Author: سعد فاروق

وزیراعلیٰ سندھ مراد علی شاہ نے سجاول کی حدود میں غیر ملکی سیاحوں سے لوٹ مار کا نوٹس لے لیا۔

باغی ٹی وی کے مطابق وزیراعلیٰ سندھ کا کہنا ہے کہ سیاح ہمارے مہمان ہیں ان کے ساتھ اس قسم کا رویہ کسی صورت برداشت نہیں کیا جائے گا۔اس قسم کے واقعات ملک کی بدنامی کا باعث بنتے ہیں۔ایس ایس پی سجاول نے وزیراعلیٰ سیکریٹریٹ کو بریفنگ کے دوران بتایا کہ میں نے دونوں غیر ملکی سیاحوں سے ملاقات کی ہے۔ دونوں سیاحوں سے صرف موبائل فون چھینے گئے ہیں۔ نقد رقم یا نقصان نہیں پہنچا جبکہ سی سی ٹی وی کی مدد سے موبائل لوٹنے والوں تک رسائی ہونے والی ہے۔ایس ایس پی سجاول نے بریفنگ میں یہ بھی بتایا کہ ٹیکنالوجی کی مدد سے ڈکیت تک پہنچ گئے ہیں۔آٹھ مشکوک لوگ گرفتار کئے ہیں جن سے تفتیش جاری ہے۔جلد موبائل لوٹنے والوں کو گرفتار کر کے سی ایم سیکریٹریٹ کو آگاہی کیا جائے گا۔دوسری جانب صوبائی زیر داخلہ سندھ ضیاءالحسن لنجار نے سجاول میں غیر ملکیوں سے لوٹ مار کے واقعے کی تفصیلات کر لیں تھیں۔وزیر داخلہ نے ہدایت کی تھی کہ سیاحوں کو لوٹنے والوں کی گرفتاری کےلئے فوری کارروائی کی جائے اور تفتیش کو جدید اور ماڈرن تکنیک کے تحت موثر اور کامیاب بنایا جائے۔سائیکل سوار غیر ملکی سیاح جوڑے کو مکمل تحفظ اور سیکیورٹی فراہم کیا جائے۔ترجمان وزارت داخلہ سندھ کے مطابق سجاول میں غیر ملکیوں سے لوٹ مار کے واقعے پر ضیاءالحسن لنجار نے ایس ایس پی سے تفصیلات طلب کی ہیں۔قبل ازیں صوبائی وزیر ثقافت و سیاحت ذوالفقار علی شاہ نے ملزمان کی فوری گرفتاری کی ہدایت کی تھی۔یہ بھی بتایاگیا تھا کہ سجاول پولیس نے سیاحوں سے ڈکیتی کی واردات میں ملوث 3 ملزمان کے خلاف مقدمہ درج کرلیا ہے ۔ غیر ملکیوں کے ساتھ پیش آنے والا واقعہ انتہائی افسوسناک ہے۔

دھرنے ختم، ورنہ قاانونی کاروائی کریں گے، کراچی پولیس چیف

ایکنک کمیٹی کی 217 ارب کےترقیاتی منصوبوں کی منظورری

کراچی پولیس چیف جاوید عالم اوڈھو نے کہا ہے کہ دھرنے والوں سے بات ہوگئی ہے، کوشش ہے کہ آج رات تک دھرنے ختم کرا دیے جائیں، جو سڑکوں سے نہیں ہٹے گا تو پھر قانون کے مطابق اسے ہٹائیں گے۔

باغی ٹی وی کے مطابق تقریب سے خطاب کے بعد صحافیوں سے گفتگو کرتے ہوئے ایڈیشنل آئی جی کراچی جاوید عالم اوڈھو نے کہا کہ احتجاج کے نام پر پورے شہر کو بند کرنا مناسب بات نہیں، کراچی کے شہریوں کو پریشانی کا سامنا کرنا پڑ رہا ہے۔ پولیس اہلکاروں کے جرائم پیشہ افراد سے روزانہ کی بنیاد پر مقابلے ہوتے ہیں، شاہین فورس، مددگار 15 پولیس اور علاقہ پولیس کے تمام مقابلے اصلی ہی ہوتے ہیں۔ کوئی اکا دکا واقعات کبھی جعلی مقابلوں کے بھی سامنے آجاتے ہیں، تو ہم ایکشن لیتے ہیں، ہم مبینہ مقابلوں کی حوصلہ شکنی کرتے ہیں، 104 شہری ڈاکوؤں کی جانب سے شہید کیے گئے، تو 190 ڈاکو بھی پولیس مقابلوں میں مارے گئے۔کراچی پولیس کے چیف نے کہا کہ 2024 میں دسمبر کا مہینہ شہر قائد میں پولیس کی کارکردگی کے حوالے سے سب سے بہتر رہا، رواں ماہ سب سے کم گاڑیاں چھیننے یا چوری ہونے کے واقعات رپورٹ ہوئے۔ایڈیشنل آئی جی کراچی کا کہنا تھا کہ حساس تھانوں میں اچھی شہرت کے حامل ایس ایچ اوز تعینات کر رہے ہیں۔انہوں نے کہا کہ ضلع ملیر اور غربی میں ٹریفک حادثات درد سر بنے ہوئے ہیں، یہاں صنعتی علاقوں کا ٹریفک زیادہ ہے، ہم نے بہت زیادہ ٹرک اور ڈمپر بند بھی کیے ہیں، مقدمات بھی درج کررہے ہیں، ٹرانسپورٹ عہدیداروں نے ملاقاتیں بھی کی ہیں، ہم نے واضح کیا ہے کہ شہر میں اسپیڈ کم کریں، ورنہ کارروائی جاری رہے گی، صرف چالان پر اکتفا نہیں کریں گے۔

ایف آئی اے کی کارروائیاں،درجنوں انسانی اسمگلرز گرفتار

اسرائیلی وزیراعظم کا زیر زمین خفیہ وارڈ میں طویل آپریشن

میئر کراچی مرتضیٰ وہاب نے کہا ہے کہ بلاول بھٹو کی قیادت میں پیپلز پارٹی کراچی کی ترقی کے لیے کام کر رہی ہے۔

باغی ٹی وی کے مطابق کراچی کے علاقے میوہ شاہ اور اس کی ملحقہ شاہراہوں کے افتتاح کے موقع پر بات کرتے ہوئے میئر کراچی مرتضیٰ وہاب نے کہا کہ پہلی بار میوہ شاہ کے علاقے میں پیپلز پارٹی نیکام کرایا ہے، پیپلز پارٹی نے میوہ شاہ کے علاقے کی تقدیر بدلی ہے۔ جو لوگ قبرستان آتے تھے ان سے پوچھیں پہلے کیا حال تھا میوہ شاہ قبرستان روڈ کا یہ کام کسی اور جماعت نے نہیں بلکہ پیپلز پارٹی نے کیا۔میئر کراچی نے کہا کہ آج 35 کروڑ روپے کے منصوبے کا افتتاح کیا ہے، کروڑوں کا پراجیکٹ عوام کا دیرینہ مسئلہ حل کرنے کے لیے کیا، عوام کی تکلیف دور کرنے کے لیے آر او پلانٹ بھی لگایا ہے۔مرتضیٰ وہاب نے کہا کہ27 دسمبر کو لوگوں نے بڑی تعداد میں شہید بے نظیر بھٹو کی قبر پر حاضری دی، بلاول بھٹو کی قیادت میں پیپلز پارٹی کراچی کی ترقی کے لیے کام کر رہی ہے۔انہوں نے کہا کہ بلاول بھٹو نے ہمیشہ سوال کیا عوام کے لیے کیا کر رہے ہو، بلاول بھٹو کا ایک ایک نمائندہ اس شہر کی خدمت میں مصروف ہے، بلاول بھٹو عوام کو مسائل سے نکالیں گے، وہ اور آصف علی زرداری ملک کا مستقبل ہیں۔شہر کے ترقیاتی کاموں کے حوالے سے بات کرتے ہوئے میئر کراچی نے کہا کہ ترقی کا سفر اسی طرح سے جاری رہیگا، یوسی ٹائون اور کے ایم سی ہماری ہے شہر ہمارا ہے،شہر میں کام ہوتا نظر آرہا ہے اور مزید آئے گا۔انہوں نے کہا کہ ابھی تو پارٹی شروع ہوئی ہے، ہم کام کر رہے ہیں، کام کا سفر جاری رہے گا۔میئر کراچی نے کہا کہ ہم تفریق کی سیاست پر نہیں کام کی سیاست پر یقین رکھتے ہیں، ہم نے ہمیشہ سے عوام کی خدمت کی ہے۔

پاراچنار معاملے پر سندھ میں سیاست کرنا ناانصافی ہے، شازیہ مری

پاراچنار معاملے پر سندھ میں سیاست کرنا ناانصافی ہے، شازیہ مری

ریڈ بک کا مطلوب انسانی اسمگلر 17 سال بعد گرفتار

احتجاج ختم کیا جائے، کراچی کے شہریوں کی تکلیف سمجھے، ترجمان حکومت سندھ

معاشرے میں بڑھتے عدم برداشت نے خاندانی نظام بھی متاثر کر دیا سندھ بھر کی ضلعی عدالتوں میں 20 ہزار سے زیادہ خواتین نے خلع کے دعوے دائر کیے۔

باغی ٹی وی کی رپورٹ کے مطابق سارا سال ماتحت عدالتوں میں والدین خلع کے لیے عدالتوں کے چکر لگاتے رہے اور ان کے بچے خوار ہوتے رہے۔سندھ بھر میں رواں برس کے 11 ماہ میں 18757 سے زائد خواتین خلع حاصل کرنے کے لیے عدالتوں سے رجوع کر چکی ہیں اور سال کے اختتام تک امکان ہے کہ یہ تعداد 20 ہزار کے قریب پہنچ جائے، جبکہ کراچی کی عدالتوں میں مجموعی طور پر 9 ہزار 266 کیسز داخل ہوئے ہیں۔رواں برس 8 ہزار 978 کیسز کے فیصلے سنائے گئے جبکہ 4 ہزار 76 مقدمات زیر سماعت ہیں۔ قانونی ماہرین کے مطابق بڑھتی مہنگائی، بے روزگاری، عدم برداشت اور سوشل میڈیا کا غلط استعمال خاندانی نظام کو کمزور کر رہا ہے۔کراچی کی ضلعی عدالتوں کی بات کریں تو ضلع شرقی میں سب سے زیادہ مقدمات داخل ہوئے، جہاں فیملی عدالتوں میں دو ہزار 738 مقدمات میں سے 2 ہزار 669 کیسز کے فیصلے سنائے گئے۔ضلع غربی کی عدالتوں میں ایک ہزار 979 خلع درخواستوں میں سے ایک ہزار 845 مقدمات کے فیصلے سنائے گئے جبکہ 919 کیسز زیر سماعت ہیں۔ضلع وسطی کی عدالتوں میں ایک ہزار 863 مقدمات میں سے ایک ہزار 845 درخواستوں پرفیصلے سنائے گئے اور اب 837 مقدمات زیر سماعت ہیں۔ضلع جنوبی میں ایک ہزار 346 کیسز میں اسے ایک ہزار 300 کیسز کے فیصلے سنائے گئے اور 444 درخواستوں زیر التوا ہیں۔ ضلع ملیر کی عدالتوں میں ایک ہزار 340 مقدمات میں ایک ہزار 319 کیسز کے فیصلے سنائے گئے ضلع ملیر میں اب بھی 698 کیسز زیر سماعت ہیں۔یاد رہے کہ سال 2023 کے دوران شہر قائد میں 8 ہزار خواتین نے اپنے شوہروں سے عدالتوں کے ذریعے خلع حاصل کی تھی۔

پاراچنار معاملے پر سندھ میں سیاست کرنا ناانصافی ہے، شازیہ مری

کراچی میں ٹرین حادثات،بچے سمیت دوافراد جاں بحق

ریڈ بک کا مطلوب انسانی اسمگلر 17 سال بعد گرفتار

شدید دھند ،موٹر ویز مختلف مقامات پر بند

پاکستان پیپلز پارٹی کی مرکزی ترجمان شازیہ مری نے کہا ہے کہ پاراچنار معاملے پر سندھ میں سیاست کرنا ناانصافی ہے۔

باغی ٹی وی کے مطابق کراچی میں نیوز کانفرنس کے دوران شازیہ مری نے کہا کہ پاکستان پیپلز پارٹی پارا چنار کے عوام کے ساتھ کھڑی ہے لیکن شہر میں جگہ جگہ دھرنے سے عوام کو پریشانی کا سامنا ہے۔انہوں نے کہا کہ دھرنے سندھ کے بجائے خیبر پختونخوا میں ہونے چاہئیں، پارا چنار کے معاملے پر سندھ میں سیاست کرنا اور لوگوں کو تکلیف دینا ناانصافی ہے۔پی پی ترجمان نے مزید کہا کہ احتجاج کرنا ہے تو خیبر پختونخوا میں کریں۔ وزیراعلی ہائوس پشاور کے باہر دھرنا دیں، وہاں زور لگائیں۔شازیہ مری کا کہنا ہے کہ جنہوں نے ذوالفقار علی بھٹو اور محترمہ بینظیر بھٹو کو شہید کیا وہ غلط فہمی پر تھے۔شازیہ مری نے بلاول ہاؤس کراچی میں پریس کانفرنس میں کہا کہ بینظیر بھٹو کمزور اور غریب کی ا?واز تھیں۔بلاول بھٹو نے بھی اپنی تقریر میں کہا کہ محترمہ غریب اور کمزور کی آواز تھیں۔ترجمان پیپلز پارٹی نے کہا کہ ہم نے صرف ایک لیڈر کو نہیں بلکہ کمزور لوگوں کے لیے لڑنے والی شخصیت کو کھویا ہے۔اٴْنہوں نے کہا کہ لوگ دہشت گردی اور انتہا پسندی کا خاتمہ چاہتے ہیں اور ملک میں امن و استحکام دیکھنا چاہتے ہیں۔شازیہ مری نے مزید کہا کہ پی پی وہ واحد جماعت ہے جو آمروں کے خلاف کھڑی رہی۔

کراچی میں ٹرین حادثات،بچے سمیت دوافراد جاں بحق

ریڈ بک کا مطلوب انسانی اسمگلر 17 سال بعد گرفتار

احتجاج ختم کیا جائے، کراچی کے شہریوں کی تکلیف سمجھے، ترجمان حکومت سندھ

شدید دھند ،موٹر ویز مختلف مقامات پر بند