگٹن روانہ ہوگا، وفد میں سیکرٹری آبی وسائل،انڈس واٹر کمشنر اور ماہرین شامل ہوں گے، ڈیزائن اور اعتراضات کی دستاویزات حوالگی تقریب میں بھارتی وفد بھی شریک ہوگا۔

    واضح رہے کہ بھارت دریائے جہلم پر 330 میگا واٹ کا کشن گنکا ڈیم تعمیر کر رہا ہے، اس ڈیم میں بھارت 7 لاکھ کیوبک میٹر پانی ذخیرہ کرے گا، جبکہ پاکستان کا موقف ہے کہ ڈیم میں ایک لاکھ کیوبک میٹر سے زیادہ پانی ذخیرہ کرنے کی گنجائش نہ ہو۔ پاکستان نے ڈیم کے اسپل ویز کی چوڑائی پر بھی اعتراض کر رکھا ہے۔

    دوسری جانب بھارت دریائے چناب پر بھی 850 میگاواٹ کا ریٹلی ڈیم بھی تعمیر کر رہا ہے، اور اس ڈیم میں ایک کروڑ 40 لاکھ کیوبک میٹر پانی ذخیرہ کرنا چاہتا ہے، جبکہ یہاں پر پاکستان کا مقف ہے ذخیرہ کی گنجائش 8.8 ملین کیوبک میٹر سے زیادہ نہ ہو۔

    پاک فوج ملکی سلامتی کی ضامن۔ شہدا کی قربانیوں پر فخر
    پاکستانی طلبا و طالبات نے 14 ممکنہ نئے سیارچے دریافت کرلیے
    ہمت ہے تو کھرا سچ کا جواب دو، پروپیگنڈہ مبشر لقمان کو سچ بولنے سے نہیں روک سکتا