Author: News Editor

اسلام آباد:مقتول صحافی ارشد شریف کی میت پوسٹمارٹم کے بعد لواحقین کے سپرد کردی گئی۔اطلاعات کے مطابق ورثاء کی درخواست پر پمز اسپتال میں ڈاکٹرز کے 8 رکنی بورڈ نے مقتول کا دوبارہ پوسٹ مارٹم کیا اور نمونے ٹیسٹ کیلئے مختلف لیبارٹریز بھجوادیے گئے۔ پوسٹ مارٹم کے بعد ارشد شریف کی میت دوبارہ قائداعظم اسپتال منتقل کر دی گئی ہے۔

ورثاء کے مطابق مرحوم کی نماز جنازہ جمعرات کو دن 2 بجے فیصل مسجد میں ادا کی جائے گی جبکہ تدفین ایچ الیون قبرستان میں ہوگی۔

دوسری جانب وزارت داخلہ نے کینیا میں ارشد شریف کے قتل کیلئے کیلئے دو رکنی کمیٹی تشکیل دے دی۔

ایف آئی اے کے ڈائریکٹر اطہر وحید اور آئی بی کے ڈپٹی ڈائریکٹر جنرل عمر شاہد پر مشتمل کمیٹی کینیا روانہ ہوگئی جہاں قتل کے شواہد حاصل کرنے اور ارشد شریف کے پاکستان سے دوبئی اور پھر کینيا جانے کی وجوہات اور محرکات کا کھوج لگائے گی۔

یاد رہے کہ سینئر اینکر پرسن ارشد شریف کے پوسٹ مارٹم کی ابتدائی رپورٹ تیار کرلی گئی۔تفصیلات کے مطابق سینئر صحافی ارشد شریف کا پوسٹ مارٹم تین سے زائد گھنٹے جاری رہا، مختلف شعبوں کے سنیئر ڈاکٹرز نے تفصیلی معائنہ کیا اور ارشد شریف کے جسم کا سی ٹی اسکین اور ایکسرے کئے گئے۔

اسپتال ذرائع نے بتایا کہ ایکسرے، سی ٹی اسکین میں پورے جسم کی ہڈیوں کی جانچ کی گئی، ارشد شریف کے کندھے، سر کی ہڈی ٹوٹی پائی گئی ہے، ارشد شریف کے سر، کندھے کے علاوہ تمام ہڈیاں اصل حالت میں ہیں۔

رپورٹ میں بتائے گئے زخموں کی نوعیت کے مطابق سینئر صحافی ارشد شریف کو گولی دور سے لگی ہے، ایک گولی سر اور دوسری گولی سینے وکندھے کے بیچ میں لگی ہے، کندھے پر لگنے والی گولی سے ہڈی ٹوٹی، اندرونی اعضاء شدید متاثر ہوئے۔

رپورٹ کے مطابق ارشد شریف کے کندھے پر لگنے والی گولی کے ٹکڑے جسم میں تاحال موجود ہیں اور ارشد شریف کے سر میں لگنے والی گولی آر پار ہو گئی تھی۔

اس سے قبل سینئر صحافی ارشد شریف کا جسد خاکی پاکستان پہنچنے پر گزشتہ شب ان کے اہل خانہ کے سپرد کردیا گیا تھا، جس کے بعد اہل خانہ کی جانب سے لاش کا پوسٹ مارٹم کرنے کی درخواست کی گئی تھی اور میڈیکل ڈائریکٹر پمز نے پوسٹ مارٹم کے لیے 8 رکنی میڈیکل بورڈ تشکیل دیا تھا۔

میڈیکل بورڈ کے ارکان میں کلینیشین، سرجنز اور سینئر ترین میڈیکولیگل افسران سمیت 6 سینئر ترین ڈاکٹر شامل تھے جب کہ متوفی کے اہل خانہ کی خصوصی درخواست پر مزید 2 افراد کا اضافہ کیا گیا، جن میں ای این ٹی سرجن اور او ایم ایف ایس سرجن شامل تھے۔

لاہور:ارشد شریف کو دنیا چھوڑے ہوئے ابھی تین دن ہوئے ہیں، اس کا خاندان ، دوست احباب سب غمگین ہیں، ارشد شریف جو کہ ایک انتہائی خوبصورت اور مسکراہٹ والا چہرہ آنکھوں کے سامنے آجاتا ہے ،

ان حالات میں کچھ ایسے بھی لوگ ہیں کہ جوان کی وفات پر سیاست کررہےہیں،وہ لاشوں پر سیاست کررہے ہیں ، یہ وہ لوگ ہیں کہ جو فیک اکاونٹس سے اس قسم کا دھندا چلاتے ہیں پھراس کو لانچ کرتے ہیں ، جہاں جزبات کے سودے ہوتے ہیں ، جہاں نفرت بوئی جاتی ہیں ،جہاں غداری پرکاروبار ہوتا ہے ،

مبشرلقمان کا کہنا تھاکہ میرے پاس کچھ ایسے ثبوت ہیں جو چند فالورز بڑھانے کے لیے بہت غلط طریقے استعمال کررہےہیں ، ان کا کہنا تھا کہ جس رات ارشد شریف کی وفات کی خبر وائرل ہوتی ہے تو اس وقت جب سوائے چند لوگوں کے کسی کو پتہ نہیں تھا ، انہوں نے پروپیگنڈہ شروع کردیا ،

ان کا یہ بھی کہنا تھا کہ یہ وہ لوگ ہیں جب ارشد شریف نے زلفی بخاری سمیت پارٹی کی کرپشن بے نقاب کی تو یہی وہ لوگ تھے جنہوں نے اس وقت ارشد شریف کےخلاف انتہائی غلط انداز سے کردار کشی کی تھی ، ان کا یہ بھی کہنا تھا کہ یہ وہ لوگ ہیں کہ جو اس کے خلاف ٹرینڈ چلاتےتھے ،ان کا کہنا تھا کہ آج وہ مامے چاچے بن رہےہیں ، ان کا کہنا تھا کہ بنی گالہ سے ایک شخص کچھ ایسے ٹویٹ کررہا تھا ، وہ کہہ رہا ہےکہ میں کینیا کا ایک صحافی ہوں ، ان کا کہنا تھا کہ اس اکاونٹ کو 10 ، 10 ہزار فالورز مل رہےہیں ، ان کا کہنا تھا کہ ایسے درجنوں ٹویٹر اکاونٹ ہیں جو اس کام پر لگے ہوئے

ان کاکہنا تھا کہ وہ لوگ جو ارشد شریف اور اس کے گھروالوں کے خلاف پراپیگنڈہ کرتے تھے آج وہ ارشد شریف کی میت سے لپٹے ہوئے ہیں ، ان کا کہنا تھاکہ آج وہ بڑے بڑے عجیب نام سے کام کرتے ہیں ، کبھی اعتزاز احسن ، کبھی بی بی سی تو کبھی کینیا کے صحافی کے طور پر اپنا تعارف کرواتے ہیں ، ان کا یہ بھی کہنا تھاکہ خاندان بہت زیادہ غم میں ہیں اور یہاں فیک تصاویر اور ویڈیوز بھی شامل ہیں

ان کا کہنا تھا کہ ایک شخص نے تو پاک آرمی کے شہید افسر کی تصویر وائرل کردی تھی تو اسکے خاندان نے یہ کہہ دیا کہ بھائی خدارا یہ ہمارے شہید کی تصویر ہے ، ان کا یہ بھی کہنا تھا کہ عمران خان کو دیکھیں کہ پہلے وہ کیا کرتے رہے ، اب ارشد شریف کی وفات پر سیاست کرتے رہے ، ساہیوال کے واقعہ پر اور ہزارہ کے واقعہ پر جس طرح‌عمران خان نے جو کام کیا وہ سب کے سامنے ہے

انکا کہناتھا کہ اگر یہ لانگ مارچ ناکام ہوا یہ عمران خان کے گلے کی ہڈی بن سکتی ہے ، کیوںکہ جو دو مطالبات منوانا چاہتے ہیں وہ نہیں ہوں گے ، نہ آرمی چیف انکی مرضی کا نہیں ہوگا ، الیکشن فی الحال نہیں ہوں گے ،ان کا کہنا تھا کہ ابھی تو ارشد شریف کا خون رائیگاں نہیں ہوگا ، ان کا کہنا تھا کہ عمران خان نے لانگ مارچ کرنا تھا بعد میں وہ ارشد شریف کی شہادت کی وجہ سے پہلے یعنی جمعہ کو کررہے ہیں ان کا کہنا تھاکہ اللہ سے دعا ہے کہ اللہ تعالی سب کو محفوظ رکھیں‌

اسلام آباد:پارٹی پالیسی کے خلاف بیان دینے اورلانگ مارچ کو نقصان پہنچانے کی غرض سے فیصل واوڈا کے بیان کے بعد پاکستان تحریک انصاف (پی ٹی آئی) نے فیصل واوڈا کو شوکاز نوٹس جاری کردیا ہے

اس حوالے سے ٹوئٹر پر پوسٹ کرتے ہوئے پی ٹی آئی کے جنرل سیکرٹری اسد عمرکا کہنا تھا کہ فیصل واوڈا کا بیان پارٹی پالیسی کی عکاسی نہیں کرتا۔

اسدعمرکا کہنا تھا کہ چیئرمین پی ٹی آئی عمران خان کی ہدایت پر پی ٹی آئی سندھ کے صدر کو پارٹی پالیسی کی خلاف ورزی کرنے پر فیصل واوڈا کو شوکاز نوٹس جاری کرنے کو کہا گیا ہے۔

Faisal wavda statement does NOT represent party policy and views. President sind has been told on the instructions of the chairman @ImranKhanPTI, to issue show cause notice to faisal for violating party policy https://t.co/V5f59d9ZaW

— Asad Umar (@Asad_Umar) October 26, 2022

دوسری جانب تحریک انصاف سندھ کے صدر علی زیدی نے بھی ٹوئٹ میں کہا ہےکہ فیصل واوڈا نے لانگ مارچ کو نقصان پہنچانے کی کوشش کی، سرکاری ٹی وی سمیت تمام چینل نے پریس کانفرنس دکھائی، یہ اس بات کا ثبوت ہے کہ انھیں امپورٹڈ حکومت نے لانچ کیا ہے۔

علی زیدی کا کہنا تھا کہ فیصل واوڈا کی پریس کانفرنس کا کوئی مقصد سمجھ نہیں آیا، عمران خان کی سب کو پر امن رہنے کی واضح ہدایات ہیں،عمران خان کی ہدایت کے بعد اس پریس کانفرنس کا کوئی وزن نہیں۔

خیال رہے کہ اسلام آباد میں پریس کانفرنس کرتے ہوئے فیصل واوڈا کا کہنا تھا کہ لانگ مارچ میں خون ہی خون، جنازے ہی جنازے نظر آرہے ہیں، امپورٹڈ شخصیات اور کئی لاشیں مارچ کی آڑ میں آنے والے دنوں میں گرنے والی ہیں۔

فیصل واوڈا کا کہنا تھا کہ عمران خان جو پرامن مارچ کرنے جارہے ہیں یہ ہمارا جمہوری حق ہے، لاشوں اور خون کا کھیل اس ملک میں بند ہونا چاہیے، لانگ مارچ کے بیانیےکی آڑ میں سازش رچائی جارہی ہے، عوام ہرچیز پر لبیک کہیں لیکن کسی اور کے لیے بے گناہ موت نہ مریں، پر امن احتجاج کی آڑ میں بہت سارا خون بہتا دیکھ رہا ہوں۔