Baaghi TV

Author: News Editor

  • حکومت کا پیٹرولیم مصنوعات کی قیمتیں برقرار رکھنےکا اعلان

    حکومت کا پیٹرولیم مصنوعات کی قیمتیں برقرار رکھنےکا اعلان

    لاہور: حکومت نے آئندہ پندرہ روز کے لیے پیٹرولیم مصنوعات کی قیمتیں نہ بڑھانے کا اعلان کردیا۔اس بات کا اعلان آج وزیر خزانہ اسحاق ڈار نے لاہور میں پریس کانفرنس کرتے ہوئے کیا۔ اسحاق ڈار نے کہا کہ آج رات بارہ بجے سے آئندہ 15 روز کے لیے نئی قیمتوں کا اطلاق ہونا تھا، یہ ہی قیمتیں برقرار رہیں گی اور ان میں کوئی کمی یا اضافہ نہیں کیا جارہا۔

    ن لیگ کا نگراں وزیراعلیٰ پنجاب کیلئے تین ناموں پر غور شروع

    اسحاق ڈار نے کہا کہ مٹی کے تیل کی قیمت اس وقت 171 روپے 83 پیسے ہے جس میں کوئی تبدیلی نہیں کی جارہی اسی طرح لائٹ ڈیزل آئل 179 روپے ہے اور یہ بھی مہنگا نہیں ہورہا۔

    ایم کیو ایم نے الیکشن کمیشن کے خلاف چیف جسٹس کو خط لکھ دیا

    دوسری طرف کل سے خبریں گردش کررہی ہیں‌ کہ ملک میں ایک بار پھر تیل کے بحران کا خدشہ پیدا ہوگیا، آئل کمپنیز ایڈوائزری کونسل نے ملک میں تیل کے بحران کی گھنٹی بجا دی، او سی اے سی نے معاملے کی حساسیت پر حکومت کو خط لکھ دیا۔خط میں کہا گیا ہے کہ بروقت ایل سیز نہ کھلنے سے ملک میں تیل کے بحران کا خدشہ ہے، بروقت ایل سیز کو یقینی بنانے کے لیے وزیر خزانہ اور وزیر پیٹرولیم کردار ادا کریں۔

    اوکاڑہ : بار کے کانٹے دار مقابلہ کے بعد میاں طلعت حسین صدر منتخب

    خط میں کہا گیا ہے کہ بینکوں کی جانب سے ایل سیز نہ کھلنے سے کچھ آئل کارگوز منسوخ ہوچکے ہیں اور ایل سیز نہ کھلنے سے تیل کی سپلائی میں تعطل پیدا ہورہا ہے جسے فوری طور پر ختم کرنا ناگزیر ہے۔

    مزید کہا گیا ہے کہ ملکی ضروریات پوری کرنے کے لیے ایک ارب تیس کروڑ ڈالرمالیت کا تیل درآمد کیا جاتا ہے، ملک میں ماہانہ 4 لاکھ 30 ہزار میٹرک ٹن پٹرول 2 لاکھ میٹرک ٹن ڈیزل درآمد کیا جاتا ہے، ایک مرتبہ سپلائی چین متاثر ہونے کے بعد بحالی میں 6 سے 8 ہفتے لگیں گے۔

  • آزادیٴ صحافت کےداعی،سینئرصحافی خالد چوہدری انتقال کرگئے

    آزادیٴ صحافت کےداعی،سینئرصحافی خالد چوہدری انتقال کرگئے

    لاہور:آزادیٴ صحافت کےداعی،سینئر صحافی خالد چوہدری انتقال کرگئےہیں اوران کےانتقال کی خبرسن کرصحافی برادری بھی غمگین ہوگئی ہے،

    صحافتی اورخاندانی ذرائع کےمطابق سنیئرصحافی بیمارتھے ،

    یہ بھی بھی معلوم ہواہے کہ سینئرصحافی خالد چوہدری نے پاکستان میں صحافت کی آزادی کےلیے مسلسل جدوجہد کی اوراس سلسلے میں مصائب کا بھی سامنا کیا لیکن ان کے عزم مصمم میں کسی بھی قسم کی لچک اور کمی نہیں‌آئی

    مرحوم خالد چوہدری کے خاندانی ذرائع کے حوالے سے یہ معلوم ہوا ہے کہ سینئر صحافی خالد چوہدری مرحوم کی نماز جنازہ کل 16جنوری بروزپیر بعد از نماز ظہر ڈیفنس فیزٹو بلاک ”ٹی”کی جامع مسجد میں ادا کی جائے گی اور انہیں آبائی قبرستان ”میانی صاحب”میں سپردخاک کیا جائے گا:

    غم کی اس گھڑی میں باغی ٹی وی ٹیم اورادارہ سینئرصحافی کی وفات پر خاندان کے غم میں برابر کا شریک ہے اوران کی مغفرت اوربخشش کےلیے اللہ کے حضور دعا گو ہے

    رہائش گاہ مکان نمبر109/7گلی نمبر6بلاک “جی”فیز5 ڈی ایچ اے:ساحر رشید،بھائی:رابطہ 03214140000

  • پنجاب میں عمران خان سےمشورہ کرکے نگراں وزیراعلیٰ کے نام دیں گے:پرویز الٰہی

    پنجاب میں عمران خان سےمشورہ کرکے نگراں وزیراعلیٰ کے نام دیں گے:پرویز الٰہی

    لاہور:وزیراعلیٰ پنجاب چوہدری پرویز الٰہی کا کہنا ہےکہ پنجاب میں نگراں وزیر اعلیٰ کے لیے عمران خان سے مشاورت کرکے نام دیں گے۔لاہورمیں میڈیا سے بات کرتے ہوئے پرویزالہٰی نے کہا کہ ہم نےاچانک اعتماد کا ووٹ لے کر انہیں سرپرائز دیا ہے۔ پنجاب میں مسلم لیگ (ن) کے گورنرکےکہنے پراعتماد کا ووٹ لیا، اب مسلم لیگ (ن) کی باری ہے، جب صدر انہیں اعتماد کا ووٹ لینے کا کہیں گے تو ان کی جان کے لالے پڑ جائیں گے۔

    تحریک انصاف میں انضمام کے حوالے سے پرویز الٰہی نے کہا کہ پیر کے روز مسلم لیگ (ق) کے رکن صوبائی و قومی اسمبلی کا اجلاس بلایا گیا ۔ جس میں مشاورت کی جائے گی۔پرویز الٰہی نے کہا کہ آئین کے مطابق گورنر پنجاب کو نگراں وزیر اعلیٰ کے لئے حمزہ شہباز کو خط لکھنا ہے، ہم آج رات عمران خان سے ملاقات کریں گے، جس میں وزیر اعلیٰ کے لئے نام کے لیے مشاورت کریں گے۔

    ایم کیو ایم نے الیکشن کمیشن کے خلاف چیف جسٹس کو خط لکھ دیا

    وزیر اعلیٰ پنجاب نے کہا کہ اسحاق ڈار کہتے تھے کہ ملک میں ڈالر لاؤں گالیکن وہ بھی ناکام ہوگیا، (ن) لیگ بہت نیچے چلی گئی ہے، یہ انتخابات میں منہ چھپاتے پھریں گے۔ نواز شریف کو شکست نظر آرہی ہے، اس لے وہ واپس نہیں آرہے، شہباز شریف کا کوئی منصوبہ کامیاب نہیں ہورہا۔ اب انہیں کسی غیبی مدد کا انتظار ہے۔صوبے میں ترقیاتی کاموں کے حوالے سے پرویز الٰہی نے کہا کہ 4 مہینوں میں ہم نے 4 سال کا کام کیا ہے، کوئی شعبہ ہم نے نظر انداز نہیں کیا۔

    نگراں وزیراعلیٰ پنجاب کے لیے مسلم لیگ (ن) نے تین ناموں پر غور شروع کردیا ہے-تفصیلات کے مطابق پنجاب اسمبلی کی تحلیل کے بعد اب نگراں وزیراعلٰی کے تقرر کے لیے ن لیگ نے مختلف ناموں پر غور شروع کردیا۔

    مسلم لیگ ن کا پنجاب اور خیبرپختونخوا میں بھرپور الیکشن لڑنے کا فیصلہ

    پارٹی ذرائع کے مطابق پارٹی کی جانب سے جسٹس (ر) خلیل الرحمان رمدے، سابق بیورو کریٹ ناصر مسعود کھوسہ اور جسٹس جواد ایس خواجہ کے ناموں پر غور ہوگا جبکہ قیادت نے سینئر رہنماؤں سے نگراں وزیراعلی کے لیے مزید نام بھی طلب کئے ہیں-

    واضح رہے کہ گورنر پنجاب نے قائم مقام وزیراعلی چوہدری پرویز الہی اور پنجاب اسمبلی میں قائد حزب اختلاف حمزہ شہباز کو نگراں وزیراعلی کی تقرری کے لیے خط لکھ رکھا ہے، حمزہ شہباز اس وقت بیرون ملک موجود ہیں۔

    گورنرپنجاب کا اسمبلی تحلیل کرنےسےانکار:اسمبلی پھربھی تحلیل ہوگئی

    واضح رہے کہ گورنر پنجاب نے صوبائی اسمبلی کی تحلیل پر دستخط کرنے سے انکار کردیا تھا ، سمری کے 48 گھنٹے پورے ہونے پر اسمبلی اور کابینہ خود بخود تحلیل ہوگئی تھی اب حکومت اور اپوزیشن مل کر 7 روز میں نگراں وزیراعلیٰ کا مقرر کریں گے۔

  • نیپال میں مسافرطیارہ گرکرتباہ،کم ازکم45افرادہلاک

    نیپال میں مسافرطیارہ گرکرتباہ،کم ازکم45افرادہلاک

    نیپال میں مسافر طیارہ گرکرتباہ ہوگیا ہےجس کےنتیجےمیں ابتدائی طورپرکم ازکم 45 افراد کی ہلاکت کی تصدیق کی گئی ہے۔بین القوامی خبرایجنسی کے مطابق نیپال کی نجی فضائی کمپنی یئٹی ایئر(Yeti Airlines) کا طیارہ ملک کے وسط میں واقع شہر پوکھارا کے نئے اور پرانے ہوائی اڈوں کے درمیان گر کر تباہ ہوگیا ہے۔

    پنجاب میں ڈسٹرکٹ بارکونسلزکےانتخابات،لاہورمیں بدنظمی،الیکشن23جنوری تک ملتوی

    غیر ملکی میڈیا رپورٹس کے مطابق مسافر طیارہ اتوارکووسطی نیپال کے پرانےاورنئے پوکھارا ہوائی اڈے کے درمیان گر کر تباہ ہوا۔

    آئی جی پنجاب کی ڈی جی خان آمد ، شہید ہیڈ کانسٹیبل کی نماز جنازہ میں شرکت ، اعلی…

    یٹی ایئر لائنز کے ترجمان نے بتایا کہ جہاز میں کل 72مسافرسوار تھے جن میں دو شیرخوار،4عملے اور10 غیر ملکی افراد شامل تھے، حادثے میں کسی کے زندہ بچ جانے کی معلومات نہیں ملی۔حادثے کے مقام سےچند لاشیں ملی ہیں اور ابھی ریسکیو آپریشن جاری ہے۔ جہاز کےگرنے کےبعد ملبے کو آگ لگ گئی تھی جسے بجھایا جا رہا ہے۔جبکہ مزید افراد کی تلاش جاری ہے۔

    ٹھٹھہ: بائی پاس پر ڈمپر اور کار میں تصادم 2 بچوں سمیت 4 زخمی

    آرمی ترجمان کا کہنا ہےکہ جائےحادثہ سےمزید لاشیں ملنےکےامکانات ہیں۔حکام نےتصدیق کی ہےکہ جائےحادثہ سے45لاشیں نکال لی گئی ہیں جب کہ دیگرکی تلاش جاری ہے۔واضح رہے کہ یورپی یونین نےحفاظتی خدشات کےپیش نظر تمام نیپالی طیاروں کے اپنی فضائی حدود میں داخلےپرپابندی لگارکھی ہے۔

  • ایم کیو ایم کا کراچی اورحیدرآباد کے بلدیاتی انتخابات کے بائیکاٹ کا اعلان

    ایم کیو ایم کا کراچی اورحیدرآباد کے بلدیاتی انتخابات کے بائیکاٹ کا اعلان

    کراچی:متحدہ قومی موومنٹ (ایم کیو ایم) پاکستان نے کراچی اور حیدرآباد میں آج ہونے والے بلدیاتی انتخابات کے بائیکاٹ کا اعلان کردیا۔کراچی میں میڈیا سےگفتگو کرتے ہوئے ایم کیو ایم کے کنوینر خالد مقبول صدیقی کا کہنا تھا کہ بلدیاتی انتخاب میں پہلے سے دھاندلی ہوچکی ہے، بلدیاتی الیکشن کوتسلیم کرنے سےانکار کرتےہیں۔

    مسلم لیگ ن کا پنجاب اور خیبرپختونخوا میں بھرپور الیکشن لڑنے کا فیصلہ

    خالد مقبول صدیقی کا کہنا تھا کہ الیکشن کمیشن کی پہلی ذمہ داری حلقہ بندیاں ہیں ، الیکشن کمیشن کو اُن کی کوتاہی پرتوجہ دلائی تو انہوں نےتوجہ نہیں دی، آج 15 جنوری تک انصاف کی کوشش کرتے رہے، صوبائی حکومت نےبھی الیکشن کمیشن کو حلقہ بندیوں پر توجہ دلائی۔

    تمام تر تحفظات کے باوجود بلدیاتی انتخابات میں حصہ لیں گے:ایم کیو ایم

    ایم کیو ایم سربراہ کا کہنا تھا کہ کراچی اور حیدرآباد کے ووٹ کے احترام کے لیےکوششیں کامیاب ہوتی نظر نہیں آرہی، ہماری کوششیں میئرکے لیے نہیں شہر کی صحیح نمائندگی کےلیےتھیں۔

    پنجاب میں ڈسٹرکٹ بارکونسلزکےانتخابات،لاہورمیں بدنظمی،الیکشن23جنوری تک ملتوی

    انہوں نے اپیل کی کہ عوام گھرپر بیٹھ کرہمارے ساتھ احتجاج میں شامل ہوں،کون کس کو جتوانا چاہتا ہے معلوم نہیں، آج کے الیکشن کے ثمرات عوام تک پہنچنا ہی نہیں ہیں، اصول ہار کر انتخاب جیتنے والے ہم نہیں۔ایم کیو ایم پاکستان کے اجلاس میں ڈاکٹر خالد مقبول صدیقی، وسیم اختر، فیصل سبزواری، مصطفیٰ کمال، ڈاکٹر فاروق ستار سمیت دیگر رہنماء شریک ہیں۔

     

  • کراچی:بلدیاتی انتخابات میں چند گھنٹےباقی:کئی پریذائیڈنگ افسرلاپتہ

    کراچی:بلدیاتی انتخابات میں چند گھنٹےباقی:کئی پریذائیڈنگ افسرلاپتہ

    کراچی: شہر اقتدار کے بلدیاتی انتخابات میں چند گھنٹے باقی رہ گئے، کئی پریذائیڈنگ افسران لاپتہ ہو گئے، الیکشن میٹریل کی منتقلی کئی علاقوں میں عارضی طور پر روک دی گئی۔

    ذرائع کے مطابق کراچی کےمختلف علاقوں سے30 سےزائد پریذائیڈنگ افسران اچانک غائب ہو گئے،پریذائیڈنگ افسران ڈیوٹیوں پرتاحال نہیں پہنچے،پریذائیڈنگ افسران کی تلاش کے لیے پولیس مصروف عمل ہے، دوسرے افسران کی تعیناتی کے لئے ڈی آر اوز سے رابطہ کیا گیا ہے۔مختلف علاقوں سے پولنگ میٹریل کی منتقلی کے دوران بدنظمی بھی دیکھنے میں آئی ہے۔

    دوسری جانب پولیس چیف کے مطابق شہر میں بلدیاتی انتخابات کے لیے پولنگ کا سامان منتقل کر دیا گیا، 3 سے 4 ہزار کی نفری مختلف محکموں سے لی ہے، نفری محکمہ جنگلات، اینٹی کرپشن ، اینٹی انکروچمنٹ فورس اور دیگر اداروں سے لی گئی ہے، رینجرز اور ایف سی کے جوان بھی مختلف مقامات پر تعینات کر دئیے گئے ہیں۔

    علاوہ ازیں ضلع سینٹرل میں عملے کی جانب سے پولنگ سامان لے کر جانے سے متعلق فوٹیج وائرل ہونے کے معاملے پر پولیس نے موقف اختیار کیا ہے کہ عملہ پولنگ سٹیشن کے قریب تھا اس لئے سامان پیدل لیکر جا رہا تھا۔پولیس کے مطابق ڈی آر او سینٹرل نے صورتحال چیک کی ہے، سارا سامان عملے کے پاس موجود ہے، تمام سامان عملے کی نگرانی میں لے جایا گیا، کچھ عناصر نے شور مچایا۔

  • کراچی:پولنگ شروع ہونےسےچند گھنٹے پہلےایم کیوایم کےامیدوارکوگولیاں ماردی گئیں

    کراچی:پولنگ شروع ہونےسےچند گھنٹے پہلےایم کیوایم کےامیدوارکوگولیاں ماردی گئیں

    کراچی:الیکشن شروع ہونےسےچند گھنٹے پہلے ایم کیوایم کےامیدوارکوگولیاں ماردی گئیں ہیں،اطلاعات ہیں کہ ایم کیو ایم کےبلدیاتی امیدوارسرورراجپوت یوسی 6 نارتھ کراچی کےامیدوار کو فائر نگ کرکے زخمی کردیا

    اس حوالے سے ایم کیوایم ذرائع کا کہنا ہے کہ ایم کیو ایم کے بلدیاتی امیدوار سرور راجپوت یوسی 6 نارتھ کراچی کے امیدوار کو نامعلوم افراد نے گولیاں مار کرزخمی کردیا ہے ، یہ بھی معلوم ہوا ہےکہ سرور راجپوت امیدوار یوسی 6 نارتھ کراچی کو زخمی حالت میں اسپتال منتقل کردیا گیا

    دوسری طرف اس واقعہ کورپورٹ کرتے ہوئے سنیئرصحافی مبشرلقمان نے اس واقعہ پر اظہارافسوس کیا ہے اوراسے کراچی کے امن کو خراب کرنے کی ایک مذموم حرکت قراردیا ہے ، ان کا کہنا ہےکہ ان حالات میں جب ملک کی تمام سیاسی جماعتوں کی یہ ذمہ داری بنتی ہےکہ وہ ملک کو بحران سے نکالنے کےلیے اپنی اپنی ذمہ داریاں نبھائیں اگروہ آپس میں ہی لڑیں‌ گے تو دشمن کو تو ضرور موقع ملے گا

     

    انہوں نے اس افسوس ناک واقعہ کی خبر اپنے ٹویٹ پیغام کے ذریعے شیئر کرتے ہوئے کہا تھا کہ "ایم کیو ایم کے بلدیاتی امیدوار سرور راجپوت یوسی 6 نارتھ کراچی کے امیدوار کو فائر نگ کرکے زخمی کردیا ”

    ادھر کراچی ڈویژن کے 7 اضلاع میں بلدیاتی انتخابات کے لئے ووٹنگ آج ہو گی، 7 اضلاع میں وسطی، شرقی، جنوبی،غربی، کیماڑی، کورنگی ملیر شامل ہیں، کراچی کے 25 ٹاؤنز کی 246 یوسیز میں بلدیاتی انتخابات کیلئے ووٹنگ ہوگی۔

    کراچی میں بلدیاتی انتخابات کیلئے 4990 پولنگ سٹیشن قائم کر دیئے گئے ہیں، ڈویژن میں 1496 پولنگ سٹیشن انتہائی حساس قرار دیئے گئے ہیں، ڈویژن کی 246 یوسیز میں 984 وارڈز ہیں۔

    ضلع وسطی کے 5 ٹاؤنز مین یوسیز کی تعداد 45 ہے، ضلع وسطی میں رجسٹرڈ ووٹرز کی کل تعداد 20 لاکھ 76 ہزار73 ہے، ضلع وسطی کے 1263 پولنگ سٹیشنز میں 360 انتہائی حساس، 903 حساس قرار دیئے گئے ہیں، ضلع شرقی کے 5 ٹاؤنز میں 43 یونین کمیٹیز ہیں۔

    ضلع شرقی میں رجسٹرڈ ووٹرز کی تعداد 14 لاکھ 54 ہزار 59 ہے، ضلع شرقی کے 799 پولنگ سٹیشنز میں سے 200 انتہائی حساس، 599 حساس قرار دیئے گئے ہیں، کورنگی کے 4 ٹاؤنز کی 37 یوسیز میں رجسٹرڈ ووٹرز کی تعداد 14 لاکھ 15 ہزار 91 ہے۔

    کورنگی کے 765 پولنگ سٹیشنز میں 318 انتہائی حساس، 447 حساس قرار دیئے گئے ہیں، ضلع غربی کے 639 پولنگ سٹیشنز میں سے 111 انتہائی حساس، 528 حساس قرار دیئے گئے ہیں، کیماڑی کے تین ٹاؤنز کی 32 یوسیز میں رجسٹرڈ ووٹرز 8 لاکھ 44 ہزار 851 ہیں۔

    ضلع ملیر میں 497 پولنگ سٹیشنز میں 119 انتہائی حساس جبکہ 378 حساس قرار دیئے گئے ہیں، ضلع جنوبی کے ٹاؤنز کی 26 یوسیز میں رجسٹرڈ ووٹر 9 لاکھ 95 ہزار 54 ہیں، ضلع جنوبی میں 480 پولنگ سٹیشنز میں 224 انتہائی حساس اور 256 حساس ہیں۔

  • چارلز لٹویج ڈوجسن:پیشہ ریاضی داں، فوٹوگرافر، شاعر، شماس، ادیب

    چارلز لٹویج ڈوجسن:پیشہ ریاضی داں، فوٹوگرافر، شاعر، شماس، ادیب

    پیدائش:27 جنوری 1832ء
    دریسبوری
    وفات:14 جنوری 1898ء
    گیلڈفورڈ
    وجۂ وفات:نمونیا
    مدفن:سرے
    طرز وفات:طبعی موت
    رہائش:انگلستان
    شہریت:متحدہ مملکت برطانیہ عظمی و آئر لینڈ، مملکت متحدہ
    عارضہ:مرگی
    مادر علمی:کرائسٹ چرچ
    پیشہ ریاضی داں، فوٹوگرافر، شاعر، شماس، ادیب اطفال، روزنامچہ نگار، ناول نگار، مصنف، آپ بیتی نگار، فلسفی
    زبان:انگریزی
    شعبۂ عمل:مصنف
    ملازمت:جامعہ اوکس فورڈ
    کارہائے نمایاں:ایلس ان ونڈر لینڈ

    چارلز لٹویج ڈوجسن (انگریزی: Charles Lutwidge Dodgson) زیادہ تر اپنے قلمی نام اور تخلص لوئس کیرل (انگریزی: Lewis Carroll) سے پہچانے جاتے ہیں۔ ڈوجسن ایک انگریزی مصنف، ریاضی دان، منطق دان، انگریزی کلیسیا کے پادری اور عکاس تھے۔ اِن کی مشہور ترین تحریروں میں ایلس ان ونڈرلینڈ اور اس کا تسلسل، تھرو دی لوکنگ-گلاس شامل ہیں؛ ان کے علاوہ ان کی لکھی کئی نظمیں جیسے کہ دی ہنٹنگ آف دی سنارک اور جیبرواکی بھی کافی مقبول ہوئیں۔ برطانیہ، جاپان، امریکا اور نیوزی لینڈ میں دیگر ایسی سوسائٹیاں ہیں جو ڈوجسن کی تحریروں اور اِن کے کرداروں سے لطف اندوز ہوتی ہیں، اِن کا پرچار کرتی ہیں اور اِن کی زندگی کے ہر پہلو کا تحقیقی مطالعہ کرتی ہیں۔

  • الیکشن کمیشن نے میانوالی کو ڈویژن کا درجہ دینے کا نوٹیفکیشن روک دیا

    الیکشن کمیشن نے میانوالی کو ڈویژن کا درجہ دینے کا نوٹیفکیشن روک دیا

    اسلام آباد:الیکشن کمیشن آف پاکستان نے پنجاب حکومت کو میانوالی ڈویژن کا نوٹیفکیشن جاری کرنے سے روک دیا۔پنجاب حکومت نے میانوالی کو ڈویژن کا درجہ دینے کا فیصلہ کیا تھا، جس پر الیکشن کمیشن نے صوبائی حکومت کو نوٹیفکیشن جاری کرنے سے روک دیا۔

    الیکشن کمیشن کے مطابق پنجاب میں بلدیاتی انتخابات کیلئے حلقہ بندی کا عمل جاری ہے، حلقہ بندی کے باعث اضلاع اور تحصیلوں کی حدبندی منجمد ہے، میانوالی کو ڈویژن کا درجہ دینا الیکشن کمیشن احکامات کی خلاف ورزی ہے، بھکر، میانوالی اور تلہ گنگ پر مشتمل ڈویژن کے قیام کا نوٹیفکیشن جاری نہ کیا جائے۔

    الیکشن کمیشن کی جانب سے مراسلہ چیف سیکرٹری پنجاب کو بھجوا دیا گیا، پنجاب کی صوبائی کابینہ نے آج پی ٹی آئی کے چیئرمین عمران خان کے آبائی ضلع کو ڈویژن بنانے کی منظوری دی تھی

    اس سے پہلے لاہور میں وزیراعلیٰ پنجاب چوہدری پرویز الہیٰ کی سربراہی میں صوبائی کابینہ کا اجلاس ہوا ۔اجلاس کی صدارت کرتے ہوئے پرویز الہٰی نے کہا کہ 12 جنوری 2023 تک 273 ارب روپے سالانہ ترقیاتی پروگرام کے تحت استعمال کیے گئے ۔ اجلاس میں کہا گیا کہ ترقیاتی پروگرام کا تسلسل جاری رہنا چاہیے، کابینہ نے میانوالی کو ڈویژن کا درجہ دینے کی مشروط منظوری بھی دے دی۔

    اس کے علاوہ جام پور کو ضلع کا درجہ دینے، داجل اور محمد پور کو جام پور کی نئی تحصیلیں بنانے کی مشروط منظوری دے دی گئی۔تلہ گنگ کے علاقے ملتان خورد کو تحصیل بنانے کی بھی مشروط منظوری دی گئی۔

    اجلاس میں میانوالی سے داؤد خیل تک 36کلو میٹر سڑک کو سی پیک انٹر چینج سے منسلک کرنے کی منظوری دی گئی۔ جیل وارڈنز کی ڈھائی ہزار آسامیوں پر بھرتیو ں کی منظوری بھی دی گئی۔محکمہ پراسیکیوشن اور ڈائریکٹوریٹ جنرل پبلک ریلیشنز کے افسروں اور ملازمین کیلئے 100فیصد خصوصی الاؤنس کی منظوری بھی دی گئی۔

  • گورنرپنجاب نےچوہدری پرویزالٰہی اورحمزہ شہبازکو3دن کی مہلت دے دی

    گورنرپنجاب نےچوہدری پرویزالٰہی اورحمزہ شہبازکو3دن کی مہلت دے دی

    لاہور:گورنر پنجاب بلیغ الرحمن نے نگراں وزیر اعلی کے انتخاب کے لیے قائد حزب اختلاف حمزہ شہبازشریف اور پرویز الٰہی کو مراسلہ جاری کردیا ہے جس میں گورنرپنجاب نے دونوں رہنماوں سے تین دن کے اندرنگران وزیراعلیٰ کےلیے کوئی مشترکہ نام مانگ لیے ہیں‌

    تمام تر تحفظات کے باوجود بلدیاتی انتخابات میں حصہ لیں گے:ایم کیو ایم

    چوہدری پرویز الہی نگراں وزیراعلیٰ کے تقرر تک بطور قائم مقام وزیراعلی کام کرتے رہیں گے جبکہ وہ نگراں حکومت کے قیام کیلیے قائد حزب اختلاف حمزہ شہباز سے مشاورت بھی کریں گے۔

    [wp-embedder-pack width=”100%” height=”400px” download=”all” download-text=”” attachment_id=”593440″ /]

    دونوں رہنماوں کو آئندہ 3 روز میں باہمی مشاورت کے بعد نگراں وزیراعلی کا تقرر کرنا ہے اور اگر دونوں کے درمیان اتفاق نہ ہوسکا تو معاملہ 6 رکنی پارلیمانی کمیٹی کے پاس جائے گا۔

    مسلم لیگ ن کا پنجاب اور خیبرپختونخوا میں بھرپور الیکشن لڑنے کا فیصلہ

    پارلیمانی کمیٹی میں حکومت اور اپوزیشن بینچوں کے 3، 3 اراکین شامل ہوں گے، پارلیمانی کمیٹی 3 روز میں اتفاق رائے سے نگراں وزیراعلی کا تقرر کر سکتی ہے۔ پارلیمانی کمیٹی کا عدم اتفاق کی صورت میں نگراں وزیراعلی کا تقرر الیکشن کمیشن کرے گا۔

    سندھ فوڈ اتھارٹی کی فوڈ اسٹریٹ پورٹ گرینڈ کیماڑی میں کارروائی

    اس سے قبل گورنر پنجاب بلیغ الرحمٰن نے کہا تھا کہ اسمبلی عوام کا منتخب ادارہ ہے جس کو وقت سے پہلے تحلیل کرنا جمہوریت پسند انسان کے لیے مشکل ہے۔لاہور میں ایک تقریب کے دوران میڈیا سے گفتگو کرتے ہوئے گورنر پنجاب بلیغ الرحمٰن نے کہا تھا کہ اسمبلی تحلیل کرنے کے حوالے سے سمری موصول ہوئی ہے جس پر دو دنوں میں فیصلہ کرنا ہے اور منظور کرتے ہی اسمبلی تحلیل ہو جائے گی۔

    پاکستان اب بھی ڈیفالٹ کے دہانے پر ہے۔ عالمی اقصادی فورم

    گورنر نے کہا تھا کہ مجھے یہ بھی دیکھنا ہے کہ الیکشن کے لیے کون سی تاریخ دی جائے کیونکہ 90 روز میں انتخابات کرانے ہوں گے جس میں رمضان بھی ہوگا اور اگر اس سے پہلے انتخابات ہوں تو وقت بہت کم ہوگا اس لیے تمام چیزوں کو دیکھ کر فیصلہ کرنا ہے۔انہوں نے کہا کہ وزیراعلیٰ اور قائد حزب اختلاف کو کہنا ہے کہ وہ پہلے آپس میں مل کر فیصلہ کریں اور اگر نہ کر سکیں تو پھر اگلے مراحل ہوں گے اور نگراں حکومت کا بھی نوٹی فکیشن جاری کرنا ہے۔