تھانہ کلاچی کی حدود میں نامعلوم دہشتگردوں کی فائرنگ سے شہید ہونیوالے ڈرائیور کانسٹیبل مبارک شاہ کی نماز جنازہ اعجاز شہید پولیس لائن میں ادا کردی گئی ، نماز جنازہ میں ڈسٹرکٹ پولیس آفیسر ڈیرہ عبدالرﺅف بابر قیصرانی،ڈپٹی کمشنر ڈیرہ منصور ارشد،ایڈیشنل ایس پی ڈیرہ افتخار شاہ،ایس پی انوسٹی گیشن افتخار علی،ڈی ایس پی ہیڈکوارٹرز اصغر علی شاہ و دیگر پولیس افسران ،امن کمیٹی کے ممبران اور سماجی شخصیات نے شرکت کی۔پولیس کے چاک وچوبند دستے نے شہید کانسٹیبل مبارک شاہ کو سلامی دی جبکہ ڈپٹی کمشنر ڈیرہ،ڈی پی او ڈیرہ و دیگر افسران نے شہید کانسٹیبل کی جسد خاکی پر پھولوں کی چادریں چڑھائی، اس موقع پر ڈسٹرکٹ پولیس آفیسر ڈیرہ عبدالرﺅف بابر قیصرانی نے شہید کانسٹیبل مبارک شاہ کو خراج تحسین پیش کرتے ہوئے کہاکہ شہداء کی قربانیوں سے ہی امن کی فضاء قائم ہوئی ۔ دہشت گردی کے مذموم عزائم کو ناکام بنائیں گے ۔ امن دشمنوں کو کسی صورت ان کے ناپاک عزائم میں کامیاب نہیں ہونے دیں گے،
Author: صدف ابرار
پہلے ہی کہا تھا عمران خان یہودی لابی کا حصہ ہے،پی ڈی ایم سر براہ مولانا فضل الرحمن
سربراہ جے یو آئی مولانا فضل الرحمان نے پریس کانفرنس کرتے ہوئے کہا کہ وقت گزرنے کے ساتھ اصل حقائق سامنے آرہے ہیں، چیئرمین پی ٹی آئی سے متعلق 10 سال پہلے بتادیا تھا، یہ بیرونی ایجنٹ اور یہودی لابی کے ساتھ رابطے میں ہے۔مولانا فضل الرحمان نے کہا کہ 2018 میں ان کی عالمی قوتوں نے مالی مدد کی، اس کے حق میں پروپیگنڈے کیے گئے، پاکستان توڑنے کی سازش میں شریک امریکا پاکستان تنقید کررہا ہے، چیئرمین پی ٹی آئی نے اپنے ہی لوگوں پر الزام لگایا، جنسی تشدد کے الزامات لگائے۔ان کا کہنا تھا کہ سائفر پر سیکرٹری کا بیان آیا ہے کہ سب ڈرامہ تھا، امریکا کا مہرہ باتیں کرکے چورن بیچتا ہے،عوام کو گمراہ کرنے کی کوشش کی گئی۔سربراہ جے یو آئی ف نے مزید کہا کہ عام انتخابات میں بھر پور حصہ لیں گے، پورے ملک میں ہر حلقے میں اپنا امیدوار لائیں گے، سیٹ ایڈجسمنٹ کی ضرورت ہوئی تو اضلاع کی سطح پر ہوگی، آج سے جے یو آئی کی رکنیت سازی شروع ہورہی ہے۔مولانا فضل الرحمان نے کہا کہ عمران خان کو اب منہ چھپانے کی جگہ نہیں ملی گی،حقیقت قوم کے سامنے آچکی ہے،اب قوم فیصلہ کرے کہ انہوں نے کس کو اپنا لیڈر مقرر کر نا ہے،
خیبر پختونخوا کابینہ میں ردوبدل کیا گیا
گورنر خیبرپختونخوا نے صوبائی کابینہ میں ردوبدل کی سمری کی منظوری دے دی اے این پی کی سفارش پر وزیر صنعت عدنان جلیل کو کابینہ سے ہٹاکر وزارت مشیر کھیل مطیع اللہ کو دے دی گئی زرائع کے مطابق سمری کی منظوری کے بعد وزیرصعنت عدنان جلیل کو کابینہ سے ہٹا دیا گیا ذرائع کے مطابق مشیر کھیل مطیع اللہ کو وزیر بنا کر صنعت کی وزارت دیدی گئی جبکہ اشرف داوڑکو معاون خصوصی برائے وزیراعلی بنا دیا گیا ذرائع کے مطابق کابینہ میں ردوبدل کا نوٹی فیکیشن جلد جاری ہونے کا امکان ہے واضح رہے کہ اے این پی نے نگراں وزیراعلی کو عدنان جلیل پر عدم اعتماد کا اظہار کر کے عہدے سے ہٹانے کا کہا تھا،
پاکستانی کوہ پیماء ساجد سدپارہ نے بغیر آکسیجن کے ایک اور چوٹی سر کرلی
پاکستانی کوہ پیماء ساجد سدپارہ نے پورٹر سپورٹ اور مصنوعی آکسیجن کے بغیر دنیا کی 12 ویں بلند ترین چوٹی’براڈ پیک‘ کو بھی سر کرلیا۔ ساجد سدپارہ نے بغیر مصنوعی آکسیجن کے اپنے کیرئیر میں 8 ہزار میٹر سے بلند آٹھویں چوٹی سر کی ہے۔براڈ پیک کی بلندی 8 ہزار 51 میٹر ہے جبکہ اسے دنیا کی 12 ویں بلند ترین چوٹی شمار کیا جاتا ہے۔ساجد سدپارہ پاکستان کی تمام پانچ، "8 تھاؤزینڈرز” مصنوعی آکسیجن کے بغیر سر کر چکے ہیں۔ اس سے قبل ساجد سدپارہ ایوریسٹ، کے ٹو، نانگا پربت، اناپورنا، مناسلو، جی ون اور جی ٹو بھی مصنوعی آکسیجن کے بغیر سر کر چکے ہیں۔
سی سی پی او پشاور سید اشفاق انور کی زیر صدارت ضلع بھر کے پولیس افسران کے ساتھ خصوصی میٹنگ کا انعقاد
صوبائی دارالحکومت پشاور میں پرامن محرم الحرام یقینی بنانے کے لیے تشکیل شدہ سکیورٹی پلان کا جائزہ لینے اور حساس و انتہائی حساس مقامات کی سکیورٹی آڈٹ کے لئےسی سی پی او پشاور سید اشفاق انور کی زیر صدارت پولیس لائن میں ضلع بھر کے پولیس افسران کے ساتھ میٹنگ کا انعقاد کیا گیا، خصوصی میٹنگ میں ایس ایس پی آپریشنز ہارون الرشید خان، چیف ٹریفک آفیسر قمر حیات خان، ایس ایس پی کوارڈی نیشن میر فراز خان، ڈویژنل ایس پیز، ایس ڈی پی اوز اور تمام ایس ایچ اوز نے شرکت کی،
سی سی پی او پشاور سید اشفاق انور کی زیر صدارت ہونے والی میٹنگ میں محرم الحرام کے پر امن انعقاد کیلئے کئے گئے اقدامات اور تمام تر سکیورٹی انتظامات پر تبادلہ خیال کیا گیا ، میٹنگ کے دوران سی سی پی او نے پولیس افسران کو فل پروف سکیورٹی کی خاطر تمام تر توانائیاں بروےکار لا نے کی ہدایت کی، انہوں نے کہا کہ کسی بھی ناخوشگوار واقعہ سے بروقت نمٹنے کی خاطر دیگر اداروں کے ساتھ مربوط کوارڈینیشن قائم کیا جائے، انہوں نے کہا کہ ماتمی جلوس، مجالس اور دیگر تقریبات کیلئے تھری لئیر سکیورٹی فراہم کی جائے گی جبکہ بی ڈی یو اور سنیفر ڈاگز کے ذریعے سویپنگ کے ساتھ ساتھ اونچے عمارتوں پر ماہر نشانہ باز تعینات کئے جائیں ،سی سی پی او نے محرم الحرام کے پر امن انعقاد کے لئے تمام مکاتب فکر، تاجر برادری ، رضا کاروں اور تمام مسالک سے تعلق رکھنے والے علماء کرام اور راہنماوں کیساتھ قریبی رابطہ رکھنے پر زوردیا سکیورٹی ڈیوٹی کیلئے دیگر اضلاع سے آنے والے پولیس اہلکاروں کو سہولیات فراہم کرنے کیساتھ ساتھ خوراک کے معیار کا متعلقہ ایس پیز خود جائزہ لے اور نگرانی کریں ، انہوں نے مزید کہا کہ سکیورٹی پلان پر من و عن عمل کرکے تمام امام بارگاہوں اور دیگر عبادت گاہوں کو فول پروف سیکیورٹی انتظامات مکمل کی جائیں
سی سی پی او سید اشفاق انور نے ٹارگٹڈ سرچ اینڈ سٹرائیک آپریشنز میں مزید تیزی لانے پر زور دیا ، انہوں نے سٹی پٹرولنگ ، ابابیل سکواڈ اور لوکل پولیس گشت میں اضافہ کیساتھ ساتھ سنیپ چیکنگ اور ناکہ بندیوں پر چیکنگ بہترکرنے کی ہدایت کی، سماج دشمن عناصر، جرائم پیشہ افراد اسلحہ نمائش اور ڈبل سواری کرنے والوں کے خلاف بلا تعطل کارروائیاں جاری رہے گی، اندرون شہر سمیت تمام حساس مقامات اور امام بارگاہوں کی سیکیورٹی انتظامات کی ڈویژنل ایس پیز خود نگرانی کریں ،میٹنگ کے دوران سی سی پی او نے کہا کہ شہر میں داخل ہونے والے تمام افراد اورگاڑیوں کی کڑی نگرانی کی جائے، محرم الحرام کے پر امن انعقاد کے لئے تمام مکاتب فکر، تاجر برادری اور تمام مسالک سے تعلق رکھنے والے علماء کرام اور راہنماوں قریبی رابطہ میں رہیں ،انہوں نے کہا کہ محرم الحرام کے دوران ٹریفک کی روانی کیلئے خصوصی ٹریفک پلان تشکیل دیا گیا جس کے تحت تمام روٹس کی چیف ٹریفک آفیسر خود نگرانی کریں گے،
عوامی نیشنل پارٹی میں اختلافات شدت اختیار کر گئے
سوات کے سابق ایم این اے مظفر ملک کاکی خان نے اپنے خاندان سمیت عوامی نیشنل پارٹی سے اپنا رابطہ توڑ کر استعفی دے دیا،ضلع سوات میں عوامی نیشنل پارٹی میں اختلافات شدت اختیار کر گئے ہے اور کارکنان کی جانب سے استعفوں کا سلسلہ بتدریج جاری ہے،ایم این اے مظفر ملک نے پارٹی کے عہدے سے استعفی دے کر صوبائی وزیر واجد علی خان کی حمایت کر دی ہے،زرائع کے مطابق پارٹی سینئر نثار خان بھی پارٹی سے استعفی دینے والے ہے جس کا اعلان جلد کیا جائے گا ،واضح رہے کہ عوامی نیشنل پارٹی میں اختلافات کی وجہ صوبائی وزیر واجد علی خان ہے ،جس نے سب سے پہلے نیشنل پارٹی سے الگ ہو کر استعفی دے دیا تھا ،جس کے بعد متعدد کارکنان اور اے این پی رہنماؤں نے واجد علی کے حمایت میں مستعفی ہوئے،زرائع کا یہ بھی کہنا ہے کہ اے این پی میں اختلافات مزید شدت اختیار کرنے والی ہے اور بہت جلد مزید استعفے سامنے ائے گے،
ایشیا کپ کے شیڈول کا اعلان , پاک بھارت ٹاکرا کب ہو گا؟
ایشین کرکٹ کونسل اور پاکستان کرکٹ بورڈ نے ایشیا کپ 2023 کے شیڈول کا اعلان کردیا ہے۔ 50 اوورز فارمیٹ کا یہ ٹورنامنٹ 30 اگست سے 17 ستمبر تک کھیلا جائے گا۔شیڈول کے اعلامیے کے مطابق ایشیا کپ کا آغاز 30 اگست کو ہو گا، پہلا میچ پاکستان اور نیپال کے درمیان ملتان میں کھیلا جائے گا، جس کے بعد اگلے ہی روز ٹیمیں کولمبو کے لیے روانہ ہو جائیں گی، 31 اگست کو سری لنکا اور بنگلہ دیش کی ٹیمیں کینڈی میں آمنے سامنے ہوں گی۔ایشیا کپ کے 13 میچوں کے لیے چار وینیوز کا انتخاب عمل میں آیا ہے۔ میزبان پاکستان 4 میچوں کاانعقاد کرے گا۔ ملتان میں ایک جبکہ لاہور میں 3 میچ کھیلے جائیں گے۔ سری لنکا میں 9 میچز ہوں گے جن میں سے کینڈی میں 3 اور کولمبو میں 6 میچز کھیلے جائیں گے۔اے سی سی کے مطابق پاکستان اور بھارت کی ٹیمیں 2 ستمبر کو گروپ میچ کھیلیں گی، پاکستان اور بھارت کا میچ سری لنکا کے شہر کینڈی میں ہو گا جبکہ 3 ستمبر کو بنگلا دیش اور افغانستان کی ٹیمیں لاہور میں آمنے سامنے ہوں گی۔پاکستان اور انڈیا دونوں نے سپر فور مرحلے میں جگہ بنالی تو پھر یہ دونوں ایک بار پھر 10 ستمبر کو کولمبو میں مدمقابل ہوں گے۔ایشین کرکٹ کونسل کے صدر جے شاہ نے ٹوئیٹر پر اپنا پیغام جاری کرتے ہوئے کہا ہے کہ ہم ایشیا کپ 2023 کا اعلان کرتے ہوئے خوشی محسوس کررہے ہیں جو ایک ایسا ایونٹ ہے جو ایشیائی ممالک کو مقابلے کے جذبے اور دوستی کے ذریعے متحد رکھتا ہے۔جے شاہ نے کہا کہ وہ ایشین کرکٹ کونسل کے صدر کی حیثیت سے تمام شریک ٹیموں کو خوش آمدید کہتے ہیں۔
ان کا کہنا ہے کہ ایشیا کپ اس براعظم میں کرکٹ سے پیار کرنے والوں کے دلوں میں ایک اہم مقام رکھتا ہے۔ یہ صرف ایک ٹورنامنٹ نہیں ہے بلکہ یہ ثقافتوں، روایات کی زبردست علامت بھی ہے اور تمام قوموں کو کھیل کے لیے موجود جذبے کے ذریعے ساتھ رکھتا ہے۔
پیسکو اہلکار اور پولیس پر فائرنگ کے خلاف سخت قانونی کاروائی کی جائیگی،پیسکو چیف
پشاور پیسکو چیف عارف محمود سدوزئی نے حیات آباد میڈیکل کمپلیکس کا دورہ کیا ہے، ترجمان پیسکو کے مطابق پیسکو چیف عارف محمود سدوزئی نے زخمی پولیس اہلکار کی عیادت کی۔ ترجمان پیسکو نے کہا کہ گزشتہ روز ہوئے پیسکو ٹیم اور پولیس اہلکار پر حملے کی شدید مذمت کی،واضح رہے کہ گزشتہ روز پیسکو ٹیم اور پولیس اہلکار پر فائرنگ کی گئی تھی جس کے نتیجہ میں ایک پولیس اہلکار زخمی ہوا تھا،پیسکو چیف نےحملہ آور کے خلاف سخت سے سخت قانونی کارروائی کرانے کی یقین دہانی کرائی ہے،
ترسیل کے ترقیاتی اور مرمتی کاموں کی وجہ سے پیسکو سوات سرکل میں بجلی کی فراہمی بند رہے گی
بجلی کی ترسیل کے ترقیاتی اور مرمتی کاموں کی وجہ سے سوات سرکل کے مختلف گرڈ سٹیشنز سے بجلی کی فراہمی 20 سے 31جولائی 2023 کے درمیان مختلف تاریخوں کو صبح سات بجے سے دوپہربارہ بجے تک معطل رہے گی۔ پیسکو کہ جانب سے جاری کردہ اعلامیے کے مطابق ٹرانسمیشن لائن کی سالانہ مرمت کی وجہ سے 132 کے وی جی ایس ایس امانکوٹ/مینگورہ، 132کے وی جی ایس ایس بریکوٹ، 132کے وی جی ایس ایس خوازہ خیلہ، 132کے وی جی ایس ایس مدین، 132کے وی جی ایس ایس بٹ خیلہ، 132کے وی جی ایس ایس چکدرہ،132کے وی جی ایس ایس تیمر گرہ/سادھو، 132 کے وی منڈہ،132 کے وی جی ایس ایس لال قلعہ، 66کے وی تیمر، 132 کے وی جی ایس ایس شانگلہ /بشام، 33کے وی تھا کوٹ اور 33کے وی پٹن سے بجلی کی فراہمی 20 سے 31جولائی 2023 کے درمیان مختلف تاریخوں کو صبح سات بجے سے دوپہربارہ تک معطل رہے گی۔
ضلع سوات کے مئیر، سابق صوبائی وزیر کی ضمانت منسوخ ہونے پر دوبارہ گرفتار
کے پی کے ضلع سوات کے مئیر شاہد علی خان اور سابق صوبائِی وزیر و چیئرمین ڈیڈک کمیٹی فضل حکیم انسداد دہشت گردی عدالت میں پیش ہوئے جہاں دونوں کی ضمانت منسوخ کرتے ہوئے انہیں کمرہ عدالت سے گرفتار کر لیا گیا۔ذرائع کے مطابق دونوں نے ضمانت قبل از گرفتاری لے رکھی تھی جس میں 19 جولائی تک توسیع کی گئی تھی۔ پولیس ذرائع کے مطابق دونوں ملزمان کو 10 مئی کو اشتعال انگیزی پر گرفتار کیا گیا۔ انسداد دہشت گردی عدالت میں ضمانت منسوخی کے بعد پولیس نے حراست میں لیا، پولیس ذرائع نے بتایا کہ دونوں کو جیل منتقل کردیا گیا۔
