Author: سعد فاروق

میئر کراچی بیرسٹر مرتضیٰ وہاب نے کہا ہے کہ حب ڈیم سے کراچی کو پانی کی فراہمی کے لئے نئی کنال کی تعمیر کا 87 فیصد کام مکمل ہوچکا ہے.

باغی ٹی وی کے مطابق حب ڈیم پر نئی کنال کی تعمیر کے مقام کا معائنہ کرتے ہوئے بیرسٹر مرتضیٰ وہابکا کہنا تھا کہ ہم نے ایک سال کی مدت میں اسے مکمل کرنے کا وعدہ کیا تھا اور انشاء اللہ اگست 2025 ء تک اس کنال سے کراچی کے عوام کو 100 ملین گیلن یومیہ پانی کی فراہمی ممکن بنائی جائے گی، اس کے علاوہ پرانی کنال کو بھی بحال کیا جا رہا ہے تاکہ اضافی پانی کراچی لایا جاسکے، بلاول بھٹو زرداری اور آصف زرداری کی طرف سے کراچی کے پانی کے مسائل حل کرنے کے وعدے کو ترجیحی بنیادوں پر پورا کریں گے ،پاکستان پیپلز پارٹی کا ایک ایک کارکن کراچی کے مسائل حل کرنے کے جذبے سے سرشار ہے،حب کنال کی تعمیر کے منصوبے پر کام کرنے والے عملے کو مبارکباد دوں گا ، اسی طرح محنت کریں اور اس کام کو پایہ تکمیل تک پہنچائیں. اس موقع پر سٹی کونسل میں ڈپٹی پارلیمانی لیڈر دل محمد، جمن دروان اور پاکستان پیپلزپارٹی کے دیگر رہنما بھی موجود تھے، میئر کراچی بیرسٹر مرتضیٰ وہاب نے کہا کہ حب ڈیم سے کراچی کو پانی فراہم کرنے والی موجودہ کنال 45 سے 46 سال پرانی ہے جس میں رسائو اور سیپیج کی وجہ سے 100 ایم جی ڈی پانی کی فراہمی ممکن نہیں ہو رہی تھی لہٰذا پاکستان پیپلزپارٹی کی حکومت نے حب ڈیم سے کراچی کے لئے نئی کنال ڈالنے کا منصوبہ بنایا تاکہ شہر میں پانی کی کمی کے مسائل جلد از جلد حل کئے جاسکیں اور نہ صرف یہ کہ نئی کنال کی تعمیر کے ذریعے 100 ملین گیلن یومیہ پانی کی کراچی کو فراہمی یقینی بنائی جاسکے بلکہ پرانی کنال کو بھی ٹھیک کرکے مزید پانی شہر کے مختلف علاقوں کو فراہم کیا جائے، انہوں نے کہا کہ حب ڈیم سے نئی کنال کا ارتھ ورک تقریباً مکمل ہوچکا اور اب یہ منصوبہ تیزی سے تکمیل کی طرف گامزن ہے ،انہوں نے کہا کہ پاکستان پیپلزپارٹی اپنے منشور کے مطابق عوام کی خدمت کر رہی ہے اور پانی و سیوریج سمیت مختلف شعبوں میں ترقیاتی کاموں کا سلسلہ جاری ہے، کراچی کے بنیادی انفراسٹرکچر جس میں سڑکیں ، پل اور انڈرپاسز شامل ہیں، انہیں بہتر بنانے کے لئے سندھ حکومت نے اپنے بجٹ میں رقوم مختص کی ہیں اور تمام ترقیاتی کام شفاف انداز میں بہتر معیار کو یقینی بناتے ہوئے انجام دیئے جا رہے ہیں، کراچی کے شہری خود گواہ ہیں کہ ان کے مسائل حل کرنے کے لئے بلدیہ عظمیٰ کراچی اور دیگر ادارے اپنا کردار ادا کررہے ہیں اور شہر کے مختلف علاقوں میں لوگوں کو درپیش مسائل کے حل کے لئے موثر حکمت عملی اختیار کی گئی ہے جس کے ثمرات شہریوں کو حاصل ہو رہے ہیں۔

سندھ حکومت کادیہی معیشت کو بہتر کرنے کے لیے پروگرام شروع

شام میں پھنسے پاکستانی لبنانی سرحد پر پہنچ گئے

محمد البشیر شام کے نگران وزیر اعظم مقرر ہو گئے

چیمپئنزٹرافی کا شیڈول تیار، ایک سیمی فائنل دبئی میں ہوگا

بین الاقوامی اداروں کے تعاون سے سندھ حکومت نے صوبے کی دیہی معیشت کو بہتر کرنے کے لیے ایک پروگرام شروع کیا ہے.

باغی ٹی وی کے مطابق سندھ پلاننگ بورڈ کے پروگرام کنسلٹنٹ ذوالفقار کورائی نے کہاکہ اس منصوبے کے تحت صوبائی حکومت غریب لوگوں، خاص طور پر کسانوں کی پائیدار ترقی کو یقینی بنائے گی. انہوں نے بتایا کہ یہ پروگرام مختلف شراکت داروںایجنسیوں کے تعاون سے شروع کیا گیا ہے انہوں نے کہا کہ اس اقدام سے خاص طور پر صوبے کے مختلف حصوں میں پانی کی قلت کے مسئلے سے نمٹنے کے لیے دیہی معیشت کے وسیع شعبوں کا احاطہ کیا جائے گا.انہوں نے کہا کہ اس منصوبے کا مقصد ترقیاتی سرگرمیوں میں لوگوں کی شرکت کو یقینی بنا کر ان کی معاشی حالت کو بلند کرنا ہے انہوں نے کہا کہ سندھ حکومت نے وسیع البنیاد دیہی ترقی کو فروغ دینے کے لیے وفاقی حکومت کے ساتھ ساتھ بین الاقوامی شراکت داروں کی مدد بھی حاصل کی ہے. انہوں نے کہا کہ یہ پالیسی اور ادارہ جاتی اصلاحات کی اہمیت پر زور دیتا ہے تاکہ نجی شعبے کی زیادہ سے زیادہ سرمایہ کاری حاصل کرنے کے ساتھ ساتھ موثر عوامی مالیات اور نظام کو یقینی بنایا جا سکے انہوں نے پالیسی کے تین بنیادی شعبوں کو درج کیاجن کی نشاندہی اس پروگرام کے تحت کی گئی ہے ان میں سندھ کی معاشی سرگرمیوں اور خدمات کی فراہمی میں نجی شعبے کی شراکت کو بڑھانا، عوامی اخراجات میں پیسے کی قدر کو بہتر بنانا اور دیہی معیشت کو زندہ کرنا شامل ہے سندھ کی آبادی 50 ملین سے زیادہ ہے جس میں سے 52فیصدشہری علاقوں میں رہتے ہیں اور 48فیصددیہی علاقوں میں، تقریبا 38فیصدزراعت، مویشیوں، جنگلات اور ماہی گیری سے اپنا ذریعہ معاش حاصل کرتے ہیں.ماہر زراعت علی نواز نے بتایا کہ دیہی سندھ کی معیشت کا انحصار زراعت کے شعبے پر ہے تقریبا 65فیصدلوگ دیہات میں رہتے ہیں اور ان کا بنیادی پیشہ زراعت ہے تقریبا 80 فیصد کاشتکار چھوٹے سائز کی زمین کے مالک ہیں جب انہیں بروقت آبپاشی کا پانی ملتا ہے تو وہ اپنے کھیتوں میں ہل چلاتے ہیں اور پانی کے بہا ومیں کسی قسم کی رکاوٹ دیہی معیشت کو بری طرح متاثر کرتی ہے.علینواز نے کہا کہ آبپاشی کے پانی کی کمی کی وجہ سے غربت کے بڑھتے ہوئے رجحان کو سالوں میں دیکھا گیا ہے انہوں نے کہا کہ پانی کا کم ہوتا ہوا حصہ زرعی شعبے کی پیداوار کو متاثر کر رہا ہے اس کے علاوہ سمندری پانی کی زرخیز زمین میں مسلسل دخل اندازی ہو رہی ہے جس سے ٹھٹھہ اور بدین اضلاع میں 1.5ملین ایکڑ زمین متاثر ہو رہی ہے اس کے علاوہ، دیگر عوامل بھی ہیں جیسے کہ آبی ذخائر اور کھارا پن، جنگلات کی کٹائی، مٹی کا کٹا، غیر اقتصادی زمینی ملکیت اور خشک سالی، زراعت کے شعبے کی پیداوار کو متاثر کرتی ہے.ماہر زراعت نے کہا کہ سب سے زیادہ متاثرہ اضلاع تھرپارکر اور دادو ہیں کیونکہ ان کا مکمل انحصار بارشوں پر ہے انہوں نے کہا کہ صوبائی حکومت کا یہ اقدام دیہی معیشت کو بہتر بنانے میں بہت اہم ثابت ہو گا کیونکہ غریب طبقات حکومتی تعاون کے بغیر اپنی معیشت کو برقرار رکھنے سے قاصر ہیں سندھ کی دیہی معیشت خاص طور پر 2022 کے سیلاب سے تباہ ہوئی.

شام میں پھنسے پاکستانی لبنانی سرحد پر پہنچ گئے

محمد البشیر شام کے نگران وزیر اعظم مقرر ہو گئے

چیمپئنزٹرافی کا شیڈول تیار، ایک سیمی فائنل دبئی میں ہوگا

ایف بی آر نے بیرون ملک سے کمرشل مقدار میں اشیاء لانے پر مکمل پابندی عائد کرنے کا فیصلہ کیا ہے۔

باغی ٹی وی کے مطابق اس حوالے سے ایف بی آر نے بیگج اسکیم میں ترمیم کے نوٹیفکیشن جاری کر دیا ہے، جس کے تحت بیرون ملک سے ذاتی استعمال کے لیے صرف ایک موبائل فون لانے کی اجازت ہوگی، اگر کسی مسافر کے پاس ایک سے زائد موبائل فون ہوں گے تو وہ ضبط کیے جائیں گے۔نوٹیفکیشن کے مطابق، 1200 ڈالر سے زائد مالیت کی اشیاء کمرشل تجارت کے طور پر شمار کی جائیں گی، اور ان پر ڈیوٹی، ٹیکس اور جرمانہ عائد کیا جائے گا۔ تاہم، اضافی اشیاء ان شرائط پر بھی کلیئر نہیں کی جائیں گی۔ایف بی آر کے مطابق، اس ترمیم سے متعلق تجاویز اور سفارشات سات دن کے اندر جمع کرائی جا سکتی ہیں، اور مقررہ میعاد کے بعد موصول ہونے والی تجاویز پر غور نہیں کیا جائے گا۔ کمرشل مقدار سے مراد ایسی اشیاء ہیں جو ذاتی استعمال یا گفٹ کے بجائے اضافی مالی فائدہ حاصل کرنے کے مقصد سے لائی جاتی ہیں۔
ایف بی آر ذرائع کے مطابق اس فیصلے کا مقصد کمرشل اسمگلنگ کو روکنا اور ملک کی معیشت کو مستحکم کرنا ہے۔

کراچی: نامعلوم افراد کی فائرنگ سے حساس ادارے کا ملازم جاں بحق

ڈی جی سیمنٹ، کروڑوں کی آمدنی، سڑک خستہ حالی کا شکار

کراچی : عزیز آباد میں پولیس اور رینجرز کی بھاری نفری تعینات

ماہرین معیشت نے سول نافرمانی کو ملک سے غداری قرار دے دیا

کراچی کے علاقےعزیز آباد اور اطراف میں پولیس اور رینجرز کی بھاری نفری تعینات کر دی گئی.

باغی ٹی وی کے مطابق پولیس اور رینجرز کی بھاری نفری نے عزیر آباد کے علاقے جناح گراؤنڈ ، رانا لیاقت علی خان چوک اور اطراف کی سڑکیں سیل کرکے سرچ آپریشن کیا ہے جس کے دوران پولیس حکام نے 20 افراد کو حراست میں لے لیا ہے.ایم کیو ایم کے سابقہ مرکز نائن زیرو کے اردگرد رستے بند کر دیے گئے،ذرائع کے مطابق یادگار شہداء جانے والا راستہ بھی بند کر دیا گیا.ذرائع کے مطابق ایم کیو ایم لندن کی جانب سے یوم شہداء کے حوالے سے پروگرام کا اعلان کیا گیا ہے جس کی وجہ سے پولیس اور رینجرز کی بھاری نفری تعینات کیا گیاایم کیو ایم لندن کے گرفتار رہنماؤں میں نثار پنہور، آفتاب بقائی، الطاف مینگل شامل ہیں۔ایم کیو ایم لندن نےیوم شہداء کی مناسبت سے جناح گراؤنڈ عزیزآباد میں یادگار شہدا پر حاضری اور یاسین آباد کے شہدا قبرستان میں تحریک کے شہداء کی قبروں پر فاتحہ خوانی کا اعلان کیا تھا۔ایم کیو ایم لندن نے اپنے اعلامیہ میں کہا تھا کہ یوم شہدا پر پاکستان کے مختلف شہروں سمیت دنیا کے مختلف ملکوں میں فاتحہ خوانی اور قرآن خوانی کا اہتمام کیا جائے گا۔.اس سے قبل کراچی کے علاقے ضلع وسطی میں 2روز کے لیے دفعہ 144 نافذ کر دی گئی،ایڈیشنل آئی جی کراچی کی درخواست پر کمشنر کراچی نے نوٹیفکیشن جاری کر دیا، نوٹیفکیشن کے مطابق شر پسند عناصر امن و امان کی صورتحال خراب کر سکتے ہیں،شرپسندوں کی وجہ سے خاص طور پرضلع وسطی میں صورتحال خراب ہو سکتی ہے۔ دوسری جانب ڈبل سواری اور 4 سے زائد افراد کے اجتماع پر پابندی عائد کر دی گئی،کسی بھی قسم کی ریلی نکالنے کی اجازت بھی نہیں ہوگی،ذرائع کے مطابق کسی بھی ناخوشگوار صورتحال سے بچنے کے لیے دفعہ 144 نافذ کی گئی،قانون کی خلاف ورزی پر ایس ایچ او کو کارروائی کا اختیار دے دیا گیا۔

ماہرین معیشت نے سول نافرمانی کو ملک سے غداری قرار دے دیا

گورنر ہائوس کراچی میں سندھ کلچرل فیسٹیول کا انعقاد

کراچی میں 2 روز کیلئے دفعہ 144 نافذ