190 ملین پاؤنڈ اسکینڈل میں نیب نے چیئرمین پاکستان تحریک انصاف سے آج بھی تفتیش کی گئی ،نیب ٹیم نے عدالتی احکامات پر 15 نومبر کو جیل میں تفتیش کا آغاز کیا تھا، آج بھی نیب کی ٹیم تفتیش کیلئے جیل پہنچی تھی۔ جیل ذرائع کا کہنا ہے کہ اڈیالہ جیل میں نیب کی تین رکنی ٹیم نے چیئرمین پی ٹی آئی سے ڈھائی گھنٹے تک تفتیش کی۔نیب کی ٹیم تفتیش کرکے واپس روانہ ہوگئی۔
یاد رہے کہ اڈیالہ جیل میں احتساب عدالت کے جج محمد بشیر نے القادر ٹرسٹ اور 190 ملین پاؤنڈ کیس کی سماعت کرتے ہوئے نیب کو چیئرمین پی ٹی آئی سے جیل میں تفتیش کی اجازت دی۔
عدالت نے بشریٰ بی بی کی عبوری ضمانت میں 21 نومبر تک توسیع کر دی اور کیس کی سماعت بھی اسی روز تک ملتوی کر دی۔
Author: صدف ابرار
-
نیب کی ٹیم نے عمران خان سے ڈیڑھ گھنٹے تک تفتیش کی
-
سابق فاسٹ بولر وہاب ریاض قومی مینز سلیکشن کمیٹی کا چیف سلیکٹر مقرر
ان کا پہلا اسائنمنٹ چودہ دسمبر سے سات جنوری تک آسٹریلیا میں ہونے والی تین ٹیسٹ میچوں کی سیریز اور نیوزی لینڈ میں بارہ سے اکیس جنوری تک ہونے والی پانچ میچوں کی ٹی ٹوئنٹی سیریز کے لیے پاکستانی ٹیم کا انتخاب ہوگا۔
وہاب ریاض نے 2008 میں اپنے انٹرنیشنل کریئر کا آغاز کیا اور 27 ٹیسٹ 91ون ڈے اور 36ٹی ٹوئنٹی انٹرنیشنل میں مجموعی طور پر237 وکٹیں حاصل کیں اور1200 رنز بنائے۔ وہ تین عالمی کپ کھیل کر ان مقابلوں میں 35 وکٹوں کے ساتھ پاکستان کے دوسرے سب سے کامیاب بولر رہے۔
وہاب ریاض کا کہنا ہے کہ قومی سلیکشن کمیٹی کا سربراہ بننا ان کے لیے اعزاز کی بات ہے۔ وہ پاکستان کرکٹ بورڈ کی منیجمنٹ کمیٹی کے سربراہ ذکا اشرف کا شکریہ ادا کرتے ہیں کہ انہوں نے اس ذمہ داری کے لیے ان پر اعتماد کیا۔کرکٹ کے معاملات میں سابق کرکٹرز کو شامل کرنے کا فیصلہ قابل تعریف ہے اور وہ پاکستان کرکٹ کی بہتری کے لیے کام کرنے کے خواہاں ہیں۔یہ ایک چیلنج ہے ۔Former Pakistan fast bowler Wahab Riaz has been appointed as the chief selector of the national men’s selection committee.
Read more ➡️ https://t.co/3uhDwHUhIB pic.twitter.com/567fXkwQOa
— Pakistan Cricket (@TheRealPCB) November 17, 2023
آسٹریلیا کا دورہ انتہائی اہمیت کاحامل ہے جہاں پاکستان کو آئی سی سی ورلڈ ٹیسٹ چیمپئن شپ کے ٹیسٹ میچز کھیلنے ہیں ۔اسی طرح نیوزی لینڈ کے دورے سے ہمیں آئندہ سال جون میں امریکہ اور ویسٹ انڈیز میں ہونے والے ٹی ٹوئنٹی ورلڈ کپ کے لیے ایک متوازن ٹیم تشکیل دینے میں مدد ملے گی۔ہمیں محمد حفیظ کی شکل میں اچھا ٹیم ڈائریکٹر موجود ہے اور ہم ملکر پاکستان کرکٹ کی کامیابی کے لیے کام کریں گے۔
وہاب ریاض کا کہنا ہے کہ ان کی سب سے بنیادی توجہ ڈومیسٹک کرکٹ میں عمدہ کارکردگی دکھانے والے کھلاڑیوں کو اہمیت دیتے ہوئے آل راؤنڈ اسکواڈز کا اعلان کیا جائے۔وہ کھلاڑیوں کی رائے جاننے کے لیے ہمیشہ دستیاب ہیں۔ -
جماعت اسلامی کی حکومت ہوتی تو نہ ڈاکٹر عافیہ قید ہوتی نہ کشمیر پر قبضہ ہوتا، سراج الحق
امیر جماعت اسلامی سراج الحق نے کہا ہے کہ حکومت ملی تو ملک میں کو ایجوکیشن ختم کر کے خواتین کےلیے علیحدہ اسکولز، کالجز اور جامعات بنائیں گے۔ انہوں نے ان خیالات کا اظہار لیہ میں خواتین ورکرز کنونشن سے خطاب کے دوران کیا۔
سراج الحق نے کہا کہ جب سے پاکستان بنا ہے جنوبی پنجاب میں جاگیر داروں کی حکمرانی ہے۔ جنہوں نے جاگیر داروں کو چیلنج کیا ہے ان کی دعوت پر لیہ آیا ہوں۔
امیر جماعت اسلامی سراج الحق کا کہنا تھا کہ لیہ کی تاریخ میں خواتین کا سب یہ سےبڑا ورکرز کنونشن ہے۔ امیر جماعت اسلامی نے کہا کہ غزہ میں فلسطینی بچے اسرائیلی ٹینکوں کے سامنے کھڑے ہیں۔ ہم نے فلسطین کےلیے اسلام آباد میں امریکی سفارتخانہ کے باہر احتجاج ریکارڈ کرایا۔
انہوں نے کہا کہ جماعت اسلامی کی حکومت ہوتی تو نہ ڈاکٹر عافیہ قید ہوتی نہ کشمیر پر قبضہ ہوتا۔
انہوں نے کہا کہ جب پاکستان میں جماعت اسلامی کی حکومت ہوگی تعلیم مفت ہوگی۔ ہماری حکومت میں جو والد اپنی بچی کو تعلیم سے محروم کرے گا وہ جیل جائے گا۔ ہم یکساں تعلیمی نظام متعارف کرائیں گے۔امیر جماعت اسلامی نے کہا حکومت ملی تو سودی نظام کا خاتمہ کریں گے۔ خواتیں کے لیے علیحدہ اسکولز، کالجز اور جامعات بنائیں گے۔ سراج الحق نے کہا کہ کرپشن ختم کرکے 300 یونٹ تک بجلی مفت فراہم کریں گے۔ -
فیفا ورلڈ کپ 2026 کوالیفائرز 2؛ سعودی عرب نے پاکستان کو شکست دے دی
فیفا ورلڈ کپ 2026 کوالیفائرز راؤنڈ 2 میں سعودی عرب نے پاکستان کو 4-0 سے شکست دے دی سعودی عرب کی جانب سے پہلا اور دوسرا گول صالح الشھری نے 6 ویں اور 48 ویں منٹ میں کیا، تیسرا گول عبدالرحمان غریب نے 91 منٹ میں کیا ،چوتھا گول عبداللہ ردیف نے 96 ویں منٹ میں اسکور کیا جمعرات جو ورلڈکپ کوالیفائر راؤنڈ 2 کے پہلے میچ پاکستان فٹبال ٹیم ورلڈ رینکنگ میں 57 نمبر پر موجود سعودی عرب کے مد مقابل آئی، یہ میچ سعویہ میں الحسا کے پرنس عبد اللہ بن جلاوی اسٹیڈیم میں کھیلا گیا۔
-
عالمی منڈی میں خام تیل کی قیمتوں میں کمی
عالمی منڈی میں خام تیل کی قیمت ساڑھے 3 ماہ کی کم ترین سطح پر آگئی۔ امریکی سیشن میں خام تیل کی قیمت ایک دن میں 4 فیصد سے زائد گر گئیں۔ عالمی مارکیٹ کی رپورٹ کے مطابق امریکہ میں خام تیل کی انوینٹری میں اضافے اور انڈسیز کی پیداوار میں کمی ہوئی ہے،لندن برینٹ آئل اور امریکی خام تیل کی قیمت جولائی 23 کی کم سطح سے نیچے آگئیں جبکہ چین میں بھی انرجی کی طلب میں کمی کے خدشاد پر تیل کی قیمتوں میں بڑی کمی ہوئی ہے ۔ رپورٹ کے مطابق امریکی خام تیل 4.67 فیصد کمی سے 73.08 ڈالر فی بیرل تک گرگیا،لندن برینٹ آئل 4.42 فیصد کمی سے 77.59 ڈالر فی بیرل تک گرگیا ہے، اسی کے ساتھ ایک دن میں امریکی خام تیل 3 ڈالر 60 سینٹس فی بیرل سستا ہوگیا اور لندن برینٹ آئل 3 ڈالر 60 سینٹس فی بیرل سستا ہوچکا ہے۔امریکی خام تیل کی قیمت میں 4.40 فیصد کی کمی ریکارڈ کی گئی ہے، عالمی مارکیٹ میں امریکی خام تیل 73 ڈالر 29 سینٹ پر ٹریڈ کر رہا ہے۔ برطانوی خام تیل بھی 4 فیصد کی کمی کے ساتھ 77 ڈالر 91 سینٹ پر ٹریڈ کر رہا ہے، امریکی میں تیل کے ذخائر میں اضافے سے تیل کی قیمت میں کمی ہوئی ہے۔ غیر ملکی میڈیا کے مطابق امریکی خام تیل کے ذخائر میں 36 لاکھ بیرل کا اضافہ ریکارڈ کیا گیا ہے۔
-
آڈیالہ جیل کے حکام کا پرویز الہی کے بیان پر وضاحت
جیل خانہ جات پنجاب نے سابق وزیر اعلی کے بیان پر وضاحت دی ہے انکا کہنا ہے کہ اڈیالہ جیل میں ایسی کسی ملاقات کا کوئی سوال نہیں، چیئرمین پی ٹی آئی اور پرویز الہٰی کو اڈیالہ جیل میں الگ الگ جگہ رکھا گیا ہے، چیئرمین پی ٹی آئی سے پرویز الہٰی کی بھی اڈیالہ جیل میں کوئی ملاقات ہوئی نہ رابطہ ہوا۔سابق وزیر اعلیٰ پنجاب چوہدری پرویز الہٰی کی جانب سے چیئرمین پاکستان تحریک انصاف (پی ٹی آئی) سے یورپی یونین اور انٹرنیشنل مانیٹری فنڈ (آئی ایم ایف) نمائندگان کی ملاقاتوں کے دعویٰ پر جیل حکام کا مؤقف سامنے آگیا۔
ترجمان جیل خانہ جات کا کہنا ہے کہ چیئرمین پی ٹی آئی سے ان کی فیملی اور وکلاء کے سوا کسی کی ملاقات نہیں ہوئی، فیملی اور وکلاء سے ملاقاتوں کا باقاعدہ ریکارڈ بنایا جاتا ہے، اڈیالہ جیل کی سیکیورٹی کیلئے 300 سے زائد سی سی ٹی وی کیمروں کے ذریعے انسپکٹر جنرل (آئی جی) آفس میں نگرانی بھی کی جاتی ہے۔ -
اوورسیز ایمپلائمنٹ کارپوریشن کے درمیان ایم او یو پر دستخط
ریاض: اوورسیز ایمپلائمنٹ کارپوریشن کے درمیان ایم او یو پر دستخط ہوگئے جس کے تحت افرادی قوت کی برآمد کےلیے پاکستان اور سعودی عرب کے باہمی تعاون میں پیشرفت سامنے آئی ہے۔ معاون خصوصی جواد سہراب ملک نے صدر، سی ای او نیسما اینڈ پارٹنرز سے ریاض میں ملاقات کی۔
معاہدے کے تحت پاکستان سعودی عرب بالخصوص نیسما کو ہنر مند افرادی قوت فراہم کرے گا۔Riyadh: MOU signed between Overseas Employment Corporation @OEC_Pakistan & @NesmaPartners. A significant export potential for thousands of our manpower worker export to the KSA. CEO NESMA, Samer Essam Abdul Samad affirmed his intention to effect closer collaboration & engagement.… pic.twitter.com/nbwqlf79MC
— Jawad Sohrab (@JawadSohrab) November 16, 2023
سہراب ملک کا کہنا ہے کہ معاہدے سے ہمارے ہزاروں افرادی قوت کے کارکنوں کے لئے کے ایس اے کو برآمد کرنے کا ایک اہم امکان ہے ۔ نیسما کے سی ای او، سمیر عصام عبدالصمد نے قریبی تعاون اور مشغولیت کو متاثر کرنے کے اپنے ارادے کی تصدیق کی۔ ہمارے نوجوانوں کے لیے اہم امکانات روشن ہو گئے -
نگران وزیر اطلاعات ونشریات کا چوہدری پرویز الہی کے بیان کی تردید
نگراں وفاقی وزیر اطلاعات ونشریات مرتضیٰ سولنگی نے پاکستان تحریک انصاف کے رہنما چوہدری پرویز الٰہی کی جانب سے آئی ایم ایف اور یورپین یونین کے نمائندوں کی اڈیالہ جیل میں عمران خان سے ملاقات کے دعووں کو مسترد کر دیا۔
اپنے ٹویٹ میں وفاقی وزیر اطلاعات و نشریات کا کہنا تھا کہ اس دعویٰ میں ذرابھر بھی سچائی نہیں ہے بلکہ یہ ایک سینئر سیاستدان کی ذہنی اختراع ہے۔There is not a single grain of truth in this fantasy and it is truly nothing but a figment of imagination by the senior politico. Media is requested to verify such hallucinations with the concerned authorities before publishing such non-sense. https://t.co/P2mCIhIh8c
— Murtaza Solangi (@murtazasolangi) November 16, 2023
انہوں نے میڈیا پر زور دیا کہ اسطرح کے خبروں سے گریز کرے،واضح رہے کہ چوہدری پرویز الہی نے یہ دعوی کیا تھا کہ آئی ایم ایف کی ٹیم نے عمران خان سے آڈیالہ جیل میں ملاقات کی ہے ، -
لاہور ڈی ایچ اے حادثے کی مکمل اور شفاف تحقیقات کی جائے،وزیر اعلی پنجاب
لاہور ڈی ایچ اے حادثے کی مکمل اور شفاف تحقیقات کی جائے وزیر اعلی پنجاب محسن نقوی کی لواحقین سے ملاقات کے دوران گفتگو،وزیر اعلی محسن نقوی نے کہا کہ مقدمہ میں قتل کے دفعات شامل کئے گئے ہے کیونکہ یہ حادثہ نہیں بلکہ ایک سوچی سمجھی شازش تھی جس کے تحت پورے خاندان کو موت کے منہ میں دھکیل دیا گیا،
لاہور کے علاقے ڈی ایچ اے فیز 7 میں تیز رفتار کار کی ٹکر سے 6 افراد کی موت کے مقدمے میں قتل کی دفعہ 302 بھی شامل کر دی گئی، واقعے کی تفتیش بھی تبدیل کر کے ڈی ایس پی کاہنہ کو مارک کر دی گئی ہے۔ پولیس ذرائع کے مطابق کم عمر ڈرائیور افنان شفقت کی گاڑی کی ٹکر سے ایک ہی گھرانے کے 6 افراد جاں بحق ہونے کے واقعے کے مقدمے میں دفعہ 302 بھی شامل کر دی گئی۔پولیس کا کہنا ہے کہ 302 کی تفتیش کے لیے ملزم افنان کی طلبی کرائی جائے گی۔
ذرائع کے مطابق جاں بحق افراد کے ورثا نے ملزم پر انہیں ہراساں کرنے کا الزام لگایا تھا، ان ذرائع نے مزید بتایاکہ واقعے کی تفتیش بھی تبدیل کردی گئی ہے، واقعے کی تفتیش اب ڈی ایس پی کاہنہ کو مارک کر دی گئی ہے۔ یاد رہے کہ کار کی ٹکر سے 2 بچوں سمیت 6 افراد کے جاں بحق ہونے کا واقعہ ہفتے اور اتوار کی درمیانی شب پیش آیا تھا۔ پولیس کا کہنا ہے کہ ملزم افنان مقدمہ درج ہونے کے بعد جیل جا چکا ہے۔ دوسری جانب6 افراد کی ہلاکت کے مقدمے کے ملزم افنان شفقت نے لاہور ہائی کورٹ سے رجوع کرلیا، درخواست میں نگران وزیراعلیٰ، سی سی پی او لاہور سمیت دیگر کو فریق بنایا گیا ہے۔
کمسن ملزم افنان شفقت نے درخواست میں استدعا کی ہے کہ مجھے تحفظ فراہم کیا جائے، درخواست میں فریق بنائی گئی تمام شخصیات کو عدالت طلب کرے۔تحقیقات میں حیران کن انکشافات
لاہور کے علاقے ڈیفینس فیز 7 میں تیز رفتارگاڑی کی ٹکر سے ایک ہی خاندان کے 6 افراد کی موت کے کیس میں تحقیقات کے دوران نئے انکشافات سامنے آئے تھے۔
ذرائع پنجاب حکومت کے مطابق کم عمر ڈرائیور افنان کی حادثے سے قبل جاں بحق افراد کے ساتھ جھڑپ ہوئی تھی، افنان وائی بلاک سے گاڑی میں بیٹھی خواتین کا کافی دیر تک پیچھا کرتا رہا، متاثرہ گاڑی کے ڈرائیور حسنین نے کئی بار گاڑی کی اسپیڈ تیز کی کہ افنان پیچھا چھوڑ دے لیکن ملزم افنان نے گاڑی کا پیچھا نہیں چھوڑا اور مسلسل خواتین کو ہراساں کرتا رہا۔
ذرائع کا بتانا ہے کہ وائی بلاک نالے پر متاثرہ گاڑی کے ڈرائیور حسنین نے گاڑی روک کر افنان کو ڈانٹا، دوسری گاڑی سے حسنین کے والد نے بھی ملزم افنان کو سمجھایا کہ خواتین کو ہراساں مت کرو، اس دوران ملزم افنان دھمکیاں اور گالیاں دیتا رہا اور کہتا رہا میں دیکھتا ہوں تم لوگ ڈیفینس میں گاڑی اب کیسے چلاتے ہو۔
ذرائع پنجاب حکومت کا کہنا ہے کہ حسنین اپنی بہن اور بیوی کو لے کر آگے نکلا تو ملزم نے دوبارہ پیچھا شروع کر دیا، مکڈونلڈ چوک پر گھوم کر ملزم افنان نے 160 کی اسپیڈ سے گاڑی خواتین والی گاڑی سے ٹکرا دی، حادثے کے بعد حسنین کی گاڑی 70 فٹ روڈ سے دور جا گری اور سوار تمام افراد جاں بحق ہو گئے، -
بنگلہ دیش: اپوزیشن جماعتوں نے اتوار سے 48 گھنٹے ہڑتال کی کال دے دی
بی این پی نے قومی انتخابات کے شیڈول کو منسوخ کرنے کا مطالبہ کرتے ہوئے بنگلہ دیش بھر میں اتوار سے 48 گھنٹے کی ہڑتال (ہڑتال) کی کال دی ہے۔ پارٹی کے سینئر جوائنٹ سیکرٹری جنرل روح کبیر رضوی نے جمعرات کی سہ پہر ایک ورچوئل پریس کانفرنس میں یہ اعلان کیا۔ پارٹی نے انتخابی شیڈول کے اعلان کو مسترد کرتے ہوئے انتخابی عمل کو جاری رکھنے کے حکومتی فیصلے کے خلاف احتجاج جاری رکھنے کے عزم کا اظہار کیا۔کئی دیگر اپوزیشن جماعتوں بشمول گونو اودھیکار پریشد (نور رشد) اور گنتنتر منچا نے بھی اتوار سے 48 گھنٹے کی ہڑتال کی کال دی تھی۔
28 اکتوبر کو ایک ریلی کے بعد جسے قانون نافذ کرنے والے اداروں کے ساتھ جھڑپوں نے ناکام بنا دیا تھا، بی این پی نے اگلے دن ہڑتال کی اور اس کے بعد اس کے اجتماع پر حملوں اور اس کے سینئر رہنماؤں کی گرفتاری کے خلاف احتجاج کے لیے ملک بھر میں تین دن کی ناکہ بندی کا اعلان کیا۔ناکہ بندی کا پانچواں مرحلہ بدھ کی صبح 6 بجے شروع ہوا اور جمعہ کی صبح 6 بجے تک جاری رہے گا۔ہفتے کے آخر میں ایک مختصر وقفے کے بعد، بی این پی اور اس کی ہم خیال جماعتیں اپنے مطالبات کو دبانے کے لیے دو روزہ ہرتال کا انعقاد کریں گی۔
چیف الیکشن کمشنر قاضی حبیب الاول نے بدھ کو 12ویں پارلیمانی انتخابات کے شیڈول کا اعلان کر دیا، پولنگ 7 جنوری کو ہو گی۔
فائر سروس کے مطابق، شرپسندوں نے جمعرات کی صبح 9 بجے تک شیڈول کے اعلان کے بعد سے ملک بھر میں بسوں، ٹرکوں، ٹرینوں، ہیومن ہولرز اور کور وینز سمیت 12 گاڑیوں کو آگ لگا دی۔