Author: سعد فاروق

او آئی سی کے ذیلی ادارے کامسٹیک کے کو آرڈینیٹر جنرل پروفیسر ڈاکٹر محمد اقبال چوہدری نے غزہ کی معروف جامعات کے وائس چانسلرز کے ساتھ ایک اعلیٰ سطحی ورچوئل اجلاس کا انعقاد کیا، جس میں غزہ میں جاری جنگ سے متاثرہ تعلیمی نظام کی بحالی کے لیے مربوط حکمت عملی اور عملی تعاون پر تفصیلی تبادلہ خیال کیا گیا۔

ڈاکٹر اقبال چوہدری نے اجلاس کے دوران فلسطینی طلبہ، اساتذہ اور محققین کے ساتھ مکمل یکجہتی کا اظہار کرتے ہوئے کہا کہ غزہ کے عوام کی تکالیف ناقابلِ بیان ہیں، لیکن ان کا حوصلہ قابلِ رشک ہے۔انہوں نے اس عزم کا اعادہ کیا کہ کامسٹیک اس کٹھن وقت میں فلسطینی تعلیمی اداروں کے ساتھ ہر ممکن تعاون جاری رکھے گا۔اجلاس کے دوران ڈاکٹر چوہدری نے ان یونیورسٹی سربراہان کو جو اس وقت غزہ سے باہر مقیم ہیں، اسلام آباد کے دورے کی دعوت دی، تاکہ وہ پاکستانی جامعات، تعلیمی اداروں اور پالیسی سازوں سے براہ راست ملاقات کرکے تعلیمی تسلسل کو یقینی بنانے کی حکمت عملی پر تبادلہ خیال کر سکیں۔

ڈاکٹر چوہدری نے کامسٹیک کی جانب سے اردن میں قائم نمائندہ دفتر کے ذریعے 5,000 وظائف اور ریسرچ فیلوشپس کی فراہمی کے عمل سے بھی آگاہ کیا، جن کا مقصد غزہ کے طلبہ اور نوجوان محققین کو تعلیم جاری رکھنے کے قابل بنانا ہے۔الجامعۃ الازہر، غزہ کے صدر پروفیسر عمر میلاد نے کامسٹیک کی کوششوں کو سراہتے ہوئے کہا یہ اسکالرشپس غزہ کے علمی مستقبل کے لیے ایک امید کی کرن اور تعلیمی بحالی کا تاریخی قدم ہیں۔

اجلاس میں غزہ کی جامعات کے نمائندوں نے ایک جامع پریزنٹیشن پیش کی، جس میں بے گھر طلبہ کے لیے طبی تعلیم کے مواقعصحت کے شعبے میں صلاحیت سازیسائنسی اشاعت تک رسائیجنگ کے نفسیاتی اثرات (خصوصاً بچوں) پر تحقیق آن لائن تعلیم اور ورچوئل لیب کے قیام کی ضرورت جیسے مسائل کی نشاندہی کی گئی.

کامسٹیک کے اعلیٰ حکام نے بھی اجلاس میں شرکت کی اور غزہ کے تعلیمی نظام کی بحالی کے لیے اپنی مکمل وابستگی کا اعادہ کیا۔ اجلاس کو امتِ مسلمہ کے درمیان علمی و انسانی یکجہتی کی اعلیٰ مثال قرار دیا گیا۔

کراچی: شوہر کے ہاتھوں زندہ جلائی گئی رابعہ برنس وارڈ میں دم توڑ گئی

کابل میں محسن نقوی اور سراج الدین حقانی کی اہم ملاقات

تبت میں چین کے میگا ڈیم کا سنگِ بنیاد، بھارت میں تشویش کی لہر دوڑ گئی

وفاقی وزیر داخلہ محسن نقوی نے کابل کا اہم دورہ کیا، جہاں اُن کی ملاقات افغان وزیر داخلہ سراج الدین حقانی سے ہوئی۔

اس اعلیٰ سطحی ملاقات میں پاک افغان دوطرفہ تعلقات کے مختلف پہلوؤں پر تفصیلی بات چیت کی گئی، جس میں انسداد دہشت گردی، سرحدی دراندازی اور کالعدم تحریک طالبان سے متعلق امور سرفہرست رہے۔محسن نقوی کے کابل پہنچنے پر افغان وزیر داخلہ سراج الدین حقانی نے ان کا پرتپاک خیر مقدم کیا۔ بعد ازاں دونوں رہنماؤں کے درمیان ہونے والی ملاقات میں باہمی اعتماد اور تعاون کے فروغ پر زور دیا گیا۔ملاقات میں پاک افغان سرحد کی مؤثر نگرانی، منشیات کی روک تھام، اور سرحد پار آمد و رفت کے عمل کو بہتر اور منظم بنانے پر اتفاق کیا گیا۔

فریقین نے دہشتگرد عناصر کے خلاف مشترکہ اقدامات کی اہمیت پر بھی زور دیا۔مزید برآں، پاکستان میں غیر قانونی طور پر مقیم افغان شہریوں کی رضاکارانہ واپسی کے عمل پر بھی بات چیت کی گئی، تاکہ اس معاملے کو انسانی ہمدردی کے اصولوں کے تحت باعزت اور پُرامن طریقے سے آگے بڑھایا جا سکے۔

ملاقات میں دونوں وزرائے داخلہ نے اس بات پر اتفاق کیا کہ پاکستان اور افغانستان کے درمیان پرامن بقائے باہمی، علاقائی استحکام اور باہمی تعاون وقت کی اہم ضرورت ہے۔اس ملاقات میں افغانستان کے سینئر نائب وزیر داخلہ ابراہیم سردار، پاکستان کے نمائندہ خصوصی برائے افغانستان محمد صادق، وفاقی سیکریٹری داخلہ خرم آغا، دونوں ممالک کے اعلیٰ سفارتی حکام اور افغان وزارت داخلہ کے دیگر عہدیداران بھی شریک تھے۔

تجزیہ کاروں کے مطابق اس ملاقات کو پاک افغان تعلقات میں بہتری کی جانب ایک مثبت قدم قرار دیا جا رہا ہے، خاص طور پر ایسے وقت میں جب خطے کو سیکیورٹی چیلنجز کا سامنا ہے۔

تبت میں چین کے میگا ڈیم کا سنگِ بنیاد، بھارت میں تشویش کی لہر دوڑ گئی

پسند کی شادی کرنے والے جوڑے کا قتل ،سیاسی و مذہبی رہنماؤں کا شدید ردعمل

قلعہ عبداللہ: دو قبائل میں مسلح تصادم، 5 افراد جاں بحق، متعدد زخمی

چین کے وزیراعظم لی چیانگ نے تبت میں واقع یرلنگ سنپو دریا پر ایک میگا ہائیڈرو الیکٹرک ڈیم کا سنگِ بنیاد رکھ دیا، جس کے بعد بھارت اور بنگلا دیش میں اس منصوبے پر شدید تحفظات سامنے آ رہے ہیں۔

غیر ملکی خبر رساں اداروں کے مطابق، تبت میں زیرِ تعمیر یہ ڈیم دنیا کی سب سے بڑی ہائیڈرو الیکٹرک تنصیب ہو گی، جس پر 167 ارب ڈالر کی خطیر لاگت آئے گی۔ یہ ڈیم سالانہ 300 ارب کلو واٹ آور بجلی پیدا کرنے کی صلاحیت رکھتا ہے۔چین کا یہ منصوبہ اسٹریٹجک طور پر نہایت اہم تصور کیا جا رہا ہے کیونکہ دریائے یرلنگ سنپو کا پانی نیچے آ کر دریائے برہم پترا کی صورت اختیار کرتا ہے، جو بھارت اور بنگلا دیش کی اہم آبی گزرگاہوں میں شمار ہوتا ہے۔

تجزیہ کاروں کے مطابق بھارت اور بنگلا دیش کو اندیشہ ہے کہ چین مستقبل میں اس ڈیم کے پانی کو بطور "آبی ہتھیار” استعمال کر سکتا ہے، جو کہ ان دونوں ممالک کے لیے پانی کی قلت، زرعی بحران اور ماحولیاتی تباہی کا باعث بن سکتا ہے۔بھارتی حکام نے خدشہ ظاہر کیا ہے کہ چین اگر پانی کے بہاؤ کو کنٹرول کرتا ہے تو شمال مشرقی بھارت اور بنگلا دیش میں لاکھوں افراد براہِ راست متاثر ہو سکتے ہیں، خاص طور پر خشک سالی یا طوفانی بارشوں کے دوران۔

ماہرین کا کہنا ہے کہ یہ منصوبہ خطے میں پہلے سے موجود سیاسی کشیدگی کو مزید بڑھا سکتا ہے، جبکہ ماحولیاتی تنظیمیں بھی اس منصوبے کے ممکنہ منفی اثرات کے حوالے سے شدید تشویش کا اظہار کر چکی ہیں۔واضح رہے کہ چین کی جانب سے یرلنگ سنپو دریا پر اس قدر بڑے منصوبے کی تعمیر پر بھارت میں "آبی سلامتی” سے متعلق بحث ایک بار پھر زور پکڑ گئی ہے، جب کہ بنگلا دیش بھی چین سے وضاحت طلب کر رہا ہے۔

پسند کی شادی کرنے والے جوڑے کا قتل ،سیاسی و مذہبی رہنماؤں کا شدید ردعمل

قلعہ عبداللہ: دو قبائل میں مسلح تصادم، 5 افراد جاں بحق، متعدد زخمی

ڈونلڈ ٹرمپ ممکنہ طور پر چین کا دورہ یا چینی صدر سے ملاقات کریں گے

امریکی صدر ڈونلڈ ٹرمپ رواں سال ایشیا پیسیفک اکنامک کوآپریشن (اے پی ای سی) سربراہی اجلاس میں شرکت سے قبل چین کا ممکنہ دورہ کر سکتے ہیں یا جنوبی کوریا میں چینی صدر شی جن پنگ سے ملاقات کا امکان ہے۔

عالمی خبر رساں ادارے کے مطابق ساؤتھ چائنا مارننگ پوسٹ نے اتوار کے روز متعدد ذرائع کے حوالے سے رپورٹ کیا ہے کہ صدر ٹرمپ 30 اکتوبر سے یکم نومبر کے درمیان ہونے والے اے پی ای سی اجلاس سے قبل چین کا دورہ کر سکتے ہیں یا جنوبی کوریا میں منعقدہ اجلاس کے موقع پر چینی صدر سے ملاقات کریں گے۔امریکا اور چین اس وقت دوطرفہ تعلقات میں کشیدگی کا سامنا کر رہے ہیں، خاص طور پر دونوں ممالک کے درمیان تجارتی محصولات کی جنگ عالمی تجارت اور سپلائی چینز پر گہرے اثرات ڈال چکی ہے۔ دونوں ممالک ان تنازعات کو کم کرنے کے لیے اعلیٰ سطحی سفارتی روابط بحال کرنے کی کوششوں میں مصروف ہیں۔

ذرائع کے مطابق، اس سال کے دوران دونوں رہنماؤں کی ملاقات کے امکانات پر بات چیت جاری رہی ہے، تاہم اب تک ملاقات کی تاریخ یا مقام سے متعلق کوئی باضابطہ اعلان سامنے نہیں آیا۔سیاسی تجزیہ کاروں کے مطابق اگر یہ ملاقات طے پاتی ہے تو یہ عالمی سفارت کاری کے لیے ایک اہم پیش رفت ہوگی، خصوصاً ایسے وقت میں جب دنیا تجارتی استحکام اور اقتصادی بحالی کی جانب دیکھ رہی ہے۔

پہلا ٹی ٹوئنٹی: بنگلادیش کی پاکستان کو 7 وکٹوں سے شکست

ماسکو میں پیوٹن اور علی لاریجانی کی ملاقات، ایرانی جوہری پروگرام پر تبادلہ خیال

کراچی میں حساس اداروں کی کارروائی، دوخطرناک دہشتگرد ہلاک، تفصیلات آگئیں

آر ایس ایس سے منسلک کانوریوں کا بھارتی فوجی پر بہیمانہ تشدد، مودی حکومت خاموش

بلوچستان میں پسند کی شادی کرنے والے جوڑے کا سفاکانہ قتل، ویڈیو وائرل

روسی صدر ولادیمر پیوٹن نے ایرانی سپریم لیڈر آیت اللّٰہ سید علی خامنہ ای کے سینئر مشیر علی لاریجانی سے ماسکو میں اہم ملاقات کی ہے۔ اس ملاقات میں مشرقِ وسطیٰ کی کشیدہ صورتحال اور ایران کے جوہری پروگرام سے متعلق معاملات زیرِ بحث آئے۔

کریملن کی جانب سے جاری کردہ بیان کے مطابق، دونوں رہنماؤں نے خطے کی تازہ ترین صورتحال پر تفصیلی گفتگو کی، خصوصاً مشرق وسطیٰ میں جاری کشیدگی اور اس کے ممکنہ اثرات پر تبادلہ خیال کیا گیا۔ملاقات کے دوران روسی صدر نے ایران کے جوہری پروگرام سے متعلق امور پر سیاسی اور سفارتی حل کی ضرورت پر زور دیا۔ انہوں نے واضح کیا کہ روس خطے میں امن و استحکام کے لیے اپنے مؤقف پر قائم ہے اور تمام تنازعات کا حل بات چیت کے ذریعے نکالا جانا چاہیے۔

کریملن کے مطابق صدر پیوٹن نے کہا کہ روس ایران کے ساتھ تعلقات کو قدر کی نگاہ سے دیکھتا ہے اور چاہتا ہے کہ جوہری معاملات سمیت تمام بین الاقوامی امور پر تعمیری مذاکرات کا راستہ اختیار کیا جائے۔تجزیہ کاروں کے مطابق اس ملاقات کو دونوں ممالک کے درمیان بڑھتے ہوئے سفارتی روابط کا تسلسل قرار دیا جا رہا ہے، جو موجودہ عالمی تناظر میں خاصی اہمیت کی حامل ہے۔

کراچی میں حساس اداروں کی کارروائی، دوخطرناک دہشتگرد ہلاک، تفصیلات آگئیں

آر ایس ایس سے منسلک کانوریوں کا بھارتی فوجی پر بہیمانہ تشدد، مودی حکومت خاموش

بلوچستان میں پسند کی شادی کرنے والے جوڑے کا سفاکانہ قتل، ویڈیو وائرل