Author: سعد فاروق

فرانسیسی خبر رساں ادارے نے خبردار کیا ہے کہ غزہ میں اس کے صحافی عملے کو شدید غذائی قلت کا سامنا ہے اور ان کی جانیں بھوک کی وجہ سے خطرے میں ہیں۔ ادارے نے علاقے میں جاری قحط جیسی صورتحال پر گہری تشویش کا اظہار کیا ہے۔

فرانسیسی صحافیوں کی تنظیم ایس ڈی جے نے ایک بیان میں کہا ہے کہ ہم نے مختلف جنگوں میں صحافیوں کو زخمی، قید یا شہید ہوتے دیکھا، مگر کبھی کسی کو بھوک سے مرتے نہیں دیکھا۔ادارے کے مطابق اسرائیل کی جانب سے خوراک کی بندش اور جاری حملوں نے غزہ میں موجود صحافیوں کی زندگی کو انتہائی خطرناک بنا دیا ہے۔ کئی صحافیوں کو کئی دن سے مناسب خوراک نہیں ملی، جبکہ اسپتالوں کی کمی اور طبی سہولیات کا فقدان حالات کو مزید سنگین بنا رہا ہے۔

ایک مقامی صحافی نے سوشل میڈیا پر لکھا کہ وہ اتنے کمزور ہو چکے ہیں کہ نہ چل سکتے ہیں اور نہ کوریج کر سکتے ہیں۔ ان کے مطابق ان کے بڑے بھائی بھوک کی شدت سے بے ہوش ہو کر گر پڑے۔خبر رساں ادارے نے بتایا کہ وہ اب تک 8 صحافیوں اور ان کے اہل خانہ کو غزہ سے نکال چکے ہیں، جبکہ باقی فری لانسرز کو بھی واپس بلانے پر غور کر رہے ہیں کیونکہ موجودہ صورتحال "ناقابلِ برداشت” ہو چکی ہے۔

ادارے نے عالمی برادری سے مطالبہ کیا ہے کہ وہ غزہ میں صحافیوں سمیت عام شہریوں کو درپیش انسانی بحران کا فوری نوٹس لے اور خوراک و طبی امداد کی رسائی یقینی بنائی جائے۔

ٹرمپ کا ایک بار پھر یونیسکو سے انخلا کا اعلان، اطلاق 2026 سے

کوئٹہ: کار سوار کی مظاہرین پر فائرنگ، 4 افراد زخمی، گاڑی نذرِ آتش

اپووا وفد کی جے یو آئی پنجاب کے ترجمان مولانا غضنفر عزیز سے ملاقات

امریکی صدر ڈونلڈ ٹرمپ نے امریکا کو اقوام متحدہ کی تعلیمی، سائنسی اور ثقافتی تنظیم یونیسکو سے دوبارہ علیحدہ کرنے کا فیصلہ کر لیا ہے، جو ان کے پہلے دورِ صدارت میں کیے گئے فیصلے کا تسلسل ہے۔

عالمی خبر رساں ادارے رائٹرز کے مطابق، پیرس میں قائم یونیسکو دوسری عالمی جنگ کے بعد قائم کی گئی تھی، جس کا مقصد تعلیم، سائنس اور ثقافت کے ذریعے عالمی امن کو فروغ دینا ہے۔ تاہم امریکا کا اس ادارے سے انخلا 31 دسمبر 2026 سے مؤثر ہوگا۔ یاد رہے کہ صدر جو بائیڈن نے ٹرمپ کے سابقہ انخلا کے فیصلے کو واپس لے کر امریکا کو یونیسکو میں دوبارہ شامل کر دیا تھا۔وائٹ ہاؤس کی ترجمان اینا کیلی نے ایک بیان میں کہا کہ صدر ٹرمپ نے امریکا کو یونیسکو سے الگ کرنے کا فیصلہ کیا ہے، کیونکہ یہ ادارہ متنازعہ ثقافتی اور سماجی ایجنڈے کو فروغ دیتا ہے، جو امریکی عوام کی ان پالیسیوں سے میل نہیں کھاتا جن کے لیے انہوں نے نومبر میں ووٹ دیا۔‘‘

دوسری جانب امریکی محکمہ خارجہ کا کہنا ہے کہ یونیسکو میں شامل رہنا اب امریکا کے قومی مفاد میں نہیں ہے، کیونکہ یہ ادارہ ایک ایسا نظریاتی ایجنڈا رکھتا ہے جو امریکی خارجہ پالیسی "امریکا فرسٹ” سے مطابقت نہیں رکھتا۔یونیسکو کی ڈائریکٹر جنرل آڈری آزولے نے صدر ٹرمپ کے فیصلے پر افسوس کا اظہار کرتے ہوئے کہا کہ یہ اقدام ان کے لیے حیران کن نہیں ہے، ادارہ اس ممکنہ انخلا کے لیے پہلے سے تیار تھا۔ ان کے مطابق یونیسکو نے اپنے مالی ذرائع کو متنوع بنایا ہے اور اب اس کا صرف 8 فیصد بجٹ ہی واشنگٹن سے آتا ہے۔

ٹرمپ کے اس فیصلے کو بین الاقوامی حلقوں میں ایک اور اہم عالمی ادارے سے امریکا کے فاصلے کے طور پر دیکھا جا رہا ہے، جو ان کی پالیسیوں کا مستقل حصہ رہا ہے۔

کوئٹہ: کار سوار کی مظاہرین پر فائرنگ، 4 افراد زخمی، گاڑی نذرِ آتش

اپووا وفد کی جے یو آئی پنجاب کے ترجمان مولانا غضنفر عزیز سے ملاقات

نومئی مقدمہ،یاسمین راشد،میاں محمودالرشید،عمر سرفراز چیمہ،اعجاز چوہدری کو 10 برس قید ،شاہ محمود قریشی بری

امریکی صدر ڈونلڈ ٹرمپ سے وائٹ ہاؤس میں فلپائن کے صدر فرڈیننڈ مارکوس نے اہم ملاقات کی، جس میں دو طرفہ تعلقات، تجارتی تعاون اور خطے کی صورتحال پر تبادلہ خیال کیا گیا۔

واشنگٹن سے موصولہ خبر ایجنسی کی رپورٹ کے مطابق، ملاقات کے بعد صدر ٹرمپ نے میڈیا سے گفتگو کرتے ہوئے کہا کہ امریکا اور فلپائن کے درمیان تجارتی معاہدے پر جلد اتفاق رائے ہو سکتا ہے۔ ان کے مطابق دونوں ممالک اس حوالے سے کافی قریب آ چکے ہیں۔صدر ٹرمپ نے کہا کہ فلپائن کے ساتھ فوجی تعلقات زبردست اور مضبوط ہیں، اور دونوں ممالک کے درمیان سیکیورٹی تعاون مزید وسعت اختیار کر رہا ہے۔

صدر ٹرمپ نے اس موقع پر چین سے متعلق بھی بات کی۔ ان کا کہنا تھا کہ چینی صدر شی جن پنگ سے جلد ملاقات متوقع ہے، اور انہیں چین کی جانب سے دورے کی دعوت موصول ہو چکی ہے۔فلپائن اور چین کے تعلقات کے بارے میں سوال پر صدر ٹرمپ نے واضح کیا کہ انہیں ان تعلقات پر کوئی تشویش نہیں ہے۔ انہوں نے کہا کہ فلپائن کے چین سے تعلقات پر ہمیں کوئی اعتراض نہیں، ہر ملک کو اپنے قومی مفاد میں فیصلے کرنے کا حق حاصل ہے۔‘‘

ملاقات کو امریکا اور فلپائن کے درمیان بڑھتے ہوئے تعاون کا اہم سنگ میل قرار دیا جا رہا ہے، جو ایشیا پیسیفک خطے میں امریکا کی حکمت عملی کا بھی حصہ ہے۔

کراچی میں جوڑے کے ہاں بیک وقت 5 بچوں کی پیدائش

200 یونٹ کے بعد 6 ماہ تک زائد بل ، نظرثانی کا عندیہ

بنگلادیش کی پاکستان کو 8 رنز سے شکست ، سیریز اپنے نام کرلی