Author: سعد فاروق

چیمپئنز ٹرافی کے ہائی وولٹیج میچ میں بھارت نے پاکستان کو بدترین شکست دے دی۔

دبئی کے انٹرنیشنل اسٹیڈیم میں کھیلے گئے پاک بھارت ٹاکرے میں پاکستان نے ٹاس جیت کر بیٹنگ کا فیصلہ کیا جو غلط ثابت ہوا اور بھارت نے پاکستان کو باآسانی چت کردیا۔ اس سے قبل بھارت میں کھیلے جانے والے میچ میں بھارت کے خلاف پہلے بیٹنگ کرتے ہوئے پاکستانی ٹیم 50 اوورز بھی پورے نہیں کھیل سکی، پوری قومی ٹیم 2 گیندیں قبل ہی 241 رنز پر ڈھیر ہوگئی۔ پاکستان کی جانب سے سعود شکیل 64 رنز بناکر نمایاں رہے۔

بھارت بیٹنگ
بھارت کی جانب سے کپتان روہت شرما اور شبمن گل نے ٹیم کا جارحانہ آغاز فراہم کیا، روہت 15 گیندوں پر 20 رنز بنانے کے بعد شاہین آفریدی کے ہاتھوں بولڈ ہوگئے۔روہت کے آؤٹ ہونے کے باوجود شبمن گل اور ویرات کوہلی نے تیزی سے رنز بنانے کا سلسلہ جاری رکھا، 68 رنز کے مجموعی اسکور پر حارث رؤف کی باؤلنگ پر خوشدل شاہ نے شبمن گل کا کیچ چھوڑا، وہ 35 رنز پر بناچکے تھے.

تاہم، ابرار احمد نے شبمن گل کو 46 رنز پر بولڈ کرکے ان کی نصف سینچری بھی مکمل نہ ہونے دی، اس دوران ویرات کوہلی نے حارث رؤف کو چوکا رسید کرکے ون ڈے انٹرنیشنل میں اپنے 14 ہزار رنز مکمل کیے۔ویرات کوہلی، سچن ٹنڈولکر اور کمار سنگاکارا کے بعد یہ سنگ میل عبور کرنے والے تیسرے بلے باز ہیں، ویرات نے 287 اننگز، سچن ٹنڈولکر نے 350 اور سنگاکارا نے 378 اننگز میں یہ کارنامہ انجام دیا۔

پاکستان بیٹنگ
قومی ٹیم کے کپتان محمد رضوان نے ٹاس جیت کر پہلے خود بیٹنگ کرنے کا فیصلہ کیا، میچ کے 9 ویں اوور میں بابر اعظم 23 رنز بناکر ہاردک پانڈیا کی گیند پر وکٹ کیپر کے ایل راہل کے ہاتھوں کیچ آؤٹ ہوگئے۔اگلے ہی اوور میں فخر زمان کی جگہ ٹیم میں شامل کیے گئے اوپنر امام الحق غیرضروری رن لینے کی کوشش میں اکشر پٹیل کی تھرو پر رن آؤٹ ہوگئے، وہ 26 گیندوں پر صرف 10 رنز بناسکے۔دو وکٹیں جلد گرنے کے بعد کپتان محمد رضوان اور سعود شکیل نے محتاط بیٹنگ کرتے ہوئے اسکور بورڈ کو آگے بڑھایا، محمد رضوان کو 44 رنز پر ایک موقع ملا جب ہرشت رانا نے ہاردک پانڈیا کی گیند پر ان کا کیچ چھوڑا تاہم وہ اگلے اوور کی پہلی ہی گیند پر اکشر پٹیل کے ہاتھوں 46 رنز پر بولڈ ہوگئے۔

محمد رضوان کی طرح سعود شکیل کو بھی ایک چانس ملا جب اکشر پٹیل کی گیند پر کلدیپ یادو نے ان کا کیچ چھوڑا، تاہم وہ اگلے ہی اوور میں پانڈیا کا شکار بن گئے، سعود 62 رنز کی اننگز کھیلنے کے بعد آؤٹ ہوئے۔دونوں سیٹ بلے بازوں کے آؤٹ ہونے کے بعد پاکستانی بیٹنگ لائن سنبھل نہ سکی اور یکے بعد دیگر کھلاڑیوں کے پویلین واپس لوٹنے کا سلسلہ جاری رہا، طیب طاہر 4، شاہین آفریدی صفر، سلمان علی آغا 19، نسیم شاہ 14، حارث رؤف 8 رنز بناکر آؤٹ ہوئے۔خوشدل شاہ نے کچھ مزاحمت دکھائی لیکن جس طرح انہوں نے نیوزی لینڈ کے خلاف کھل کر بیٹنگ کی آج وہ اس طرح سے شارٹس نہ کھیل سکے اور آخری اوور میں 38 رنز پر اپنی وکٹ گنوا بیٹھے۔

بھارت کی جانب سے کلدیپ یادو 3، ہاردک پانڈیا 2 وکٹیں حاصل کرنے میں کامیاب رہے جب کہ ہرشت رانا، اکشر پٹیل اور رویندرا جڈیجا کے حصے میں ایک ایک وکٹ آئی۔

چیمپئنز ٹرافی: ون ڈے کرکٹ کے کئی ریکارڈز ویرات کوہلی کے نام

سری لنکا میں خوفناک حادثہ ،ٹرین کی ٹکر سے 6 ہاتھی ہلاک

پاکستانی کرکٹ ٹیم کے سابق کپتان بابر اعظم کی آج کے اہم میچ میں شرکت مشکوک ہو گئی ہے، جس کے بعد سوشل میڈیا اور کرکٹ ماہرین میں چہ مگوئیاں جاری ہیں۔

باغی ٹی وی کے مطابق پاکستان کی میزبانی میں چمپئینز ٹرافی کھیلی جا رہی ہے جبکہ بھارت کے میچ دبئی منتقل کیے گئے اسی حوالے سے ممتاز صحافی اور اینکر مبشر لقمان نے اپنی ٹویٹس میں اس معاملے پر تبصرہ کرتے ہوئے کہا کہ اگر بابر اعظم چمپئینز ٹرافی کے اہم میچ میں نہیں کھیلتے تو پاکستان یقینی طور پر بھارت کو حیران کر دے گا۔ میرا خیال ہے کہ ان کی موجودگی خود ہی سب کے لیے حوصلہ شکن ہے، بشمول تماشائیوں کے۔”انکا کہنا تھا کہ اطلاعات ہیں کہ بابر اعظم سر درد اور زکام کی شکایت کر رہے ہیں اور ایک رپورٹر کے مطابق وہ گزشتہ روز ٹیم کے ساتھ پریکٹس کے لیے بھی نہیں آئے۔ اگر یہ سچ ہے تو آپ خود اندازہ لگا سکتے ہیں کہ وہ کیوں نہیں کھیل رہے، میں کوئی قیاس آرائی نہیں کروں گا۔”انکا مزید کہنا تھا کہ بابر اعظم آج کے میچ میں شرکت نہ بھی کر سکتے ہیں۔ پاکستانی کیمپ سے متضاد خبریں آ رہی ہیں۔

واضح رہے کہ پاکستانی ٹیم مینجمنٹ کی جانب سے اب تک کوئی حتمی بیان سامنے نہیں آیا، تاہم مداحوں میں تشویش پائی جاتی ہے کہ اگر بابر اعظم میچ سے باہر ہو گئے تو ٹیم کی بیٹنگ لائن پر بڑا دباؤ آ سکتا ہے۔یاد رہے کہ پاکستان اور بھارت کا میچ ہمیشہ سے ہی انتہائی اہم اور سنسنی خیز ہوتا ہے۔ شائقین اور ماہرین کو اب پاکستانی ٹیم مینجمنٹ کے باضابطہ اعلان کا انتظار ہے کہ آیا بابر اعظم میدان میں اتریں گے یا نہیں۔