سموگ کے پیش نظر مال روڈ لاہور ہر قسم کی ٹریفک کیلئے بند رکھنے کا فیصلہ کیاگیاہے،صرف سائیکل سوار اور پیدل شہریوں کو مال روڈ استعمال کرنے کی اجازت ہوگی۔ شہر لاہور میں ہر طرح کا کاروبار آج مکمل طور پر بند رہے گا۔ چھوٹی بڑی مارکیٹس اور تجارتی مراکز بھی بند رہے گے۔ شہریوں کا کہنا ہے کہ لاہوری حکومت کے احسن اقدام پر مطمئن ہیں۔ان اقدامات سے سموگ میں خاطر خواہ کمی آئی ہے۔ ہم سب کو مل کر پنجاب حکومت کا ساتھ دینا ہو گا۔ فیصل آباد، گوجرانوالہ، ملتان، ساہیوال اور سرگودھا ڈویژن میں بھی لاک ڈاؤن نافذ کردیا گیا ہے اور غیر ضروری نقل و حرکت اور خلاف ورزی روکنے کے لیے افسران کو فیلڈ میں رہنے کی ہدایت کی گئی ہے۔ لاک ڈاؤن میں میڈیکل اسٹورز، پیٹرول پمپس، بیکری، کریانہ اسٹورز، یوٹیلیٹی اسٹورز، کال سینٹرز اور آئی ٹی سینٹرز پر پابندیوں کا اطلاق نہیں ہو گا۔
مختلف اضلاع میں نقل و حرکت محدود اور تمام بازار 4 بجے تک بند رہیں گے۔اد رہے کہ ایئرکوالٹی انڈیکس بڑھنے کے باعث پنجاب کے 10اضلاع میں سمارٹ لاک ڈاؤن نافذ کیاگیاتھا ۔سکول ،دفاتر ،مارکیٹس بھی بند رکھنے کے احکامات دیئے گئے۔ بروز جمعہ،ہفتہ اتوار کو مارکیٹس شام 3بجے کھولنے کی اجازت دی گئیں تھیں جبکہ آج اتوار کو لاہور کی تمام مارکیٹس بند رہیں گی۔
Author: صدف ابرار
-
سموگ کے پیش نظر لاہور مال روڈ ہر قسم ٹریفک کے لئے بند
-
کراچی راشد منہاس روڈ شاپنگ مال آگ لگنے کے واقعہ کا ایف آئی ار درج
کراچی کے راشد منہاس روڈ کے شاپنگ مال میں آگ لگنے کا مقدمہ تھانہ شارع فیصل میں درج کر لیا گیا۔ سرکار کی مدعیت میں مقدمہ کے الیکٹرک، فائر بریگیڈ اور دیگر اداروں کے خلاف درج کیا گیا ہے جس میں قتل بالسبب، لاپرواہی اور نقصان رسانی کی دفعات شامل کی گئی ہیں۔ درج مقدمے کے مطابق شبہ ہے عمارت میں آگ شارٹ سرکٹ کی وجہ سے لگی، عمارت میں آگ بجھانے کے آلات اور ایمرجنسی اخراج نہیں تھا اور عمارت کا نقشہ غیر قانونی طریقے سے پاس کیا گیا تھا۔ مقدمے کے متن کے مطابق عمارت کی تعمیرات میں ناقص مٹیریل استعمال ہوا، کے الیکٹرک اور فائر بریگیڈ نے ناقص میٹریل کے باوجود این او سی جاری کیا۔ کے الیکٹرک، فائر بریگیڈ اور دیگر اداروں نے مجرمانہ غفلت کی۔ تاہم مال کو سیل کر کے مزید تحقیقات شروع ہو گئے ہیں، واضح رہے کہ گزشتہ روز شاپنگ مال میں آگ لگنے سے11 افراد جاں بحق اور متعدد زخمی ہوئے تھے۔
-
پاکستانی کر کٹر امام الحق زندگی کے اہم سفر پر نکل پڑے
پاکستانی کرکٹر امام الحق اور اوسلو میں مقیم پاکستانی ڈاکٹر انمول محمود رشتہ ازدواج میں بندھ گئے، جوڑے نے اپنے نکاح کے بعد کے لمحات کی دلکش تصاویر شیئر کیں، جس میں پس منظر میں ونٹیج سفید عمارتوں کے ساتھ پر سکون ماحول کو دکھایا گیا ہے. انمول نے چاندی کے سونے کے پتھروں سے مزین پیسٹل گلابی ساڑھی کا انتخاب کیا، جس کی تکمیل اسی رنگت میں پیچیدہ کڑھائی سے مماثل دوپٹہ ہے۔ اس نے خوبصورت سونے اور گلابی زیورات کے ساتھ اپنی شکل کو نمایاں کیا، موجودہ فیشن کے رجحانات کے مطابق کم سے کم میک اپ کا انتخاب کیا۔ امام نے ایک پیسٹل سبز شیروانی پہن رکھی تھی جس میں میچنگ جوتے اور پگڑی تھی، جس میں نازک کڑھائی تھی۔ اس کے لباس کو دوہرے پلوں والے سیاہ شیڈز کے ساتھ مزید بلند کیا گیا تھا، جس سے اس کی خوبصورتی میں اضافہ ہوا تھا۔
جوڑے نے اپنی تصاویر کے ساتھ ایک پیارا کیپشن شیئر کیا، جس میں محبت اور دوستی کے لیے اپنے گہرے بندھن اور شکر گزاری کا اظہار کیا اور لکھا: "آج، ہم نہ صرف زندگی بھر کے پارٹنر بن گئے ہیں بلکہ بہترین دوستی کے بندھن کو بھی مضبوط کیا ہے، جو ہمیشہ سے ہماری محبت کی کہانی کی بنیاد رہی۔ آج، میں نے نہ صرف اپنے بہترین دوست سے شادی کی، بلکہ آپ کے دل میں اپنا ہمیشہ کے لیے گھر بھی پایا۔ اس محبت کے لیے ہمیشہ شکر گزار ہوں جو ایک دوستی کی طرح محسوس ہوتی ہے اور ایک دوستی جو ہماری سب سے بڑی نعمت ہے۔ یہ سفر منفرد طور پر ہمارا ہے، محبت، ہنسی اور نہ ختم ہونے والے خوابوں کا حسین سفر ، ان شاء اللہ۔ ہمیں اپنی دعاؤں میں یاد رکھیں۔”
https://www.instagram.com/imamulhaqofficial/?utm_source=ig_embed&ig_rid=ee2c52f5-07d5-4672-8b2e-bb58413f6a74
امام کی شادی کی تقریبات کا آغاز ایک عظیم الشان قوالی نائٹ کے ساتھ ہوا، جس میں بابر اعظم، عثمان قادر، سرفراز احمد، کامران اکمل، مشتاق احمد، اور انضمام الحق جیسی کرکٹ کے نامور شخصیات نے شرکت کی، جو سبھی ڈریس کوڈ کی پابندی کرتے ہیں۔ شیئر کی گئی تصاویر اور ویڈیوز نے خوشی کے ماحول کو اپنی لپیٹ میں لے لیا، جس میں امام اور انمول کے اتحاد کا جشن منانے والے دوستوں اور سابق ساتھی ساتھیوں کے درمیان دوستی کو اجاگر کیا گیا۔ -
لاہور آلودگی میں پہلے نمبر پر موجود،شہرع میں مصنوعی بارش برسانے کی تیاری
پنجاب کا شہر لاہور میں فضائی آلودگی میں آج بھی پہلے نمبر پر موجود ہے لاہور کا مطلع جزوی طور پر ابرآلود ہے جس کی وجہ سردی میں اضافہ ہو ا ہے ۔ دوسری جانب
نگراں وزیرِ اطلاعات پنجاب عامر میر نے اسموگ کنٹرول سے متعلق جاری بیان میں کہا ہے کہ لاہور میں مخصوص مقامات پر مصنوعی بارش کے لیے کلاؤڈ سیڈنگ کی تیاری کی جا رہی ہے۔ عامر میر کا کہنا ہے کہ حکومت مصنوعی بارش کے لیے کلاؤڈ سیڈنگ ٹیکنالوجی استعمال کرنے کا ارادہ رکھتی ہے، مصنوعی بارش پر کروڑوں روپے خرچ نہیں ہوتے، فنانس ڈیپارٹمنٹ کو سمری نہیں بھیجی گئی۔صوبائی وزیر کا کہنا ہے کہ بادلوں سے مشروط ہونے کی وجہ سے کلاؤڈ سیڈنگ کے لیے کسی حتمی تاریخ کا تعین ممکن نہیں، کلاؤڈ سیڈنگ میں مصنوعی بارش کے لیے بادلوں پر مخصوص سالٹ چھڑکا جاتا ہے۔انہوں نے کہا کہ مصنوعی بارش کے لیے استعمال کی جانے والی ٹیکنالوجی نسبتاً کم خرچ ہے، کلاؤڈ سیڈنگ کے لیے آسمان پر بادلوں کی موجودگی ضروری ہے۔
چھڑکاؤ کے لیے جس جہاز کا استعمال کیا جانا ہے اسے آپریٹ کرنے کی تیاری کی جا رہی ہے، مصنوعی بارش کلاؤڈ سیڈنگ جہاز کی بحالی کے بعد ہی ممکن ہو گی۔ شہر کا موجودہ درجہ حرارت 16ڈگری سینٹی گریڈ ریکارڈ کیا گیا ہے، کم سے کم درجہ حرارت 13اور زیادہ سے زیادہ 23 ڈگری سینٹی گریڈ ریکارڈ کیا جانے کا امکان ہے جبکہ ماہرین نے آئندہ 24 گھنٹوں کے دوران بارش کا کوئی امکان ظاہر نہیں کیا ہے۔ ملک بھر میں اے کیو آئی کے اعتبار سے لاہور 265 کے ساتھ پہلے نمبر پر آگیا یو ایس قونصلیٹ 422, فیز 8 ڈی ایچ اے 396 میں اے کیوریکارڈ، جوہر ٹاؤن 296, مال روڈ اطراف 247ائیر کوالٹی انڈیکس کی مجموعی شرح ریکارڈ کی گئی ہے۔ طبعی ماہرین نے شہریوں کو غیرضروری سفر سے اجتناب کرنے کی ہدایت کردی۔ -
چیمپئنز ٹرافی 2025 کی میزبانی کے حقوق آئی سی سی نے پاکستان کے حوالے کر دئے
فروری ،مارچ میں شیڈول چیمپئنز ٹرافی 2025 کی میزبانی کے حقوق انٹرنیشنل کرکٹ کونسل (آئی سی سی) نے پاکستان کو دے دیے ہیں، حالانکہ رسمی معاہدوں کو حتمی شکل دینا ابھی باقی ہے۔ہندوستان میں آئی سی سی کی حالیہ ملا قاتوں کے دوران اس معاملے پر بات چیت ہوئی۔ پی سی بی حکام معاہدے پر جلد دستخط کے بارے میں پرامید ہیں۔ پاکستان کا موقف واضح ہے کہ اگر کوئی ملک سیکیورٹی خدشات کا حوالہ دیتے ہوئے ٹیم بھیجنے سے گریز کرے تو آئی سی سی کو یکطرفہ فیصلوں سے گریز کرنا چاہیے۔ اس کے بجائے، ایک آزاد سیکورٹی ایجنسی کے ساتھ مشاورت سے، ایک جامع جائزہ لیا جانا چاہیے۔
بھارت کے علاوہ تمام ٹیمیں حال ہی میں پاکستان میں بغیر سیکیورٹی مسائل کے کھیلی ہیں۔ نتیجتاً، تجویز یہ ہے کہ تمام میچز پاکستان میں ہوں، جب تک کہ کوئی حقیقی سیکیورٹی تشویش پیدا نہ ہو، جس کی توثیق کسی آزاد سیکیورٹی ایجنسی نے کی ہو۔
ذرائع کا کہنا ہے کہ موجودہ حالات کے پیش نظر بھارتی حکومت کی جانب سے بی سی سی آئی کو اپنی ٹیم کو پاکستان جانے کی اجازت دینے کا امکان نہیں ہے۔ پی سی بی اس مسئلے کی سیاسی نوعیت کو تسلیم کرتا ہے، حکومتی سطح پر حل کی توقع ہے۔ اگر بھارت اپنی ٹیم نہ بھیجنے کا انتخاب کرتا ہے تو متبادل حل جیسے کہ بھارت کے میچوں کو غیر جانبدار مقامات پر منتقل کرنا اور آئی سی سی کی مشاورت کے ذریعے مالی نقصانات کے مکمل معاوضے کو یقینی بنانا۔ پچھلی پی سی بی مینجمنٹ کمیٹی نے بھی قانونی مشورہ طلب کرتے ہوئے آئی سی سی دستاویزات کی بنیاد پر اعتراضات اٹھائے تھے۔ اگرچہ آئی سی سی کے چیئرمین گریگ بارکلے اور سی ای او جیف ایلارڈائس نے مئی میں پاکستان کا دورہ کیا تھا لیکن اس معاملے پر کوئی حل نہیں نکل سکا تھا۔ موجودہ انتظامیہ یقین دہانی چاہتی ہے، مالی اور دیگر معاملات کے حل کے لیے ممکنہ طور پر اگلے ماہ معاہدوں پر دستخط کیے جائیں گے۔
قابل ذکر بات یہ ہے کہ پی سی بی نے 2023 ایشیا کپ کا سری لنکا میں ہائبرڈ ماڈل کے تحت کامیابی سے انعقاد کیا، ملک میں صرف چار میچز منعقد ہوئے۔ اگر ہندوستانی ٹیم آپٹ آؤٹ کرتی ہے، تو اخراجات میں نمایاں اضافے کے باوجود، چیمپئنز ٹرافی کے لیے بھی ایسا ہی طریقہ اختیار کیا جا سکتا ہے۔ -
تمام مذاہب کا احترام کرنا ہم پر لازم ہے،نگران وزیر مذہبی امور
مذہبی امور اور بین المذاہب ہم آہنگی کے نگران وزیرانیق احمد نے معاشرے میں تمام مذاہب کے احترام کی ضرورت پر زور دیا ہے۔ انہوں نے لاہور میں بین المذاہب ہم آہنگی کانفرنس سے خطاب کرتے ہوئے کہا کہ اسلام اپنے پیروکاروں کو تمام مذاہب کے احترام کا درس دیتا ہے۔وفاقی وزیر نے لوگوں کے درمیان اتحاد کے فروغ پر بھی زور دیا ۔انہوں نے کہا کہ حکومت ملک میں بین المذاہب ہم آہنگی کے فروغ اور اقلیتوں کے حقوق کے تحفظ کیلئے پرعزم ہے۔رویت ہلال کمیٹی کے چیئرمین عبدالخبیر آزاد نے اپنے خطاب میں برداشت اور بین المذاہب ہم آہنگی کے حوالے سے اسلامی تعلیمات کو اجاگر کیا۔
وزیراعظم کے معاون خصوصی طاہر حافظ محمود اشرفی نے کانفرنس سے خطاب کرتے ہوئے کہا کہ ملک کا آئین ہر شہری کے حقوق کی ضمانت دیتاہے۔انہوں نے ایسا ماحول پیدا کرنے کیلئے کوششوں کی ضرورت پر زور دیا جس میں کوئی اقلیت خوف محسوس نہ کرے۔ -
افغان مہاجرین کو ایران میں سخت اقدامات کا سامنا
ایران نے افغان تارکین وطن کے لیے سخت اقدامات کا آغاز کر دیا ہے افغان میڈیا کے مطابق ایران سے بے دخل کیے گئے افغان شہریوں کا کہنا ہے کہ پاسپورٹ اور ویزہ ہونے کے باوجود انہیں ایران سے بے دخل کیا جا رہا ہے،افغان شہریوں نے بتایا کہ ایرانی اہلکاروں نے کچھ افغان شہریوں کے پاسپورٹ اور ویزہ پھاڑ کر زبردستی ملک مبدر کر لیا، دوسری جانب پاکستان سے طورخم بارڈر کے راستے اتوار کو مزید 2 ہزار 127 افراد رضاکارانہ طور پر افغانستان واپس چلے گئے۔ طورخم سے واپس جانے والے غیر ملکیوں کی تعداد 2 لاکھ 42 ہزار سے زائد ہو گئی ہے۔
-
حماس نے مزید 17 یرغمالیوں کو رہا کر دیا، جبکہ اسرائیل کی جانب سے 39 فلسطینی قیدی رہا
غیر ملکی میڈیا رپورٹس کے مطابق ہفتہ کے روز قطر اور مصر نے قیدیوں کے تبادلے کے معاہدے پر عمل کے حوالے سے حماس اور اسرائیل سے مذاکرات کئے اور رکاوٹوں کو دور کیا۔ جس کے بعد رات گئے حماس نے دوسرے مرحلے میں مزید 17 یرغمالیوں کو رہا کر دیا، جبکہ اسرائیل کی جانب سے بھی 39 فلسطینی قیدیوں کو رہا کردیا گیا جن میں 33 بچے اور 6 خواتین شامل ہیں۔ فلسطینی قیدی مغربی کنارے کے علاقے بیتونیا پہنچ گئے جہاں ان کا پرتپاک استقبال کیا گیا ، رہا ہونے والے فلسطینیوں میں 38 سال کی اسراء جعابیص بھی شامل ہیں انہیں 2015 میں گرفتار کیا گیا تھا اور 11 سال قید کی سزا سنائی گئی تھی۔ غیر ملکی میڈیا رپورٹس کے مطابق ہفتہ کے روز قطر اور مصر نے قیدیوں کے تبادلے کے معاہدے پر عمل کے حوالے سے حماس اور اسرائیل سے مذاکرات کئے اور رکاوٹوں کو دور کیا۔
جس کے بعد رات گئے حماس نے دوسرے مرحلے میں مزید 17 یرغمالیوں کو رہا کر دیا، اسرائیل کی جانب سے بھی 39 فلسطینی قیدیوں کو رہا کردیا گیا جن میں 33 بچے اور 6 خواتین شامل ہیں۔ فلسطینی قیدی مغربی کنارے کے علاقے بیتونیا پہنچ گئے جہاں ان کا پرتپاک استقبال کیا گیا ، رہا ہونے والے فلسطینیوں میں 38 سال کی اسراء جعابیص بھی شامل ہیں انہیں 2015 میں گرفتار کیا گیا تھا اور 11 سال قید کی سزا سنائی گئی تھی۔ اسرائیلی حکام کاکہنا ہے کہ اسرائیلی یرغمالی بذریعہ رفاح کراسنگ مصر سے اسرائیل پہنچ رہے ہیں ۔ قطر کا کہنا ہے کہ قیدیوں کی رہائی کی راہ میں حائل رکاوٹیں قطر اور مصر کے دونوں فریقوں کے ساتھ رابطوں کے ذریعے دور ہوگئیں جس کی حماس نے بھی تصدیق کی تھی۔اس سے پہلے حماس نے یرغمالیوں کی رہائی مؤخر کرتے ہوئے کہا تھا کہ اسرائیل جنگ بندی معاہدے پر عمل درآمد نہیں کررہا اور قیدیوں کی رہائی کا عمل روک دیاگیا ۔
حماس کا کہنا تھا کہ صیہونی فوج شمالی غزہ میں امداد اور بے دخل فلسطینیوں کو واپسی سے روک رہی ہے، ڈرون کی پروازیں بھی جاری ہیں، مقبوضہ بیت المقدس میں اسرائیلی فورسز کی کارروائیاں بھی جاری ہیں۔ یاد رہے کہ اسرائیل اور حماس کے درمیان چار روزہ جنگ بندی کے دوران 50 اسرائیلیوں کو رہا کیا جائے گا اور بدلے میں 150 فلسطینیوں کو رہائی ملے گی. اس سے پہلے 7 اکتوبر سے غزہ پر اسرائیل کے زمینی اور فضائی حملوں میں اب تک 14 ہزار سے زائد فلسطینی شہید ہو چکے ہیں، شہدا میں 6 ہزار 150 بچے اور 4 ہزار سے زائد خواتین بھی شامل ہیں جبکہ بچوں اور خواتین سمیت زخمیوں کی تعداد 36 ہزار تک پہنچ چکی ہے ۔ دوسری جانب غزہ پر اسرائیل کے وحشیانہ حملوں اور بربریت کے خلاف دنیا بھر میں احتجاجی مظاہروں کا سلسلہ جاری ہے۔
یاد رہے کہ اسرائیل اور حماس کے درمیان چار روزہ جنگ بندی کے دوران 50 اسرائیلیوں کو رہا کیا جائے گا اور بدلے میں 150 فلسطینیوں کو رہائی ملے گی۔
یاد رہے کہ 7 اکتوبر سے غزہ پر اسرائیل کے زمینی اور فضائی حملوں میں اب تک 14 ہزار سے زائد فلسطینی شہید ہو چکے ہیں، شہدا میں 6 ہزار 150 بچے اور 4 ہزار سے زائد خواتین بھی شامل ہیں جبکہ بچوں اور خواتین سمیت زخمیوں کی تعداد 36 ہزار تک پہنچ چکی ہے ۔
دوسری جانب غزہ پر اسرائیل کے وحشیانہ حملوں اور بربریت کے خلاف دنیا بھر میں احتجاجی مظاہروں کا سلسلہ جاری ہے۔ -
خیبر پختونخوا ایم ڈی کیٹ ٹیسٹ آج ہو رہے ہیں،
خیبر پختونخوا کے میڈیکل اور ڈینٹل کالیجز میں داخلوں کیلئے آج صبح 10 بجے ہونے والے انٹری ٹیسٹ میں 46 ہزار سے زائد طلبہ و طالبات حصہ لے رہے ہے ، چیف سیکرٹری خیبرپختونخوا نے ٹیسٹ کی نگرانی 11 انتظامی سیکرٹریز کو سونپی ہے جبکہ ٹیسٹ کیلئے سکیورٹی پلان بھی تیار کر لیا گیا ہے۔پشاور میں 250 جبکہ صوبہ بھر میں مجموعی طور پر 2 ہزار سے زیادہ پولیس اہلکارامتحانی مراکز میں سکیورٹی کی ذمہ داریاں انجام دیں گے۔
پولیس کے مطابق ضلعی انتظامیہ نے ایم ڈی کیٹ کے شفاف انعقاد کیلئے امتحانی مراکز کے اطراف میں دفعہ 144 نافذ کررکھا ہے جبکہ ٹیسٹ کے دوران جیمرز لگا کر موبائل سگنلز بھی معطل کیے جائیں گے۔پولیس کے مطابق امتحانی مراکز میں الیکٹرانک آلات کے استعمال پر پابندی ہوگی جبکہ امتحانی مواد کی ترسیل کے وقت ہر گاڑی کے ساتھ 10 پولیس اہلکار سکیورٹی پرمامور ہوں گے۔
واضح رہے کہ حکومت نے ستمبر میں نقل کی وجہ سے صوبے بھر میں ہونے والے ایم ڈی کیٹ کے نتائج کو روک کر دوبار امتحان کرانے کا فیصلہ کیا تھا، بلیو ٹوتھ ڈیوائس کے ذریعے 219 امیدوار نقل کرتے پکڑے گئے تھے۔ -
ننکانہ صاحب میں بابا گورونانک کے تقریبات جاری
بابا گورونانک دیوجی کے 554 ویں جنم دن کی تین روزہ تقریبات میں شرکت کیلئے 3ہزار سکھ یاتری واہگہ بارڈر کے راستے پاکستان پہنچ گئے ہیں۔ ننکانہ صاحب میں بابا گورونانک کی تین روز تقریبات کا دوسرا روز ہے ، ان تقریبات میں بھارت سمیت اندرون و بیرون ممالک سے ہزاروں سکھ یاتری شریک ہیں ، سکھ یاتری اپنی مذہبی رسومات ادا کرنے میں مصروف ہیں ۔ بھارت سے آئے ہوئے سکھ یاتریوں کو خصوصی بسوں اور سکیورٹی کے حصار میں سچا سودا فاروق آباد روانہ کیا جا رہا ہے ، سکھ یاتری یاترا کرنے کے بعد واپس شام کو واپس گوردوارہ جنم استھان آئیں گے۔یاتری 27 نومبر کو نگر کیرتن کے جلوس میں شرکت کریں گے ، 25 نومبر کو اکھنڈ پاٹ کی رسم سے شروع ہونے والی تقریبات 27 نومبر کو بھوگ کی رسم کیساتھ اختتام پذیر ہو جائیں گی۔
ڈی پی او صاعد عزیز کے مطابق 3 ہزار سے زائد پولیس اہلکار اپنی ڈیوٹی کے فرائض سر انجام دے رہے ہیں ، گوردواروں سے ملحقہ راستوں کو خار دار تاریں اور بیئرز لگا کر عام عوام کا داخل بند کیا گیا ہے ۔گوردوارہ جات اور اس سے ملحقہ راستوں پر سی سی ٹی وی کیمرے لگائے گئے ہیں ،گوردواروں کے داخلی راستوں پر واک تھرو گیٹ اور سکینر بھی لگائے گئے ہیں ۔واضح رہے کہ پاکستان میں سکھ مت کے پیرو کاروں کے کئی مذہبی مقامات موجود ہیں جنہیں وہ مقدس مقامات کا درجہ دیتے ہیں، بابا گورو نانک کا جنم استھان (پیدائش گاہ) اور ان کی سمادھی (آخری آرام گاہ)، دونوں مقامات پاکستان میں ہی موجود ہیں۔