Author: سعد فاروق

نیوزی لینڈ کے خلاف میچ میں شاندار کارکردگی کا مظاہرہ کرنے والے حسن نواز کی والدہ نے کہا ہے کہ آج اس ڈر سے میچ نہیں دیکھا کہ کہیں بیٹے کو ہماری نظر ہی نہ لگ جائے۔

باغی ٹی وی کے مطابق بیٹے کی شاندار کارکردگی پر 22 سالہ حسن نواز کے والدین خوشی سے نہال ہیں، ان کے والد کا کہنا تھا کہ کم وسائل کے باوجود بیٹے نے ہمت نہیں ہاری اور آگے بڑھنے کے لیے سفر جاری رکھا۔انہوں نے کہا کہ میں بیٹے کی عمدہ کارکردگی پر خوش ہوں اور اپنے رب کا شکر گزار ہوں۔یاد رہے کہ پاکستان نے تیسرے ٹی20 میچ میں نیوزی لینڈ کو 9 وکٹوں سے شکست دے دی ہے، آج کے میچ میں حسن نواز نے 105 رنز کی ناقابل شکست اننگز کھیلی۔ حسن نواز کے کیریئر کا یہ تیسرا ٹی20 انٹرنیشنل تھا، وہ اس سے قبل 2 میچوں میں صفر پر آؤٹ ہوگئے تھے۔ پاکستان نے نیوزی لینڈ کے خلاف تیسرے ٹی 20 میچ میں متعدد نئے ریکارڈ بھی قائم کیے ہیں۔

دوسری جانب قومی ٹیم کے اوپنر حسن نواز کا کہنا ہے کہ سیریز کے پہلے دو میچز میں صفر پر آئوٹ ہونے کے باوجود شاداب اور سلمان نے میرا ساتھ دیا ۔ نیوزی لینڈ کیخلاف تیسرے ٹی ٹونٹی میں شاندار سنچری سکور کرکے پاکستان کی جیت میں اہم کردار ادا کرنے والے حسن نواز نے کہا کہ ” میں دو بار صفر پر آئوٹ ہوا تو شاداب اور سلمان نے میرا ساتھ دیا۔آج میرا ابتدائی خیال یہ تھا کہ میں سنگل حاصل کروں اور اپنے بین الاقوامی کیریئر میں پہلا رن بنائوں ۔ ایک بار جب میں نے ایسا کیا تو دباؤ ختم ہو گیا، اور میں نے گیم جیتنے پر توجہ دی۔”

پاکستان کی طرف سے حسن نوازکی تیز ترین سینچری پہلا ریکارڈ ہے۔ انہوں نے سینچری صرف 44 گیندوں پر اسکور کی۔ ٹی20 کرکٹ میں پاکستان کی طرف سے کسی بھی کھلاڑی کی یہ تیز ترین سینچری ہے۔ اس سے قبل 2021 میں بابر اعظم نے جنوبی افریقہ کے خلاف 49 گیندوں پر سینچری اسکور تھی۔واضح رہے کہ پاکستان اور نیوزی لینڈ کے درمیان آج تیسرے ٹی ٹونٹی میں پاکستان نے نیوزی لینڈ کو 9 وکٹوں سے ہرادیا۔

بغیر اجازت احتجاج کرنے پر عورت مارچ کی قیادت کیخلاف مقدمہ درج

جڑواں شہروں میں 2 روز کیلئے ہیوی ٹریفک کا داخلہ بند

لاہور قلندرز کا یو نیوورسٹی فین کلب فرینڈز آف قلندرز کا آغاز

کوئٹہ سے ٹرین سروس تاحال بحال نہ ہوسکی،انٹرنیٹ سروس بھی بند

پاکستان سپر لیگ کے سیزن 7اور 8 کی لگاتار چمپئن اور نوجوانوں میں سب سے مقبول فرنچائز لاہور قلندرز نے ’’فرینڈز آف قلندرز ‘‘کے نام سے ایک منفرد اور دلچسپ منصوبے کا آغاز کر دیا ہے جس کا مقصد نوجوانوں کو کھیل کے ذریعے جوڑنا اور یونیورسٹی کی سطح پر فین کلبز کے ذریعے ان کی صلاحیتوں کو فروغ دینا ہے۔

باغی ٹی وی کے مطابق یہ منصوبہ سب سے پہلے یونیورسٹی آف مینجمنٹ اینڈ ٹیکنالوجی لاہور میں لانچ کیا گیا اور جلد ہی دیگر جامعات میں بھی متعارف کرایا جائے گا۔فرینڈز آف قلندرز طلبہ کو اپنی پسندیدہ ٹیم کے قریب لانے کے لیے ایک پلیٹ فارم فراہم کرے گا، جہاں وہ مختلف سرگرمیوں میں حصہ لے سکیں گے وہ لیڈرشپ اسکلز کو نکھار سکیں اور ایک مضبوط فین کمیونٹی بنا سکیں گے۔اس پروگرام کے تحت یونیورسٹیوں میں میچ اسکریننگ، کھلاڑیوں کے ساتھ سوال و جواب سیشن، انٹرایونیورسٹی ٹورنامنٹس، کمیونٹی پروجیکٹس اور نیٹ ورکنگ کے مواقع فراہم کیے جائیں گے۔ہر یونیورسٹی میں فین کلب کی نگرانی ایک اسٹوڈنٹس کی ایکزیکٹو کمیٹی کرے گی تاکہ طلبہ کو ایک بھرپور اور منفرد تجربہ فراہم کیا جا سکے۔لاہور قلندرز کے سی ای اوعاطف رانا نے نے کہا کہ لاہور قلندرز ہمیشہ سے صرف کرکٹ سے بڑھ کر ایک مشن رہا ہے۔

ہم نوجوانوں کی صلاحیتوں کو پروان چڑھانے اور مستقبل کے لیڈرز کو ایک پلیٹ فارم فراہم کرنے پر یقین رکھتے ہیں۔ فرینڈز آف قلندرز کے ذریعے ہم طلبہ کو ایک ایسا ماحول فراہم کرنا چاہتے ہیں جہاں وہ ٹیم کو اسپورٹ کرنے کے ساتھ ساتھ اپنی ذاتی اور پیشہ ورانہ ترقی بھی کر سکیں۔یو ایم ٹی کے صدر،ابراہیم حسن مراد نے شراکت داری پر خوشی کا اظہار کرتے ہوئے کہا کہ ہمیں یہ اعزاز حاصل ہے کہ ہم سب سے پہلے فرینڈز آف قلندرز کو لانچ کرنے والی یونیورسٹی بنے۔یہ پروگرام ہماری نوجوان نسل کو کھیل، لیڈرشپ، اور کمیونٹی کے ذریعے مضبوط بنانے کے ویژن سے مکمل طور پر ہم آہنگ ہے۔

لاہور قلندرز کے ساتھ اس شراکت داری سے ہمارے طلبہ کو قیمتی مواقع میسر آئیں گے جن کے ذریعے وہ سیکھ سکیں گے ترقی کریں گیاور کرکٹ کی دنیا سے جڑ سکیں گے۔یہ پروگرام مختلف مراحل میں متعارف کرایا جائے گا، جس کا آغاز یونیورسٹی آن بورڈنگ اور مفاہمتی یادداشت پر دستخطوں سے ہوگا۔ بعد ازاں اس میں کھلاڑیوں کے ساتھ ملاقات، مقابلے، اور اسکل ڈویلپمنٹ ورکشاپس کا انعقاد کیا جائے گا۔جو طلبہ فرینڈز آف قلندرز کا حصہ بننا چاہتے ہیں، وہ اپنی یونیورسٹی کے فین کلب کے ذریعے رجسٹریشن کروا سکتے ہیں اور اس سنسنی خیز موقع سے فائدہ اٹھا سکتے ہیں۔

کوئٹہ سے ٹرین سروس تاحال بحال نہ ہوسکی،انٹرنیٹ سروس بھی بند

عرب امارات کا امریکا میں سینکڑوں ارب ڈالر سرمایہ کاری کا اعلان

عرب امارات کا امریکا میں سینکڑوں ارب ڈالر سرمایہ کاری کا اعلان