Author: News Editor

اسلام آباد:وفاقی وزیر ایوی ایشن خواجہ سعد رفیق کی زیر صدارت محکمہ ایوی ایشن کا خصوصی اجلاس ہوا ہے جس میں وفاقی وزیر نے اس بات کے عزم کا اظہار کیا کہ پاکستان میں ہوائی سفر میں حائل مشکلات جلد دورکی جائیں گی :

خواجہ سعد رفیق اس موقع پر زمینی رابطے کے فقدان کے باعث کوئٹہ کا فضائی آپریشن بڑھانے کیلئے قومی اور دیگر ملکی ائیرلائنز کو ہدایات جاری کیں اور اس پر جلد از جلد عمل کرنے کا بھی حکم دیا

اس اہم اجلاس میں خواجہ سعد رفیق نے کہا کہ لاہور سے کوئٹہ کی ہفتہ وار پروازوں کو بھی بڑھایا جائے ، ان کا کہنا تھا کہ پی آئی اے اپنی سئنر سیٹیزن، سٹوڈنٹ اور خصوصی افراد کو دی گئی رعایت کو فروغ کرے

خواجہ سعد رفیق کا کہنا تھا کہ پی آئی اے کوئٹہ سے ایران اور عراق کے لئے پروازیں چلانے کی فیزیبیلیٹی بنائے تاکہ زائرین کو محفوظ اور آرام دہ سفر کی سہولتیں میسر آ سکیں۔

اس موقع پر وفاقی وزیر نے مزید ہدایات جاری کرتے ہوئے کہا کہ پی آئی اے نے اپنے کھانے کے معیار کو بہتر کیا ہے مگر اس میں مزید بہتری کی گنجائش ہے ، ان کا کہنا تھا کہ چھوٹے جیٹ طیاروں پر مشتمل بجٹ ائر لائنز کی حوصلہ افزائ کی جائیگی تاکہ دومیسٹک فلائٹس میں اضافہ ھو اور چھوٹے ائر پورٹ فنکشنل ھو سکیں

اس اہم اجلاس میں وفاقی وزیرہوابازی خواجہ سعد رفیق نے کہا کہ پی آئی اے سمیت دیگر ائیرلائنز اس مقصد کی خاطر ٹور پروموٹر لائسنس یافتہ فضائی کمپنیوں کے ساتھ اشتراک کریں

صحافیوں کے خلاف مقدمات، شیریں مزاری میدان میں آ گئیں، بڑا اعلان کر دیا

سرکاری زمین پر ذاتی سڑکیں، کلب اور سوئمنگ پول بن رہا ہے،ملک کو امراء لوٹ کر کھا گئے،عدالت برہم

جتنی ناانصافی اسلام آباد میں ہے اتنی شاید ہی کسی اور جگہ ہو،عدالت

اسلام آباد میں ریاست کا کہیں وجود ہی نہیں،ایلیٹ پر قانون نافذ نہیں ہوتا ،عدالت کے ریمارکس

اسلام آباد:دنیا بھر میں جب پٹرولیم مصنوعات کی قیمتیں بڑھتی ہیں تو پاکستان کے عوام پر بھی اضافی بوجھ ڈال دیا جاتا ہے مگر عالمی منڈی میں قیمتیں کم ہونے کا عوام کو کوئی ریلیف نہیں دیا جاتا عالمی منڈی کے مقابلے میں پاکستان میں پٹرولیم مصنوعات کی قیمتیں کیا ہونی چاہئیں؟ آیئے بتاتے ہیں۔

عالمی منڈی میں پٹرول، ڈیزل سستا ہو گیا، تاہم پاکستان میں عوام فائدے سے محروم ہیں، پٹرول پر 63 روپے 17 پیسے جبکہ ڈیزل 21 روپے 6 پیسے فی لٹر اضافی وصولیوں سے خزانہ تو بھرنے لگا مگر عوام کی جیبیں خالی ہیں۔

آئل کمپنیز ایڈوائزری کونسل کے عہدیداروں نے دنیا نیوز کو بتایا اس وقت پٹرول کی قیمت خرید 172 روپے 81 پیسے فی لٹر ہے جو عوام کو 235 روپے 98 پیسے میں مل رہا ہے، پٹرول پر37 روپے 50 پیسے لیوی، 4 روپے 76 پیسے فریٹ مارجن، 3 روپے 68 پیسے ڈسٹرکٹ مارجن اور 7 روپے فی لٹر ڈیلرز مارجن بھی عائد ہے۔

حکومت پٹرول پر یومیہ 1 ارب 89 کروڑ جبکہ ماہانہ 56 ارب 85 کروڑروپے کما رہی ہے۔ اسی طرح ڈیزل کی قیمت خرید 224 روپے 69 پیسے ہے جو عوام کو 245 روپے 75 پیسے میں مل رہا ہے، ڈیزل پر عوام سے یومیہ 63 کروڑ جبکہ ماہانہ 18 ارب95 کروڑ روپے سے زائد کما رہی ہے۔

سولہ ستمبر کو بھی پٹرول 10 روپے جبکہ ڈیزل 4 روپے فی لٹر سستا ہونا چاہیئے تھا مگر حکومت یہ ریلیف روک کر عوام سے یومیہ 42 کروڑ روپے اضافی وصول کر رہی ہے۔

راولپنڈی:افغانستان کی سرحد سے پاک فوج کی چوکی پردہشت گردوں کا حملہ پسپا کردیاگیا:ایک جوان وطن پرقربان،اطلاعات کے مطابق پاکستان کے ساتھ ملحقہ بین الاقوامی سرحد کے اس پار افغانستان کے اندر سے دہشت گردوں نے شمالی وزیرستان کے ضلع دوتوئی کے عام علاقے میں پاکستانی فوجیوں پر فائرنگ کی۔

پاک فوج کے ترجمان کے مطابق ان دہشت گردوں کے حملے کا پاک فوج کے جوانوں بھرپورجواب دیا،معتبرذرائع کے مطابق مصدقہ انٹیلی جنس رپورٹس کے مطابق پاک فوج کے جوانوں کی فائرنگ سے دہشت گردوں کو بھاری جانی نقصان پہنچا۔

اس موقع پر پاک فوج کے ایک جوان سپاہی نذر محمد جعفرآباد کے رہنے والے تھے نے بہادری سے لڑتے ہوئے شہادت کو گلے لگا لیا۔

پاکستان دہشت گردوں کی جانب سے پاکستان کے خلاف سرگرمیوں کے لیے افغان سرزمین کے استعمال کی شدید مذمت کرتا ہے اور توقع کرتا ہے کہ عبوری افغان حکومت مستقبل میں ایسی سرگرمیوں کی اجازت نہیں دے گی۔

پاک فوج دہشت گردی کی لعنت کے خلاف پاکستان کی سرحدوں کے دفاع کے لیے پرعزم ہے اور ہمارے بہادر سپاہیوں کی ایسی قربانیاں ہمارے عزم کو مزید مضبوط کرتی ہیں۔

یاد رہے کہ چند دن پہلے بھی بین الاقوامی سرحد کے پار افغانستان کے اندر سے گزشتہ روز دہشت گردوں نے فائرنگ کرکے پاک فوج کے تین جوانوں کو شہید کر دیا تھا جبکہ سکیورٹی فورسز کی جوابی کارروائی میں دہشت گردوں کو بھاری نقصان کا سامنا کرنا پڑا۔

پاک فوج کے ترجمان ادارے آئی ایس پی آر کے مطابق افغانستان کی سرزمین سے دہشت گردوں نے ضلع کرم کے علاقے خرلاچی میں پاکستانی فوجیوں پر اچانک اندھا دھند فائرنگ کردی تھی ۔ سکیورٹی فورسز نے بھرپور جوابی کارروائی کرکے دہشت گردوں کو پسپا کر دیا جبکہ فائرنگ کے تبادلے کے دوران نائیک محمد رحمان‘ نائیک معاویز خان اور سپاہی عرفان اللہ شہید ہو گئے۔

پاکستان نے اس افسوسناک واقعہ میں دہشت گردوں کی جانب سے افغان سرزمین استعمال کرنے کی شدید الفاظ میں مذمت کی اور توقع ظاہر کی ہے کہ افغان حکومت مستقبل میں ایسی سرگرمیوں کی اجازت نہیں دیگی۔

آئی ایس پی آر کے مطابق پاک فوج دہشت گردی کی لعنت کیخلاف پاکستان کی سرحدوں کے دفاع کیلئے پرعزم ہے اور ہمارے بہادر جوانوں کی ایسی قربانیاں ہمارے عزم کو مزید مضبوط کرتی ہیں۔

صحافیوں کے خلاف مقدمات، شیریں مزاری میدان میں آ گئیں، بڑا اعلان کر دیا

سرکاری زمین پر ذاتی سڑکیں، کلب اور سوئمنگ پول بن رہا ہے،ملک کو امراء لوٹ کر کھا گئے،عدالت برہم

جتنی ناانصافی اسلام آباد میں ہے اتنی شاید ہی کسی اور جگہ ہو،عدالت

اسلام آباد میں ریاست کا کہیں وجود ہی نہیں،ایلیٹ پر قانون نافذ نہیں ہوتا ،عدالت کے ریمارکس