Author: سعد فاروق

اسرائیل نے فلسطینی صدر کی دعوت پر مغربی کنارے کے شہر رام اللہ کا دورہ کرنے والے عرب ممالک کے وزرائے خارجہ کو روک دیا ہے، جس کے بعد یہ اہم سفارتی دورہ ملتوی کر دیا گیا۔

غیر ملکی خبر رساں ادارے کے مطابق مصر، اردن، قطر، سعودی عرب اور متحدہ عرب امارات کے وزرائے خارجہ کو اتوار کو مغربی کنارے کا دورہ کرنا تھا تاکہ فلسطینی صدر محمود عباس سے ملاقات کی جا سکے، تاہم اسرائیل نے اس دورے کی اجازت دینے سے انکار کر دیا۔اسرائیلی حکام نے ایک بیان میں کہا کہ وہ رام اللہ میں ہونے والے مجوزہ اجلاس کی اجازت نہیں دیں گے۔ اسرائیل کا مؤقف ہے کہ یہ وزرا فلسطینی ریاست کے قیام پر بات کرنا چاہتے ہیں، مگر "اسرائیل فلسطینی ریاست کے قیام کی اجازت نہیں دے گا”۔

عرب ردعمل
اردن کی وزارت خارجہ نے اسرائیل کی جانب سے اس اقدام کو سخت تنقید کا نشانہ بنایا اور کہا کہ یہ ایک قابض طاقت کے طور پر اسرائیل کی ذمہ داریوں کی کھلی خلاف ورزی ہے۔ بیان میں واضح کیا گیا کہ اردن، مصر، سعودی عرب اور بحرین کے وزرائے خارجہ نے رام اللہ کا دورہ اس لیے ملتوی کیا کیونکہ اسرائیل نے اس میں رکاوٹ ڈالی۔

واضح رہےکہ یہ اجلاس ایک اہم بین الاقوامی کانفرنس سے قبل ہونا تھا، جس کی مشترکہ میزبانی فرانس اور سعودی عرب کریں گے۔ یہ کانفرنس 17 سے 20 جون تک نیویارک میں منعقد ہوگی، جہاں فلسطینی ریاست کے قیام کے مسئلے پر عالمی سطح پر بات چیت متوقع ہے۔

سفارتی ماہرین کے مطابق اسرائیل کا یہ اقدام فلسطین سے متعلق بڑھتے ہوئے بین الاقوامی دباؤ اور عرب ممالک کے تعاون کے خلاف ایک سخت پیغام سمجھا جا رہا ہے۔

چین ایشیا میں طاقت کا توازن بگاڑنے کی تیاری کر رہا ہے، امریکی وزیر دفاع

پاکستان بھارت جنگ ہوئی تو میرے پاس کچھ نہیں ہوگا، ڈونلڈ ٹرمپ

دبئی میں بھارتی ایونٹ میں شاہد آفریدی کی شرکت پر بھارتی صحافی سیخ پا

مودی حکومت قوم کو گمراہ کر رہی ہے، بھارتی اپوزیشن کی تنقید

امریکی وزیر دفاع پیٹ ہیگستھ نے خبردار کیا ہے کہ چین انڈو پیسفک خطے میں طاقت کا توازن بدلنے کے لیے ممکنہ فوجی کارروائی کی تیاری کر رہا ہے، جس سے پورے ایشیا میں عدم استحکام پیدا ہو سکتا ہے، تاہم امریکا خطے میں اپنی موجودگی برقرار رکھے گا۔

غیر ملکی خبر رساں ادارے کے مطابق سنگاپور میں سالانہ سکیورٹی کانفرنس ’شنگریلا ڈائیلاگ‘ سے خطاب کرتے ہوئے امریکی وزیر دفاع نے کہا کہ چین کا خطرہ "حقیقی اور فوری” نوعیت کا ہے، اور بیجنگ نہ صرف تائیوان پر حملے کی صلاحیتیں تیار کر رہا ہے بلکہ اصل کارروائی کی مشقیں بھی کر چکا ہے۔

پیٹ ہیگستھ نے بیجنگ پر الزام لگایا کہ وہ سائبر حملوں، ہمسایہ ممالک کو ہراساں کرنے، اور متنازع جنوبی بحیرہ چین میں زمینوں پر غیر قانونی قبضہ کر کے انہیں عسکری اڈوں میں تبدیل کر رہا ہے، جو عالمی تجارت اور انسانی جانوں کے لیے خطرہ ہے۔ امریکا خطے میں اپنے اتحادیوں اور شراکت داروں کے ساتھ مل کر چین کی جارحیت کو روکنے کے لیے خود کو دوبارہ منظم کر رہا ہے اور ایشیائی ممالک کو بھی اپنے دفاع کو فوری طور پر مضبوط بنانا ہوگا۔

چین کا سخت ردعمل: امریکا اشتعال انگیزی کر رہا ہے
ادھر سنگاپور میں چینی سفارت خانے نے پیٹ ہیگستھ کی تقریر کو سخت تنقید کا نشانہ بناتے ہوئے اسے "اشتعال انگیز” قرار دیا اور واشنگٹن پر خطے میں کشیدگی بڑھانے، مسائل پیدا کرنے اور تصادم کو ہوا دینے کا الزام لگایا۔چینی وفد کی قیادت پیپلز لبریشن آرمی نیشنل ڈیفنس یونیورسٹی کے ریئر ایڈمرل ہو گانگ فینگ کر رہے ہیں، جنہوں نے اپنے خطاب میں کہا کہ چند ممالک جان بوجھ کر تقسیم اور تنازع پیدا کر رہے ہیں تاکہ خطے کو غیر مستحکم کیا جا سکے۔

یاد رہے کہ امریکا اور چین کے درمیان تجارتی، سیکیورٹی اور تکنیکی محاذ پر کشیدگی عروج پر ہے۔ ڈونلڈ ٹرمپ کے دور سے شروع ہونے والی تجارتی جنگ اب جدید ٹیکنالوجی اور خطے میں فوجی اثر و رسوخ کی جنگ میں بدل چکی ہے، جہاں فلپائن، جاپان اور جنوبی کوریا جیسے امریکی اتحادی ممالک کا کردار اہم ہوتا جا رہا ہے۔

ماہرین کا کہنا ہے کہ جنوبی بحیرہ چین اور تائیوان آئندہ برسوں میں امریکا اور چین کے درمیان ممکنہ تنازع کا مرکز بن سکتے ہیں، جس کے اثرات پوری دنیا پر پڑ سکتے ہیں۔

اسرائیل نے عرب وزرائے خارجہ کا مغربی کنارے کا دورہ روک دیا

پاکستان بھارت جنگ ہوئی تو میرے پاس کچھ نہیں ہوگا، ڈونلڈ ٹرمپ

دبئی میں بھارتی ایونٹ میں شاہد آفریدی کی شرکت پر بھارتی صحافی سیخ پا

مودی حکومت قوم کو گمراہ کر رہی ہے، بھارتی اپوزیشن کی تنقید

امریکی صدر ڈونلڈ ٹرمپ نے دعویٰ کیا ہے کہ اگر پاکستان اور بھارت کے درمیان جنگ ہوتی ہے تو ان کے پاس ان کے لیے کچھ نہیں ہوگا، تاہم ان کی کوششوں سے ایٹمی جنگ کو تجارت کے بدلے میں روکا گیا۔

جوائنٹ بیس اینڈریو پر صحافیوں سے گفتگو کرتے ہوئے ٹرمپ نے کہا کہ "پاکستان اور بھارت کے حالات بہت خراب تھے، دونوں جوہری قوتیں ہیں، لیکن ہم نے بات چیت کے ذریعے جنگ بندی ممکن بنائی۔”عام طور پر وہاں گولیاں چلتی تھیں، لیکن ہم نے تجارت پر بات کی، اور مجھے فخر ہے کہ ہم جنگ بندی میں کامیاب ہوئے۔”ٹرمپ کا کہنا تھا کہ پاکستانی نمائندے اگلے ہفتے امریکا آ رہے ہیں تاکہ ٹیرف معاہدے پر بات کی جا سکے۔

واضح رہے کہ سابق امریکی صدر کا یہ بیان بھارت کے چیف آف ڈیفنس اسٹاف کی جانب سے پاکستان کے ہاتھوں بھارتی طیاروں کی تباہی کے اعتراف کے تناظر میں سامنے آیا ہے، جس پر بھارتی اپوزیشن بھی مودی حکومت کو شدید تنقید کا نشانہ بنا رہی ہے۔

دبئی میں بھارتی ایونٹ میں شاہد آفریدی کی شرکت پر بھارتی صحافی سیخ پا

مودی حکومت قوم کو گمراہ کر رہی ہے، بھارتی اپوزیشن کی تنقید

پاک بھارت کشیدگی کے دوران طیارے گرنے کے بھارتی فوج کے اعتراف کے بعد بھارتی اپوزیشن جماعت کانگریس نے وزیر اعظم نریندر مودی کی حکومت پر شدید تنقید کی ہے۔

کانگریس کے صدر ملک ارجن کھرگے نے کہا ہے کہ مودی حکومت قوم کو گمراہ کر رہی ہے اور حقیقت کو چھپایا جا رہا ہے۔ انہوں نے مطالبہ کیا کہ بھارتی پارلیمنٹ کا فوری اجلاس بلایا جائے تاکہ بھارتی فضائیہ کے طیاروں کے گرنے سے متعلق حقائق سامنے آ سکیں۔یاد رہے کہ وزیرِ اعظم شہباز شریف نے دعویٰ کیا ہے کہ پاکستان نے کشیدگی کے دوران بھارت کے 4 رافیل طیاروں سمیت 6 جہاز مار گرائے تھے۔

ملک ارجن کھرگے نے پاکستان اور بھارت کے درمیان جنگ بندی کی شرائط بھی سامنے لانے کا مطالبہ کیا ہے۔ انہوں نے کہا کہ امریکی صدر ڈونلڈ ٹرمپ کئی بار جنگ بندی کا معاہدہ کروانے کے دعوے کر چکے ہیں، لیکن مودی حکومت مسلسل اس سے متعلق وضاحت دینے سے گریزاں ہے۔

کانگریس صدر کا کہنا تھا کہ نریندر مودی انتخابی مہم میں مصروف ہیں اور عوام کو اصل حقائق سے آگاہ کرنے سے بچنے کی کوشش کر رہے ہیں۔

ملی یکجہتی کونسل کا کم عمری کی شادی کے خلاف قانون مسترد کرنے کا اعلان

غیر قانونی مقیم غیر ملکیوں کے خلاف آپریشن میں تیزی

صادق آباد:صحت کے نام پر فراڈ، نجی ہسپتال میں جعلی اپینڈکس آپریشنز ،ہسپتال سیل

اوگرا نے ایل پی جی مزید سستی کر دی، فی کلو قیمت میں 4 روپے 63 پیسے کمی