خیبرپختونخوا سے ہارون لغاری پی ٹی آئی کا حصہ بن گئے. ہارون لغاری کا تعلق خیبرپختونخوا سے سابق وفاقی وزیر پرویز خٹک کے حلقے سے ہے ہارون لغاری نے پاکستان تحریک انصاف کی قیادت، چیئرمین عمران خان کے قانون کی حکمرانی اور حقیقی آزادی کے فلسفے پر مکمل اعتماد کا اظہار کیا۔ انہوں نے ملک میں انسانی حقوق کی بدترین خلاف ورزیوں اور جمہوری اقدار کے قتلِ عام کی شدید مذمت کی۔
ہارون لغاری نے اپنے ساتھیوں سمیت تحریک انصاف کے پیغام اور منشور کو عوام میں راسخ کرنے کے عزم کا اظہار بھی کیا۔مرکزی سیکرٹری اطلاعات تحریک انصاف رؤف حسن بھی ملاقات میں موجود تھے۔چیئرمین تحریک انصاف عمران خان نے ہارون لغاری کا تحریک میں شمولیت کے اعلان کا خیر مقدم کیا۔
Author: صدف ابرار
کے پی کے سے تعلق رکھنے والےاہم شخصیت کی پاکستان تحریک انصاف میں شمولیت
کے پی کے ،حوالہ ہنڈی میں ملوث عناصر کے خلاف ایف آئی اے کی کاروائیاں
ایف آئی اے کمرشل بینکنگ سرکل پشاور کا حوالہ ہنڈی میں ملوث عناصر کے خلاف کریک ڈاون جاری ہے ڈائریکٹر کے پی زون نثار احمد خان کی ہدایت پر رواں سال حوالہ ہنڈی اور کرنسی کی غیر قانونی ایکسچینج میں ملوث ملزمان کے خلاف سخت کارروائیاں کی گئی۔رواں سال ڈپٹی ڈائریکٹر افضل خان نیازی کی زیر نگرانی کمرشل بینکنگ سرکل پشاور نے تاریخی کامیابیاں حاصل کرتے ہوئے 82 چھاپہ مار کارروائیاں کیں،جس دوران حوالہ ہنڈی میں ملوث ملزمان کے خلاف 82 مقدمات درج کئے گئے۔چھاپہ مار کارروائیوں میں 98 ملزمان کو گرفتار کیا گیا۔رواں سال 2023 کے دوران ہنڈی حوالہ میں ملوث 36 ملزمان کو عدالتوں سے سزائیں سنائیں گیں۔چھاپہ مار کارروائیوں میں 51 کروڑ 52 لاکھ روپے مالیت کی پاکستانی و بین الاقوامی کرنسی برآمد کی گئی،چھاپوں کے دوران ملزمان کے قبضے سے بڑی تعداد میں ہنڈی حوالہ سے متعلق رسیدیں بھی برآمد کی گی۔
ایف آئی اے کمرشل بینکنگ سرکل پشاور نے گزشتہ سال بھی ہنڈی حوالہ میں ملوث عناصر کے خلاف کامیاب کارروائیاں کیں۔سال 2022 کے دوران ہنڈی حوالہ میں ملوث عناصر کے خلاف 177چھاپہ مار کارروائیاں کی گئی177 مقدمات درج کر کے 226 ملزمان کو گرفتار کیا گیا۔چھاپوں کے نتیجے میں 44 دکانوں/دفاتر کو سیل کیا گیا۔
ہنڈی حوالہ میں ملوث عناصر کے خلاف بروقت چالان جمع کر کے 44 ملزمان کو سزائیں سنائیں گیں۔
سال 2022 کے دوران 52 کروڑ 68 لاکھ روپے مالیت کی کرنسی بھی برآمد کی گئی۔
ڈائریکٹر جنرل ایف آئی اے کی ہدایت پر صوبےبھر میں ہنڈی حوالہ میں ملوث عناصر کے خلاف کریک ڈاون جاری ہے ۔ہنڈی حوالہ میں ملوث عناصر کو قانون کے مطابق کیفر کردار تک پہنچایا جائے گا۔
خفیہ ادارے کی بروقت اطلاع سے باڑہ مارکیٹ میں دہشت گردوں کا حملہ ناکام بنایا،آئی جی خیبر پختونخوا کی پریس کانفرنس
اداروں کی مربوط حکمت عملی اور بروقت اطلاع نے خیبر کو بڑی تباہی سے بچا لیا ، آئی ایس آئی نے 13جولائی کوباڑہ پولیس کو ممکنہ دہشتگرد حملے کی بروقت اطلاع دی تھی۔ آئی ایس آئی کی بروقت اطلاع سے باڑہ مارکیٹ میں دہشت گردوں کا حملہ ناکام بنا دیا گیا۔یہ کہنا تھا آئی جی خیبرپختونخوا اختر حیات کا انہوں نے مزید کہا کہ آئی ایس آئی نے 13جولائی کو باڑہ پولیس کو ممکنہ دہشتگرد حملے کی بروقت اطلاع دی تھی، آئی ایس آئی نے ممکنہ دہشتگردی کی اطلاع دی تو پولیس ہائی الرٹ تھی۔
اختر حیات کا کہنا تھا کہ دو دہشت گردوں نے تحصیل کمپاؤنڈ میں پولیس اسٹیشن پر حملے کی کوشش کی ، ایک دہشت گرد نے مرکزی اور دوسرے نے عقبی دروازے سے گھسنے کی کوشش کی، جس پر پولیس اسٹیشن کے باہر اہلکاروں نے ایک دہشت گرد کو پہلے ہی مار دیا گیا جبکہ تھانے میں گھسنے سے روکنے پر زخمی دہشتگرد نے خود کو دھماکےسے اڑالیا۔انھوں نے بتایا کہ 7سے 8منٹ میں دونوں دہشتگردوں کو پسپا کردیا گیا تھا ، صوبے بھر میں پولیس ہائی الرٹ ہے ، کےپی پولیس کا حوصلہ ہمیشہ بلند رہا ہے اورہمیشہ بہادری سے مقابلہ کیا۔
آئی جی خیبرپختونخوا نے کہا کہ انٹیلی جنس ایجنسیوں سے مربوط رابطے سے اور پولیس کی بروقت حکمت عملی سے دہشتگرد حملہ ناکام ہوا ، دہشتگردوں کے حملے میں ایک سپاہی شہید ہوئے ہیں، دونوں دہشتگرد ہلاک ہوچکے،ڈی این اے اور فنگر پرنٹ فرانزک کیلئے بھجوادیئے۔
اختر حیات کا مزید کہنا تھا کہ سیفٹی اقدامات اور سیکیورٹی انتظامات بہت ضروری ہوتے ہیں ، کوشش یہی ہوتی ہے کہ پولیس کے جوانوں کو تمام سہولتیں میسر ہوں۔
انگلش بولر اسٹورٹ براڈ نے ٹیسٹ کرکٹ میں چھ سو وکٹیں حاصل کرنے کا سنگ میل عبور کر لیا
انگلینڈ کے اسٹورٹ براڈ ٹیسٹ کرکٹ میں 600 وکٹیں حاصل کرنے والے دنیا کے پانچویں اور دوسرے فاسٹ بولر بن گئے ہیں ۔تاریخی سیریز ایشز کے چوتھے ٹیسٹ میچ میں ایک اور تاریخ رقم ہو گئی ، میزبان انگلش بولر اسٹورٹ براڈ نے ٹیسٹ کرکٹ میں چھ سو وکٹیں حاصل کرنے کا سنگ میل عبور کر لیا ، وہ اس اعزاز کے ساتھ مجموعی طور پر پانچویں اور دوسرے فاسٹ بولر بن گئے ہیں ، لیجنڈری اسپنر متھایا مرلی دھرن آٹھ سو وکٹوں کے ساتھ نمبر ون ہیں جبکہ شین وارن، انگلش فاسٹ بولر جیمز اینڈرسن اور انیل کمبلے بھی چھ سو ٹیسٹ وکٹیں گرانے کا اعزاز رکھتے ہیں ، اب اس گروپ کو اسٹورٹ براڈ نے بھی جوائن کر لیا ہے ،
قومی خاتون کوہ پیما نائلہ کیا نی کا ایک اور کارنامہ
قومی خاتون کوہ پیماء نائلہ کیانی نے پاکستان میں موجود تمام 5 ‘ایٹ تھاوزنڈرز( 8 ہزار میٹر سے بلند چوٹیاں)’ سر کرنے کا کارنامہ انجام دے دیا
نائلہ کیانی نے پاکستان میں موجود تمام 5 ‘ایٹ تھاوزنڈرز( 8 ہزار میٹر سے بلند چوٹیاں)’ سر کرلیں، اس اعزاز کے ساتھ وہ پہلی پاکستانی خاتون کوہ پیما بن گئی ہیں ،نائلہ کیانی نے دنیا کی بارہویں بلند چوٹی براڈ پیک جو کہ 8051 میٹر بلند تک پہنچ کر یہ سنگ میل عبور کیا ۔ براڈ پیک دنیا کی بارہویں بلند چوٹی ہے، قومی کوہ پیما اس سے قبل پاکستان میں کے ٹو، نانگا پربت ، گیشربرم ون اور گیشربرم ٹو سر کی تھی،،، صرف اتنا ہی نہیں بلکہ نائلہ کیانی نے نیپال میں ماؤنٹ ایوریسٹ، لوٹسے اور اناپورنا کو بھی سر کیا ہے۔ وہ نانگا پربت ، لوٹسے، اناپورنا اور گیشربرم سر کرنے والی پہلی پاکستانی خاتون بھی ہیں
نگران وزیر اعلی کے پی کے اعظم خان کا باڑہ دھماکہ کی شدید الفاظ میں مزمت
نگران وزیر اعلی اعظم خان نے حیات آباد میڈیکل کمپلیکس کا دورہ کر کے باڑہ دھماکے میں زخمیوں کی عیادت کی ہے،اس موقعے پر انہوں نے میڈیا سے گفتگو کی،
نگران وزیر اعلیٰ خیبر پختونخوا محمد اعظم کی خیبر کی تحصیل باڑہ میں دھماکہ کی شدید الفاظ میں مذمت کی ہے،وزیر اعلیٰ نے دھماکہ میں پولیس اہلکار کی شہادت پرافسوس کااظہار کیا ہے وزیر اعلیٰ کا شہید پولیس اہلکار کے لواحقین کے غم میں برابر شریک ہونے کا اظہار کیا ہے،
محمد اعظم خان کی اسپتال انتظامیہ کو زخمیوں کو بہترین طبی سہولیات فراہم کرنے کی ہدایت کی ہے، نگران وزیر اعلی اعظم خان نے کہا کہ باڑہ دھماکہ میں زخمیوں کی جلد صحتیابی کے لیے دعا گو ہوں، صوبائی حکومت متاثرہ لوگوں کو تنہا نہیں چھوڑے گی، اعظم خان نے مذید کہا کہ قیام امن کے لیے سیکیورٹی اہلکاروں نے لازوال قربانیاں دی ہیں، جس کو کبھی فراموش نہیں کیا جا سکتا،سیکیورٹی فورسز کو نشانہ دشمنوں کی بز دلی کی علامت ہے،
خیبر پختونخوا میں دہشتگردی کے مسلسل واقعات تشویشناک ہے،ایمل ولی خان
پختونخوا میں دہشتگردی کے بڑھتے ہوئے واقعات پر اے این پی کے رہنما ایمل ولی خان نے تشویش کا اظہار کیا ہے،انہوں نے کہا کہ خیبر پختونخوا میں دہشتگردی کے پے درپے واقعات تشویشناک ہیں، باڑہ میں تحصیل کمپاؤنڈ پر حملہ اور پولیس اہلکار کی شہادت افسوسناک ہے، صوبائی صدر اے این پی نے کہا کہ پختونخوا میں دہشتگرد پوری قوت کے ساتھ پولیس اور عوام کو نشانہ بنا رہے ہیں، کل شب ریگی ماڈل ٹاؤن پشاور میں دو پولیس اہلکاروں کو شہید کیا گیا،
پچھلے دنوں حیات آباد میں ایف سی کی گاڑی کو نشانہ بنایا گیا، صوبائی صدر اے این پی نے مزید کہا کہ صوابی میں شہریوں کو بھتوں کیلئے خطوط بھیجے جارہے ہیں، پورے صوبہ بھر میں عوام میں عدم تحفظ کا احساس عروج پر ہے، صوبائی صدر اے این پی نے بتایا کہ دوسرے صوبوں میں اقتدار کی جنگ جاری ہے جبکہ پشتون لاشیں اٹھا کر تھک چکے ہیں، ایمل ولی خان نے کہا کہ خیبر پختونخوا کے عوام کو دہشتگردوں کے رحم وکرم پر چھوڑ دیا گیا ہے، صوبائی صدر نے کہا کہ
پختونخوا کو مزید میدان جنگ بنانے سے گریز کیا جائے، اس نے سوال اٹھایا کہ دہشتگردوں کو فائٹرز قرار دینے والوں کے خلاف کارروائی کیوں نہیں ہوئی؟ ایمل ولی خان نے خبردار کیا دہشتگردوں کو واپس لانے والوں کے خلاف کارروائی نہیں ہوگی تو امن کا قیام ممکن نہیں،
پشاور میں دہشت گردوں کے حملے میں 2 پولیس اہلکار شہید جبکہ دو شدید زخمی ہو گئے
پشاور کے علاقے ریگی ماڈل ٹاؤن میں دہشت گردوں نے عارضی چیک پوسٹ پر کھڑی پولیس موبائل کو فائرنگ کا نشانہ بنایا جس کے نتیجے میں 2 اہلکار جاں بحق ہو گئے،پولیس کے مطابق فائرنگ ہونے کے فوری بعد زخمیوں کو کو فوری طور پر قریبی ہسپتال منتقل کیا گیا جن میں سے دو اہلکار زخموں کی تاب نہ لاتے ہوئے راستے میں دم توڑ گئے۔جبکہ دو شدید زخمی ہو گئے،
پولیس حکام کے مطابق دہشت گردوں کے حملے میں شہید ہونے والوں میں ہیڈ کانسٹیبل واجد اور ڈرائیور فرمان شامل ہیں۔
حکام نے بتایا کہ حملے کے بعد دہشت گرد فرار ہونے میں کامیاب ہوگئے ہیں جن کی گرفتاری کے لئے ناکہ بندی کر کے سرچ آپریش کا آغاز کر دیا گیا ہے۔
پشاور خودکش حملے کا مقدمہ نامعلوم ملزمان کے خلاف درج
پشاور حیات آباد میں ایف سی کی گاڑی پر ہونے والے خود کش حملے کا مقدمہ ایس ایچ او تاتارہ کی مدعیت میں سی ٹی ڈی تھانے میں درج کیا گیا، جس میں نامعلوم ملزمان کو نامزد کیا گیا ہے۔ایف آئی ار میں 7 اے ٹی اے،5 ای ایس اے اور 324 سمیت دیگر دفعات شامل کی گئیں ہیں۔
ایف آئی آر کے متن کے مطابق ایف سی اہلکار سرکاری گاڑی میں ڈیوٹی سر انجام دے رہے تھے کہ حیات آباد فیز 6 میں حملہ آور نے اپنی گاڑی ایف سی کی گاڑی سےٹکرائی، جس کے بعد خودکش حملہ آور کی گاڑی میں زوردار دھماکا ہوا۔
ایف آئی آر کے مطابق دھماکے سے ایف سی گاڑی میں بیٹھے اہلکار شدید زخمی ہوئے، دھماکے سے اطراف کی عمارتوں کو بھی نقصان پہنچا اور ساتھ ہی ایف سی گاڑی کو بھی نقصان پہنچا، جبکہ حملہ آور موقع پر ہلاک اور اُس کے زیر استعمال گاڑی مکمل تباہ ہوگئی۔
مدعی مقدمہ کے مطابق خودکش حملہ آور کا چہرہ کافی حد تک محفوظ رہا اور اُس کے دونوں ہاتھوں کی انگلیوں کے نشانات بھی سلامت ہیں۔ایف آئی آر میں لکھا گیا ہے کہ واقعہ مختلف سی سی ٹی کیمروں میں محفوظ ہوچکا ہے، ہلاک دہشت گرد کے ڈی این اے ٹیسٹ کیلئے حملہ آور کے جسم کے نمونےحاصل کرلئے ہیں۔
واضح رہے کہ گزشتہ روز حیات آباد میں ایف سی کی گاڑی پر خودکش دھماکا ہوا تھا جس میں 8 ایف سی اہلکار زخمی ہوئے تھے۔مردان میں پولیس اور دہشت گردوں کے درمیان فائرنگ کا تبادلہ،1 دہشتگرد ہلاک
ضلع مردان کے علاقے کاٹلنگ بابوزئی میں پولیس اور دھشتگردوں کے درمیان جھڑپ میں ایک دھشتگرد ہلاک جبکہ دو فرار ہونے میں کامیاب ہو گئے،دی پی او مردان کے مطابق دھشتگردوں کا تعلق کالعدم تنظیم سے تھا،ہلاک دھشتگرد کا تعلق چارسدہ سے ہے اور پولیس پر حملوں میں مطلوب تھا،پولیس کے مطابق دہشت گردوں کی موجودگی کی اطلاع خفیہ زریعے سے دی گئی جہاں پولیس کے پہنچنے پر دھشت گردوں کی جانب سے فائرنگ کی گئی تاہم پولیس کی جوابی کاروائی میں ایک دہشتگرد ہلاک اور دو فرار ہو گئے،جن کے لئے علاقے میں سرچ آپریشن شروع کیا گیا ،
