Author: سعد فاروق

گلگت بلتستان کے ضلع دیامر کے علاقے بابوسر میں شدید بارشوں کے بعد آنے والے سیلاب نے قیامت ڈھا دی، جس کے نتیجے میں 3 سیاح جاں بحق، 4 زخمی اور 15 لاپتا ہو گئے۔

ترجمان گلگت بلتستان حکومت فیض اللہ فراق کے مطابق تھک بابوسر شاہراہ پر اچانک آنے والے سیلاب سے سیاحوں کی 8 گاڑیاں بہہ گئیں۔ امدادی کارروائیوں کے دوران 3 افراد کی لاشیں نکال لی گئی ہیں جبکہ 4 زخمیوں کو ہسپتال منتقل کر دیا گیا ہے، جن میں سے ایک کی حالت تشویشناک ہے۔ترجمان کے مطابق سیلاب کے باعث علاقے میں مواصلاتی نظام درہم برہم ہو گیا ہے اور اپٹک فائبر لائن کو بھی شدید نقصان پہنچا ہے، جس سے رابطے متاثر ہوئے ہیں۔

انہوں نے مزید بتایا کہ سیلاب کے باعث ہزاروں سیاح مختلف مقامات پر پھنس گئے، جبکہ درجنوں کو مقامی آبادی نے عارضی پناہ فراہم کی ہے۔ بابوسر شاہراہ پر پھنسے سیکڑوں سیاحوں کو ریسکیو کر لیا گیا ہے اور ریسکیو آپریشن میں مزید تیزی لائی گئی ہے تاکہ لاپتا افراد کی تلاش اور محفوظ راستے کی فراہمی یقینی بنائی جا سکے۔

یو اے ای میں پھنسے افغانوں کی حالت پر ٹرمپ کو تشویش

بھارتی نائب صدر جگ دیپ دھنکھر عہدے سے مستعفی

اسپیشل سینٹرل عدالت لاہور نے سابق وزیراعلیٰ پنجاب چوہدری پرویز الٰہی سمیت دیگر کے خلاف منی لانڈرنگ کیس کی سماعت کا تحریری حکم نامہ جاری کر دیا۔ دو صفحات پر مشتمل حکم اسپیشل جج عارف خان نیازی کی جانب سے جاری کیا گیا۔

تحریری حکم کے مطابق ایف آئی اے نے کیس کے تفتیشی افسر کو کسی اور انکوائری کے سلسلے میں معطل کر دیا ہے۔ عدالت کو بتایا گیا کہ اب چالان کمیٹی کی منظوری کے بعد ہی عدالت میں جمع کروایا جائے گا۔عدالت نے عبوری حکم میں ہدایت دی کہ آئندہ سماعت تک پرویز الٰہی سمیت دیگر ملزمان کا چالان لازمی طور پر عدالت میں پیش کیا جائے۔

سماعت کے دوران پرویز الٰہی کی ایک روزہ حاضری معافی کی درخواست دائر کی گئی، جس پر شکایت کنندہ کے وکیل نے اعتراض اٹھایا اور مؤقف اختیار کیا کہ یہ صرف تاخیری حربہ ہے کیونکہ گزشتہ سماعت پر بھی بیڈ ریسٹ کا عذر پیش کیا گیا تھا۔عدالت نے ریمارکس دیے کہ گزشتہ درخواست میں 10 روز کے بیڈ ریسٹ کا ذکر تھا اور آج بھی اسی مدت کی بنیاد پر معافی مانگی گئی ہے، عدالت نے یہ بھی باور کرایا کہ ابھی تک کیس میں ٹرائل کا آغاز نہیں ہو سکا، جو انصاف کی راہ میں رکاوٹ ہے۔

عدالت نے پرویز الٰہی کی ایک روزہ حاضری معافی کی درخواست منظور کرتے ہوئے کیس کی سماعت 18 اگست تک ملتوی کر دی۔

کراچی میں 56 مخدوش عمارتیں خالی، 740 عمارتوں کا دوبارہ سروے ہوگا

سینیٹ میں صحافیوں اور میڈیا ورکرز کے تحفظ کا ترمیمی بل منظور

25 ممالک کا غزہ جنگ بندی اور سامان کی فوری ترسیل کا مطالبہ

سینیٹ نے صحافیوں اور میڈیا ورکرز کے تحفظ کے ترمیمی بل کی منظوری دے دی۔

چیئرمین سینیٹ سید یوسف رضا گیلانی کی زیر صدارت اجلاس میں بل کی منظوری دی گئی، جس میں صحافیوں کے حقوق، آزادی اظہار رائے اور تحفظ سے متعلق اہم شقیں شامل کی گئی ہیں۔بل کے مطابق "اظہار رائے” کا مطلب معلومات کو شائع یا نشر کرنے کا حق ہے۔ صحافیوں کے تحفظ کے لیے قائم کمیشن کا چیئرمین ہائی کورٹ کا جج یا جج کی اہلیت رکھنے والا کم از کم 15 سال کا تجربہ رکھنے والا شخص ہوگا، جسے انسانی حقوق اور صحافیوں کے تحفظ کا تجربہ ہو۔چیئرمین اور اراکین کا تقرر وفاقی حکومت کرے گی، جبکہ ان کی مدتِ کار تین سال ہوگی اور اس میں توسیع نہیں کی جائے گی۔

بل میں کہا گیا ہے کہ کمیشن اُن صحافیوں، ان کے اہل خانہ، زیر کفالت افراد، ساتھیوں اور قریبی رشتہ داروں کو تحفظ فراہم کرے گا جن پر آزادی اظہار رائے کی پریکٹس کی وجہ سے حملہ کیا گیا ہو۔کمیشن صحافی کی جائیداد، تنظیم، اشیاء اور سماجی تحریک کو بھی تحفظ فراہم کرے گا۔ دورانِ ڈیوٹی صحافی کے خلاف پرتشدد رویہ اختیار کرنے والے کو 7 سال قید اور 3 لاکھ روپے جرمانہ ہوگا۔بل کے مطابق کسی صحافی کو معلومات کے ذرائع ظاہر کرنے پر مجبور نہیں کیا جا سکے گا، ایسا کرنے والے کو 3 سال قید اور ایک لاکھ روپے جرمانہ ہو گا۔

علاوہ ازیں، صحافی کو کسی فرد، ادارے، گروپ یا تنظیم کے دباؤ کے بغیر کام کرنے کا حق حاصل ہوگا، اور اس آزادی میں مداخلت کرنے والے کو 5 سال قید اور ایک لاکھ روپے جرمانہ کیا جائے گا۔کمیشن کو موصول شکایات پر متعلقہ تھانے کا ایس ایچ او ایف آئی آر درج کرے گا، جبکہ تفتیشی افسر کو فوجداری اختیارات حاصل ہوں گے۔ کمیشن شکایت کنندہ کی شناخت خفیہ رکھنے کی ہدایت بھی دے سکتا ہے۔

بل میں یہ بھی درج ہے کہ وفاقی حکومت، اسلام آباد اور صوبائی ہائی کورٹس کے چیف جسٹس سے مشاورت کر کے صحافیوں کے تحفظ سے متعلق مقدمات کے لیے سیشن عدالتیں قائم کرے گی۔تاہم بل کے تحت کمیشن کو خفیہ ایجنسیوں کے کاموں یا پریکٹس کی براہ راست تحقیقات کا اختیار حاصل نہیں ہوگا۔ ایسی شکایات متعلقہ اتھارٹی کو بھیجی جائیں گی۔

25 ممالک کا غزہ جنگ بندی اور سامان کی فوری ترسیل کا مطالبہ

ڈیرہ غازی خان: پنجاب سے بلوچستان جانے والی ٹرانسپورٹ شام 5 بجے کے بعد بند

سینیٹ میں سوشل میڈیا کے استعمال پر عمر کی حد مقرر کرنے سے متعلق بل پیش کر دیا گیا، جس کے تحت 16 سال سے کم عمر افراد کو سوشل میڈیا پلیٹ فارمز پر اکاؤنٹ بنانے کی اجازت نہیں ہوگی۔

بل کے مطابق سوشل میڈیا پلیٹ فارم اس بات کا پابند ہوگا کہ وہ 16 سال سے کم عمر صارفین کو اکاؤنٹ بنانے سے روکے، بصورت دیگر متعلقہ پلیٹ فارم کو 50 ہزار روپے سے لے کر 50 لاکھ روپے تک جرمانہ کیا جا سکتا ہے۔بل میں واضح کیا گیا ہے کہ اگر کوئی فرد کم عمر بچے کو سوشل میڈیا اکاؤنٹ بنانے میں سہولت فراہم کرے گا، تو اسے 6 ماہ تک قید اور 50 ہزار سے 50 لاکھ روپے تک جرمانے کی سزا دی جا سکتی ہے۔

اس ضمن میں پاکستان ٹیلی کمیونیکیشن اتھارٹی (پی ٹی اے) کو اختیار دیا گیا ہے کہ وہ کم عمر افراد کے سوشل میڈیا اکاؤنٹس کو بلاک کرے اور ایسے اقدامات کرے جن سے ان کی رجسٹریشن روکی جا سکے۔

سکھر بیراج کے 16 گیٹس کی تبدیلی مکمل،وزیرآبپاشی جام خان شورو نے کیا افتتاح