اسپیکر قومی اسمبلی اور رہنما پیپلزپارٹی راجا پرویزاشرف کا کہنا ہے کہ پیپلزپارٹی ہمیشہ مشکلات سے نبرد آزما رہی ہے، سیاست نمبرز کا گیم ہے، اور پیپلزپارٹی نے کراچی میں اچھے نمبرز سے میئر بنایا، عوام جس کو منتخب کرے اسےعوام کی نمائندگی کا حق ہے۔ راجا پرویز اشرف کا کہنا تھا کہ سندھ میں مسلسل پیپلزپارٹی جیتی آرہی ہے، اس صوبے کے عوام کی تیسری نسل پیپلزپارٹی سے منسلک ہے، ہماری جماعت کو سندھ میں خدمت کا انعام ملا ہے۔
نجی ٹی وی کے پروگرام میں گفتگو کرتے ہوئے اسپیکر قومی اسمبلی نے کہا کہ ہر پراپیگنڈے کا جواب الیکشن ہیں، انتخابات میں ہر جماعت اتحاد بنانے کی کوشش کرتی ہے، سندھ میں ہمیشہ پیپلزپارٹی کے خلاف اتحاد بنتے ہیں، لیکن اس کو کوئی نقصان نہیں پہنچتا۔ رہنما پیپلزپارٹی نے کہا کہ ووٹرز کو متوجہ کرنے کے مختلف طریقے ہوتے ہیں، وفاداریاں تبدیل کرنے والوں کو ووٹرز مسترد کر دیں گے، اب سیاست مختلف ہوچکی ہے، ووٹرز میں شعور آچکا ہے، الیکٹبیل وہی ہے جو اپنی جگہ کھڑا ہے اور جو وفادار ہے، بڑے نامور 20 الیکٹیبلز انتخابات میں شکست کا شکار ہوئے، لوٹوں کو ووٹ نہیں ملتے اور وہ ڈلیور بھی نہیں کرسکتے۔
پرویزاشرف کا کہنا تھا کہ جمہوریت میں مصنوعی نظام کبھی نہیں چل سکتا، اس باراسٹیبلشمنٹ نےواضح کہا ہے کہ ہم نیوٹرل ہیں، سوشل میڈیا کے دور میں مصنوعی نظام کا چلنا ممکن نہیں، صاف، شفاف اور غیر جانبدارانہ انتخابات سب کے حق میں ہیں، ایسے انتخابات ہونے چاہیے جس پر کوئی انگلی نہ اٹھا سکے، عوام جس کو مینڈیٹ دیں اسے حکومت کرنے کا حق ہونا چاہئے.
Author: صدف ابرار
-
الیکٹبیل وہی ہے جو اپنی جگہ کھڑا ہے اور جو وفادار ہے،اسپیکر قومی اسمبلی
-
مسلم لیگ ن کے صدر شہباز شریف کی سابق ارکان اسمبلی سے ملاقات
سابق وزیراعظم اور پاکستان مسلم لیگ (ن) کے صدر شہباز شریف سے سینئیر پارٹی رہنماؤں، سابق ارکان قومی اسمبلی اور سابق پارٹی ٹکٹ ہولڈرز کی ملاقاتیں کئے ہیں.
خواجہ سعد رفیق، رانا ثنا اللہ، سردار ایاز صادق، راجہ ریاض، سردار اویس خان لغاری اور نواب شیر وسیر ملاقات کرنے والوں میں شامل تھے پنجاب اسمبلی کے سابق ڈپٹی سپیکر سردار دوست محمد مزاری اور پارٹی کے ڈپٹی سیکرٹری جنرل عطاء اللہ تارڑ کی بھی ملاقات ہوئی ، تاہم سابق رکن قومی اسمبلی قیصر احمد شیخ اور سید جاوید حسنین شاہ کی بھی پارٹی صدر سے الگ ملاقات کئے، ملاقاتوں میں تنظیمی امور اور انتخابات کی تیاریوں پر تبادلہ خیال ہوا ، رہنماؤں نے اپنے اپنے علاقوں میں انتخابی تیاریوں پر پارٹی صدر شہباز شریف کو آگاہ کیا،سابق وزیراعظم اور پاکستان مسلم لیگ (ن) کے صدر شہباز شریف سے سینئیر پارٹی رہنماؤں، سابق ارکان قومی اسمبلی اور سابق پارٹی ٹکٹ ہولڈرز کی ملاقاتیں
خواجہ سعد رفیق، رانا ثنا اللہ، سردار ایاز صادق، راجہ ریاض، سردار اویس خان لغاری اور نواب شیر وسیر ملاقات کرنے والوں میں شامل تھے
پنجاب… pic.twitter.com/eQ95NpIkJB
— PMLN (@pmln_org) November 24, 2023
اس موقع پر شہباز شریف نے پارٹی راہنمائوں اور کارکنوں کے جذبے اور کاوشوں کو سراہا ،شہباز شریف نے گفتگو کرتے ہوئے کہا کہ نواز شریف کی قیادت میں پاکستان کی معاشی خود انحصاری کا خواب حقیقت بنائیں گے، معاشی طور پر خود انحصار اور مضبوط پاکستان امت مسلمہ کے مفادات کے تحفظ میں اہم کردار ادا کرسکتا ہے، شہباز شریف نے کہا کہ "جرم ضعیفی” کی سزا سے بچنے کے لئے مل کر کام کرنا ہوگا، نوجوان ہمارے ملک کا قیمتی ترین اثاثہ ہیں، انہیں تعلیم یافتہ اور ہند مند بنانا ہو گا، شہباز شریف نے مزید کہا کہ ملک کو بحرانوں سے نکالنے اور عوام کو ریلیف دینے کا تجربہ مسلم لیگ (ن) کے پاس ہے، اور نواز شریف کی قیادت میں ایک روشن اور ترقی کرتے پاکستان کا سفر پھر سے شروع کریں گے. ان شاءاللہ پھر سے سب ٹھیک کریں گے،
-
نگران وزیر اعلی خیبر پختونخوا کی امام کعبہ سے ملاقات
نگراں وزیر اعلیٰ خیبر پختونخوا جسٹس(ر) سید ارشد حسین شاہ کی امام کعبہ شیخ صالح بن عبد اللہ بن حمید سے ملاقات کی ہے نگران وزیر اعلیٰ ارشد حسین شاہ نے امام کعبہ کو پاکستان آنے پر خوش آمدید کہا، ملاقات میں باہمی دلچسپی کے امور پر تبادلہ خیال ہوا اس دوران ملاقات میں سعودی سفیر نواف بن سعید احمد المالکی اور مولانا طاہر اشرفی بھی موجود تھے،وزیر اعلی خیبر پختونخوا نے بات چیت کرتے ہوئے امام کعبہ سے کہا کہ سعودی عرب کی سرزمین سے پاکستانی عوام خصوصی محبت رکھتے ہیں ، پاکستان کے عوام حرمین شریفین سے خصوصی عقیدت رکھتے ہیں.
وزیر اعلیٰ ارشد حسین شاہ نے امام کعبہ اور سعودی سفیر کو خیبر پختونخوا آنے کی دعوت بھی دی. واضح رہے کہ امام کعبہ صالح بن عبداللہ بن حمید 6 روزہ دورے پر پاکستان آئے ہوئے ہیں۔ -
جنگ بندی کا پہلا دن، حماس نے 24 قیدی رہا کر دیئے
غزہ جنگ بندی کے نئے معاہدے کے تحت حماس کے ہاتھوں 7 اکتوبر کو اغوا کیے گئے یرغمالیوں کی پہلی کھیپ کو رہا کر دیا گیا ہے۔ مقامی ٹی وی کے مطابق 13 اسرائیلی یرغمالیوں کو ریڈ کراس میں منتقل کیا اور پھر مصری علاقے میں داخل ہوتے دکھایا۔ کچھ عرصہ قبل تھائی لینڈ کی وزیر اعظم سٹریتھا تھاوسین نے کہا تھا کہ حماس نے غزہ میں یرغمال بنائے گئے 12 تھائی شہریوں کو رہا کر دیا ہے۔ غزہ میں عارضی جنگ بندی کے بعد یرغمالیوں کی رہائی کا عمل شروع ہوگیا ہے۔ حماس نے 13 اسرائیلی یرغمالیوں اور 12 تھائی شہریوں کو رہا کردیا۔ جبکہ عرب میڈیا کا کہنا ہے کہ اسرائیل آج 39 فلسطینی قیدیوں کو رہا کرے گا۔ اسرائیلی وزیر اعظم کے دفتر سے جاری بیان میں تصدیق کی گئی ہے کہ حماس نے 13 اسرائیلی یرغمالیوں کو رہا کردیا ہے۔ عرب میڈیا کی رپوٹ کے مطابق اسرائیلی حکام یرغمالیوں کو منتقل کرنے کی تیاریاں مکمل کرلی ہیں، یرغمالیوں کو بذریعہ ہیلی کاپٹر تل ابیب کے مضافات میں قائم شنائیڈر اسپتال منتقل کیا جائے گا۔
عرب میڈیا کا مزید کہنا ہے کہ حماس کی جانب سے رہا تھائی لینڈ کے 12 شہری اسرائیل پہنچ گئے، تھائی شہریوں کو خصوصی طبی مراکز میں رکھا جائے گا۔غزہ میں 7 اکتوبر سے جاری اسرائیلی بمباری کے بعد چار روزہ عارضی جنگ بندی ہوگئی، جس کے بعد فلسطینی خاندانوں کی واپسی کا سلسلہ جاری ہے۔غزہ میں اسرائیل اور حماس کے درمیان 4 روزہ عارضی جنگ بندی کے آغاز کے بعد مصر سے براستہ رفح کراسنگ 8 ٹینکر جنوبی غزہ میں داخل ہوگئے۔اسرائیلی فوج کے مطابق 4 ٹینکر ایندھن اور 4 ٹینکر کوکنگ گیس کے داخل ہوئے، ٹینکرز اقوامِ متحدہ کی امدادی تنظیموں کو منتقل کر دیے گئے ہیں۔عارضی جنگ بندی کے بعد فلسطینی خاندانوں کی واپسی جاری ہے۔ لوگ اپنے پیاروں کی تلاش اور ملبے سے زخمیوں اور لاشوں کو نکالنے کی کوششیں کر رہے ہیں۔غیرملکی میڈیا کے مطابق غزہ سٹی اور شمالی غزہ پر روزانہ چھ گھنٹے صبح 10 بجے سے شام 4 بجے تک اسرائیلی طیارے پرواز نہیں کریں گے۔
واضح رہے کہ 7 اکتوبر سے جاری اسرائیلی جارحیت میں شہداء کی مجموعی تعداد 14 ہزار 854 ہو گئی ہے جس میں 6 ہزار 150 بچے اور 4 ہزار خواتین شامل ہیں۔ -
میرا ذاتی ہدف ہے کہ بہترین کارکردگی دکھا کر ٹیم کو فتح دلاؤ
ٹیسٹ مڈل آرڈر بلے باز سعود شکیل نے آسٹریلیا کے خلاف آئندہ تین میچوں کی ٹیسٹ سیریز میں پاکستان کے لیے فتوحات کو یقینی بنانے کے لیے اپنے عزم کا اظہار کیا ہے اور ٹیم کی کامیابی کو اپنی ترجیحات میں سرفہرست رکھا ہے۔ ایک مقامی نیوز چینل کے ساتھ ایک حالیہ انٹرویو میں، شکیل نے ہر سیریز کے منفرد تقاضوں کے مطابق محتاط تیاری کی اہمیت پر زور دیتے ہوئے بین الاقوامی دوروں کے چیلنجوں کا ذکر کیا۔
سعود شکیل نے کہا۔ جب بھی آپ کسی بھی غیر ملکی دورے پر جاتے ہیں، آپ اس کے مطابق تیاری کرتے ہیں اور ان حالات کے لیے تیاری کرنے کی کوشش کرتے ہیں جن کا آپ کو سامنا ہونے کا امکان ہے، اور آپ ان ٹیسٹوں کے مطابق مشق کرتے ہیں جن کا آپ سامنا کریں گے۔ اسی طرح ہم بھی اپنی خاص مہارتوں کی پریکٹس کر رہے ہے28 سالہ کھلاڑی نے اس بات پر بھی زور دیا کہ ان کی اولین ترجیح تعاقب ٹیم کی کامیابیوں میں حصہ ڈالنا ہے۔ انہوں نے کہا کہ میں اس طرح سے نہیں سوچتا کہ مجھے سنچریاں اسکور کرنا ہوں یا ٹاپ اسکورر بننا پڑے۔ میرا ذاتی ہدف ہے کہ میں جب بھی کارکردگی دکھاؤں ٹیم کی فتح میں کردار ادا کروں۔
آج کے تربیتی سیشن کے بعد میڈیا کانفرنس کے دوران، شکیل نے ٹیم کے اندر موجود دوستی کے بارے میں بھی کھل کر بات کی، جس میں وہ سابق کپتان بابر اعظم سمیت اپنے ساتھی ساتھیوں کے ساتھ ہلکے پھلکے مذاق کا اظہار کرتے ہیں۔ سعود شکیل نے کہا، "بابر نے مجھے مزے میں ‘چھوٹا ڈان’ کہا۔ جب وہ کپتان تھے، تب بھی وہ اکثر ایسا کرتے تھے۔ پیار دکھانے کا یہی طریقہ ہے، نوجوان کرکٹر نے اس تاثر پر بھی توجہ دی کہ کھلاڑی ٹیم کی کامیابی پر ذاتی کامیابیوں کو ترجیح دیتے ہیں، انہوں نے مضبوطی سے کہا، "یہ تاثر غلط ہے کہ کوئی بھی اپنی ذاتی کامیابیوں کے لیے کھیل رہا ہے۔
ملک کی نمائندگی کرتے ہوئے قومی فخر کے احساس کو اجاگر کرتے ہوئے، سعود نے زور دیا کہ ہر کھلاڑی انتہائی لگن اور عزم کے ساتھ قومی رنگ کا رنگ دیتا ہے۔ انہوں نے تصدیق کی کہ جس دن میں پاکستان کی جیت میں کردار ادا کرنا میری اولین ترجیح ہے۔
غور طلب ہے کہ مڈل آرڈر بلے باز 1000 ٹیسٹ رنز بنا رہا ہے، جس نے سات ٹیسٹ میچوں میں شاندار 875 رنز بنائے ہیں۔ ونود کامبلی کے 14 اننگز میں تیز ترین 1000 ٹیسٹ رنز تک پہنچنے والے ایشین کے ریکارڈ کو برابر کرنے کے لیے، شکیل کو ابتدائی ٹیسٹ میچ کی پہلی اننگز میں 15 رنز بنانے ہوں گے۔ -
عماد وسیم انٹرنیشنل کرکٹ سے ریٹائر
پاکستان کے آل راؤنڈر عماد وسیم نے انٹرنیشنل کرکٹ سے ریٹائرمنٹ کا باضابطہ اعلان کر دیا۔ یہ اعلان ان کے سوشل میڈیا ہینڈل ‘X’ پر پوسٹ کیے گئے ایک بیان میں کیا ، جہاں انہوں نے اپنے شاندار کیریئر کی عکاسی کی اور پاکستان کرکٹ بورڈ (پی سی بی) اور مداحوں کی جانب سے ملنے والے تعاون کے لیے شکریہ ادا کیا۔
عماد وسیم نے کہا کہ حالیہ دنوں میں میں اپنے بین الاقوامی کیریئر کے بارے میں سوچ رہا ہوں اور میں اس نتیجے پر پہنچا ہوں کہ اب میرے لیے بین الاقوامی کرکٹ سے ریٹائرمنٹ کا اعلان کرنے کا صحیح وقت ہے۔ کئی سالوں سے پاکستان کی نمائندگی کرنا واقعی اعزاز کی بات ہے۔ ون ڈے اور ٹی 20 فارمیٹس میں میری 121 میچز میں سے ہر ایک کا خواب پورا ہوا۔ یہ پاکستان کرکٹ کے لیے ایک پرجوش وقت ہے جو نئے کوچز اور قیادت کی آمد کے ساتھ آگے بڑھ رہا ہے۔ ہر کامیابی میں شامل ہوں اور میں ٹیم کی عمدہ کارکردگی دیکھنے کا منتظر ہوں۔— Imad Wasim (@simadwasim) November 24, 2023
عماد وسیم نے لکھا۔پاکستان کے شائقین کا شکریہ جنہوں نے ہمیشہ مجھے اس طرح کے جذبے کے ساتھ سپورٹ کیا۔ میرے خاندان اور دوستوں کا شکریہ جنہوں نے مجھے اعلیٰ سطح تک پہنچنے میں مدد فراہم کی۔ میں اب اپنے اگلے مرحلے پر توجہ مرکوز کرنے کا منتظر ہوں۔
عماد وسیم نے اپنے کیریئر کے دوران 55 ون ڈے میچوں میں حصہ لیا، 986 رنز بنائے جبکہ 44 وکٹیں بھی حاصل کیں۔ T20 میں، عماد نے 66 میچز کھیلے، جہاں انہوں نے نہ صرف 486 رنز بنائے بلکہ شاندار 65 وکٹیں بھی حاصل کیں۔ -
2024 کے لئے موزوں سفارشات پی ایم ایل این کو بھیجنے کی ہدایات
چیرمین الیکشن سیل سینیٹر اسحاق ڈار اور صدر مسلم لیگ (ن) پنجاب رانا ثناء اللہ کی زیرصدارت پنجاب کے ڈویژنل کوارڈینیٹرز برائے الیکشن 2024 اور ڈویژنل صدور پنجاب کا ویڈیو لنک پہ اہم اجلاس کیا ہے ، ویڈیو لنک کے زریعے ہونے والے اجلاس میں سینیٹر اسحاق ڈار اور رانا ثناءاللہ نے کوارڈینیٹرز کو اہم ٹاسک سونپ دئیے .
تمام کوارڈینیٹرز کو تمام ڈویژنل ،ضلعی تنظیمی عہدیداران، اور ونگز کی مشاورت سے یکم دسمبر 2023 تک جنرل الیکشن 2024 کے لئیے موزوں امیدواروں کی سفارشات مسلم لیگ (ن) کے پارلیمانی بورڈ کے غوروخوض اور فیصلوں کے لئے الیکشن سیل کو بھجوانے کی ہدایت کی ہیں،چیرمین الیکشن سیل سینیٹر اسحاق ڈار اور صدر مسلم لیگ (ن) پنجاب رانا ثناء اللہ کی زیرصدارت پنجاب کے ڈویژنل کوارڈینیٹرز برائے الیکشن 2024 اور ڈویژنل صدور پنجاب کا ویڈیو لنک پہ اہم اجلاس
سینیٹر اسحاق ڈار اور رانا ثناءاللہ نے کوارڈینیٹرز کو اہم ٹاسک سونپ دئیے
تمام کوارڈینیٹرز… pic.twitter.com/ZBkhdWYigw
— PMLN (@pmln_org) November 24, 2023
تمام کوارڈینیٹرز کو مزید یہ اہم ذمےداری بھی تفویض کی گئی کے وہ اپنے اپنے ڈویژن میں مقامی سطح پر ہر قسم کے اختلافات کو نپٹا کر الیکشن سیل کو مطلع کریں گے۔ -
وزیراعظم ڈیم فنڈمیں جمع رقم سے متعلق سینیٹ میں تحریری جواب جمع
نگران وزیر خزانہ ڈاکٹر شمشاد اختر نے کہا ہے کہ وزارتوں اور ڈویژنز کے یوٹیلٹیز اخراجات میں کمی لانے کیلئے ہدایات جاری کی جائیں گی۔
انہوں نے کہا کہ یوٹیلٹی بلز کی مد میں وزارتیں اور ڈویژنز سالانہ 10 ارب روپے سے زائد خرچ کرتی ہیں یہ اخراجات یقینی طور پر بڑھ گئے ہیں، ہر وزارت کے سیکرٹری کو چاہیے کہ بجلی، گیس اور پانی کی کھپت میں کمی لائی جائے، یوٹیلٹیز میں کمی لانے کے لیے پرنسپل اکائونٹنگ آفیسرز کو ہدایت جاری کی جائے گی۔ انہوں نے کہا کہ قابل تجدید توانائی کے منصوبوں سے بجلی کی لاگت میں کمی لائی جا سکتی ہے۔ایوان بالا میں وقفہ سوالات کے دوران سینیٹ میں وفقہ سوالات کے دوران سینٹر مشتاق احمد،رخسانہ زبیری کے سوالات کے جواب میں نگران وزیر خزانہ ڈاکٹر شمشاد اختر نے ایوان کو بتایا کہ سینٹ کو بتایا گیا ہے کہ مختلف وزارتیں اور ڈویژن یوٹیلٹی بلز کی مد میں سالانہ 10 ارب روپے خرچ کرتی ہیں، یوٹیلٹیز کے اخراجات میں کمی لانے کے لیے پرنسپل اکائونٹنگ آفیسرز کو ہدایات جاری کی جائیں گی۔علاوہ ازیں نگران وزیر خزانہ شمشاد اختر نے وزیراعظم فنڈ ڈیم میں جمع رقم سے متعلق سینیٹ میں تحریری جواب جمع کرا دیا۔چیئرمین سینیٹ صادق سنجرانی کی زیر صدارت ہونے والے اجلاس میں نگران وزیر خزانہ شمشاد اختر ایوان میں پیش ہوئیں اور انہوں نے تحریری جواب جمع کرایا جس میں بتایا گیا ہے کہ26 جولائی 2023 تک چیف جسٹس وزیراعظم ڈیم فنڈ میں 11 ارب 46 کروڑ 69 لاکھ 37 ہزار 658 روپے موصول ہوئے ۔
وزیر خزانہ کے تحریری جواب میں بتایا گیا ہے کہ اس فنڈ پر سرکاری منافع کی صورت میں 6 ارب 29 کروڑ روپے موصول ہو چکے ہیں، اس وقت فنڈ کی مالیت 17 ارب 86 کروڑ 28 لاکھ 76 ہزار 620 روپے ہیں۔نگران وفاقی وزیر نے بتایا کہ ڈیم فنڈ سے اس وقت تک کوئی رقم باہر نہیں نکالی گئی، رقم صرف عدلیہ کے فیصلے پر ہی نکالی جا سکے گی۔ -
وفاقی کابینہ کی کویت کے ساتھ 7 معاہدوں کی منظوری
نگران وزیرِ اعظم انوار الحق کاکڑ کی زیر صدارت نگران وفاقی کابینہ کا اجلاس ہوا
جاری اعلامیہ کے مطابق کابینہ نے پاکستان اور کویت کے مابین سرمایہ کاری کیلئے 7 مفاہمتی یادداشتوں کی منظوری دی جن پر وزیر اعظم کے دورہ کویت کے دوران دستخط کئے جائیں گے،خصوصی سرمایہ کاری سہولت کونسل کی کوششوں کے نتیجے میں کویت پاکستان میں مختلف شعبوں کے 7 منصوبوں میں 10 ارب ڈالر کی سرمایہ کاری کی مفاہمتی یادداشتوں پر دستخط کرے گا،ان منصوبوں میں آبی ذخائر کی توسیع، کان کنی کی سہولیات، ساحلی علاقوں کیلئے تمر کے جنگلات کی حفاظت اور توسیع، آئی ٹی کے شعبے، اور تحفظ خوراک کے منصوبوں میں سرمایہ کاری کے منصوبے شامل ہیں،وزیرِ اعظم اور وفاقی کابینہ نے خصوصی سرمایہ کاری کونسل اور متعلقہ وزارتوں کی اس حوالے سے کوششوں کی تعریف کی.وزیرِ اعظم نے ہدایت کی کہ وفاقی سطح پر دستخط ہونے والی ان مفاہمتی یادداشتوں میں صوبوں کے ساتھ تعاون یقینی بنایا جائے تاکہ ان منصوبوں کی تکمیل جلد اور شفاف طریقے سے ہو سکے.
وفاقی کابینہ نے 14 نومبر، 2023 کو منعقد ہونے والے کابینہ کمیٹی برائے قانون سازی امور (CCLC) کے اجلاس میں کئے گئے فیصلوں کی توثیق کی. وفاقی کابینہ نے 15 نومبر، 2023 کو منعقد ہونے والے اقتصادی رابطہ کمیٹی (ECC) کے اجلاس میں ہونے والے فیصلوں کی بھی توثیق کی.
دوسری جانب نگران وزیر اعظم انوار الحق کاکڑ کی زیر صدارت خصوصی سرمایہ کاری سہولت کونسل کی ایپکس کمیٹی کا اجلاس ہوا، اجلاس میں کونسل کے تحت ملک میں سرمایہ کاری کے فروغ کیلئے اٹھائے جانے والے اقدامات کا جائزہ لیا گیا۔ ایپکس کمیٹی اجلاس میں آرمی چیف جنرل عاصم منیر نے پاکستان کی پائیدار معاشی بحالی میں پاک فوج کے حکومت کے ساتھ مکمل تعاون کے عزم کو دہرایا ہے۔اجلاس میں نگران کابینہ کے ارکان، نگران صوبائی وزراء اعلیٰ اور متعلقہ اعلیٰ حکومتی اہلکاروں نے شرکت کی، اجلاس کے شرکا کو مختلف وزارتوں نے متعین شدہ اہداف کے بر وقت حصول میں سہولت کیلئے اقدامات پر بریفنگ دی۔ذرائع کا کہنا ہے کہ کمیٹی نے سرمایہ کاری کے فروغ کیلئے اٹھائے گئے اب تک کے اقدامات پر پیشرفت کو اطمینان بخش قرار دیا ہے۔اجلاس میں ملک میں تیل اور گیس کے شعبے میں سرمایہ کاری کے منصوبوں اور خسارے کے شکار سرکاری اداروں کی نجکاری کے عمل کا بھی جائزہ لیا گیا.
-
نیب کی ٹیم عمران خان سے تفتیش کے بعد روانہ
ایڈیشنل ڈائریکٹر وقار احمد کی قیادت میں نیب ٹیم نے چیئرمین پی ٹی آئی سے جیل میں 6 گھنٹے تفتیش مکمل کر کے واپس روانہ ہوگئی۔ نیب کی ٹیم چیئرمین پی ٹی آئی سے تفتیش کے بعد اڈیالہ جیل سے واپس روآنہ ہوگئی، ٹیم نے چیئرمین پی ٹی آئی سے 6 گھنٹے تفتیش کی۔ نیب ٹیم نے چیئرمین پی ٹی آئی سے القادر ٹرسٹ کیس میں تفتیش کی، نیب ٹیم کی قیادت ایڈیشنل ڈائریکٹر وقار احمد کررہے تھے۔ واضح رہے کہ نیب نے چئیرمن پی ٹی آئی سے 15 نومبر سے تفتیش کا آغاز کر رکھا ہے، احتساب عدالت نے گزشتہ سماعت میں نیب کو عمران خان سے 4 روز مزید تفتیش کی اجازت دی تھی.
دوسری جانب چیئرمین پاکستان تحریک انصاف (پی ٹی آئی) عمران خان نے اٹک پولیس ٹیم کے روبرو پیش ہونے سے معذرت کرلی۔ اٹک پولیس 9 مئی کے مقدمے میں چیئرمین پی ٹی آئی سے تحقیقات کےلیے پہنچی تو عمران خان نے اُن کے سامنے پیش ہونے سے معذرت کی۔ ذرائع کے مطابق چیئرمین پی ٹی آئی نے اڈیالہ جیل راولپنڈی میں وکلاء کے بغیر پولیس ٹیم کے سامنے پیش ہونے سے انکار کیا۔ ذرائع کے مطابق عمران خان نے مزید کہا کہ وہ وکلاء کی موجودگی میں 9 مئی واقعات پر بیان ریکارڈ کروائیں گے۔ اٹک پولیس ٹیم راولپنڈی جیل میں پی ٹی آئی کے وائس چیئرمین شاہ محمود قریشی سے تحقیقات کے بعد جیل سے روانہ ہوگئی۔