پی ٹی آئی حکومت کے چیئرمین ایف بی آر شبر زیدی نے نیا پینڈورا باکس کھول دیا جس میں انہوں نے کہا کہ اگر تحریک انصاف کی حکومت چلتی رہتی تو مدت ختم ہونے تک ملک معاشی طور پر تباہ ہو جاتا۔جیونیوز کے پروگرام میں گفتگو کرتے ہوئے شبر زیدی نے کہا کہ ہم چیئرمین پی ٹی آئی کو مشورہ دیتے تھے مگر وہ اس وقت کچھ سننے کے موڈ میں نہیں تھے، (ن) لیگ کے اراکین کے ٹیکس کی فائلیں مانگی جاتی تھیں۔
انہوں نے کہا کہ شاہ محمود قریشی کی قیادت میں 40 اراکین اسمبلی آئے، نصراللہ دریشک نے کہا کہ تم ابھی بچے ہو، یہ تمہارے بس کا کام نہیں۔
شبر زیدی نے مزید کہا کہ تمباکو مافیا کو ٹیکس نیٹ میں لانے کی کوشش کی، خیبر پختونخوا سے ارکان اسمبلی نے کہا آپ ہمارے علاقے میں نہیں آسکتے، قبائلی علاقوں میں اسٹیل ری رولنگ ملز پر ہاتھ ڈالا تو فاٹا کے 20 سینیٹرز چیئرمین پی ٹی آئی کے پاس آکر بیٹھ گئے کہ شبر زیدی کو روکیں۔
دوسری جانب اسد عمر نے شبر زیدی کے بیان پر ٹوئیٹر کے زریعے رد عمل دیتے ہوئے کہا کہ’تحریک انصاف کی حکومت اگست 2018 میں بنی تھی، پی ٹی آئی حکومت کے اختتام پر اسٹیٹ بینک کے زر مبادلہ ذخائر 9.8 ارب ڈالر تھے، میرے وزارت خزانہ سے ہٹنے کا مہینہ اپریل 2019 تھا، میرے وزارت خزانہ سے ہٹنے کے وقت زر مبادلہ کے ذخائر 8.7 ارب ڈالر تھے، یہ ڈیفالٹ کی کہانی کہاں سے آگئی؟ موجودہ حکومت کے دور میں زر مبادلہ کے ذخائر 3 ارب ڈالر سے بھی کم ہو گئے تھے پھر بھی قرضوں کی ادائیگی میں ڈیفالٹ نہیں ہوا تو 8.7 ارب ڈالر پر ڈیفالٹ کیسے ہوتا؟
Author: صدف ابرار
شبر زیدی اور اسد عمر آمنے سامنے
صوابی کنڈل ڈیم میں دو افراد ڈوب گئے،تلاش جاری
کنڈل ڈیم کے مقام پر میں دو افراد کے ڈوب گئے ہے ،ریسکیو حکام کے مطابق کنڈل ڈیم جھنڈا کے مقام پر دو افراد کے ڈوبنے کی اطلاع ریسکیو 1122 صوابی کنٹرول روم کو موصول ہوئی ، اطلاع ملنے پر ڈسٹرکٹ ایمرجنسی آفیسر رفیع اللہ مروت کی ہدایت پر ریسکیو 1122 صوابی کی واٹر ریسکیو/غوطہ خور ٹیم جائے حادثہ کی طرف روانہ کر دی گئی۔ ریسکیو 1122 صوابی کی واٹر ریسکیو ٹیم نے موقع پر پہنچ کر واٹر ریسکیو سرچ شروع کر دیا۔
ڈوبنے والے افراد میں جمال عمر 16 سال سکنہ سگندے اور آفتاب عمر 18 سال سکنہ مینئی ہے تازہ ترین اطلاعات کے مطابق ڈوبنے والے دونوں افراد کی تلاش کیلئے واٹر سرچ آپریشن جاری ہے۔
پشاور ، چیف ٹریفک آفیسر قمر حیات خان نے ٹریفک پلان پر عملدرآمد سے متعلق انتظامات کا جائزہ
چیف ٹریفک آفیسر قمر حیات خان کا 9ویں محرم الحرام کے سلسلے میں کینٹ کے ماتمی جلوسوں کے روٹس کا دورہ، دورے کے دوران ڈی ایس پی کینٹ سعید خان بھی انکے ہمراہ تھےچیف ٹریفک آفیسر نے محرم الحرام کے دوران شہر بھر میں ٹریفک کی روانی برقرار رکھنے کے لئے متبادل روٹس پر تعینات نفری سے ملاقات کی‘ چیف ٹریفک آفیسر قمر حیات خان نے ٹریفک پلان پر عملدرآمد سے متعلق انتظامات کا جائزہ لیا جس پر اطمینان کا اظہار کیا،اس موقع پر چیف ٹریفک آفیسر قمر حیات خان نے ٹریفک حکام اور اہلکار ٹریفک پلان پر من و عن عملدرآمد کو یقینی بنائیں تاکہ شہریوں کو کسی قسم کے مشکلات کا سامنا نہ ہو’ ٹریفک حکام اور اہلکاروں سمیت فورک لفٹرز اور چپس رائیڈرز ہمہ وقت موجود رہیں تاکہ سڑکیں رواں دواں ہوں،شہر میں ٹریفک کی روانی برقرار رکھنے کے لئے متبادل روٹس پر بھاری نفری تعینات کی گئی ہے تاکہ شہریوں کو کسی قسم کے مشکلات کا سامنا نہ ہو‘ ٹریفک حکام شہر بھر میں نو پارکنگ زون میں گاڑیاں کھڑی کرنیوالوں کے خلاف کارروائیاں عمل میں لائیں‘ نو پارکنگ زون کی خلاف ورزی کرنے پر گاڑیوں کو فورک لفٹر کے ذریعے اٹھا کر مالکان کے خلاف کارروائی عمل میں لائی جائے،
واضح رہے کہ عشرہ محرم کے دوران حکومتی ہدایات کے مطابق ڈبل سواری کے مرتکب افراد اور کالے شیشوں کا استعمال کرنیوالوں کے خلاف بھی کارروائیاں جاری ہے‘ چیف ٹریفک آفیسر قمر حیات خان نے محرم الحرام کے دوران شہریوں کو سہولت فراہم کرنے کے لئے سوشل میڈیا کے تمام سائٹس اور ایم ایف ریڈیو 88.6 پر باقاعدہ متبادل روٹس کے بارے میں آگاہی دینے کے احکامات جاری کر دیئے،اور ٹریفک افسران اور اہلکار محرم الحرام کے دوران ٹریفک کی روانی برقرار رکھنے کے لئے تمام تر صلاحیتیں بروئے کار لائیں‘ حکومتی احکامات پر ہر صورت میں عملدرآمد کو یقینی بنایا جائے جبکہ خلاف ورزی کرنیوالوں کے ساتھ سختی سے نمٹا جائے گا’
بابو سر ٹاپ پر گاڑیوں میں تصادم کے نتیجے میں 8 افراد جاں بحق،9 زخمی
بابوسر ٹاپ کے قریب کار اور وین کےدرمیان تصادم کے نتیجے میں خواتین اور بچوں سمیت 8 افراد جاں بحق اور 9 زخمی ہوگئے۔ریسکیو حکام کے مطابق حادثہ بابو سر ٹاپ کے قریب گیٹی داس کے مقام پر پیش آیا، اور حادثے کے بعد وین میں آگ لگ گئی، حادثے کا شکار ہونے والی ہائی روف میں سیاح سوار تھے۔
ریسکیو حکام نے بتایا کہ لاشوں اور زخمیوں کو چلاس اسپتال منتقل کر دیا گیا ہے، جاں بحق افراد میں خواتین اور بچے بھی شامل ہیں، اور مرنے والوں کا تعلق پنجاب کے شہر ساہیوال سے ہے۔ڈی ایس پی بالاکوٹ کا کہنا ہے کہ حادثہ میں مزید اموات کا حدشہ ہے، ریسکیو اہلکار اور مانسہرہ پولیس اور چلاس پولیسں امدادی کاروائیوں میں مصروف ہے۔
سابق وزیراعلی خالد خورشید نے بابوسر کے مقام پر سیاحوں کی گاڑی کے حادثے میں قیمتی انسانی جانوں کے نقصان پر گہرے دکھ کا اظہار، زخمیوں کی جلد صحت یابی کے لئے دعا کی،سابق وزیراعلی نے بابوسر کے مقام پر سیاحوں کی گاڑی کے حادثے میں قیمتی انسانی جانوں کے نقصان پر گہرے دکھ کا اظہار کرتے ہوئے زخمیوں کی جلد صحت یابی کے لئے دعا کی ہے۔ سابق وزیراعلی نے کہا ہے کہ مشکل کی اس گھڑی میں ہم سب غمزدہ خاندانوں کے ساتھ کھڑے ہیں۔ اللہ تعالیٰ متاثرہ خاندان کو صبر جمیل عطا فرمائے آمین
پی ٹی آئی اور اداروں کے درمیان تعلقات بہتر کرنے کی کوشش کرونگا،علی محمد خان
سانحہ 9 مئی کے الزام میں قید پی ٹی آئی کے سینیئر رہنما علی محمد خان نے 80 روز بعد رہائی ملنے کے بعد ایک ویڈیو بیان میں کہا کہ 9 مئی کو جس نے بھی غلط کیا اسے سزا ملنی چاہیے، مجھ پر اس حوالے سے غلط الزام لگایا گیا، یہ ہماری پارٹی کی پالیسی نہیں تھی۔
رہائی کے بعد اپنے پہلے ویڈیو بیان میں علی محمد خان نے کہا کہ پاک فوج مضبوط ہو گی تو ملک مضبوط ہو گا۔ میں پی ٹی آئی اور اداروں کے درمیان فاصلے ختم کرنے کی کوشش کروں گا۔انہوں نے کہا کہ پاکستان کو سیاسی انتقام نہیں سیاسی استحکام کی ضرورت ہے، ملک کو شفاف انتخابات کی طرف لے کر جانا ہو گا۔
انہوں نے کہا کہ سابق وزیراعظم عمران خان پر دہشتگردی کے پرچے کاٹنا پاکستان کی بدنامی ہے، جیل میں 80 سالہ ماں کی فکر تھی کہ میرے بغیر والدہ کا وقت کیسے گزر رہا ہوگا۔انہوں نے کہا کہ ماں نے اڈیالہ جیل میں جنگ میں محاذ خالی نہ چھوڑنے کا پیغام دیا۔علی محمد خان نے کہا کہ عمران خان ایک بار پھر وزیراعظم بنیں گے، وہی میرے لیڈر ہیں اور ان کے ساتھ کھڑا ہوں۔واضح رہے کہ علی محمد خان کی گرفتاری 11 مئی کو عمل میں لائی گئی تھی جب عمران خان کی گرفتاری کے بعد پی ٹی آئی کارکنوں نے ملک کی اہم تنصیبات پر دھاوا بولا تھا۔
چاہے کچھ بھی ہو،اگلی حکومت پی ٹی آئی کی ہی ہو گی، عمران خان
پاکستان تحریک انصاف کے چیئرمین عمران خان نے کہا ہے کہ مجھے چاہے جیل میں ڈالیں یا نااہل کردیں انتخابات میں تحریک انصاف کلین سویپ کرے گی، کوئی طاقت عوام کے دلوں سے پی ٹی آئی کی محبت ختم نہیں کر سکتی۔جمعرات کو ویڈیو لنک سے خطاب کرتے ہوئے انہوں نے کہا کہ عارضی طور پر دہشت پھیلا کر لوگوں کو چپ تو کرایا جا سکتا ہے مگر یہ ممکن نہیں کہ انتخابات میں قوم کا مقابلہ کیا جا سکے کیوں کہ موجودہ حکمرانوں کے خلاف عوام کے دلوں میں غم وغصہ ہے۔ عمران خان نے کہا کہ علی محمد خان کی رہائی پر مجھے خوشی ہے، کسی کے پاس کوئی ثبوت ہی نہیں تھا کہ علی محمد خان 9 مئی کے واقعہ میں ملوث تھا، یہی کیس شہریار آفریدی کا ہے اس کی بھی ضمانت منظور ہو چکی ہے۔
پی ٹی آئی چیئرمین نے کہا کہ اس ملک میں تحریک انصاف کی حمایت کرنا جرم بن گیا ہے، یہاں تک کے شوکت خانم جیسے ادارے کو بھی معاف نہیں کیا جا رہا۔عمران خان نے کہا کہ میں ان ظالم حکمرانوں کے خلاف اکیلا کھڑا ہوں اور یہ صرف ایمان کی بنیاد پر ہے۔ یہ جو بھی چال چلتے ہیں خود اس میں پھنس جاتے ہیں اور سچ سامنے آ جاتا ہے۔انہوں نے کہا کہ نیب برطانیہ سے سپریم کورٹ کے اکاؤنٹ میں آنے والی رقم کے حوالے سے تحقیقات کر چکا ہے اور جب اسے کچھ نہیں ملا تو انکوائری بند کر دی گئی۔ جب ایک انکوائری بند ہو جائے تو دوبارہ کھولی ہی نہیں جا سکتی۔سابق وزیراعظم نے کہا کہ توشہ خانہ کیس میں مجھ سے وہ سوالات پوچھے جا رہے ہیں جو آج تک کسی سے نہیں پوچھے گئے۔ جب میں نے رقم ادا کر کے تحفہ لے لیا تو پھر میری مرضی جسے مرضی دے دوں۔
چئیر مین جوائنٹ چیفس آف سٹاف آسٹریلیا کے تین روزہ دورے پر ہے
چیئرمین جوائنٹ چیفس آف اسٹاف کمیٹی جنرل ساحر شمشاد مرزا اسٹریلیا کے تین روزہ سرکاری دورے پر ہے، چئیر مین جوائنٹ چیفس آف سٹاف دفاعی اور سیکیورٹی مذاکرات اور 1.5 ٹریک سیکیورٹی ڈائیلاگ کے لئے آسٹریلیا میں موجود ہے،
دورے کے دوران، جنرل ساحر شمشاد نے نے اعلیٰ درجے کی سویلین اور عسکری قیادت سے ملاقات کی جس میں جنرل اینگس جے کیمبل، چیف آف ڈیفنس فورسز آسٹریلیا بھی شامل تھے۔ ملاقاتوں میں دونوں افواج نے فوجی تعاون کو مزید وسعت دینے پر اتفاق کیا۔ چئیر مین جوائنٹ چیفس آف سٹاف کمیٹی جنرل ساحر شمشاد نے رائل ملٹری کالج کا بھی دورہ کر کے آسٹریلین ڈیفنس کالج کے شرکاء سے خطاب کیا،
مجھے اپنے بیٹے کی شہادت اور بہادری پر فخر ہے۔ والد ایس ایچ او عدنان آفریدی
گزشتہ منگل کو ضلع خیبر کے مسجد میں ہونے والے خودکش دھماکے میں شہید ہونے والےایڈیشنل ایس ایچ او عدنان افریدی کے والد نے ،عدنان کے شہادت پر فخر اور خوشی کا اظہار کرتے ہوئے کہا کہ وہ ایک نڈر اور بہادر انسان تھے،ابتدائی تعلیم پشاور سے حاصل کی ،تعلیم مکمل کرنے کے بعد خاصہ دار فورس میں میری جگہ بھرتی ہوا،
اس سے پہلے عدنان آفریدی ضلع تیراہ میں ایڈیشنل ایس ایچ او کے طور پر کام کر رہا تھا ،عدنان افریدی ایک خوش اخلاق انسان تھے،عدنان آفریدی کے والد نے کہا کہ مجھے اپنے بیٹے پر فخر ہے جس نے اپنے ملک کے حفاظت کے لئے اپنے جان کی قربانی دی،والد عدنان آفریدی کے مطابق عدنان کے پانچ بچے ہے جن میں تین لڑکیاں اوردو لڑکے شامل ہے،عدنان آفریدی کے والد نے کہا کہ عدنان کے علاوہ اسکے اور تین بیٹے ہے جن کو وطن کی حفاظت پر نچاور کرنے کے لئے ہر وقت تیار ہوں،
واضح رہے کہ 25 جولائی کو ایک دہشت گرد نے جمرود کے علاقے میں قائم مسجد میں گھسنے کی کوشش کی، پولیس اہلکار نے اسے روکنے کی کوشش کی تو دہشت گرد نے خود کو دھماکے سے اڑا دیا تھا جس کے نتیجے میں ایڈیشنل ایس ایچ او عدنان آفریدی شہید ہو گئے تھے۔
پاک بھارت میچ احمد آباد میں ہی شیڈول، 15 اکتوبر کے بجائے کسی اور تاریخ کو ہو گا، جے شاہ
سیکرٹری بی سی سی آئی جے شاہ نے پاک بھارت میچ کی تاریخ بدلنے کی تصدیق کر دی پاک بھارت میچ احمد آباد میں ہی شیڈول، 15 اکتوبر کے بجائے کسی اور تاریخ کو ہو گا، جے شاہ کے مطابق احمد آباد میں 15 اکتوبر سے ہی ناورتری تہوار کی وجہ سے سیکورٹی ایجنسیز کے کہنے پر تاریخ بدلنا پڑی لہذا 3 ممبر ممالک نے میچز ری شیڈول کرنے کی درخواست دی، سیکرٹری بھارتی بورڈ کے مطابق کس کس ملک نے میچز ری شیڈول کرنے کی درخواست کی، جے شاہ نے یہ نہیں بتایا.آئی سی سی کرکٹ ورلڈ کپ کے شیڈول میں پاک بھارت میچ کے وینیو کی تبدیلی کا فیصلہ ایک سے دو روز میں ہونے کا امکان ہے۔ نئی دلی میں بھارتی کرکٹ بورڈ نے ورلڈکپ کے حوالے سے تمام ریاستی کرکٹ نمائندوں کی ہنگامی میٹنگ بلائی تھی۔بھارتی میڈیا رپورٹس میں کہا گیا ہے کہ پاکستان اور بھارت کے درمیان میچ 14 اکتوبر کو احمد آباد میں ہونے کا امکان ہے۔ تاہم اس تبدیلی کے حوالے سے جے شاہ کا کہنا تھا کہ دو سے تین ممبرز ممالک نے میچز کے درمیان وقفہ کم ہونے کی وجہ سے شیڈول میں تبدیلی کی درخواست کی ہے، اس کے ساتھ ساتھ جے شاہ نے کہا کہ ورلڈ کپ کے جاری شدہ شیڈول میں زیادہ تبدیلیاں نہیں کی جائیں گی۔
حکومت رخصتی سے قبل بجلی کی قیمتوں میں اضافہ واپس لے،امیر جماعت اسلامی
جماعت اسلامی پاکستان کے امیر سراج الحق نے کہا ہے کہ اگر اسحاق ڈار کو ہی نگراں وزیراعظم بنانا ہے تو پھر شہباز شریف کو ہی رہنے دیں، نگراں وزیراعظم نیوٹرل ہونا چاہیے، ہم کوئی ٹوپی ڈرامہ قبول نہیں کریں گے۔لاہور میں پریس کانفرنس کرتے ہوئے سراج الحق نے کہا کہ اسحاق ڈار موجودہ حکومت کے وزیر خزانہ ہیں وہ نگراں وزیراعظم کیسے بن سکتے ہیں۔ حکومت رخصتی سے قبل بجلی کی قیمتوں میں اضافہ واپس لے۔سراج الحق نے کہا کہ سمجھ نہیں آرہا کہ کس کے کہنے پر نگراں حکومت کے اختیارات میں اضافہ کیا گیا، یہ اقدام آئندہ عام انتخابات کے خلاف سازش ہے۔سراج الحق نے کہا کہ موجودہ حکومت نے جاتے جاتے 3 دفعہ بجلی کی قیمتوں میں 72 فیصد تک اضافہ کیا، ہمارا مطالبہ ہے کہ آئی ایم ایف کے ساتھ کیے گئے معاہدے اسمبلی میں پیش کیے جائیں۔انہوں نے کہا کہ موجودہ حکمرانوں نے بدترین مہنگائی کی، آٹے اور ادویات کی قیمتوں میں کئی گنا اضافہ کیا گیا، بجلی بلوں میں ریڈیو ٹیکس بھی لگایا گیا ہے، اس وقت لوگ خود کشی پر مجبور ہو چکے ہیں۔
امیر جماعت اسلامی نے کہا کہ موجودہ حکومت ناکام ترین ثابت ہوئی ہے، ان کا جتنی جلدی اختتام ہو جائے بہتر ہے، انہوں نے تو بس اپنے کیسز ہی ختم کروائے ہیں، سراج الحق نے حکومت سے انتخابات وقت پر کرنے کا مطالبہ کیا
امیر جماعت اسلامی نے کہا کہ حکومت کے ظلم و جبر کی وجہ سے ادارے مفلوج ہو کر رہ گئے ہیں۔ موجودہ حکمرانوں کے ہوتے ہوئے عوام کے لیے خیر کی کوئی خبر نہیں ہے۔انہوں نے کہا بہاولپور یونیورسٹی کا اسکینڈل سامنے آنا انتہائی تشویشناک ہے، استاد اور طالبعلم کا مقدس رشتہ ہوتا ہے، ہم نے حکومت کو 3 اگست تک ڈیڈ لائن دی ہے کہ واقعہ ملوث افراد کو کٹہرے میں لایا جائے۔
