Baaghi TV

Author: News Editor

  • سوتیلی ماں نے دو بیٹیوں کو قتل کر دیا

    سوتیلی ماں نے دو بیٹیوں کو قتل کر دیا

    چارسدہ:معاشرے میں انسانیت مر رہی ہے اور بے حسی اس حد تک پہنچ چکی ہے کہ چھوٹے بچوں کو بھی قتل کرنےوالے کے دل میں کبھی خوف خدا نہیں آیا، ایک ایسے ہی تازہ واقعہ میں کے پی کے ریجن چارسدہ کے تھانہ سرڈھیری کی حدود فارم کورونہ میں سوتیلی ماں نے دو بیٹیوں کو زہر دے کر قتل کر دیا۔

    چارسدہ پولیس کا کہنا ہے کہ اس بیہمانہ قتل سے ہر طرف خوف کی فضا قائم ہے ، پولیس کے مطابق آٹھ سالہ منیبہ اور چھ سالہ سنیرا کی لاشیں پوسٹ مارٹم کے لیے اسپتال منتقل کر دی گئیں، بچیوں کے جسم پر تشدد کے نشانات بھی موجود ہیں۔

    وزیراعظم نے وفد کے ہمراہ عمرہ ادائیگی کے دوران ملکی سلامتی وخوشحالی کےلئے دعائیں کی

    تھانہ ڈھیری کی پولیس کا کہنا ہےکہ جاں بحق ہونے والی کمسن بچیوں کی والدہ نے پہلے شوہر سے طلاق لے کر دوسری شادی کر لی ہے جبکہ پولیس نے تاحال ملزمہ کو گرفتار نہیں کیا ہے۔پولیس چھاپے مار رہی ہےاور قاتلہ ماں کوگرفتارکرنے کے لیے تمام ترکوششیں اور وسائل بروئے کار لارہی ہے

    پیش نہ ہوئے تو فرد جرم کے سوا کوئی راستہ نہیں بچے گا، الیکشن کمیشن

    پولیس رپورٹ کے مطابق چارسدہ کا متاثرہ خاندان کا تعلق نوشہرہ سے ہے جوکہ کچھ عرصہ پہلے نوشہرہ سے منتقل ہوکر چارسدہ میں کرائے کے گھر میں مقیم تھا۔ جاں بحق ہونے والی بچیوں کے والد فرمان محنت مزدوری کرتے ہیں۔

    یاد رہے کہ چند دن قبل بھی صوابی میں ایک بڑی قتل کی واردات کی گئی ، جس میں صوابی پولیس نے کاروائی کرتے ہوئے بیوی کی قتل میں ملوث شوہر اور دیور کو گرفتا ر کرلیا تھا ۔

    حکومت کے پاس قانون کی خلاف ورزی پر کاروائی کا اختیار ہے،چیف جسٹس

    ترجمان صوابی پولیس کے مطابق مقتولہ کے بھائی محمد فہیم سکنہ زیدہ نے تھانہ صوابی میں رپورٹ کرتے ہوئے بتایا کہ گھریلو ناچاقی کی بنا پران کی بہن کوشوہر محمد عمران اوردیور ساجد زما ن ساکنان باجا نے قتل کیا ہے جس پرایس ایچ او تھانہ صوابی الطاف خان نے پولیس نفری نے فوری کاروائی کرتے ہوئے دونوں ملزمان کو گرفتار کر کرلیا ۔ ملزمان سے مزید تفتیش جاری ہے ۔

  • ڈیرہ اسمٰعیل خان:جرائم کے خلاف قانون نافذ کرنے والے اداروں کی کامیاب کارروائیاں

    ڈیرہ اسمٰعیل خان:جرائم کے خلاف قانون نافذ کرنے والے اداروں کی کامیاب کارروائیاں

    ڈیرہ اسماعیل خان:تھانہ کینٹ کی حدود سے بنددریائے سندھ سے ریت اٹھانے والے ڈرائیور حسن ولد سلیم سکنہ کچی پائند خان،ظفرولد نامعلوم،فضل ڈرائیورولد فیروزسکنہ وانڈھا بلوچاں والاکے خلاف مقدمہ درج۔تفصیلات کے مطابق تھانہ کینٹ کی حدود سے بنددریائے سندھ سے ریت اٹھانے والے ڈرائیور حسن ولد سلیم سکنہ کچی پائند خان،ظفرولد نامعلوم،مغل ڈرائیورولد فیروزسکنہ وانڈھا بلوچاں والاکے خلاف مقدمہ درج کرلیاگیا۔ڈسٹرکٹ پولیس آفیسر کیپٹن(ر)نجم الحسنین لیاقت کے احکامات پر ڈی ایس پی کینٹ کی قیادت میں اے ایس آئی سبطین نے تینوں ملزمان کے خلاف تھانہ کینٹ میں مقدمہ درج کرکے تفتیش شروع کردی ہے۔

    تھانہ کینٹ کی حدود میں تنازعے پر ایک شخص پر فائرنگ، خوش قسمتی سے کوئی جانی نقصان نہ ہوا۔کینٹ پولیس نے تین ملزمان کے خلاف مقدمہ درج کرکے تفتیش شروع کردی،پولیس نے ملزمان کی تلاش شروع کردی تاہم کوئی گرفتاری عمل میں نہیں
    لائی جاسکی ہے۔ تفصیلات کے مطابق تھانہ کینٹ میں مدعی حفیظ اللہ ولد گلستان محسود نے رپورٹ درج کرائی ہے کہ گلی شار ع عام نزدڈارسٹی میں احسان اللہ ولد خان تاج، ولی اللہ عرف طارق ولد عالمگیراقوام محسود سکنائے انڈس کالونی نے ڈرانے کی غرض سے مجھ پرفائرنگ کی ہے تاہم خو ش قسمتی سے میں بچ گیاہوں۔ملزمان مجھے موبائل فون پر جان سے مارنے کی دھمکیاں دیتے ہیں۔ تھانہ کینٹ پولیس نے تینوں ملزمان کے خلاف مقدمہ درج کرکے تفتیش شروع کردی ہے۔پولیس نے ملزمان کی تلاش کاکام شروع کردیاہے تاہم ملزمان فرارہونے میں کامیاب ہوگئے ہیں اورکوئی گرفتاری عمل میں نہیں لائی جاسکی ہے۔

    ڈسٹرکٹ پولیس آفیسر کیپٹن(ر)نجم الحسنین کے ڈبل سواری پابندی کے احکامات پر ڈی ایس پی ٹاؤن کی قیادت میں ایس ایچ او مختیار احمد نے کوٹلہ پولیس چیک پوسٹ پر فریداللہ ولد حبیب اللہ سلیمان خیل سکنہ ظفرآباد کوگرفتارکرلیا۔ تفصیلات کے مطابق ڈسٹرکٹ پولیس آفیسر کیپٹن(ر)نجم الحسنین کے ڈبل سواری پابندی کے احکامات پر ڈی ایس پی ٹاؤن کی قیادت میں ایس ایچ او مختیار احمد نے کوٹلہ پولیس چیک پوسٹ پر فریداللہ ولد حبیب اللہ سلیمان خیل سکنہ ظفرآباد کے خلاف ڈبل سواری خلاف ورزی کامقدمہ درج کرکے کوگرفتارکرلیا۔ڈیرہ کے عوامی سماجی حلقوں نے ڈسٹرکٹ پولیس آفیسر کیپٹن(ر)نجم الحسنین کواحکامات دینے پر خراج تحسین پیش کیاہے۔

    ڈسٹرکٹ پولیس آفیسر کیپٹن(ر)نجم الحسنین لیاقت کے ناجائز اسلحہ کے خلاف احکامات پر ڈی ایس پی تھانہ گومل یونیورسٹی کی قیادت میں پی اے ایس آئی سلیمان نے پولیس نفری کے ہمراہ ملزم ذیشان ولد فضل الرحمان قوم سامٹہ سکنہ ماڈل ٹاؤن مریالی سے یکضرب پستول تیس بور بمعہ بارہ کارتوس برآمدکرلیے۔ تھانہ گومل یونیورسٹی پولیس نے ملزم کے خلاف مقدمہ درج کرکے گرفتارکرلیا۔تفصیلات کے مطابق ڈسٹرکٹ پولیس آفیسر کیپٹن(ر)نجم الحسنین لیاقت کے ناجائز اسلحہ کے خلاف احکامات پر ڈی ایس پی تھانہ گومل یونیورسٹی کی قیادت میں پی اے ایس آئی سلیمان نے پولیس نفری کے ہمراہ ملزم ذیشان ولد فضل الرحمان قوم سامٹہ سکنہ ماڈل ٹاؤن مریالی سے یکضرب پستول تیس بور بمعہ بارہ کارتوس برآمدکرلیے۔ تھانہ گومل یونیورسٹی پولیس نے ملزم کے خلاف مقدمہ درج کرکے گرفتارکرلیا۔ڈیرہ کے عوامی سماجی حلقوں نے ناجائز اسلحہ کے خلاف کامیاب کاروائیوں پرڈسٹرکٹ پولیس آفیسر کیپٹن(ر)نجم الحسنین لیاقت کوخراج تحسین پیش کیاہے۔

    ڈسٹرکٹ پولیس آفیسر کیپٹن(ر)نجم الحسنین کے ناجائز اسلحہ کے خلاف کاروائیوں کے احکامات پر ڈی ایس پی تھانہ نواب شہید پولیس ڈی ایس پی کی قیادت میں آئی ایچ سی نے پولیس نفری کے ہمراہ پنیالہ روڈ سے ملزم گل محمدولد یار محمد بہادرخیل سکنہ شاہ حسن خیل سے ایک پستول تیس بور بمعہ تیس کارتوس برآمدکرکے مقدمہ درج کرلیا، نواب پولیس نے ملزم کوگرفتارکرکے پابندسلاسل کردیاہے۔تفصیلات کے مطابق ڈسٹرکٹ پولیس آفیسر کیپٹن(ر)نجم الحسنین کے ناجائز اسلحہ کے خلاف کاروائیوں کے احکامات پر ڈی ایس پی تھانہ نواب شہید پولیس ڈی ایس پی کی قیادت میں آئی ایچ سی نے پولیس نفری کے ہمراہ پنیالہ روڈ سے ملزم گل محمدولد یار محمد بہادرخیل سکنہ شاہ حسن خیل سے ایک پستول تیس بور بمعہ تیس کارتوس برآمدکرکے مقدمہ درج کرلیاہے۔ نواب پولیس نے ملزم کوگرفتارکرکے پابندسلاسل کردیاہے۔ ڈیرہ کے عوامی سماجی حلقوں نے ڈسٹرکٹ پولیس آفیسر کیپٹن(ر)نجم الحسنین کے ناجائز اسلحہ کے خلاف کاروائیوں کے احکامات پرزبردست الفاظ میں خراج تحسین پیش کیاہے۔

    سوشل میڈیاپر پر چند روز قبل چلنے والی ویڈیو نے بے گھر بچوں کیلئے گھر کا سہارا ڈھونڈ لیا،سوشل میڈیا پر چند روز قبل اعوان شہر کے قریب ایک بے گھر و بے سہارا بچوں کا انٹرویو اپ لوڈ کیا گیاتھا جن بے چارے بچوں کے والد نے اپنی اہلیہ یعنی بچوں کی والدہ کو نہر میں دھکا دیکر مار دیا اور خود درخت سے لٹک گیا تھا اور گھر پہلے سے ہی سیلاب نے ختم کر دیا تھا۔اشاعۃ التوحیدوالسنہ کا وفد علاقہ کی معتبر سیاسی و سماجی شخصیت وسابق ضلع ممبرحاجی عبدالرزاق اعوان ایڈووکیٹ کی قیادت میں ان بے سہارا بچوں کے پاس پہنچا وفد میں عرفان اللہ شاکر اور عبدالعزیز اعوان ہمراہ تھے وہاں پہنچ کر فوری طور پر ان بچوں کیلئے کمرہ و چار دیواری کا کام شروع کرا دیا۔بچوں کے چہروں پر خوشی کھل اٹھے اور علاقے کی عوام نے بھی اشاعۃ التوحیدوالسنہ کے اس اقدام کو خوب سراہا۔ اس موقع پرسابق ضلع ممبر عبدالرزاق اعوان نے بھی جماعت اشاعۃ التوحیدوالسنہ کا شکریہ ادا کرتے ہوئے کہا کہ بہت خوشی کی بات ہے کہ یہ جماعت لوگوں کے عقائد و اعمال کی اصلاح کے ساتھ ساتھ سیلاب متاثرین کی امداد کیلئے بھی پیش پیش ہے۔سابق ضلع ممبر عبدالرزاق اعوان کا مزید کہنا تھا کہ ہم بھی ان شاء اللہ ان بچوں کے ساتھ ہر قسم کا تعاون کر بھی رہے ہیں اور آئندہ بھی پیش پیش رہیں گے یہ بچے ہمارے اپنے بچے ہیں۔

  • ارشد شریف کی میت کو لے کر آنے والا طیارہ اسلام آباد ائیرپورٹ پر لینڈ کر گیا

    ارشد شریف کی میت کو لے کر آنے والا طیارہ اسلام آباد ائیرپورٹ پر لینڈ کر گیا

    اسلام آباد:ارشد شریف کی میت کو لے کرآنے والا طیارہ اسلام آباد ائیرپورٹ پر لینڈ کر گیا، میت وصول کرنے کیلئے ارشد شریف کے اہل خانہ ائیرپورٹ پر موجود ہیں‌

    ارشد شریف کا جسد خاکی لیے پرواز کیو آر 1342 نیروبی سے 3 بج کر 14 منٹ پر روانہ ہوئی۔

    اس وقت سینئر اینکر پرسن شہید ارشد شریف کا جسد خاکی لے کر نجی ایئر لائن کی پرواز اسلام آباد میں لینڈ کرگئی ہے۔

    شہید ارشد شریف کا جسد خاکی وصول کرنے کے لئے اہل خانہ ایئرپورٹ پر موجود ہیں جب کہ رہنما پی ٹی آئی مراد سعید اور فواد چوہدری سمیت صحافیوں کی بڑ ی تعداد بھی اس موقع پر موجود ہے۔

    ارشد شریف کی میت پاکستان لانے والا طیارہ اسلام آباد ائیرپورٹ پر لینڈ کر گیا ہے، جہاں ان کے اہل خانہ موجود ہیں، تدفین جمعرات کو اسلام آباد میں ہو گی۔

    واضح رہے کہ ارشد شریف کو اتوار کی رات نیروبی مگاڈی ہائی وے پرارشد شریف کوٹارگٹ کرتئ ہوئے بہت قریب سے فائر کرتے ہوئے شہید کردیاگیا تھا ،

  • ڈیرہ اسمٰعیل خان:فیصل کریم کنڈی اور جے یو آئی ف کے رہنماوں کی صوبے کی ترقی کے لیے کوششیں جاری

    ڈیرہ اسمٰعیل خان:فیصل کریم کنڈی اور جے یو آئی ف کے رہنماوں کی صوبے کی ترقی کے لیے کوششیں جاری

    ڈیرہ اسماعیل خان:ڈیرہ اسماعیل خان:سابق ڈپٹی اسپیکر قومی اسمبلی،پاکستان پیپلزپارٹی کے مرکزی سیکرٹری اطلاعات و وزیر اعظم کے معاون خصوصی برائے تخفیف غربت وسماجی تحفظ فیصل کریم کنڈی کو سیکریٹری بے نظیر انکم سپورٹ پروگرام پاکستان یوسف خان نے جاری پروگراموں بینظیرکفالت، تعلیمی وظائف،نشونمااور انڈرگریجویٹ سکالرشپ بریفنگ دی۔ انہوں نے NSER سروے روم کا دورہ بھی کیا اور ان کو ڈائنیمک رجسٹری کے متعلق بریفنگ دی گئی۔

    تفصیلا ت کے مطابق سابق ڈپٹی اسپیکر قومی اسمبلی،پاکستان پیپلزپارٹی کے مرکزی سیکرٹری اطلاعات و وزیر اعظم کے معاون خصوصی برائے تخفیف غربت وسماجی تحفظ فیصل کریم کنڈی کو سیکریٹری بے نظیر انکم سپورٹ پروگرام پاکستان یوسف خان نے جاری پروگراموں بینظیرکفالت، تعلیمی وظائف،نشونمااور انڈرگریجویٹ سکالرشپ بریفنگ دی۔ انہوں نے NSER سروے روم کا دورہ بھی کیا اور ان کو ڈائنیمک رجسٹری کے متعلق بریفنگ دی گئی۔

    سابق ڈپٹی اسپیکر قومی اسمبلی،پاکستان پیپلزپارٹی کے مرکزی سیکرٹری اطلاعات و وزیر اعظم کے معاون خصوصی برائے تخفیف غربت وسماجی تحفظ فیصل کریم کنڈی کو سیکریٹری بے نظیر انکم سپورٹ پروگرام پاکستان یوسف خان نے جاری پروگراموں بینظیرکفالت، تعلیمی وظائف،نشونمااور انڈرگریجویٹ سکالرشپ بریفنگ دی۔ انہوں نے NSER سروے روم کا دورہ بھی کیا اور ان کو ڈائنیمک رجسٹری کے متعلق بریفنگ دی گئی۔ اس موقع پرسابق ڈپٹی اسپیکر قومی اسمبلی،پاکستان پیپلزپارٹی کے مرکزی سیکرٹری اطلاعات و وزیر اعظم کے معاون خصوصی برائے تخفیف غربت وسماجی تحفظ فیصل کریم کنڈی کو سیکریٹری بے نظیر انکم سپورٹ پروگرام پاکستان یوسف خان کوبینظیرانکم سپورٹ پروگرام کے تحت مستفید ہونے والے مستحق افراد کی امداد کے حوالے سے ضروری ہدایات جاری کیں۔

    ادھرنائب امیر جمعیت علماء اسلام مولانا عبید الرحمن نے ایک بیان میں کہاہے کہ گزشتہ روز قائدجمعیت مولانا فضل الرحمٰن کا وزیراعظم پاکستان میاں محمد شہباز شریف سے ٹیلیفونک رابطہ ہوا جس میں قائد جمعیت مولانا فضل الرحمن نے CRBC نہر کے حوالے سے ڈیرہ اسماعیل کے زمینداروں کے خدشات اور ان کی تکالیف سے ا ٓگاہ کیا۔ وزیر اعظم میاں شہباز شریف نے مولانا فضل الرحمن صاحب کو یقین دلایا کے 10 نومبر تک CRBC نہر کی مرمت مکمل کردی جائے گی۔

    تفصیلات کے مطابق نائب امیر جمعیت علماء اسلام مولانا عبید الرحمن نے ایک بیان میں کہاہے کہ گزشتہ روز قائدجمعیت مولانا فضل الرحمٰن کا وزیراعظم پاکستان میاں محمد شہباز شریف سے ٹیلیفونک رابطہ ہوا جس میں قائد جمعیت مولانا فضل الرحمن نے CRBC نہر کے حوالے سے ڈیرہ اسماعیل کے زمینداروں کے خدشات اور ان کی تکالیف سے ا ٓگاہ کیا۔ وزیر اعظم میاں شہباز شریف نے مولانا فضل الرحمن صاحب کو یقین دلایا کے 10 نومبر تک CRBC نہر کی مرمت مکمل کردی جائے گی۔

    واضح رہے کہ زمینداروں کے وفدنے حاجی عبدالرشید دھپ کی سربراہی میں پارلیمانی لیڈروممبرصوبائی اسمبلی مولانا لطف الرحمن سے ملاقات کی تھی اور زمینداروں کے خدشات سے آگاہ کیا تھا اس حوالے قائد جمعیت مولانا فضل الرحمن نے کچھ دن پہلے وزیراعظم پاکستان میاں محمد شہباز شریف سے ملاقات کی تھی اور ا ن کو CRBC نہر کے حوالے سے درپیش مسئلے سے آگاہ کیا تھا اور اسی حوالے سے وفاقی وزیر مولانا اسعد محمودنے بھی 2 دن پہلے وفاقی وزیر خورشید شاہ سے ملاقات کی تھی۔ انشاء اللہ چشمہ رائٹ بنک کینال اور ڈیرہ اسماعیل خان کے عوام کو درپیش تمام مسائل جمعیت علماء اسلام حل کرنے کی بھرپور کوشش کرے گی۔

  • ڈیرہ اسماعیل خان: گومل زام ڈیم کی بحالی کے کام کا آغاز ہو گیا

    ڈیرہ اسماعیل خان: گومل زام ڈیم کی بحالی کے کام کا آغاز ہو گیا

    ڈیرہ اسماعیل خان:مصدقہ اطلاعات اور ایریگیشن دفتر سے معلومات کے مطابق گومل زام ڈیم کی بحالی کے کام کا آغاز ہو گیا ہے۔ مین کینال پر ڈسٹری ایک کے قریب ایک بڑا شگاف ہے اس پر چند مسائل اور ٹھیکیدار کی سستی کی وجہ سے کام میں رکاوٹ تھی جس کو اب دور کر لیا گیا ہے اور کام کا آغاز ہو گیا ہے دوسرا بڑا مسئلہ روڑی کے قریب شگاف تھا جس کو اہلیان گاؤں نے بطور احتجاج روک رکھا تھا کیوں کہ نکاسی آب نہ ہونے سے آدھے سے زیادہ روڑی کے گھر مسمار ہو گئے تھے۔ ایم این اے، ایم پی اے اور انتظامیہ کوئی بھی عوام کی تکلیف کو نہ سمجھ سکا اور گاؤں برباد ہوتا رہا۔ اب اس شفاف میں کراس ڈرینج سسٹم کی شرط پر معاہدہ ہو گیا ہے اور علاقہ کی خاطر ہنگامی بنیادوں پر پائپ رکھ کر پانی چلایا جائے گا۔ اس کے علاوہ وارن کینال، ڈسٹری 5، 4کی صفائی بھی کی جائے گی اس کے علاوہ ڈسٹری 10,11,12,13 پر بھی ہنگامی بنیادوں پر پانی چلانے کی توقع ہے۔ کروڑوں کے ٹینڈر لگ چکے ہیں۔جنید ٹھیکیدار اور رحمت اللہ نامی شخص نے ٹھیکہ لیا ہے۔ ان ٹھیکوں کی معیاد 8 ماہ ہے جس میں کام کرنا ہے۔ یہ کروڑوں کے ٹھیکے ہیں۔ اگر کام معیاری ہوا تو بہت اچھا ہو گا اس کے لیے زمینداروں کو بیدار رہنا ہو گا۔اصل زمہ داری محکمہ کی ہے جو کام کے معیاری ہونے پر ٹھپا مارتی ہے۔اگر کام غیر معیاری ہوا تو متعلقہ آفیسر زمہ دار ہونا چاہیے۔

    سرکاری دفاتر کی خالی آسامیاں،پراپرٹی پر ایف بی آر کے ٹیکس عوامی نمائندوں کی توجہ کی طالب۔ ڈیرہ اسماعیل خان جیسے میں اکثر شہر ناپرساں لکھتا ہوں تو کئی یار دوست خفا بھی ہو جاتے ہیں جس طرح سے تخت پشور ودیگر کے تعصب کا ہمیشہ سے شکار ہے اس میں کوئی دورسے نہیں اور یہ حقیقت بھی تسلیم ہے کہ ہمارے نمائندوں کو ایک مشکل مرحلے سے گزر کر ہی اس شہر کے لئے کچھ ملتا ہے اور کچھ مصلحت کوشی کی نظر ہو جاتا ہے ڈیرے دا حق اتھے رکھ کا نعرہ لگانے والے ہوں یا اسلام کے نفاذ کے لئے ووٹ لینے والے اس پیاسے شہر کی ضروریات کو آج تک پورا نہیں کرسکے اور اب تو یہاں مختلف محکموں میں کلاس فور بھی دوسرے شہریوں سے بھرتی کرکے بھیجنے کا سلسلہ شروع ہوچکا اس وقت شہر سیلاب کی تباہ کاریوں سے ایک طرف نبرد آزما ہے دوسری طرف ایف بی آر کے ٹیکسز نے پراپرٹی کے کاروبار کوسلاادیاہے جن میں کمی انتہائی ضروری ہیاور تیسری طرف محکمہ مال جس کی زمہ داریاں اور کام۔کافی بڑھ گیا ہے میں کئی خالی آسامیاں موجود لیکن عوامی نمائندوں کی نظروں سے شاید پوشیدہ ہیں ڈپٹی کمشنر آفس ہو یا اسسٹنٹ کمشنر آفس ضرورت سے سٹاف کم ہے تحصیل آفس ہو یا صدر دفتر کلاس فور وغیرہ کی خالی آسامیوں پر کوء تعیناتی عمل میں نہیں لائی جارہی بلکہ کئی جگہوں پر پرائیویٹ سٹاف اور ریٹائر حضرات سے ڈیلی ویجز پر کام۔لیا جارہا ہے جس پرتوجہ کرکے کء بیروزگاروں کو روزگار اور عوام کو سہولت دی جاسکتی ہے جو وقت کا تقاضہ ہے۔

  • ڈیرہ غازی خان کی ضلعی انتظامیہ کے زبردست فیصلے،ڈی سے لیکرتمام ماتحت سب ترقی کےلیے کوشاں

    ڈیرہ غازی خان کی ضلعی انتظامیہ کے زبردست فیصلے،ڈی سے لیکرتمام ماتحت سب ترقی کےلیے کوشاں

    ڈیرہ غازیخان:ڈپٹی کمشنر ڈیرہ غازیخان محمد انور بریار کی زیرصدارت انسداد پولیو مہم کے پہلے روز پیش رفت کا جائزہ لینے کے لیے اجلاس ڈی سی آفس کے کمیٹی روم میں منعقد ہوا۔اجلاس میں ایڈیشنل ڈپٹی کمشنر جنرل صابرحسین،اسسٹنٹ کمشنرز شکیب سرور،فرخ جاوید،سی ای او ہیلتھ ڈاکٹر اطہر سکھانی، یونیسیف،ڈبلیو ایچ او کے نمائندوں، ڈی ایچ او،ڈی ڈی ایچ اوز سمیت متعلقہ افسران نے شرکت کی۔اجلاس میں بریفنگ دیتے ہوئے ڈاکٹر اطہر سکھانی نے بتایا کہ مہم کے پہلے روز255614بچوں کو قطرے پلائے گئے ہیں اور یوں پولیو کے پہلے دن کی کوریج102فیصد رہی ہے، انکار کرنے والے تین والدین میں سے دو کے بچوں کو حفاظتی قطرے پلا دئیے گئے ہیں۔ڈپٹی کمشنر محمد انور بریار نے کہا کہ محنت اور لگن کے ساتھ مہم جاری رکھی جائے،ایسے بچے جو گھروں میں موجود نہیں ہیں انہیں تلاش کرکے پولیو کے حفاظتی قطرے ضرور پلائے جائیں،انکار کرنیوالے والدین کو قائل کیا جائے،افسران فیلڈ کے وزٹس جاری رکھیں۔

    ڈویژنل سپورٹس آفیسرڈیرہ غازیخان عطاء الرحمن نے کہا ہے کہ 73 ویں پنجاب گیمز میں ڈیرہ غازی خان ڈویژن سے 430 کھلاڑیوں اور آفیشلز کا دستہ پاکستان کے سب سے بڑے کھیلوں کے مقابلہ میں شرکت کررہا ہے اورا بتک ہینڈ بال،کبڈی،فٹ بال،سکوائش،رورل سپورٹس اور والی بال کے ابتدائی میچز جیت لئے ہیں اب ان کے دوسرے مرحلے کے مقابلے جاری ہیں۔انہوں نے بتایا کہ ڈیرہ غازی خان ڈویژن سے ڈسٹرکٹ سپورٹس آفیسرز محمد امتیاز بھٹی،محمد کلیم،محمد حفیظ،تحصیل سپورٹس آفیسرز محمد مسعود،محمد عامر،یاسر سعید،جاوید لودھی،وسیم گجر اور محمد علی لنڈ کھلاڑیوں کی رہنمائی کے ساتھ مقابلوں کی نگرانی کررہے ہیں۔ڈویژنل سپورٹس آفیسرنے بتایا کہ کھلاڑیوں کو سپورٹس بورڈ پنجاب کی طرف سے سپورٹس کٹ،ہوٹلوں میں قیام، ٹرانسپورٹ، ڈیلی الاونسز اور دیگر معیاری سہولیات فراہم کی جارہی ہیں۔انہوں نے بتایا کہ پنجاب گیمز کے انعقاد سے دو دن قبل شامل ہونے والے کھیلوں کی بھی یونیفارم کی بروقت فراہمی کیلئے ہرممکن کوشش کررہے ہیں۔

    محکمہ اوقاف ڈیرہ غازی خان کے زیراہتمام رحمت اللعالمین کانفرنس جمعرات27اکتوبر2022 کو منعقد ہوگی،زونل ایڈمنسٹریٹر اوقاف ڈیرہ غازی خان رانا طارق علی کے مراسلہ کے مطابق کانفرنس ضلع کونسل ہال میں صبح دس بجے شروع ہوگی جس میں ڈیرہ غازی خان شہر سمیت دیگر اضلاع کے علمائے کرام حضور پاک صلی علیہ وآلہ وسلم کی حیات طیبہ اور سیرت اقدس پر روشنی ڈالیں گے۔

    کمشنر ڈیرہ غازی خان ڈویژن لیاقت علی چٹھہ نے کہا ہے کہ عوام کو سروسزکی فراہمی میں تاخیری حربے استعمال کرنے والوں کو جواب دہ ہونا پڑے گا،تمام افسران اپنے محکموں سے متعلق ذمہ داریوں کو بخوبی انجام دیں،بلا وجہ کسی کام کو التواء میں نہ رکھیں،کمشنرنے کہا کہ عوام کو ریلیف فراہم کرنا سرکاری افسران کے فرائض میں شامل ہے،ان کی اچھی کارکردگی کی بدولت سرکاری محکموں پر عوامی اعتماد بحال کیا جا سکتا ہے،جدید دور میں ہمیں ڈیجیٹلائزیشن کی وجہ سے برق رفتاری کے ساتھ کام کرنا ہوگا،انہوں نے کہا کہ میں خود تمام محکموں کے عوامی ریلیف سے متعلق زیر التوا ایشوز کا جائزہ لوں گا اور اس سلسلہ میں سٹاف سے فیڈ بیک لوں گا،کمشنر لیاقت علی چٹھہ نے کہا کہ ون ونڈو اصول کے تحت مقررہ مدت میں ہی شہریوں کے مسائل حل کئے جائیں،ان کو بار بار دفاتر کے چکر نہ لگوائے جائیں،ہماری تھوڑی سی توجہ اور محنت سے شہریوں کو ریلیف مل سکتا ہے۔

  • نیشنل اسٹیڈیم کراچی کا نام تبدیل کر دیا گیا

    نیشنل اسٹیڈیم کراچی کا نام تبدیل کر دیا گیا

    لاہور:کراچی کے نیشنل اسٹیڈیم کا نام تبدیل کر دیا گیا اور اب نیشنل بینک کرکٹ ارینا بن گیا۔پاکستان کرکٹ بورڈ نے نیشنل اسٹیڈیم کے نام کی تبدیلی کیلئے قومی بینک سے معاہدہ کر لیا۔این بی پی اور پی سی بی کے درمیان نیشنل سٹیڈیم کے نیمنگ رائیٹس کےلئے ایم او یو پر دستخط،اطلاعات کے مطابق نیشنل بینک آف پاکستان اور پاکستان کرکٹ بورڈ نے پاکستان میں کرکٹ کے فروغ اور ترقی کےلئے مفاہمت کی یادداشت پر دستخط کئے ہیں۔

    معاہدے پر پی سی بی چیئرمین رمیز راجہ اور بینک کے صدر اور سی ای او رحمت علی حسنی نے دستخط کیے اور یہ معاہدہ 5 سال کیلئے ہوا ہے۔

    ٹی20 ورلڈکپ؛ آسٹریلیا کیخلاف سری لنکا کی بیٹنگ جاری

    اس حوالے سے رمیز راجہ کا کہنا تھاکہ قومی بینک کا پی سی بی کے ساتھ جڑنا ایک اعزاز ہے، اسٹیڈیمز مارکیٹنگ کا ایک شاندار طریقہ ہے اور دنیا بھرمیں اس کو اہمیت دی جاتی ہے۔

    انہوں نے کہا کہ کراچی کرکٹ کا گڑھ ہے اور نیشنل اسٹیڈیم پاکستان کرکٹ کی ایک تاریخ ہے۔ سی ای او نیشنل بینک کا کہنا تھاکہ ہماری بورڈ کے ساتھ پارٹنر شپ کی شروعات ہیں، قومی ادارے کی حیثیت سے کام کر رہے ہیں، نیشنل اسٹیڈیم کے رائٹس لینا اعزاز ہے۔

    مفاہمت کی یادداشت پر حال ہی میں این بی پی کے قائم مقام صدر رحمت علی حسنی اور پی سی بی کے چیئرمین رمیز راجہ نے لاہور میں پاکستان کرکٹ بورڈ کے ہیڈ آفس میں دستخط کئے جس کے تحت این بی پی کو نیشنل سٹیڈیم کراچی کےلئے آئندہ پانچ سال کےلئے نیمنگ رائیٹس ملیں گے۔

    بلوچستان ہاکی ایسوسی ایشن کے چیف سلیکٹر سمیت 4 حکام ٹریفک حادثے میں جاں بحق

    رمیز راجہ اور رحمت علی حسنی نے میڈیا سے بات چیت کرتے ہوئے اس بات پر اتفاق کیا کہ دونوں ادارے نچلی سطح پر ٹیلنٹ کی تلاش اور ان کی صلاحیتوں کو نکھارنے کےلئے مل کر کام کریں گے جو ملک میں کرکٹ کی ترقی اور فروغ کےلئے بہت ضروری ہے۔

  • وزیراعظم شہباز شریف کی سعودی ولی عہد محمد بن سلمان سے ملاقات

    وزیراعظم شہباز شریف کی سعودی ولی عہد محمد بن سلمان سے ملاقات

    ریاض:وزیراعظم شہباز شریف اور سعودی ولی عہد شہزادہ محمد بن سلمان کے درمیان ملاقات ہوئی، جس میں دونوں رہنماؤں نے دو طرفہ تعلقات اور باہمی امور سمیت دیگر اہم ایشوز پر تبادلہ خیال کیا۔

    وزیراعظم شہباز شریف اپنے وفد کے ہمراہ سعودی عرب کے 2 روزہ سرکاری دورے پر ہیں، جہاں انہوں نے آج فیوچر انویسٹمنٹ انیشیٹیو سمٹ سے خطاب کیا تھا۔

    وزیراعظم شہباز شریف قصر یمامہ پہنچے تو سعودی ولی عہد شہزادہ محمد بن سلمان نے ان کا پرتپاک استقبال کیا، ان کے ہمراہ وزیر خزانہ اسحاق ڈار، وزیر دفاع خواجہ محمد آصف، وزیر اطلاعات مریم اورنگزیب اور دیگر افراد بھی تھے۔

    وزیراعظم شہباز شریف اور شہزادہ محمد بن سلمان کے درمیان ملاقات میں پاک سعودی تعلقات کا جائزہ لیا گیا اور مستقبل میں دونوں ممالک کے درمیان سرمایہ کاری کے فروغ اور مختلف شعبوں میں تعاون کو بڑھانے پر اتفاق کیا گیا۔

    اس سے قبل وزیراعظم شہباز شریف نے فیوچر انویسٹمنٹ سمٹ سے خطاب کرتے ہوئے سعودی قیادت کے وژن کو سراہا اور کہا ہے کہ شہزادہ محمد بن سلمان ملک کے مستقبل کیلئے متحرک ہیں، سماجی و مقاشی ترقی کیلئے خواتین کا بااختیار ہونا ضروری ہے، عام آدمی کے معیار زندگی کو بہتر بنانے کیلئے اقدامات کرنا ہوں گے۔

    انہوں نے آلودگی سے بچنے اور پوری دنیا کیلئے ہوا کے معیار کو بہتر بنانے کیلئے سورج، ہوا اور پانی سے بجلی کے حصول کے شعبے میں سرمایہ لگانے کی ضرورت پر زور دیا۔

  • آزاد جموں و کشمیر میں سیاحت کے فروغ کیلئے کمرشل ہیلی کاپٹر سروس کا افتتاح

    آزاد جموں و کشمیر میں سیاحت کے فروغ کیلئے کمرشل ہیلی کاپٹر سروس کا افتتاح

    صدر مملکت ڈاکٹر عارف علوی نے آزاد جموں و کشمیر میں سیاحت کے فروغ کیلئے کمرشل ہیلی کاپٹر فلائٹ سروس کا افتتاح کردیا۔آزاد کشمیر کے علاقے باغ میں منگل کو نجی کمپنی کشمیر ایئر کی لانچنگ تقریب کا انعقاد کیا گیا، جس میں صدر مملکت ڈاکٹر عارف علوی کے ساتھ وزیراعظم آزاد کشمیر سردار تنویر الیاس بھی موجود تھے۔

    دورہ آزاد کشمیر میں صدر مملکت نے نجی کمپنی کی ہیلی کاپٹر فلائٹ سروس کا افتتاح کیا، انہوں نے باغ میں ایک نئے قائم ہونیوالے پرائیویٹ اسکول کے علاوہ ہیلتھ کیئر انفارمیشن ٹیکنالوجی کمپنی کے فلیگ شپ کیمپس کا دورہ کیا۔اس موقع پر صدر مملکت کو عباس پور میں اسپتال کے قیام کے بارے میں بریفنگ دی گئی۔

    ہیلی کاپٹر سروس کے افتتاح کی تقریب سے خطاب کرتے ہوئے صدر مملکت نے کہا کہ قدرت نے آزاد جموں و کشمیر کو حسن اور سیاحت کی بے پناہ صلاحیتوں سے نوازا ہے، پرائیویٹ سیکٹر کو آزاد جموں و کشمیر کے سیاحتی شعبے کی ترقی کیلئے آگے آنا چاہئے تاکہ اس کی بھرپور صلاحیتوں کو بروئے کار لایا جاسکے۔

    انہوں نے آزاد جموں و کشمیر کی حکومت پر زور دیا کہ وہ پائیدار اور ماحول دوست سیاحت کو فروغ دینے کے علاوہ نجی شعبے کی سرمایہ کاری میں سہولت فراہم کرنے کیلئے سیاحت دوست پالیسیاں وضع کرے۔

    صدر مملکت کا کہنا ہے کہ سیاحت دنیا کی بہت سی ترقی پذیر معیشتوں کی بنیاد بن چکی ہے اور اسے زرمبادلہ کمانے، روزگار کے مواقع پیدا کرنے، ترقی کے عمل کو تیز کرنے اور معاشی تفاوت کو کم کرنے کا ایک اہم ذریعہ سمجھا جاتا ہے۔

    انہوں نے آزاد جموں و کشمیر میں سیاحت کی منصوبہ بندی کیلئے ایک مربوط نقطہ نظر اپنانے پر زور دیتے ہوئے کہا کہ اسٹیک ہولڈرز، کاروبار، وسائل اور سیاحتی سرگرمیوں کے درمیان روابط قائم کرنے کے علاوہ خطے پر سیاحت کے اقتصادی، سماجی اور ماحولیاتی اثرات کا بغور جائزہ لیا جانا چاہئے۔

  • سابق باکسر اور بااثر شخصیت اینڈریو ٹیٹ نے اسلام قبول کرلیا

    سابق باکسر اور بااثر شخصیت اینڈریو ٹیٹ نے اسلام قبول کرلیا

    نیویارک :سابق باکسر اور بااثر شخصیت اینڈریو ٹیٹ نے اسلام قبول کرلیا،سابق کک باکسر اینڈریو ٹیٹ نے اسلام قبول کرلیا۔ پہلے انہوں نے اسلام کو دنیا کا آخری سچا مذہب قرار دیا تھا اور اب خود اپنے مسلمان ہونے کی تصدیق کی ہے۔

    اینڈریو ٹیٹ کی سوشل میڈیا پر سابق ایم ایم اے فائٹر تام خان کے ساتھ نماز سیکھتے ہوئے ویڈیو وائرل ہورہی ہے۔حال ہی میں ٹیٹ کو مبینہ طور پر دبئی میں سابق ایم ایم اے فائٹر ٹیم خان کے ساتھ دیکھا گیا تھا۔

     

    https://twitter.com/CobraTateKING/status/1584549763231322112?ref_src=twsrc%5Etfw%7Ctwcamp%5Etweetembed%7Ctwterm%5E1584549763231322112%7Ctwgr%5Ee9a75ceba360cdfa5061c8980ded4adcc2b3f1eb%7Ctwcon%5Es1_&ref_url=https%3A%2F%2Fwww.samaa.tv%2Fnews%2F40009767

    اس ویڈیو میں ٹیم خان، اینڈریو ٹیٹ کو نماز سکھاتے ہوئے نظر آرہے ہیں۔اینڈریو ٹیٹ نے سوشل میڈیا کی ایک پوسٹ کے ذریعے اسلام قبول کرنے کی تصدیق کی۔

     

    ٹیٹ نے اسلام قبول کرنے کی وجہ بھی بتادی، ساتھ ہی قرآن کی ایک آیت بھی شیئر کی، جس کا مفہوم ہے ’’صبر رکھو، یقیناً اللہ کا وعدہ سچا ہے‘‘۔

    اینڈریو ٹیٹ کو فی الحال تمام سوشل میڈیا پلیٹ فارمز پر پابندی کا سامنا ہے، چنانچہ انہوں نے بندش سے باقی رہ جانیوالے ایک اکاؤنٹ پر اعلان کیا کہ وہ مسلمان ہوچکے ہیں۔