Author: سعد فاروق

نیپرا کے الیکٹرک کی جنریشن ٹیرف درخواست پر جاری کیے گئے فیصلے کو ترجمان کے الیکٹرک نے اہم سنگ میل قرار دیا ہے۔

ترجمان کے الیکٹرک کے مطابق فیصلے سے صارفین کے بجلی بلوں پر کوئی اثر نہیں پڑے گا۔کے الیکٹرک ترجمان نے کہاکہ نیپرا کی جانب سے جنریشن ٹیرف درخواست پر کیا گیا فیصلہ کے الیکٹرک کے جامع سرمایہ کاری پلان کا اہم سنگ میل ہے، فیصلے کا اثر صارفین کے بلوں پر نہیں پڑے گا۔ترجمان نے بتایا کہ منظور شدہ ٹیرف ڈھانچے میں کچھ تبدیلیاں کی گئی ہیں جن کا تفصیلی جائزہ لیا جا رہا ہے۔ کے الیکٹرک نے کراچی کے پاور انفرااسٹرکچر میں 4 ارب ڈالر سے زائد کی سرمایہ کاری کی ہے اور اب ڈسٹری بیوشن، ٹرانسمیشن، اور سپلائی ٹیرف کو حتمی شکل دینے کیلئے سرگرمیاں جاری ہیں۔واضح رہے کہ نیپرا نے کے الیکٹرک کے 7 سالہ جنریشن ٹیرف کی منظوری دے دی ہے۔نیپرا نے کے الیکٹرک کی درخواست پر فیصلہ جاری کرتے ہوئے جنریشن ٹیرف کی منظوری ٹیک اور پے کی بنیادوں پر دی ہے، ٹیک اور پے کا مطلب بجلی استعمال ہو نہ ہو کپیسٹی پیمنٹ کرنا پڑے گی۔ممبر ٹیرف مطہر نیاز رانا کا ٹیک اور پے کی بنیاد پرجنریشن ٹیرف دینے پر اختلافی نوٹ سامنے آیا ہے۔فیصلے میں ممبر ٹیرف نے ایل این جی اور ڈیزل کے پاور پلانٹس پر ٹیک اور پے سے اختلاف کیا ہے۔مطہر نیاز رانانے کہاکہ ایل این جی اور ڈیزل کے پلانٹس پر ٹیک اور پے کراچی کے صارفین پر بوجھ پڑے گا، ممبر ٹیرف نے ایکویٹی پر 14 فیصد ڈالر میں منافع کی بھی مخالفت کی ہے۔نیپرا نے کے الیکٹرک کے جنریشن ٹیرف ڈیزل پر 44.33 روپے سی50 روپی75 پیسے فی یونٹ تک منظوری دی ہے۔ایل این جی پر جنریشن ٹیرف 20 روپی67 پیسے سی41 روپی75 پیسے فی یونٹ تک منظور کیا گیا ہے۔فرنس آئل پر جنریشن ٹیرف 33 روپی31 پیسے سے 34 روپے 64 پیسے فی یونٹ تک مقرر کیا ہے۔گیس پر فی یونٹ جنریشن ٹیرف 6 روپے 83 پیسے سے 9 روپے 62 پیسے تک مقرر کیا گیا ہے۔

شرجیل میمن کے نجی گاڑیوں پر سرکاری نمبر پلیٹس لگانے کے خلاف کریک ڈاؤن احکامات

محکمہ تعلیم پنجاب کا اسکولوں کے اوقات کار میں تبدیلی کا نوٹیفیکیشن

کراچی،اورنگی ٹاؤن میں خاتون اور 2 بچوں کے گلے کاٹ دیے گئے

گورنر ہاؤس سندھ میں نوکری کا جھانسہ دے کر خواتین کو ہراساں کرنیوالا ملزم گرفتار

میرپورخاص میں مبینہ پولیس مقابلے میں ہلاک ہونے والے ڈاکٹر شاہنواز کی پوسٹ مارٹم رپورٹ سامنے آ گئی ہے۔

باغی ٹی وی کی رپورٹ کے مطابق پوسٹ مارٹم رپورٹ میں بتایا گیا کہ ڈاکٹر شاہنواز کی 4 پسلیاں اور کندھے کی ہڈی ٹوٹی ہوئی تھی، جبکہ لاش کا اگلا حصہ، چہرہ اور سر کی جلد جلی ہوئی پائی گئی۔پوسٹ مارٹم کی رپورٹ کے مطابق ڈاکٹر شاہنواز کے دونوں ہاتھوں اور پیروں کے ناخن جزوی طور پر جلے ہوئے تھے۔واضح رہے کہ 14 اکتوبر کو سندھ حکومت نے قبر کشائی کر کے ڈاکٹر شاہنواز کی لاش کا پوسٹ مارٹم کرنے کا فیصلہ کیا۔ اس سلسلے میں پولیس سرجن نے ڈائریکٹر جنرل صحت کو خط لکھا، جس کے بعد قبر کشائی کی گئی اور نمونے لیے گئے۔18 ستمبر 2024 کی رات، سندھڑی پولیس نے مبینہ مقابلے میں عمرکوٹ کے رہائشی ڈاکٹر شاہنواز کی ہلاکت کا دعوی کیا تھا۔بعد میں، ڈاکٹر شاہنواز کے قتل کا مقدمہ سندھڑی تھانے میں درج کیا گیا، جس میں قتل اور انسداد دہشتگردی کی دفعات شامل کی گئی۔مقدمے میں ایس ایچ او اور اہلکاروں سمیت 15 افراد شامل ہیں، جبکہ سابق ڈی آئی جی جاوید جسکانی، سابق ایس ایس پی میرپور خاص اسد چوہدری، اور سابق ایس ایس پی عمرکوٹ آصف رضا بلوچ کو بھی نامزد کیا گیا ہے۔26 ستمبر 2024 کو، سندھ کے وزیرداخلہ نے پریس کانفرنس میں کہا کہ اس معاملے میں ملوث افراد کے خلاف کارروائی کی جائے گی، چاہے مقتول کی فیملی ایف آئی آر نہ بھی کرائے۔27 ستمبر کو سندھ حکومت کی اعلی سطحی انکوائری کمیٹی کی رپورٹ میں ڈاکٹر شاہنواز کی پولیس کی حراست میں ہلاکت کی تصدیق ہونے پر ڈی آئی جی میرپورخاص، ایس ایس پی میرپورخاص اور ایس ایس پی عمرکوٹ کو معطل کر دیا گیا۔11 اکتوبر کو سندھ ہیومن رائٹس کمیشن نے توہین مذہب کے الزام میں ڈاکٹر شاہنواز کے قتل پر ایک رپورٹ پیش کی، جس میں کہا گیا کہ میرپورخاص اور عمرکوٹ کے ایس ایس پیز اور ڈی آئی جی نے گرفتاری سے انکار کیا، لیکن بعد میں تصدیق کی کہ ملزم کو کراچی سے گرفتار کیا گیا تھا۔رپورٹ میں یہ بھی کہا گیا کہ مقدمے کے بعد ایف آئی اے سے تکنیکی معاونت نہیں لی گئی اور پوسٹ مارٹم رپورٹ 2 روز تک فراہم نہیں کی گئی۔15 اکتوبر کو محکمہ داخلہ سندھ نے سندھ ہائی کورٹ کے رجسٹرار کو خط لکھ کر ڈاکٹر شاہنواز کی ہلاکت کے معاملے پر جوڈیشل انکوائری کی درخواست کی۔ 21 اکتوبر کو سندھ ہائی کورٹ کے میرپورخاص سرکٹ بینچ نے کیس کی سماعت کے دوران پولیس کے ہاتھوں ماورائے عدالت قتل کے معاملے کی تحقیقات ایف آئی اے سے کرانے کا حکم دیا، اور تحقیقات کی نگرانی کے لیے قومی کمیشن برائے انسانی حقوق کو مقرر کیا۔

سرفراز بگٹی کا بلدیاتی اداروں کے ترقیاتی فنڈز میں 100 فیصد اضافہ کرنے کا اعلان

سندھ کے سینئر وزیر شرجیل انعام میمن کی جانب سے عوام کے لئے خوشخبری دی گئی ہے۔ حکومت سندھ کی جانب سے کراچی کی سڑکوں پر اب ڈبل ڈیکر بسیں چلائی جائیں گی ، حکومت سندھ نے ڈبل ڈیکر بسوں کی خریداری کے لئے تیاریاں شروع کر دی ہیں۔

باغی ٹی وی کی رپورٹ کے مطابق سندھ کے سینئر وزیر اور صوبائی وزیر اور صوبائی وزیر برائے اطلاعات ، ٹرانسپورٹ، ایکسائز، ٹیکسیشن و نارکوٹکس کنٹرول شرجیل انعام میمن کی زیر صدارت ایک اہم اجلاس ہوا، اجلاس میں سندھ ماس ٹرانزٹ اتھارٹی کے مینیجنگ ڈائریکٹر کمال حکیم دایو، پیپلز بس سروس کے پروجیکٹ ڈائریکٹر صہیب شفیق، پیپلز بس سروس کے مینیجر آپریشنز عبدالشکور اور دیگر حکام نے شرکت کی۔اجلاس میں حکومت سندھ کی جانب سے پیپلز بس سروس کے لئے 50 نئی بسیں خریدنے کا فیصلہ کیا گیا۔اجلاس میں سینئر وزیر شرجیل انعام میمن نے ماس ٹرانزٹ اتھارٹی اور دیگر متعلقہ حکام کو بسوں کی خریداری کے لئے تیاریاں تیز کرنے کی ہدایات دیں۔ اجلاس کے موقعے پر بات کرتے ہوئے سندھ کے سینئر وزیر شرجیل انعام میمن نے کہا کہ ہم کراچی میں پبلک ٹرانسپورٹ کو جدید بنانے کے لیے پرعزم ہیں، حکومت سندھ کا یہ اقدام شہریوں کو سستی اور آرام دہ سفر فراہم کرتے ہوئے شہری ٹرانسپورٹ کے نظام کو بہت بہتر بنائے گا۔انہوں نے کہا کہ عوام کی بڑھتی ہوئی ٹرانسپورٹ کی ضروریات کو پورا کرنے کے لیے تیزی سے عمل درآمد کو یقینی بنایا جائے۔ اجلاس کے موقعیپر سندھ کے سینئر وزیر شرجیل انعام میمن نے پیپلز بس سروس کے بس اسٹیشنز کا کام بھی جلد از جلد مکمل کرنے کے احکامات جاری کئے۔

حکومت سندھ کراچی کا سرکاری اسپتال کرپشن میں بازی لے گیا

جسٹس یحییٰ آفریدی: عدالتی کیریئر اور اہم فیصلوں پر ایک نظر

چیئرمین ناظم آباد ٹائون سید محمد مظفر کی ہدایت پر ٹائون میں جراثیم کش ادویات کی اسپرے مہم کا آغازیوسی نمبر 1پاپوش سے کردیا گیا ہے۔

جاری اعلامیہ کے مطابق چیئرمین ناظم آباد ٹائون نے عملے کو ہدایت کی کہ ٹائون کی ہر یوسی میں اسپرے کو ممکن بنایا جائے ، خاص طور پر ندی نالوں کے قریب اور نشیبی علاقوں میں گاڑیوں اور دستی مشینوں کے ذریعے زیادہ سے زیادہ اسپرے کیا جائے۔انہوں نے کہا کہ اسپرے مہم کیلئے کراچی میٹروپولیٹن کارپوریشن نے ناظم آبادٹائون کو اسپرے کی گاڑیاں فراہم کی ہیں جس کے ذریعے ٹائون کی تمام یوسیز میں مرحلہ وار جراثیم کش ادویات کا اسپرے کیا جائیگا۔اس موقع پرٹائون چیئرمین نے کہا کہ اسپرے کا مقصد شہریوں کو حفظان صحت کے اصولوں کے مطابق بہتر ماحول فراہم کرنا ہے کیونکہ معتدل موسم میں مکھیوں، مچھروں اور بیکٹیریا سمیت دیگر جراثیم کی افزائش تیزی سے ہوتی ہے جس سے ملیریا اور ڈینگی جیسی بیماریوں کے پھیلنے کا خدشہ ہوتا ہے جس کے پیشِ نظر ٹائون کے مکینوں کو بیماریوں سے بچانے کیلئے اسپرے مہم کا آغاز کیا گیا ہے۔

وزیراعلی سندھ سے ایرانی قونصل جنرل کی ملاقات،کراچی تا چابہار فیری سروس شروع کرنے پر غور

کارساز حادثہ کیس کی ملزمہ نتاشہ نے جوڈیشل مجسٹریٹ شرقی کراچی میں حاضری لگوا دی۔

باغی ٹی وی کی رپورٹ کے مطابق کارساز حادثہ کیس کی ملزمہ کے خلاف امتناعِ منشیات ایکٹ کے کیس کی سماعت ہوئی۔ملزمہ نے شوہر کے ہمراہ عدالت میں پیش ہو کر حاضری لگوا دی۔عدالت نے آئندہ سماعت پر بھی ملزمہ کو حاضری یقینی بنانے کا حکم دے دیا۔عدالت نے کیس کی سماعت بغیر کارروائی کے 26 اکتوبر تک ملتوی کر دی۔واضح رہے کہ سندھ ہائیکورٹ نے کراچی میں کار ساز حادثہ کیس میں ملزمہ نتاشہ دانش کی ضمانت منظور کی تھی.سندھ ہائی کورٹ میں کارساز میں پیش آنے والے حادثے میں ملوث مرکزی ملزمہ کی جانب سے انسدادِ منشیات کے مقدمے میں ضمانت کے لئے دائر کی گئی درخواست پر سماعت ہوئی تھی۔ ملزمہ کار ساز حادثہ کیس میں پہلے مقدمے میں ضمانت پر ہے۔واضح رہے کہ 13 ستمبر کو کراچی کی ایڈیشنل ڈسٹرکٹ اینڈ سیشن عدالت نے کارساز حادثے کی ملزمہ نتاشہ دانش کی درخواست ضمانت مسترد کردی تھی۔

پاکستان میں غیر ملکی سرمایہ کاری میں 48 فیصد اضافہ، چین کا بڑا حصہ شامل

26ویں آئینی ترمیم ایک دن بعد ہی سپریم کورٹ اور سندھ ہائیکورٹ میں چیلنج

آئینی ترمیم کے بعد اسٹاک مارکیٹ میں زبردست اضافہ، بُلند ترین سطح پر

توشہ خانہ ٹو کیس: ایف آئی اے نے بشریٰ بی بی کی ضمانت کی مخالفت کردی