Author: سعد فاروق

لندن کی مشہور سماجی شخصیت اور "لیڈی انیبل گولڈ اسمتھ کے نام سے دنیا بھر میں شہرت پانے والی لیڈی انیبل گولڈ اسمتھ 91 سال کی عمر میں انتقال کر گئیں۔ ان کے خاندان کے مطابق وہ مختصر علالت کے بعد نیند میں پُرامن طور پر چل بسیں۔

لیڈی انیبل، مرحوم ارب پتی فنانسر سر جیمز گولڈ اسمتھ کی بیوہ تھیں اور چھ بچوں اور 14 پوتے پوتیوں کی نانی تھیں۔ ان کے اہلِ خانہ نے کہا کہ "وہ ناقابلِ فراموش اور خاندان کی روح تھیں۔”گزشتہ ماہ وہ اپنے بیٹے زیک گولڈ اسمتھ کی شادی میں شرکت کے لیے بھی موجود تھیں، جسے “سال کی سوسائٹی ویڈنگ” قرار دیا گیا۔ زیک نے ہم فلیمنگ، جیمز بانڈ کے خالق سر ایان فلیمنگ کی بھتیجی، سے شادی کی تھی۔ان کے دیگر بچوں میں معروف صحافی و فلم پروڈیوسر جمیما گولڈ اسمتھ اور ماحولیاتی کارکن بین گولڈ اسمتھ شامل ہیں۔

خاندان کے جاری کردہ بیان میں کہا گیا کہ ہمیں انتہائی دکھ کے ساتھ اعلان کرنا پڑ رہا ہے کہ ہماری والدہ لیڈی انیبل گولڈ اسمتھ آج صبح پُرامن طور پر نیند میں وفات پا گئیں۔ بین گولڈ اسمتھ نے کہا کہ ہم ان کے جانے سے ٹوٹ گئے ہیں۔ ان کی زندگی غیر معمولی اور بھرپور تھی، مگر وہ ہمارے لیے ایک ناقابلِ تلافی خلا چھوڑ گئی ہیں۔ میں نے 45 سال تک روزانہ ان سے بات کی۔ وہ ہمیشہ میرا سہارا تھیں۔”

انیبلز نائٹ کلب 1963 میں ان کے پہلے شوہر مارک برلی نے قائم کیا تھا، جو اُس دور کا دنیا کا سب سے معروف مقام بن گیا۔ یہاں کینیڈی خاندان، برطانوی شاہی خاندان، پرنس چارلس، فرینک سیناترا، رچرڈ نکسن اور محمد علی جیسے مہمان آتے رہے۔لیڈی انیبل 1934 میں لندن میں ایک آئرش اشرافیہ خاندان میں پیدا ہوئیں۔ ان کے والد روبن وین ٹیمپسٹ اسٹیورٹ بعد میں مارکویس آف لندنڈری بنے۔ محض 15 برس کی عمر میں انہوں نے "لیڈی انیبل” کا خطاب حاصل کیا۔

انہوں نے 1978 میں سر جیمز گولڈ اسمتھ سے شادی کی، جن سے ان کے تین بچے — جمیما، زیک اور بین — ہوئے۔ سر جیمز 1997 میں کینسر کے باعث انتقال کر گئے۔انیبل کی زندگی میں کئی المیے بھی آئے — ان کے پہلے شوہر مارک برلی سے بیٹے روپرٹ کی 1986 میں موت ہو گئی، جبکہ ان کی پوتی آئرس گولڈ اسمتھ 2019 میں ایک حادثے میں جاں بحق ہوئیں۔

لیڈی انیبل ایک مصنفہ بھی تھیں۔ ان کی خود نوشت کتابیں “Annabel: An Unconventional Life” (2004) اور “No Invitation Required: The Pelham Cottage Years” (2009) نے برطانوی سماجی دنیا کی حسین جھلکیاں پیش کیں۔

ان کا نام ہمیشہ اس نائٹ کلب سے جڑا رہے گا جو ان کے نام پر رکھا گیا — “انیبلز”، جو آج بھی لندن کے اعلیٰ طبقے کی شناخت سمجھا جاتا ہے

وائٹ ہاؤس پریس سیکریٹری کا رپورٹر کو غیر معمولی جواب، سوشل میڈیا پر زیربحث

اسرائیل کی ہٹ دھرمی برقرار، رفح کراسنگ کھولنے سے انکار

ڈھاکا ایئرپورٹ کے کارگو ٹرمینل میں آگ، 6 گھنٹے بعد پروازیں بحال

پکتیکا کرکٹ گراؤنڈ پر حملے کا پروپیگنڈا بے نقاب، رہائشیوں نے افغان دعوے کو جھوٹ قرار دے دیا

وائٹ ہاؤس کی پریس سیکریٹری کیرولین لیویٹ کا رپورٹر کے سادہ سوال پر دیا گیا غیر متوقع جواب سوشل میڈیا پر توجہ کا مرکز بن گیا ہے۔

غیر ملکی ویب سائٹ ’ہف پوسٹ‘ کے مطابق ایک رپورٹر نے پریس سیکریٹری سے سوال کیا کہ "ٹرمپ اور پیوٹن کی ملاقات کے لیے ہنگری کے شہر بداپیسٹ کا انتخاب کس نے کیا؟” جس پر کیرولین لیویٹ نے طنزیہ انداز میں جواب دیا: "Your mom did” یعنی "تمہاری ماں نے۔جب رپورٹر نے پوچھا کہ آیا یہ جواب مزاح کے طور پر دیا گیا ہے، تو کیرولین لیویٹ نے کہا کہ "آپ بائیں بازو سے تعلق رکھنے والے ایک شخص ہیں جو خود کو صحافی کہتے ہیں۔ میرے لیے یہ مزاح ہی ہے کیونکہ کوئی آپ کو سنجیدہ نہیں لیتا، حتیٰ کہ آپ کے ساتھی بھی نہیں۔ مجھ سے فضول سوال مت کریں۔”

یہ واقعہ سوشل میڈیا پر وائرل ہو گیا ہے، جہاں صارفین کی جانب سے پریس سیکریٹری کے رویے پر مختلف آراء کا اظہار کیا جا رہا ہے۔واضح رہے کہ چند روز قبل امریکی صدر ڈونلڈ ٹرمپ اور روسی صدر ولادیمیر پیوٹن کے درمیان طویل ٹیلی فونک گفتگو ہوئی تھی، جس میں دونوں رہنماؤں نے ہنگری کے شہر بداپیسٹ میں ملاقات پر اتفاق کیا تھا.

اسرائیل کی ہٹ دھرمی برقرار، رفح کراسنگ کھولنے سے انکار

ڈھاکا ایئرپورٹ کے کارگو ٹرمینل میں آگ، 6 گھنٹے بعد پروازیں بحال

پکتیکا کرکٹ گراؤنڈ پر حملے کا پروپیگنڈا بے نقاب، رہائشیوں نے افغان دعوے کو جھوٹ قرار دے دیا

پاکستان امن چاہتا ہے مگر سرحد پار دہشت گردی کا سامنا ہے، وزیراعظم

اسرائیل نے ایک بار پھر ہٹ دھرمی کا مظاہرہ کرتے ہوئے رفح کراسنگ کھولنے سے انکار کر دیا ہے۔ صہیونی حکومت کے اس فیصلے سے غزہ میں امداد کی فراہمی ایک بار پھر غیر یقینی ہو گئی ہے۔

قطری نشریاتی ادارے اور غیر ملکی خبر رساں ایجنسی ’رائٹرز‘ کے مطابق یہ پیش رفت ایسے وقت میں سامنے آئی ہے جب مصر میں فلسطینی سفارتخانے نے اعلان کیا تھا کہ غزہ اور مصر کے درمیان واقع رفح کراسنگ پیر کو دوبارہ کھول دی جائے گی۔رفح کراسنگ غزہ کی پٹی کے جنوبی حصے میں واقع اہم سرحدی گزرگاہ ہے۔ تاہم اسرائیلی وزیراعظم نیتن یاہو کے دفتر سے جاری بیان میں کہا گیا کہ رفح کراسنگ نہیں کھولی جائے گی۔بیان کے مطابق گزرگاہ کھولنے کا فیصلہ اس بات پر منحصر ہوگا کہ حماس اپنے وعدے پر کس حد تک عمل کرتی ہے، جس میں ہلاک یرغمالیوں کی لاشوں کی واپسی اور طے شدہ فریم ورک پر عمل شامل ہے۔

اس سے قبل قاہرہ میں فلسطینی سفارتخانے نے اعلان کیا تھا کہ پیر سے مصر میں مقیم فلسطینیوں کو رفح کراسنگ کے ذریعے غزہ واپس جانے کی اجازت دی جائے گی۔ تاہم اس بیان میں یہ واضح نہیں کیا گیا تھا کہ انسانی امداد کو بھی گزرنے دیا جائے گا یا نہیں۔اسرائیل کے تازہ بیان کے بعد یہ منصوبہ غیر یقینی صورتحال کا شکار ہو گیا ہے۔اقوام متحدہ کے ورلڈ فوڈ پروگرام کے مطابق دو سالہ تباہی کے بعد جنگ بندی کے تحت روزانہ اوسطاً 560 ٹن خوراک غزہ میں داخل ہو رہی ہے، جو اب بھی ضرورت سے کہیں کم ہے۔

واضح رہے کہ مئی 2024 میں اسرائیلی افواج نے رفح کراسنگ پر قبضہ کر لیا تھا، جس کے بعد یہ گزرگاہ امدادی سامان کے لیے بند کر دی گئی تھی، تاہم 2025 کے آغاز میں عارضی جنگ بندی کے دوران کچھ وقت کے لیے دوبارہ کھولی گئی تھی۔دو سال کی بمباری اور ناکہ بندی کے باعث غزہ میں خوراک، ادویات، رہائش اور دیگر بنیادی امداد کی شدید قلت برقرار ہے.

پکتیکا کرکٹ گراؤنڈ پر حملے کا پروپیگنڈا بے نقاب، رہائشیوں نے افغان دعوے کو جھوٹ قرار دے دیا

پاکستان امن چاہتا ہے مگر سرحد پار دہشت گردی کا سامنا ہے، وزیراعظم

وعدے پورے نہیں ہوئے، حکومت کو ایک ماہ کی مہلت دی ہے: پیپلز پارٹی

پی سی بی نے سہ فریقی ٹی 20 سیریز کے لیے زمبابوے کو فائنل کر لیا

بنگلادیش کے دارالحکومت ڈھاکا کے حضرت شاہ جلال بین الاقوامی ہوائی اڈے کے کارگو ٹرمینل میں لگنے والی آگ کے باعث پروازوں کی آمد و رفت معطل کر دی گئی تھی، تاہم 6 گھنٹے کی جدوجہد کے بعد آگ پر قابو پا لیا گیا اور پروازیں بحال کر دی گئیں۔

وزارتِ شہری ہوا بازی و سیاحت کے مطابق دوپہر تقریباً 2 بج کر 15 منٹ پر کارگو ولیج کے علاقے میں اچانک آگ بھڑک اُٹھی، جس کے باعث تمام پروازوں کو احتیاطی طور پر معطل کر کے طیاروں کو محفوظ مقامات پر منتقل کر دیا گیا۔فائر سروس اینڈ سول ڈیفنس ہیڈکوارٹر کے اعلامیے میں بتایا گیا کہ 36 فائر فائٹنگ یونٹس، ایئرپورٹ کے عملے، بنگلادیش آرمی، ایئر فورس اور دیگر اداروں کی مشترکہ کوششوں سے رات 9 بجے آگ پر مکمل قابو پا لیا گیا۔

وزارت کے مطابق خوش قسمتی سے واقعے میں کسی جانی نقصان کی اطلاع نہیں ملی، اور رات 9 بج کر 20 منٹ پر پروازوں کی آمد و رفت بحال کر دی گئی۔حکام کے مطابق واقعے کی وجوہات جاننے کے لیے تحقیقات کا آغاز کر دیا گیا.

پکتیکا کرکٹ گراؤنڈ پر حملے کا پروپیگنڈا بے نقاب، رہائشیوں نے افغان دعوے کو جھوٹ قرار دے دیا

پاکستان امن چاہتا ہے مگر سرحد پار دہشت گردی کا سامنا ہے، وزیراعظم

وعدے پورے نہیں ہوئے، حکومت کو ایک ماہ کی مہلت دی ہے: پیپلز پارٹی

پی سی بی نے سہ فریقی ٹی 20 سیریز کے لیے زمبابوے کو فائنل کر لیا