نگران وزیر اعلی پنجاب نے لاہور میں تجاوزات کے خاتمے کے لئے آپریشن کا فیصلہ کر لیا ،پنجاب حکومت نےلاہو رمیں تجاوزات رضاکارانہ طور پر ختم کرنے کیلئے سخت کریک ڈاؤن کا فیصلہ کرتےہوئے 48 گھنٹے کی مہلت دے دی، نگران وزیراعلیٰ پنجاب محسن نقوی کی زیر صدارت خصوصی اجلاس ہوا جس میں انسداد تجاوزات سے متعلق اقدامات کا جائزہ لیا گیا۔ محسن نقوی نے کہا کہ شہر میں رضا کارانہ طورپر تجاوزات ختم کرنے کیلئے 48گھنٹے کی مہلت ہے، منگل کی صبح سے باضابطہ آپریشن شروع ہوگا، انسداد تجاوزات مہم میں کوئی نرمی اور رعایت نہیں ہوگی، مہلت ختم ہونے پر لاہور میں تجاوزات کے خاتمے کیلئے آپریشن شروع ہو جائے گا۔ وزیراعلیٰ نے تجاوزات ختم نہ کرنے والوں کی گرفتاریوں کابھی حکم دیے دیا اور کہا کہ اگر اس پر عملدرآمد نہ کیا گیا تو ان کے خلاف مقدمات بھی درج ہوں گے۔
Author: صدف ابرار
-
پرتھ ٹیسٹ میچ جیتنے کے لیے آسٹریلیا نے پاکستان کو 450 رنز کا ہدف دے دیا
پرتھ میں کھیلے گئے ٹیسٹ میچ کے چوتھے دن دوسرے سیشن میں آسٹریلیا نے اپنی دوسری اننگز 233 رنز 5 کھلاڑی آؤٹ پر ڈیکلیئر کردی۔ آج چوتھے دن آسٹریلیا نے اپنی نامکمل دوسری اننگز کا آغاز 2 وکٹ کے نقصان پر 84 رنز سے کیا,آسٹریلوی بیٹر اسٹیون اسمتھ 43 اور عثمان خواجہ نے 34 رنز کے ساتھ دوبارہ کھیلنا شروع کیا تو کچھ ہی دیر میں فاسٹ بولر خرم شہزاد نے 87 رنز پر پاکستان کے لیے تیسری وکٹ حاصل کی,خرم شہزاد نے 45 رنز پر اسٹیون اسمتھ کو ایل بی ڈبلیو آؤٹ کیا،آسٹریلیا کی چوتھی وکٹ 107 رنز پر گری جب ٹریوس ہیڈ 14 رنز بنا کر عامر جمال کی گیند پر کیچ آؤٹ ہوئے, عثمان خواجہ 90 رنز پر فاسٹ بولر شاہین شاہ آفریدی کی گیند پر آؤٹ ہوئے۔ برتھ ٹیسٹ کے تیسرے روز پاکستان ٹیم نے اپنی نامکمل پہلی اننگ کا آغاز 2 وکٹ پر 132 رنز سے کیا،دن کے آغاز پر خرم شہزاد کو 7 رنز پر پیٹ کمنز نے بولڈ کیا، جب کہ بابر اعظم کو 21 رنز پر مچیل مارش نے پویلین لوٹایا,امام الحق کو 62 رنز پر نیتھن لائن نے، سرفراز احمد کو 3 رنز پر مچیل اسٹارک نے جب کہ سعود شکیل 28 رنز پر جوش ہیزل ووڈ اور فہیم اشرف9 رنز پر پیٹ کمنز کا شکار بنے ، عامر جمال کو 10 رنز پر نیتھن لائن نے آؤٹ کیا,شاہین شاہ آفریدی چار رنز پر ٹریوس ہیڈ کی گیند پر آؤٹ ہوئے۔ گزشتہ روز دوسرے دن کے اختتام پر امام الحق 38 اور خرم شہزاد 7 رنز پر ناٹ آؤٹ تھے،ٹیسٹ میچ کے دوسرے دن آسٹریلوی ٹیم کے 487 رنز پر آؤٹ ہونے کے بعد پاکستان کی جانب سے پہلی اننگ کا آغاز امام الحق اور عبداللّٰہ شفیق نے کیا تھا, دونوں بیٹرز نے محتاط انداز اپناتے ہوئے ٹیم کا اسکور 36.2 اوورز میں 74 رنز تک پہنچایا جس کے بعد عبداللّٰہ شفیق 42 رنز پر اسپن بولر نیتھن لائن کی گیند پر کیچ آؤٹ ہوگئے۔ پاکستان کی دوسری وکٹ 49.3 اوورز میں 123 رنز پر گری، کپتان شان مسعود 30 رنز بنا کر مچل اسٹارک کی گیند پر کیچ آؤٹ ہوئے۔ یہ بھی پڑھیں:لاہو رمیں تجاوزات کے خاتمے کیلئے سخت کریک ڈاؤن، 48 گھنٹے کی مہلت دیدی پرتھ ٹیسٹ کے پہلے روز آسٹریلوی اوپنر ڈیوڈ وارنر نے شاندار اور جارحانہ اننگز کھیلی، انہوں نے 211 گیندوں پر 164 رنز بنائے اور اس اننگز میں 4 چھکے اور 16چوکے شامل تھے,اس کے علاوہ عثمان خواجہ نے 41، مارنوس لبوشین 16، اسٹیو اسمتھ 31 اور ٹریوس ہیڈ 40 رنز بناکر آؤٹ ہوئے,پاکستان کی جانب سے ڈیبیو کرنے والے عامر جمال نے دو وکٹیں حاصل کیں، شاہین آفریدی،فہیم اشرف اور خرم شہزاد نے ایک ایک وکٹ لی۔
-
آصف علی زرداری کی گورنر کے پی کے سے ملاقات،پی ٹی آئی سے اتحاد نہ کرنے کی ہدایت
پاکستان پیپلز پارٹی پارلیمنٹیرینز کے صدر آصف علی زرداری پشاور موجود ہے جہاں گورنر خیبرپختونخوا حاجی غلام علی سے انکی ملاقات ہوئی ۔سابق صدر آصف علی زرداری کی گورنر ہاؤس میں پارٹی رہنماؤں سے ملاقات میں مختلف معاملات پر بات چیت کی ہے ،ذرائع کے مطابق سابق صدر نے پارٹی رہنماؤں کو پی ٹی آئی سے انتخابات میں اتحاد نہ کرنے کی ہدایت کی۔آصف زرداری نے پارٹی رہنماؤں کو ہدایت دیتے ہوئے واضح کیا کہ دیگر جماعتوں سے اتحاد کا فیصلہ صوبائی قیادت کرے گی۔
ملاقات میں انتخابات کے لیے ٹکٹوں کی تقسیم سے متعلق بات بھی ہوئی۔واضح رہے کہ سابق صدر آصف زرداری سے خیبر پختون خوا کے گورنر غلام علی نے ملاقات کی تھی۔ملاقات میں پیپلز پارٹی وفد اور جے یو آئی (ف) کے رہنما بھی موجود تھے۔اپنے دورہ پشاور کے موقع پر گفتگو کرتے ہوئے آصف علی زرداری نے کہا کہ چیف جسٹس قاضی فائز عیسیٰ اپنے فیصلوں میں اٹل ہوتے ہیں، ان کے فیصلہ پر کسی کو شک نہیں ہونا چاہئے۔ا کہ عام انتخابات مقررہ وقت پر ہی ہوں گے، کسی قسم کا کوئی ابہام نہیں ہونا چاہئے۔ پیپلز پارٹی کے شریک چیئرمین کا کہنا تھا کہ کارکن عام انتخابات کی تیاری کریں، پیپلز پارٹی اکثریت حاصل کرے گی، گورنر نے پشاور آنے کی دعوت دی تھی، ان کی دعوت پر پشاور آگیا ہوں۔ ذرائع کے مطابق شریک چیئرمین پیپلزپارٹی آصف علی زرداری پشاور میں سابق صوبائی وزیر ضیاءاللہ آفریدی کے صاحبزادے کی تقریب نکاح میں شریک ہوں گے، سابق صدر اتوار کے روز پشاور میں پارٹی کارکنوں سے بھی ملاقاتیں کریں گے۔
-
جرنیل،ججز، سیاستدان، پارلیمنٹیرینز اور بیوروکریٹس قانون اور قواعد و ضوابط سے کیسے الگ ہو سکتے ہے،سینٹر مشتاق احمد
جماعت اسلامی کے سینٹر مشتاق احمد نے ائیر پورٹ پر ججز اور انکے اہلیات کی تلاشی نہ لینے پر اپنے ایکس پر کہا ہے کہ چیف جسٹس صاحب یہ درست نہیں ہے، اگر جرنیل،ججز، سیاستدان، پارلیمنٹیرینز اور بیوروکریٹس قانون اور قواعد و ضوابط سے مستثنٰی ہوں گے تو کیا قانون اور قواعد و ضوابط عام شہری کے لیے ہیں؟ کیا دستور کے آرٹیکل 25 کے مطابق سب شہری برابر نہیں ہیں؟ میں نے ہمیشہ پارلیمنٹ میں ججز، جرنیل، پارلیمنٹیرینز/سیاستدانوں، بیوروکریٹس اور اشرافیہ کی مراعات، استثناء، پروٹوکول کلچر اور خصوصی سلوک کے خلاف آواز اٹھائی ہے۔یہ نوآبادیاتی دور کی بری یادگاریں ہیں۔جب تک ہماری اشرافیہ عوام کی سطح پر نہیں آئے گی پاکستان کی حالت نہیں بدل سکتی۔
چیف جسٹس صاحب یہ درست نہیں ہے، اگر جرنیل،ججز، سیاستدان، پارلیمنٹیرینز اور بیوروکریٹس قانون اور قواعد و ضوابط سے مستثنٰی ہوں گے تو کیا قانون اور قواعد و ضوابط عام شہری کے لیے ہیں؟ کیا دستور کے آرٹیکل 25 کے مطابق سب شہری برابر نہیں ہیں؟ میں نے ہمیشہ پارلیمنٹ میں ججز، جرنیل،… pic.twitter.com/3Ye2J3prHU
— Senator Mushtaq Ahmad Khan | سینیٹر مشتاق احمد خان (@SenatorMushtaq) December 17, 2023
واضح رہے کہ سول ایویشن نے سپریم کورٹ کے حکم کے مطابق یہ ملک بھر کے تمام ائیر پورٹس پر چیف جسٹس انکی اہلیہ اور تمام ججز کو تلاشی دینے سے مستثنیٰ قرار دیا ہے، -
ملک بھر کے ائیر پورٹس پر چیف جسٹس اور انکے بیگمات کو تلاشی سے استثنیٰ
ملک بھر کے ایئر پورٹس پر چیف جسٹس سمیت حاضر سروس ججز اور ان کی بیگمات کی تلاشی نہیں لی جائے گی۔ سیکریٹری ایوی ایشن نے تلاشی سے استثنیٰ کا حکم سپریم کورٹ کی ہدایت پر جاری کیا۔ان افراد کی تلاشی سے استثنیٰ کا حکم نامہ 12 اکتوبر کو جاری ہوا۔سیکریٹری ایوی ایشن کی ہدایت پر ایئر پورٹ سیکیورٹی فورس کے حکم نامے میں کہا گیا ہے کہ ملک بھر کے ہوائی اڈوں پر چیف جسٹس اور ان کی اہلیہ کی تلاشی نہیں ہوگی۔
-
کراچی دنیا کے تمام آلودہ ترین شہروں سے نمبر لے گیا
کراچی صبح کے اوقات میں دنیا کے آلودہ ترین شہروں میں پہلے نمبر پر ہے،شہر کی کھلی فضا میں شہریوں کا سانس لینا محال اور صحت کے لیے خطرہ بن گیا ہے جبکہ فضائی آلودگی کنٹرول کرنے کے اقدامات بھی نہ ہونے کے برابر ہیں۔کراچی میں دن کی سرگرمیاں شروع ہونے سے پہلے ہی صبح سویرے پارٹیکولیٹ میٹر کی تعداد 332 ریکارڈ ہوئی۔شہر میں جگہ جگہ سڑکوں اور گلیوں میں پڑی مٹی اور گندگی کے باعث بھی شہری پریشان ہیں۔دوسری جانب کراچی میں آج سے سردی کی شدت بھی بڑھنے کا امکان ہے اور سرد ہوائیں چلنے کے باعث کم سے کم درجہ حرارت 10 سے 11 ڈگری سینٹی گریڈ تک رہنے کی توقع ہے۔علاوہ ازیں سندھ، پنجاب اور خیبرپختونخوا کے مختلف علاقوں میں شدید دھند کے باعث موٹر ویز بند کردی گئی ہیں۔
-
امریکہ ریاست کیلی فورنیا میں کوڈ 19 ایک بار پھر پھیلنے لگی
امریکا کی ریاست کیلی فورنیا میں کورونا وبا نے ایک بار پھر سر اٹھانا شروع کیا ،غیرملکی میڈیا کے مطابق کیلی فورنیا میں کوویڈ 19 اور فلو کے کیسز اچانک بڑھنے لگے ہیں جس کے بعد امریکی محکمہ صحت نے بچاؤ کے لیے احتیاطی تدابیر کی ہدایت کی ہے۔رپورٹس میں بتایا گیا ہے کہ اعداد و شمار کے مطابق 9 دسمبر کو ختم ہونے والے ہفتے کے دوران 2،449 افراد کیلی فورنیا کے اسپتالوں میں داخل ہوئے ہیں جو پچھلے مہینے کے مقابلے میں 40 فیصد زیادہ ہے۔امریکی میڈیا کے مطابق کورونا کیسز میں یہ اضافہ معمولی ہے، اس بیماری کے سامنے آنے کے بعد ہر سال سردیوں میں کورونا کے کیسز میں اضافہ دیکھنے میں آتا ہے۔
-
بلوچستان ،نوابزادہ جمال رئیسانی اور عمیر محمد حسنی اپنے عہدوں سے مستعفی ہو گئے
نوابزادہ جمال رئیسانی اور عمیر محمد حسنی پاکستان پیپلز پارٹی کے ٹکٹ پر آئندہ عام انتخابات میں حصہ لینے کے لئے اپنی اپنی وزراتوں سے استعفیٰ دے دیا۔بلوچستان کے نگراں صوبائی وزیر کھیل و ثقافت نوابزادہ جمال رئیسانی اور عمیر محمد حسنی نگراں مشیر معدنیات تھے،نگراں صوبائی وزیر نوابزادہ جمال رئیسانی نے بتایا کہ انہوں نے بطور نگراں وزیر کھیل و ثقافت کے عہدے سے استعفیٰ دے دیا ہے۔نگراں وزیر اعلیٰ بلوچستان علی مردان ڈومکی نے ان کا استعفیٰ قبول کرلیا۔ نوابزادہ جمال رئیسانی آئندہ عام انتخابات میں حصہ لیں گے۔ذرائع کے مطابق بلوچستان کے نگراں مشیر معدنیات عمیر محمد حسنی نے بھی اپنے عہدے سے استعفیٰ دے دیا ہے، ان کا استعفیٰ بھی نگراں وزیر اعلی علی مردان ڈومکی نے قبول کرلیا۔
نوابزادہ جمال رئیسانی اور عمیر محمد حسنی پاکستان پیپلز پارٹی آئندہ عام انتخابات میں حصہ لیں گے۔ -
سپریم کورٹ کے فیصلے کے بعد الیکشن نعقاد میں کوئی ابہام نہیں ہونا چاہئے ،رانا ثناء اللہ
ن لیگ پنجاب کے صدر رانا ثناء اللہ نے کہا کہ پی ٹی آئی نے ہائی کورٹ میں پٹیشن دائر کرکے الیکشن کرانے میں رکا وٹ ڈالنے کی کوشش کی گئی 8 فروری کو انتخابات کے انعقاد پر اب کسی کو کوئی ابہام نہیں ہوناچاہیے، ہائی کورٹ میں لارجر بینچ کل بننا چاہیے تھا لیکن آج بنا۔رانا ثناء اللّٰہ نے یہ بھی کہا کہ الیکشن تاخیر سے کرانے کی سازش میں پی ٹی آئی اور دیگر لوگ ملوث ہیں۔ سپریم کورٹ کے آج کے فیصلے کو انتہائی موثر قرار دے دیا۔ ایک پروگرام میں گفتگو کے دوران رانا ثناء اللّٰہ نے کہا کہ 8 فروری 2024ء کو انتخابات کے انعقاد کے معاملے پر اب کسی کو کوئی ابہام نہیں ہونا چاہیے۔انہوں نے کہا کہ سپریم کورٹ نے پہلے جو فیصلہ کیا تھا، وہ بھی بہت واضح تھا، آج کا فیصلہ تو بہت موثر ہے۔انہوں نے کہا کہ 2018 کے الیکشن بھی اسی بیوروکریسی نے کرائے تھے، اس کے انعقاد میں بیوروکریٹ اور جوڈیشل افسران شامل تھے۔
-
فاسٹ باؤلرز کو پسند کرنے والی پچ پر شاہین آفریدی سے بہت زیادہ توقعات کی جا رہی ہیں، روی شاستری
پاکستان اور آسٹریلیا کے درمیان پرتھ میں جاری پہلے ٹیسٹ میں کرکٹ کے شائقین نے پہلے دو دنوں میں ہی میدان میں ایک زبردست مقابلہ دیکھا۔کرکٹ ایکشن کے درمیان، پاکستان کے سرفہرست فاسٹ باؤلر شاہین آفریدی کی کم کارکردگی پر توجہ دی گئی۔فاسٹ باؤلرز کو پسند کرنے والی پچ پر شاہین آفریدی سے بہت زیادہ توقعات کی جا رہی تھیں۔ تاہم، ان کی پہلی اننگز کا مظاہرہ توقعات سے بہت کم رہا۔ کرکٹ مبصر روی شاستری نے آفریدی کی جدوجہد کے بارے میں اپنی رائے کا اظہار کرتے ہوئے کہا ۔ کہ پاکستان کے باؤلنگ کے اہم ہتھیار کے طور پر آفریدی کو درپیش زبردست دباؤ پر روشنی ڈالنی چاہئے ، جس میں دوسرے سرے سے رفتار میں کافی مدد کی کمی تھی۔ شاستری کے مطابق، 140 کے قریب رفتار کو لگاتار مارنے والے گیند باز کی غیر موجودگی آفریدی پر اضافی بوجھ ڈالتی ہے۔
شاستری نے خاکہ پیش کیا کہ شاہین آفریدی کو پاکستان کی باؤلنگ لائن اپ میں اہم ذمہ داری نبھانے میں ایک اہم چیلنج کا سامنا ہے۔ پاکستان روایتی طور پر ایک زبردست تیز گیند بازی کے اٹیک پر فخر کرتا ہے جو اپنی حقیقی رفتار کے لیے جانا جاتا ہے۔روی شاستری نے نوٹ کیا کہ موجودہ صورتحال میں 140 کا ہندسہ عبور کرنے والے گیند باز کی کمی ہے۔ حقیقی رفتار کی یہ غیر موجودگی نہ صرف آفریدی پر بہت زیادہ بوجھ ڈالتی ہے بلکہ پاکستان کی مجموعی بولنگ کی تاثیر کو بھی کمزور کرتی ہے۔
روی شاستری نے کمنٹری کے دوران کہا۔کہ میرے خیال میں شاہین آفریدی کے لیے اصل مسئلہ پاکستان کے اس حملے کے نیزہ دار بننے کا دباؤ ہے اور جب بات تیز، حقیقی رفتار کی ہو تو دوسرے سرے پر زیادہ حقیقی حمایت کے بغیر۔ جب آپ پاکستان کی بات کرتے ہیں اور جب آپ ان کے تیز باؤلنگ اٹیک کی بات کرتے ہیں تو وہاں ہر وقت حقیقی رفتار ہوتی ہے اور آپ کے پاس یہاں ایک بھی ایسا باؤلر نہیں ہے جو 140 کے قریب بھی ہو۔ اس سے شاہین جیسے شخص پر بہت زیادہ دباؤ پڑتا ہے۔
واضح رہے کہ 27 اوورز کرنے کے بعد شاہین 3.6 کے اکانومی ریٹ کے ساتھ بھاری 96 رنز دے کر صرف ایک وکٹ لینے میں کامیاب رہے۔ اس کارکردگی نے خدشات کو جنم دیا اور شائقین اور ماہرین دونوں کی طرف سے تنقید کا نشانہ بنایا۔ یاد رہے، پاکستان نے پرتھ میں پہلے ٹیسٹ کے دوسرے دن جمعہ کو آسٹریلیا کو 487 رنز پر آؤٹ کرنے کے بعد 132-2 تک پہنچا دیا تھا۔ مہمان ٹیم اپنی پہلی اننگز میں اب بھی 355 رنز سے پیچھے ہے۔
عبداللہ شفیق اور امام الحق نے پہلی وکٹ کے لیے 74 رنز کا اضافہ کرتے ہوئے پاکستان کو مضبوط آغاز فراہم کیا۔ تاہم لیون نے شفیق کو 42 رنز پر آؤٹ کرکے آسٹریلیا کو بریک تھرو دیا۔کپتان شان مسعود اپنے 30 رنز کے دوران 43 گیندوں پر سکور کئے ، لیکن وہ بھی مچل اسٹارک کی وائیڈ ڈلیوری کا تعاقب کرنے کے بعد کھیل کے اختتام پر آؤٹ ہو گئے کیونکہ ایلکس کیری نے اسٹمپ کے پیچھے کیچ مکمل کیا۔تاہم امام نے پرعزم اننگ کھیلی اور 136 گیندوں کا سامنا کرتے ہوئے 38 رنز بنا کر ناقابل شکست رہے۔اس سے قبل، آسٹریلیا اپنی پہلی اننگز میں 487 رنز بنا کر آؤٹ ہو گیا تھا کیونکہ تیز گیند باز عامر جمال، جو اپنا ڈیبیو کر رہے تھے، نے پاکستان کے لیے چھ وکٹیں حاصل کیں۔جمال گانے پر تھے جب انہوں نے پانچ میں سے چار وکٹیں حاصل کیں جو آسٹریلیا کی بیٹنگ کے دوران دوسرے دن گریں۔ دائیں بازو کے کھلاڑی نے 111 کے اسکور پر 6 وکٹیں حاصل کیں۔پاکستان کی جانب سے دوسرے ڈیبیو کرنے والے خرم شہزاد نے دو وکٹیں حاصل کیں۔ اس دوران شاہین آفریدی اور فہیم اشرف نے ایک ایک کھلاڑی کو آؤٹ کیا۔میزبان ٹیم کی جانب سے ڈیوڈ وارنر نے سب سے زیادہ 164 رنز بنائے، اس دوران مچل مارش نے 90 رنز بنائے۔